Foreldrafélag stofnað til að koma transfræðslunni,

eins og hún er í skólum, út úr skólakerfinu í Bretlandi. Bretar sváfu á verðinum eins og aðrar þjóðir. Allt í einu var hugmyndfræði transheimsins komin inn um allt. Í mun grófara mæli en hér á landi. Hér er krækja að síðu foreldra í Bretlandi. Sjá hér.

Lengi vel földu transsamtökin í Danmörku námsefni sitt. Fyrir misstök voru þau aðgengilega2 á vef Kaupmannahafnar. Þegar menn komust í það kom í ljós mikill áróður í fræðslunni og staðreyndarvillur, risu þeir upp. Enn er mikill vafi á hvort samtökin eigi erindi inn í skólakerfið. Umræðuna má m.a. sjá hér

Í Svíþjóð var sett á laggirnar foreldrafélag barna sem glíma við kynáttu. Foreldrarnir treystu ekki transsamtökum landsins fyrir börnunum sínum, sögðu þau og hlutdræg. Enda markmið slíkra samtaka er að fjölga í þeim. Foreldrafélagið í Svíþjóð heldur úti vefsíðu. Fékk hlutlausa ráðgjafa til starfa. Hér má sjá heimasíðu þeirra.

 

Hve lengi þurfum við að bíða eftir íslenskum foreldrum sem falla ekki í stafi yfir transhugmyndafræðinni eins og hún er boðuð og vilja ekki að boðberar hennar fái aðgang að skólabörnum.

Á fræðsluvef Samtaka 78 sem ætluð er m.a. skólabörnum segir:

Undirstaða fræðilegrar þekkingar...

,,Þessi vefsíða er ekki ritrýnd og henni er ekki ætlað að vera fræðilegs eðlis. Hún lýtur því ekki fræðilegum kröfum þegar kemur að heimildanotkun. ... þekkingin ferðast um munnlega, á samfélagsmiðlum, verður til á fundum grasrótarfélaga og svo framvegis. ... Þessi þekking er mikilvæg og undirstaða allrar fræðilegrar þekkingar."

Svo mörg voru þau orð!

Arna Magnea Danks viðurkennir að Samtökin 78 hafi beitt KÍ þrýstingi

Úr því að svo er velti ég vöngum hvort slíkt hið sama eigi ekki við um Akureyrarbæ. Þegar þessir tveir aðilar blanda saman fjölbreytileika við einföldum spurningum um kennsluefni, ekki fólk, í umtöluðu greininni hristir maður hausinn. Fleiri kjánar hoppa í sama gírinn.

 

Arnar Sverrisson skrifar og vitnar í skrif Örnu á snjáldursíðu Alexöndru:

,,Hvers vegna beita Samtökin 78 óviðurkvæmilegum þrýstingi og útskúfun, sbr. samtal Alexöndru Briem og Örnu Magneu Danks. Sú síðarnefnda segir, þegar Alexandra fagnar fordæminu formanns KÍ:

„En það kom samt ekki af neinu, svo því sé haldið til haga. Ég og aðrir kennarar hafa kvartað og skrifað KÍ í marga mánuði og bent á hegðun viðkomandi kennara og önnur transfóbísk skrif. Það var ekki fyrr en framkvæmdastjóri S78 og sérstök verkefnastýra fóru einnig að beita sér af þunga að KÍ gaf frá sér tilkynningu.

En orð eru ódýr ef ekkert fylgir þeim og ef KÍ fer ekki að ýta á eftir því að farið sé eftir siðareglum kennara um Skóla án aðgreiningar, þar sem kennara ber að nálgast öll börn af sömu virðingu og þjónustu öll börn án fordóma, þá heldur viðkomandi kennari bara áfram á sömu braut og aðrir sem fylgja henni að málum.“

Arna Magnea er herská og beitir sömu lágkúruaðferðum og kvenfrelsararnir, sem sífellt eru kúgaðir og ofsóttir. Þegar málefnið er óskýrt ( hegðun og „tansfóbísk skrif“) má alltaf grípa til rógs og útskúfunar."

 

Trúin á kynrænt sjálfstæði ógnar réttindum kvenna

skrifar Lotte og það rennur nú upp fyrir stjórnmálmönnum í Bretlandi.

Forystusauður Verkamannaflokksins finnur smá saman fjara undan þægilega meirihlutafylginu sem skoðanakannanir sýna að séu í hættu. Hann þorir ekki að taka afstöðu gegn þeirri ógnun sem transhugmyndafræðin er við konur, sem hafa barist fyrir réttindunum.

Undrunarvert hvað Starmer á erfitt með að segja hlutina eins og þeir eru. Það nýjasta sem hann hefur látið frá sér varðandi transhugmyndafræðina er að: 99.9% kvenna eru ekki með lim.

Forsætisráðherrann Sishi Sunak nálgast málefnið á annan hátt. Í vikunni sem leið sagði hann það sem allir vita og enginn hefur þorað að segja af hræðslu við starfsmissi.

,,Engar konur hafa lim og líffræðilegt kyn er lykilatriði.“

Sunak lofar, fyrir utan að vernda réttindi kvenna- m.a. að kynjaskipta aðstöðu, að breyta jafnréttiskaflanum þannig að enginn vafi leiki á að það kyn sem lögin vernda sé líffræðilegt kyn.

Textinn á dönsku.

Ég segi áfram Sunak. Vona að breskar konur og karlar sameinist um að kjósa hann. Tryggja þarf réttindin, aftur!

Lesið hér.

 

 

Jóhannes Þór Skúlason fer með rangt mál

þegar hann ræðst að mér vegna greinarinnar í Mogganum. Jóhannes gerir það í umboði Samtaka 78. Hann segir mig fjalla um transfólk, langt frá sannleikanum. Greinin fjallar um fræðslu í leik-og grunnskólum frá Samtökum 78 og spurningu um hvort börnin séu ekki of ung til að meðtaka slíka fræðslu. Hvaða honum gengur til verður hann að eiga við sig.

Eins og segir á rvu:

,, Helga Dögg, höfundur greinarinnar, segir í samtali við fréttastofu að hún vilji að hinsegin fræðslan verði gerð opinber og gagnsæ. Hún kveðst ekki á móti fræðslunni almennt en vill að hún sé valkvæð.“

 

Hef sagt og segi enn hér á síðunni:

Fullorðið transfólk má haga sér og vera eins og það vill. Skiptir mig engu máli. Ber jafn mikla virðingu fyrir því og öðru fólki.

Þegar kemur að börnum til 18 ára aldurs er ég gagnrýnin.

1. Vil að börnum sé sagður sannleikur um líffræðilegt kyn.
2. Vil ekki að börn fái hormónablokkandi lyf sem geldir þau og veldur óafturkræfum aukaverknum.
3. Vil ekki að börn sé skorin, s.s. brjóst fjarlægð af unglingsstúlkum.
4. Vil að börn fái kynfræðslu sem hæfir aldri.

Frábið mig útúrsnúningum fullorðinna einstaklinga.

Mikill er máttur unga mannsins

og hann telur alla aðra þjakaða af vanþekkingu á transmálefninu. Gott að hefja sjálfan sig til skýjanna segi ekki meira.

Auðvitað er þetta vanþekking í augum unga mannsins.

Auðvitað veit hún ekki um hvað hún skrifar, þó hún sæki rannsóknir um málaflokkinn og skrifar um hann.

Auðvitað finnst unga manninum þessir hommar og lesbíur bara kjánar sem þeir vita ekki hvað þeir tala um.

Auðvitað er þessi kona vitleysingur í hans augum, hann er svo klár og aðrir vitlausir og endurspegla vanþekkingu sína.

Auðvitað er þessi prófessor núll og nix í augum þessa klára stráks. Vanþekking hennar geislar af henni.

Bresku foreldrasamtökin hafa heldur ekkert vit á málunum. Ekki eins og hann.

Vona að þessi klári, flotti og kokhrausti maður hafi ekki háan söðul að detta úr.

„Fólk sem veit ekkert um hvað það er að tala“

Fjaðrafok út af grein sem ég skrifað kom ekki á óvart

Þau leiðu mistök áttu sér stað að seta mín í Vinnuumhverfisnefnd KÍ kom fram neðst í greininni. Er hætt þar. Setan mín var víst skráð í tölvukerfi mbl.is og kom sjálfkrafa. Kom í prentútgáfu en þeir löguðu það í netútgáfunni. Sjálf hafði ég bara skrifað nafnið mitt undir. Hefði verið réttmæt af stjórn KÍ að koma með þá leiðréttingu enda vissu þeir af þessu. Allt hitt þvaðrið setur stjórn samtakana niður- þeir virðast ekki samtök allra! Innan KÍ mega fjölbreyttar skoðanir ekki lifa, hvað þá tjá þær. Minnihlutinn skal ráða!

Tranaaðgerðasinnar trompuðust. Nokkrir leik- og grunnskólakennarar trufluðust, ég kölluð fordómafull o.s.frv. Er farin að efast um lesskilning margra. Námsefni sem allir nemendur eiga að sitja undir snýst allt í einu um mína tilbúna fordóma af fólkinu. Hvað um það, fólk verður að eiga það við sig.

Hins vegar eru ALLIR hinir sem hafa bent á að skrifin séu þörf o.s.frv. Margir grunnskólakennarar. En það fólk hringir ekki til KÍ eins og hinir sem kvarta og krefja aðgerða. Stjórn KÍ er máttlítil og hleypur eftir duttlungum.

Hins vegar er stóra spurningin eftir. Hver hugsar um börnin sem vilja sökum lífsgilda sinna ekki sitja undir þessari fræðslu, en verða að gera. Hver hugsar um yngri börn þar sem lífsgildi foreldra og uppeldi þeirra vilja ekki að börn fræðist um hugmyndafræðin transheimsins á þessu tímaskeiði barnsins.

 

Baráttukona fyrir málefnum kvenna fram í fingurgóma

Á Íslandi eigum við ekki baráttukonur sem berjast fyrir rétti kvenna. Flestar hafa horfið í kynleysuvitleysuna og geta ekki varið réttindi kvenna. Engin kona er með lim. Líffræðin er einföld. Annað tveggja karl eða kona.

Þessi baráttukona segir réttilega í viðtalinu, trans-aðgerðarsinnar gera alla vinnuna fyrir mig. Þeir haga sér dólgslega, trufla konur þegar þær tala, ógna þeim og tilbúnir að drepa til þagga niður í konum.

Hún vill ekki láta gelda börn með lyfjum.

Hún vill ekki transvæða börn.

Hún vill ekki transkonur inn í kvennarými, s.s. íþróttum, fangelsi.

Hún er ekki rasisti, með fordómum gegn transfólki og ekki ókurteis.

Hún á fullt erindi á þing, þing sem berst fyrir réttindum kvenna og þar sem enginn velkist í vafa um kynin, konu og karl.

Fyrir áhugasama er gott viðtal við baráttukonuna hér.

Fyrirgefið þið, var einhver að tala um minnihlutahóp

Því ef svo hefur það alveg farið framhjá mér að trans aðgerðasinnar séu það. Víða erlendis eyðileggur minnihlutahópurinn útifundi kvenna, ræðst að stúlkum sem vilja vernda íþróttir sína, þeir ráðast á konur og beita ofbeldi. Minnihlutahópur, svei nei. Dólgslegir dónar. Ekkert annað.

Gott dæmi. Franskar konur ætla að halda útifund til að vekja athygli á aðstæðum afganskra og íranskra kvenna. Einn frummælandinn viðurkennir ekki transhugmyndafræðina eins og hún er sett fram. Fundurinn var ekki um það, hann átti að vera um konur í fjarlægjum löndum.Tala um þær sem fá ekki að mennta sig. Trans- aðgerðasinnar hótuðu að ráðast á fundinn og sérstaklega umræddan ræðumann með ofbeldi. Fresta varð fundinum.

Styttir í að trans aðgerðasinnar verði eins og hryðjuverkamenn. Taka þarf á þeim sem slíkum, fyrr en seinna. Uppvöðslusemi þeirra í löndunum í kringum okkur er til skammar.

Trans-aðgerðasinnar er enginn minnihlutahópur. Hættum að láta eins og svo sé. Fylgist með hvað gerist í útlöndum. Það sem gerist þar berst hingað heim. Fyrr en við gerum okkur grein fyrir.

Margir trans-aðgerðasinnar bera ekki virðingu fyrir öðru fólki, þetta er gott dæmi um það.

Rannsóknarsjóður KÍ auglýsir, lögð er áhersla á líðan trans- barna

Sjóðurinn styrkir rannsóknir og bendir sambandið á þrjú höfuð þema sem ganga fyrir öðrum umsóknum.

Eitt af hugðarefnunum er transmálaflokkurinn. Fær mikið vægi í sambandinu að mínu mati og er þar með eitt af þemanu sem hlýtur náð fyrir sjóðsstjórninni.

Hér er myndband um sögu þriggja stúlkna. Ætti að vera skylduáhorf, allavega kennara.

Leghafi er orð sem smættar konur

Orðið leghafi er niðurlægingin sem konur hafa mátt þola frá aðgerðasinnum. Í Dv. sagði Eiríkur Rögnvaldsson fyrir nokkru ,,Sumar hafa undirgengist legnám og aðrar eru fæddar án legs, þ. á m. transkonur.“ Það er niðurlægjandi fyrir konur að telja transkonur til kvenmanns. Það geta transkonur aldrei orðið.

Að bera transkonu við konu sem hefur þurft að láta fjarlægja leg af einhverjum alvarlegum ástæðum, yfirleitt vegna sjúkdómsástands, er móðgun. Að kona fæðist án legs er afar, afar sjaldgæft. Transkona fæðist með önnur æxlunarfæri og því án legs. Transkona hefur aldrei og mun aldrei hafa leg. Því á ekki að blanda saman við leglausar konur.

Trans aðgerðarsinnum er mikið í mun að fjarlægja orð sem á eingöngu við um konur. Hulin ráðgáta. Því miður hafa konu þagað!

Eiríkur telur að orðið leghafi smætti ekki konur, jú það gerir það. Líffræðilega séð getur enginn karlmaður verið kona. Hann hefur ekki XX litninga. Transkona er ein tegund karlmanns og því verður ekki breytt.

Það er ekkert að því að vera transkona- karlmaður sem vill klæða sig, mála sig, skreyta sig og lifa eins og kona- gott og blessað, hef ekkert út á það að setja. Jafnvel vill transkona búa með karlmanni. Kemur engum við. En það gerir transkonu ekki að kvenmanni og alls ekki að lesbíu. Aldrei.

Hver velur sína leið í lífinu, en öðrum á ekki að breyta. Hvorki á að breyta hugsun eða málfari til að þóknast fámennum hópi.

Hvet Eirík Rögnvaldsson og aðra aðgerðasinna til að hlusta á þetta viðtal, menn skilja þá baráttu kvenna betur.

Hér má hlusta á útskýringar hvað kona er. Útúrsnúningurinn er hjákátlegur svo ekki sé meira sagt.