Sorgleg birtingarmynd

Þetta er ein versta birtingarmynd forsjárdeilu. Enn og aftur notar fullorðið fólk börn sín sem vopn í slíkri deilu. Móðurréttur er gífurlega mikill hér og í Danaveldi og því þarf að breyta. Mæður nota börn sín í baráttunni og peningar spila oft stórt hlutverk í henni. Barn á rétt til beggja foreldra hvort sem móður eða föður líkar illa.

Vona svo sannarlega að íslensk stjórnvöld taki betur á málflokknum. Mæðraveldið má víkja. Ég undrast líka að jafnréttissinnar skuli ekki láta málaflokkinn til sín taka, þetta er svo sannarlega jafnréttismál. 

„Snýst um ást á barni“

Athugasemdir

[Elsabet Sigurðardóttir, 17.9.2014 kl. 00:37]

Ekki alhæfa út frá þessu tiltekna máli í Danmörku sem er jú hræðilegur atburður. Á íslandi hafa mörg forræðismál verið skelfileg og endað illa þar hefur barnaverndarnefnd ekki haft velferð barnsins að leiðarljósi

[Helga Dögg Sverrisdóttir (IP-tala skráð) 17.9.2014 kl. 17:24]

Elísabet mér dettur ekki í hug að alhæfa um málaflokkinn út frá einu máli í Danaveldi. Tel mig þekkja málaflokkinn það vel að ég get alveg sagt að mæðraveldið hér á landi er of ríkt.

Hvað barnaverndarmál varðar er hvert og eitt mál sérstakt og ekki hægt að alhæfa um störf nefna víðs vegar um land af einstökum málum. Í sumum málum gera nefndarmenn vel og í öðrum ekki. Ekki rata öll forsjármál hér á landi til barnaverndarnefndar.