22.6.2019 | 10:04
Hvaða máli skiptir það
Er þetta snobb eða hvað skiptir tala á póstnúmeri máli. Hægt að búa til vandamál úr öllu.
Vilja ekki búa í 102 | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)
21.6.2019 | 14:58
Órói innan KÍ
Það dylst engum sem fylgst hefur með umfjöllun um eitt leyfisbréf að mikill órói hefur skapast innan samtakanna. Sitt sýnist hverjum um málið sem afgreitt var með hraði á þinginu. Skammarlegt hve lítinn tíma menntamál þjóðarinnar fá hjá þingmönnum og hvað þá svona miklar breytingar.
Formaður Félags framhaldskólakennara leggur fram sáttatillögu á Vísi í dag.
,,En sá starfshópur sem velst saman og fjallar um væntanleg lög verður að vera hæfur til þess að fjalla málefnalega, faglega og lausnamiðað um framgang málsins. Verði sömu leikmenn inni á þeim velli er ekki að vænta sáttar í málinu. Undirrituð mun stíga til hliðar í þeirri vinnu og fela varaformanni Félags framhaldsskólakennara að halda um taumana fyrir hönd framhaldsskólakennara, með þeirri áskorun að stjórnir annarra aðildarfélaga KÍ geri slíkt hið sama og skipi til verka fólk sem kemur ferskt og ósárt að samningaborðinu."
Tel þetta skynsamlegt þar sem oft hjálpar að hreinsa borðið, málinu til heilla. Innan KÍ starfa skólamálanefndir sem gætu tekið verkefnið að sér.
Grein hennar má lesa hér: https://www.visir.is/g/2019190629746/eitt-leyfisbref-og-framhald-malsins
20.6.2019 | 22:11
Samgleðst þeim
Það var nú gott að fríið er hafið. Mér þykir reyndar merkilegt að þingmenn geti afgreitt stóran málaflokk- eitt leyfisbréf- með annarri hendinni. Ekki mikil umræða um miklar breytingar á menntamálum þjóðarinnar.
Þingi formlega frestað | |
Tilkynna um óviðeigandi tengingu við frétt |
19.6.2019 | 20:28
Jafnréttisnefnd svíkur kennara
Sú ályktun sem Jafnréttisnefnd KÍ, sem skipuð er konum, sendi frá sér svíkur kennara. Fulltrúar nefndarinnar draga í efa að ég fari með rétt mál í grein sem birtist í Kjarnanum 31. maí. Greinin er um ofbeldi í garð kennara og falskar ásakanir í garð þeirra. Dæmið sem ég tók í næstu grein er úr dönskum skóla og sagt frá í blaðinu Politiken. Þar var um kynferðislega áreitni, upplogna á kennara. Ég nefni það líka að slíkt gerist hér á landi, það er satt. Nefndin hafði ekki fyrir því að hafa samband við mig til að kanna hvort orð mín ættu við rök að styðjast. Slæleg vinnubrögð.
Þegar horft er til hver formaður nefndarinnar er þarf þetta háttarlag ekki að koma á óvart. Minni á framgöngu formannsins á þingi KÍ.
19.6.2019 | 11:20
Konur þurfa að taka sig á
Ljóst að konur þurfa að taka sig á vilji þær feta í fótspor karlmanna í þessum geira. Það er val hvers manns að skrifa, kanna hvort hann hafi hæfileika og hæfni til að láta eitthvað frá sér fara.
Karlkyns rithöfundum snúið við | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (3)
Greinin birtist í Kjarnanum 17. júní 2019.
Menntamálaráherra Dana lét sitt ekki eftir liggja þegar í ljós kom, samkvæmt rannsóknum, að nemendur beittu kennarar ofbeldi. Rannsóknirnar gerir danska vinnueftirlitið. Ráðherra kom með leiðavísi sem vinna á eftir þegar ofbeldi á sér stað í grunnskólunum. Ráðherrann sagði ofbeldi í garð kennara of algengt, en það var um 19%. Ofbeldið sem um ræðir, fyrir utan munnlegt, er högg, spörk, hrækt á kennara, bit, hlutum hent í viðkomandi o.fl. Slíkt á ekki að líðast frekar en annað ofbeldi. Ljóst var að bregðast þyrfti við.
Danir fóru í herferð gegn ofbeldinu. Kennarar voru minntir á skráningu ofbeldisatvika því mikilvægt er að hafa þau staðfest. Verði eftirköst á ofbeldinu getur kennari ekki sótt bætur ef um viðvarandi skaða er að ræða, nema tilvikið sé skráð. Að auki, þegar atvik er skráð safnast mikilvæg gögn í málaflokkum sem varpar ljósi á tíðni og tegund ofbeldis í garð kennara. Fræðsla til kennara um ofbeldi og mögulegar aðstæður sem valda ofbeldinu fór í gang. Kennurum var kennt á hvern hátt þeir gætu brugðist við hugsanlegu ofbeldi, hvernig taka eigi á nemanda sem sýnir ofbeldi og hvernig má halda viðkomandi þar til frekari hjálp berst. Kennurum var kennt að skerast í leikinn ef nemandi beitir annan nemanda ofbeldi. Eftir átakið fækkaði skráðum ofbeldisatvikum. Mjög gott framtak sem skilaði góðum árangri.
Þegar sú sorglega staða kemur upp að nemandi beitir kennara ofbeldi og atvikið ekki rannsakað fá hvorki nemandi né kennari viðeigandi aðstoð. Ekki er skoðað ofan í kjölinn hvað veldur að aðstæður sem þessar koma upp, hvað sé til ráða og hvernig bregðast eigi við. Umræðan í Danaveldi er á allt öðru plani en hér á landi, þar viðurkenna menn vandann og leita lausna í stað þess að skjóta sendiboðann.
Þeir kennarar sem ég hef rætt við, sem hafa orðið fyrir ofbeldi, segja traust til nemanda algerlega farið. Vinna af hálfu vinnuveitanda er oftar en ekki engin. Ekki fjarri því að sópa eigi óþægilegum málum undir teppi. Kvíði lætur á sér kræla hjá kennara þar sem nemandi er hafður inni í bekk, jafnvel daginn eftir atvikið. Hræðsla við að taka á agabrotum nemanda sem hefur gerst sekur um ofbeldi verður viðloðandi, ekki bara hjá kennara sem lendir í ofbeldi heldur og hinum, vilja ekki taka áhættuna að verða næstir. Kennarar sem ég hef rætt við hafa lent í misalvarlegu ofbeldi, en munum ofbeldi er ofbeldi, og afleiðingarnar einstaklingsbundnar.
Stjórnendur og stjórnsýslan bregst kennurum á ögurstund sem og Kennarasamband Íslands. Kennarar hanga í lausu lofti og kennarar sem ég hef rætt við segja sumir farir sínar ekki sléttar í samskiptum við samtökin á undanförnum árum. KÍ hefur hingað til ekki tekið á málaflokknum af festu. Formaður KÍ ritaði pistil á heimasíðu samtakanna og það sem hann skrifar gæti m.a. verið ein af ástæðunum að reynt sé að þagga umræðuna eða afvegaleiða hana ,,Umræða um þessi mál er flókin og mikilvægt er að hún einkennist af fagmennsku, heiðarleika og sanngirni. Við þurfum að forðast alhæfingar og óábyrgar ályktanir. Formaður KÍ boðar betri tíma og vonandi verður málaflokkurinn rannsakaður svo varpa megi ljósi á algengi ofbeldis í garð kennara hér á landi. Tölur frá hinum Norðurlöndunum eru skelfilegar og nokkuð samstíga.
Margir hér á landi efast stórlega um að ofbeldi í garð kennara eigi sér stað og séu undantekningatilfelli ef satt reynist. Deila má um hvað séu mörg og fá tilvik. Stóryrtir kennarar hafa talað um að fólk eigi ekki að vinna með börnum tali það um að börn beiti ofbeldi. Gagnsemi slíkra ummæla dæma sig sjálf og hjálpar engum, hvorki kennara né barni.
Annar málaflokkur af sama sauðahúsi eru ógnandi og hótandi foreldrar. Skólakerfið bregst oftar en ekki þeim kennurum sem verða fyrir því. Að foreldri geti ógnað og hótað kennara án afleiðinga er með ólíkindum. Margir kennara hafa mátt sætta sig við slíkt. Að stjórnsýslan skuli ekki grípa inn í þegar slík tilfelli koma upp er mörgum kennurum óskiljanlegt. Oftar en ekki eru þeir skildir eftir með foreldrar sem hafa niðurlægt og svívirt þá, ógnað og hótað. Það er vondur vinnuveitandi sem stendur ekki við bakið á sínu fólki. Væri dæminu snúið við að kennari gerðist sekur um athæfið væru stjórnendur og stjórnsýslan fljót að bregðast við, sem er gott. Samfélagið má ekki loka augunum fyrir því að misjafn sauður er í mörgu fé og á jafnt um foreldrar sem og aðra hópa samfélagsins.
Á lífsspekidagatali sem höfundur á segir: Þorðu að vera öðruvísi! Þorðu að styðja það sem þú veist að er rétt! Gott að tileinka sér þennan boðskap þegar ofbeldi í garð kennara er annars vegar, þeir verða að finna stuðning frá stéttinni.
Hér má lesa leiðavísinn á heimasíðu Menntamálaráðuneytisins í Danmörku.
Höfundur er M.Sc. M.Ed. og starfar sem grunnskólakennari og situr í vinnuumhverfisnefnd KÍ fyrir hönd grunnskólakennara.
Bloggar | Slóð | Facebook | Athugasemdir (0)
16.6.2019 | 15:34
Forréttindi í jafnréttinu- í anda Katrínar Jak.
Katrínu Jakobsdóttur er svo í mun að jafnrétti kynjanna sé í heiðri haft að hún lætur það bitna á börnum. Það mátti heyra þegar frumvarp Brynjars var til umræðu. Næði frumvarpið í gegn yrðu það mæður- konur- sem finndu mest fyrir því. Það vildi Katrín Jakobsdóttir, jafnréttisfrömuður ekki. Henni finnst sjálfsagt að konur njóti forréttinda í sumum málaflokkum í nafni jafnréttis.
Ætli húsmæðraorlofið sé ekki hluti af því...velti því fyrir mér. Vel menntaðar og stæðar konur flykkjast í ferðalag á kostnað samborgara. Vonandi njóta þær.
Segir húsmæðraorlof tímaskekkju | |
Tilkynna um óviðeigandi tengingu við frétt |
14.6.2019 | 23:15
Síðbúið sumarfrí
Er ekki í góðu lagi að þingmenn fari seint í sumarfrí og hafi það stutt, s.s. eins og 6 vikur eins og aðrir launþegar. Ekki það, hundleiðinlegt að vantraust ríki enn á þinginu, hafi það nokkurn tímann verið.
Þinglok áfram rædd um helgina | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (4)
14.6.2019 | 19:53
Bókin Grimmd og mannvitsbrekkurnar
Margar mannvitsbrekkurnar hafa bendlað mig við bókina Grimmd þar sem höfundur segir frá barnsráni árið 2006 og var annað foreldrið búsett í Danmörku. Ábyggilega æsispennandi saga. Einhver mjög lyginn bendlaði mig við málið, sem ég þekki ekkert, og nú klifa mannvitsbrekkurnar á þessu, nú síðast undir spjalli á Island í dag (14. júní 2019), þar sem ég tjái mig um góðan þátt um tálmun.
Þeir sem mig þekkja vita skoðun mína á tálmunum og það fer fyrir brjóstið á mannvitsbrekkunum. Tók þann pól í hæðina að skemmta mér yfir mannvitsbrekkunum í stað þess að rökræða við þær, enda hefur það sýnt sig að sumir eru ekki viðræðuhæfir um ákveðin málefni. Til gamans læt ég þetta fylgja þar sem dóttir mín hafði nennu til að leita þetta uppi.
Hér má sjá umfjöllun um bókina:https://www.mbl.is/greinasafn/grein/1485887/?fbclid=IwAR2b22BTXA9oINfkOHaWnvb-bkw9f1I_Fw-fm-KlN9Z14WhU-rzA1obkNwg
Bloggar | Breytt s.d. kl. 20:45 | Slóð | Facebook | Athugasemdir (0)
13.6.2019 | 00:15
Sindri má segja frá fleiri málum
Góður þáttur sem Sindri var með, Ísland í dag. Rætt við hjón um tálmun. Ekki laust við að maður kannist við stóran hluta frásagnarinnar á eigin skinni. Margir feður og fjölskyldur þeirra búa við svona ofbeldi í garð barna sinni eins og þarna var líst. Barnaverndarnefndir sem eru pólitískar hafa ekki hæfni til að sinna þeim störfum sem er á þeirra herðum. Skipa þarf fagfólk í nefndirnar. Margir ræða ofbeldi á börnum, þetta er ein birtingarmynd ofbeldis í garð barna. Það hefur sýnst sig að barn sem býr við tálmun ber þess ekki bætur og margvísleg einkenni koma fram síðar á ævinni.
Sindri hvet þig til að fjalla um fleiri mál af þessum toga, verðum að vekja athygli á þessari tegund ofbeldis.