Hugrakkur kennari lét ekki kúga sig

Þegar ég hugsa til þess hvers konar kúgun fólk er beitt ef það hlýðir ekki því sem trans-hugmyndafræðin býður samfélagi, datt mér Selma Gamaleldin í hug. Hún var kennari árið 2021. Foreldrar 7 ára drengs sem skilgreindi sig (eða foreldrarnir) annað en stelpu eða strák fóru fram á að hún notaði fornafn trans-hugmyndafræðinnar.

Selma var ekki á því enda stríðir það gegn hennar trú og lífsgildum. Hún sagðist tilbúin að nota nafn barnsins í stað trans-fornafns.

Foreldrarnir létu ekki laust við fast fyrr en Selma var rekin. Hennar lífsgildi og trú voru einskins virði í augum stjórnanda og foreldra drengsins. Trans-hugmyndafræðin valtaði yfir hana.

REKIN fyrir að fylgja lífskoðun sinni og gildum.

REKIN fyrir að vilja nota nafn barns ekki trans-fornafn 7 ára drengs.

Hugrakkir einstaklingar er þáttur í Svíþjóð og að sjálfsögðu var Selma boðuð þangað, enda hugrökk fram í fingurgóma. Hér segir hún frá sinni hlið.

Hvert eru við komin þegar skólastjórnendur grípa til þessa ráðs. Hvert eru við komin þegar trans-hugmyndfræðin ræður ríkjum á þennan hátt. Ég vona að í dag 2023 höfum við lært aðeins meira og kunnum að virða skoðanir fólks og lífsgildi þó þau fari ekki saman við okkar eigin. Það sem Selma gerði er ekki brottrekstrarsök.

Hér má lesa um málið.

Hér má hlusta á annað viðtal.

Fornöfn trans-hugmyndafræðinnar þurfum við ekki nota

Þeir sem fara fyrir trans-hugmyndafræðinni hér á landi, og víða um heim, hafa kynnt sérstök fornöfn fyrir þjóðum heims sem á að gefa kynáttun, barns sem dæmi, til kynna. Kynningar fara fram í leik- og grunnskólum landsins. Margir kennarar hafa tekið trúboðastarf trans-hreyfingarinnar að sér og setja má spurningarmerki við það. Sama með háskólasamfélagið.

Mér er óskiljanlegt, í heimi þar sem stór hluti barna gímir við kvíða, að það sé svona sniðugt að hafa fornafn sem vísar til kynáttun eða kynáttunarvanda barns. Margir telja að slíkt valdi barni frekar óþægindum en þægindum. Í Bretlandi reyna menn að snúa við félagslegri merkingu barna með þessum hætti.

Engum ber skylda að að nota fornöfn trans-hugmyndafræðinnar. Þeir sem boða erindið og vilja nota fornöfnin geta gert það sín á milli. Að sjálfsögðu ef einhver vill láta ávarpa sig með sérstöku fornafni ákveður hver og einn hvort hann verði við því. Samt er það ekki öllum að skapi. Þann rétt ber að virða.

Í grunnskóla í Kópavogi voru, og eru kannski enn, fornöfn trans-hugmyndafræðinnar skrifuð upp á töflu. Haft eftir foreldri í skólanum. Já lesandi þú last rétt 2. bekk. Börn á þessum aldrei eiga stundum í vandræðum með að nota hann, hún, það.

Skólastjóri sagði í svari sínu til foreldris að það væri samþykkt í samfélaginu að nota þessi fornöfn. Spyr hvort það sé fáfræði sem veldur svona svörum eða rökþrot við spurningu. Auðvitað er það ekki viðtekin venja í íslensku samfélagi að nota umrædd fornöfn. Séu fornöfnin komin í kennsluefni hafa margir sofið á verðinum.

Sú sorglega staðreynd að orðin stelpa og strákur séu farin út úr hluta námsefnisins í kynfræðslu getur ekki endað vel. Foreldar hafa áhrif í skólakerfinu og þeir sem sætta sig ekki við þróunina þurfa að rísa upp.

Engum ber skylda til að taka fornöfn transhugmyndarfræðinnar sér í munn. Hins vegar á að bera virðingu fyrir vali fólks og viðurkenna hvernig fólk skilgreinir sig. Það setur samt engar skyldur á herðar þeirra sem vilja ekki nota orðin. Sá sem skilgreinir sig sem eitthvað annað en hann eða hún á heldur ekki að gera kröfu um að aðrir viðurkenni skilgreininguna. Bera á virðingu fyrir ákvörðun og skoðunum fólks, á báða bóga.

Margir vilja ekki nota fornöfnin því þau ganga þvert á lífsgildi viðkomandi og líffræðina. Fólk hefur val og það á ekki að stýra hvorki hugsun eða tali fólks.

Minnum bara hvort annað á, við eigum öll sama tilverurétt og minnihlutahópur hefur ekki vald eða réttindi til breyta tali eða hugsun fólks.

Fjölmiðlar í Danaveldi standa sig betur en fjölmiðlar hér á landi

þegar kemur að umfjöllun um börn og kynáttunarvanda. Samt er ekki langt síðan að augu þeirra opnuðust í útlandinu. Einn af öðrum sér það stjórnleysi sem ríkt hefur í málaflokknum. Bindum vonir við að fjölmiðlamenn hér á landi vakni einn góðan veðurdag og sjái ástæðu til að ræða fleiri hliðar transhugmyndarfæðarinnar en gert er í dag.

Lotte Ingerslev er sálgreinir sem hefur fjallað töluvert um málaflokkinn í Danmörku. Hún heldur úti góðri bloggsíðu transkoen.dk, deilir og þýðir frá öðrum löndum, kaupir rannsóknir og les þær. Miðlar svo á síðuna sína okkur hinum til happs. 

Lotte skrifar að í Danmörku og nágrannalöndunum hafi menn stigið á bremsuna þegar talað er um að ávísa hormónum til barna sem finnst þau fönguð í röngu kyni. Svona var það ekki fyrir fimm árum. Þá stigu menn bensínið í botn til að fá ,,einhverja“ í vinnu til að fá nýjar leiðbeiningar frá Landlæknisembættinu, fyrir börn og fullorðinna vegna kynáttunarvanda, það vil segja óþægindi við líffræðilega kyn.

Nú hefur komið í ljós, segir Lotte, að stofnun sem á að vernda börn, Børns vilkår, hefur verið þátttakandi í transvæðingu barna. Þeir hafa blessað upplýsingaefni sem segir að hormónablokkandi lyf séu skaðlaus.

Því hefur verið haldið fram að lyfin setji kynþroskann á ís og að hann haldi áfram ef barn hættir að nota lyfið haldið kynþroskinn áfram (Þorbjörg frá Samtökunum 78 hélt þessu fram í grein sem hún skrifaði). En það er langt í frá segir Lotte að menn séu sammála að meðferðin sé afturkræf og það gefur heilbrigðisyfirvöldum um allan heim ástæðu til að halda aftur af sér með að ávísa lyfinu til barna.

Fjölmiðlamenn á Íslandi, sýnið ábyrgð í umfjöllun ykkar um málaflokkinn. Fylgist með hvað gerist í löndunum í kringum okkur. Það sem er í gangi þar, er ekki samstíga þróuninni hér á landi. Sækið ykkur efni erlendis frá, af nógu er að taka.

Heilbrigðisþjónusta er að útvega börnum í kynáttunarvanda sálfræðihjálp til að feta stíginn. Þar held ég að Ísland standi sig illa.

Hér má sjá innlegg Lotte.

Þjarmað að danska heilbrigðisráðherranum vegna hormóna og kynskiptiaðgerða

Mikkel Bjørn frá Dansk Folkeparti (DF) í Danmörku lagði hart að heilbrigðisráðherra Dana til að fá svör við hvort ráðherrann gæti ábyrgst réttar greiningar lækna, þegar líkamlegar afleiðingar sjúklinga væru svo alvarlegar og óafturkræfar sem raun ber vitni.

Ráðherrann svaraði spurningunni ekki beint en vísaði aftur og aftur til að hún beri fullt traust til lækna og leiðbeininga Landlæknisembættisins um meðferðartilboð sem er í endurskoðun.

Vandamálið er auðvitað að fólkið sem endurskoðar leiðbeiningarnar er það sama og þegar meðferðin var kynnt og hefur verið við líði frá 2015. Fram að þessu er verið að tala um 341 börn undir18 ára.

Ekkert bendir til að meðferðirnar stoppi. Danska regnbogaráðið álítur að framvegis vilji maður gera kynskipti á þeim börnum sem hafa sýnt merki um að ,,þau tilheyri hinu kyninu“ frá því þau voru lítil.

Það er engin trygging fyrir því að greiningin sé rétt með þessari nálgun - frekar er hætta á læknismeðferð sem hefði aldrei þurft að verða raunin ef barnið hefði fengið að fara í gegnum bernskuna og kynþroskann.

Staðreyndin er að læknarnir sjálfir viðurkenna að um ágiskun sé að ræða og hefur verið frá því að meðferðin var innleidd án nokkurrar sönnunargagna árið 2015. Getgátur um greiningu hefur kostið líkamlegar afleiðingar fyrir börn.

Árið 2023 viðurkenndi Kynskiptistofan Klinik að ekki séu til sönnunargögn fyrir gagnsemi inngripanna fyrir sjúklingana. Þeir hafa ekki yfirsýn fyrir langtíma aukaverkanir af hormónum og skurðaðgerðum né yfir hve margir hefðu séð eftir líkamlegu inngripi.

Aukaverkanir af meðferðunum á sjúklinga – börnunum-  á líkama þeirra er þekkt: Beinþynning, auknar líkur á krabbameini, útlit sem samræmist ekki eigin kyni, hægist á þroska, vansköpuð kynfæri, vantar brjóstin, vangeta til að fá fullnægingu- og varanleg ófrjósemi. Leggið þetta allt við andlega vanlíðan.

Danmörk á rétt á skýrum svörum. Það er ekki nóg að ráðherra heilbrigðismála fari í hringi með rökin um að treysta læknum og Landlæknisembættinu. Það voru þau sem lögðu grunninn að þessum hörmungum til að byrja með.

Það þarf að stofna óháða nefnd sem kemst til botns í málinu, fastsetja ábyrgðina og leggja til annars konar meðferðir fyrir þessi börn og fullorðna einstakling sem eru andlega viðkvæmir. Svo ber að stoppa kynskiptimeðferðir fyrir börn- núna.

Hér má lesa allt um málið, á síðu Dansk regnbueråd

Nú skal ráðherra heilbrigðismála standa fyrir svörum

í ríki Margrétar Danadrottningar um lyfjagjafir og skurðaðgerðir á börnum með kynáttunarvanda. Danir hafa farið illa með mörg börn undanfarin ár.

Þingmál þess efnis að banna hvoru tveggja, lyfjameðferð og skurðaðgerðir, fyrir börn yngri en 18 ára sem glíma við kynáttunarvanda verður lagt fyrir danska þingið 9. maí n.k.

Ulf Baldrian hefur safnað saman spurningum sem spyrja á ráðherrann um. Hann leyfir fólki að fylgjast með, hér. Færslan hans um spurningar er frá 21. apríl.

Smá sýnidæmi af spurningum en þær eru fleiri, mun fleiri. 

Ráðherrann er beðinn að upplýsa hvort það sé opinber afstaða Landlæknisembættisins að börn niður í 2-4 ára aldurinn viti best um kynáttun sína?

Ministeren bedes oplyse om det er sundhedsstyrelsens officielle holdning at børn ned til 2-4 år bedst selv kender deres kønsidentitet?

Ráðherrann er beðin að upplýsa hvort það sé opinber afstaða Landlæknisembættisins að leikskólakennarar á leikskólum eigi að staðfesta kynáttun barna frá 2-4 ára finnst þeim þau vera hitt kynið?

Ministeren bedes oplyse om det er sundhedsstyrelsens officielle holdning at pædagoger i dagsinstitutioner skal bekræfte børns kønsidentitet fra de er 2-4 år gammel når de føler sig som det modsatte køn?

Ráðherra er beðinn að upplýsa opinberu afstöðu Landlæknisembættisins um hvort maður geti fæðst í röngu kyni?

Ministeren bedes oplyse om det er sundhedsstyrelsens officielle holdning at man kan være født i den forkerte krop med det forkerte køn?

Ráðherrann er beðinn að svara hvernig Landlæknir getur lagt nafn sitt við upplýsingar sem m.a. lætur vera að nefna að langflest börn sem glíma við kynáttunarvanda vaxi upp úr því og það hefur sýnt sig að flest verða samkynhneigð sem fullorðin.

Ministeren bedes at svare på hvordan Sundhedsstyrelsen kan lægge navn til informationsmateriale, der bl.a. undlader at nævne, at de allerfleste børn med kønsdysfori vokser fra det af sig selv, og at de fleste af dem viser sig at blive homoseksuelle som voksne?

Spurningar Ulfs má finna á snjáldursíðunni hans.  Þær eru mun fleiri og hver annarri betri. Mikið mega dönsk börn og fjölskyldur vera ánægð með svona stjórnmálamann.

Sannleikurinn kominn í ljós

Það var pólitískur þrýstingur í Danaveldi sem fékk lækna til að hverfa frá skilgreiningunni að kynáttunarvandi væri sálrænann vandi.

Á vefnum sundhed.dk stóð áður, en hefur nú verið fjarlægt því einhverjum fannst óviðeigandi að þetta stæði.

,,Í Danmörku valdi maður frá 1. janúar að hætta með skilgreininguna ICD-10 eftir pólitískan þrýsting og fjarlægja ,,transkønnethet“ sem andlega sjúkdómsgreiningu. Maður óskaðir eftir að undirstrika að hvorki væri um að ræða andlegan eða líkamlegan sjúkdóm.“

“I Danmark valgte man fra 1. januar 2017 at forlade ICD-10 klassifikationen efter et politisk pres for at fjerne fra det psykiatriske system. Man ønskede dermed at understrege, at der ikke er tale om hverken psykiatrisk eller somatisk sygdom.”

Eftir því sem ég best veit eltur íslenskir stjórnmálamenn málefnið og því var breytt hér á landi líka. Með slíkum breytingum er ljóst að börn og ungmenn sem kljást við kynáttunarvanda eiga ekki rétt á sálfræðimeðferð vegna ákvörðunar stjórnmálamanna. Þau glíma ekki við andlegan eða líkamlegan vanda.

Dómur sem hnykkti á þessu féll ekki fyrir löngu, hér á landi, um mann sem vildi nýta veikindarétt sinn til að breyta kynfærum sínum. Þar sem ekki erum veikindi að ræða fékk hann ekki laun í leyfinu til að framkvæmda aðgerðina. Launagreiðanda bar ekki að greiða launin. Kynrænt sjálfstæði spilaði þar stórt hlutverk.

Transkoen.dk segir frá.

Að upplifa sig í röngum líkama

kallar á sálfræðiaðstoð, ekki læknisfræðilega eða jafningjafræðslu. Upplifun af ónotum vegna eigin líkama kallar á sálfræðiaðstoð, ekki læknisfræðilega eða jafningja, hvað þá samfélagmiðlana. Allt sem viðkemur ónotum sem börn og unglingar finna fyrir á heima hjá sálfræðingi. Til að finna út hvað veldur ónotunum. Hjálpa barninu. Hef sagt þetta og segi enn.

Læknishjálpin felst í að útvega börnum og unglingum sálfræðiaðstoð. Eins og ég segi venjulega, þegar þú ert fullorðinn ertu þinn eigin herra og getur gert það sem þér sýnist. Verndum börnin.

Benda  má á margar greinar og viðtöl sem styðja þessa skoðun.

Transhugmyndafræði er huglægt ekki hlutlægt fyrirbæri. Mikill munur á. Krabbamein er hlutlægt, ekki huglægt. Fósturlát hjá konu er hlutlægt, ekki huglægt.

Hér er spjallað við 39 ára mann.

Hér talar kona um eigin reynslu.   

Áhugavert efni.

 

Konur, konur, konur opnið augun

og takið þátt í baráttu kvenna sem vilja halda réttindum sínum. Barist var fyrir þeim. Baráttan tók blóð, svita og tár. Formæður okkar hafa fetað stíginn og sumir af minni kynslóða líka. Hægt og rólega fjarar undan sjálfsögðum réttindum kvenna, dætra og mæðra.

Orðin stelpa og strákur komin út úr kennsluefni grunnskólana þegar kynfræðsla er á dagskrá. Allt í nafni kynleysunnar.

Hvað er til ráða spyrja margar konur. Ástandið er óásættanlegt. Hjartanlega sammála. Fylgjumst með baráttunni í útlandinu. Látum kvennamál okkur varðar (xx- litninga) og höldum málefnum okkar á lofti.

Í kjölfar greinar minnar í Mogganum fékk ég marga þakkarpósta. Takk allir. Í einum þeirra kom fram að sendandi undraði sig á af hverju karlmenn geti hirt gullverðlaun af stúlkum í íþróttum. Karlar geti hangið í sturtuklefa kvenna, af því þeir skilgreina sig sem konu, og mæna á ungar stúlkur. Í lokin spyr hún af hverju varð þetta svona galið! Svari hver fyrir sig.

Tek heils hugar undir orð sendanda. Hér er síða, snjáldursíða, sem ég hvet allar skynsamar konur, og þannig þekjandi karla, sem vilja vernda réttindi kvenna í almenningsrýmum og íþróttum, mæðra og dætra, að skoða og taka þátt í góðum umræðum, bjóðist það!

Félagskapur kvenna á Nýja Sjálandi

Let women speak- í Dublin

The New Zealand Free Speech Union

Danskur þingmaður veit meira en Þorbjörg hjá Samtökum 78

sem boðar landanum fagnaðarerindi samtakana. Nema ef ske kynni að hún talaði gegn eigin vitund, þori ekki að fullyrða það!

Þegar maður er komin á launaskrá hjá samtökum verða skrifin að vera í takt fagnaðarerindin.

Hér má hlusta á Kim sem er þingmaður á danska þinginu. Þar vilja menn banna lyfjagjafir og skurðaðgerðir fyrir börn. Sem betur er eru mjög fá tilfelli hér á landi, en eitt er of mikið.

Hvet Samtökin 78 og Þorbjörgu, sem er á ríkisstyrk, til að hlusta eftir hvað hann segir í myndbandinu.

Í lokin segir hann hvernig við hjálpum börnum í kynáttunarvanda. Hlustið hér.

Þann 9. maí fer fram fyrsta umræða fram um þingmálið í Danaveldi, banna lyfjagjafir og skurðaðgerðir á börnum. 

Eigum við virkilega ekki nógu marga þingmenn sem eru með málaflokkinn betur á hreinu en jáflokkur Samtaka 78?

Eigum við virkilega ekki sterkan menntamálaráðherra sem bannar kynleysuna í námsbókum barna?

Hér má hlusta á konu sem þekkir málið af eigin raun. Hún talar til unga fólksins. Allir hafa gott af að hlusta, þetta er á ensku.

Aukaverkanir hormónablokkandi lyfja eru gífurlegar á börn

eftir því sem ég hef lesið og séð í þáttum sem fjalla um málefnið. Samtökin 78 gera lítið úr málinu. Lesa mátti í grein um það eftir framkvæmdastjóra Samtaka 78. Víðar hefur vitleysan birst frá þeim, gagnrýnislaust. Þorbjörg skrifaði, á ríkisstyrk, um heilbrigðisþjónustu barna sem slíma við við kynáttun. Hún fer ekki með rétt mál séu orð sérfræðinga í útlöndum skoðuð ,,Ástæðan fyrir því að haldið er aftur af kynþroska trans barna er að hann veldur breytingum á líkamanum sem mjög erfitt er að lagfæra eftir á.“ Skemmdirnar eru varanlegar, ekkert að lagfæra.

Spyr, er börnum sagt þetta í grunnskólanum eða? 

Svo segir hún ,,Hins vegar, ef barn kýs að hætta notkun hormónabælandi lyfja, hefst kynþroski af fullum krafti.“ Hafi barn verið mjög, mjög stuttan tíma á hormónabælandi lyfjum er möguleiki annars ekki.

Er börnum í grunnskólum landsins sagt þetta eða?

Kallast það heilbrigðisþjónusta að eyðileggja hraustan líkama barna, velti því fyrir mér. Það er ekki af ástæðulausu að löndin í kringum okkur hafa dregið verulega í land með bælandi lyf fyrir börn eða stefna á að banna lyfjagjafirnar með öllu fyrir börn undir 18 ára aldri.

Lyfin skemma börnin til lífstíðar. Hér má sjá góðan þátt af einu ræfils barni sem á ekki sjö dagana sæla. Fékk illt í hjartað.

Ég kalla það góða heilbrigðisþjónustu að veita börnum sem eru í vanda með kynáttun sína (og reyndar öllum börnum í vanda) góða sálfræðiþjónustu til að styðja þau í gegnum þessi erfiðu skref. Þetta hef ég sagt áður og segi enn. Ekki til að snúa þeim, aðstoða þau og foreldra í gegnum skrefin.

Því miður hef ég orðið vör við að hluti kennarastéttarinnar vill ekki fræðast um þessa hlið fræðslunnar, treysta því sem Samtökin 78 segja. Stjórn Kennarasamband Íslands, með fordæmingunni á umfjöllu minni á kennsluefni Samtaka 78, virðast taka undir þetta. Túlka yfirlýsingu þeirra gegn eigin félagsmanni, kennara, ekki á annan veg.

Af hverju KÍ skiptir sér að fræðsluefni í grunnskólanum má svo guð einn vita. Það er efni í annan pistil. Stjórn KÍ hefur ekki félagsmenn sína að baki sér, mjög skiptar skoðanir eru um fræðsluefni Samtaka 78 innan skólakerfisins.

Foreldrar transbarna í Svíþjóð stofnuðu eigin foreldrafélag, trans-samtökunum þar í landi var ekki treystandi fyrir börnum þeirra. Ekkert hlutleysi.

Í Danaveldi eru menn gagnrýnni á lyfjagjafir barna í dag en áður og kalla þær tilraunastarfssemi, skaðinn er mikill. Enginn veit fyrir víst hvað svona tilraunir kostar einstaka barn. Lesið hér.

Hér má lesa um þann hrylling sem gerðist á ,,Gids“ á Tavistock stofnuninni. Manni fallast hendur við lesturinn.

Til fróðleiks.

Hvert er meginmarkmið allra samtaka- fjölga í þeim.