Í dag fær óhæfur stjórnandi skólastjórastöðu! ;)

,,Vand­inn á Íslandi ein­skorðast ekki við kenn­ara­stöður því sí­fellt færri sækja um æðstu stöður í grunn­skól­um. „Það er af sem áður var þegar aug­lýst­ar voru stjórn­enda­stöður í grunn­skól­um, þá höfðu menn úr nógu að velja,“ seg­ir Þor­steinn." Fyrir vikið sitja grunnskólakennarar uppi með stjórnendur sem eru starfi sínu ekki vaxnir. Slíkur stjórnandi hefr svo áhrif á starfsánægju kennara. Vonandi rætist úr þessu þegar fram líða stundir.

Vinnuumhverfi hefur áhrif á starf grunnskólakennarans og sveitarfélögin, mörg þeirra, hafa sýnt að þau leggja ekki það sem til þarf í skólakerfið. Hér væri hægt að benda á margt sem sveitafélögin þurf að gera til að gera vinnuumhverfið betra. 

Í Danaveldi veigra ungir menn sér við að sækja um í kennaraháskóla, þar hefur umræðan um kynferðislegt áreiti og ofbeldi af hálfu karla hrætt þá frá kennarastörfum, þeir liggja vel við höggin eins og blaðagreinar þar í landi hafa sýnt. Sama þróun er hér á landi og öðrum Norðurlöndum. Vantar fræðslu til nemenda um hve alvarlegar afleiðingar upplognar kærur hefur á fólk. Æra þess og starf er tekið frá því.

Skóli án aðgreiningar, sveitarstjórnarmenn gleymdu að peningar þyrftu að fylgja þessari stefnu.

Sveigjanlegur vinnutími hefur horfið smá saman og í einhverjum sveitarfélögum fer mjög lítið fyrir sveigjanleika.

Margir kennara hafa ekkert annað að fara þó þeir vildu gjarnan hætta kennslu, atvinnutækifæri á mörgum stöðum á landinu eru ekki næg.

Á kennara eru hlaðin störf sem aðrir vinnuveitendur greiða fyrir. Mörg sveitarfélög greiða kennurum sínum ekki yfirvinnu þó svo að þeir vinni vinnuna. Auðvitað borga þeir forfallakennslu sé um hana að ræða.

Fleiri börn sem þurfa aðstoð koma inn í skólakerfið, ýmist vegna ein hvers konar greininga eða hegðunarvanda. Þarf mikinn mannafla til að taka á hegðunarvanda.

Fleiri nemendur beita kennara sína ofbeldi og á því er ekki tekið sem skyldi. 

Fleiri og fleiri nemendur berjast við tilfinninguna kvíði og fá úrræði í skólanum enda um heilbrigðismál að ræða. 

Eins og Þorsteinn sagði í grein sinni, það er margt annað en launin sem heldur fólki frá grunnskólakennaranámi. 

Sálfræðing og atferlisfræðing þyrfti í hvern skóla til að vel sé.

 

Starfið er skemmtilegt þegar vel gengur.

 

 


mbl.is Sífellt færri kennara að fá
Tilkynna um óviðeigandi tengingu við frétt

Nemendur hafa áskað grunnskólakennara með slæmum afleiðingum

Greinin birtist í Kjarnanum í dag 24. maí 2019.

 

Í sam­fé­lag­inu hefur gengið yfir bylgja þar sem mönnum er frjálst að ásaka fólk um ýmsu hluti. Það er gert opin­ber­lega án nokk­urra afleið­inga. Stundum er fólk nafn­greint og stundum ekki. Sam­fé­lagið hefur á vissan hátt sam­þykkt slíkt fram­ferði. Börn læra það sem fyrir þeim er haft.

Áður en lengra er haldið skal það tekið fram að lang stærsti hluti nem­enda eru til fyr­ir­myndar.

Innan veggja grunn­skól­anna virð­ist hið sama ger­ist og í sam­fé­lag­inu. Grunn­skóla­kenn­arar lenda stundum í honum kröpp­um. Þeir eru ásak­aðir um ofbeldi, af hvers konar tagi, missa mann­orð sitt að hluta eða öllu leyti. Nem­anda sem dettur í hug að ásaka kenn­ara um ofbeldi stendur oft með pálmann í hönd­un­um. Rann­sókn innan skól­ans er haf­in, aðrir nem­endur spurðir og á þann hátt er mann­orð kenn­ara sett á voga­skál­arn­ar. And­leg heilsa kenn­ara er líka undir og margir standa ekki undir upp­lognum ásök­un­um.

Grunn­skóla­kenn­arar hafa upp­lifað að nem­andi sýni áverka, s.s. mar­bletti og klór, sem eng­inn veit hvernig er til­kom­inn nema nem­and­inn sjálf­ur, til að ná sér niðri á kenn­ara. Það þarf ekki annað en að kenn­ari setji nem­anda mörk. Skóla­reglur henta ekki öllum og ein­staka nem­andi telur sig yfir skóla­reglur haf­inn. Stjórn­endum er blandað í málin og stundum stoppa málin þar en alls ekki alltaf. For­eldrar taka oft á tíðum upp hansk­ann fyrir börn sín og verða vart við­ræðu­hæf um mál­ið. Farið er með barn til læknis og áverka­vott­orð feng­ið. Barn­inu skal trúað hvað sem öðru líð­ur. Á stundum eru barna­vernd­ar­nefndir inni í mál­unum þar sem rætt er við aðila til að fá heild­ar­mynd­ina. Í ein­staka til­fellum bland­ast lög­regla í málið þar sem yfir­heyrslur fara fram. Þegar hér er komið við sögu eru hefndn­ar­að­gerðir barns og for­eldra því­líkar að vart verður stopp­að. Kenn­arar hafa mátt ráða sér lög­fræð­ing til að vinna úr máli sem kemur svo á dag­inn að var „allt í plat­i“. Nem­andi hefur náð sér í stjórn­un­ar­tæki. Hvað svo!

Grunn­skóla­kenn­arar og stjórn­endur eru ber­skjald­aðir þegar kemur að frá­sögnum barna sem vilja kenn­ara eitt­hvað illt. Kenn­arar og stjórn­endur hafa var­ann á ef þeir þurfa að ræða eins­lega við nem­anda, þeir hafa opna hurð eða annan aðila með sér, ótt­inn um hvað nem­andi gæti tekið upp á er alltaf á bak við eyrað. Langt í frá eði­leg þró­un.

Í Dana­veldi hafa karl­kenn­arar verið ásak­aðir um kyn­ferði­legt ofbeldi, af stúlk­um, sem áttu ekki á við rök að styðj­ast. Ásak­an­irnar höfðu afdrifa­ríkar afleið­ingar fyrir kenn­ar­ana sem hættu störf­um, dæmdir af skóla­sam­fé­lag­inu, sam­fé­lag­inu sem þeir bjuggu í og heilsan far­in. Áfallastreituröskun er algengur kvilli í kjöl­far slíkra áfalla. Stuðn­ingur stjórn­enda og sveita­fé­lags­ins við kenn­ar­ana var eng­inn. Myndin „Jag­ten“ sýnir svo ekki verður um villst hver fram­koma sam­fé­lags­ins er þegar slíkar ásak­anir líta dags­ins ljós.

Því miður eru alltaf skemmd epli inn á milli í nem­enda­hópi og fái kenn­ari að smakka á slíku epli geta afleið­ing­arnar orðið afdrifa­rík­ar. Umræð­una þarf að opna, gera sér grein fyrir að við þetta búa kenn­ar­ar. Hlúa þarf að kenn­ara sem hefur mátt þola ásökun af þessu tagi. Traust milli kenn­ara og nem­anda er far­ið. Ótt­inn við að nem­andi end­ur­taki leik­inn er ekki langt und­an, við­var­andi ótti getur valdið streitu sem getur leitt til viða­meiri kvilla.

Í grein­inni er ein­göngu rætt um grunn­skóla­kenn­ara en aðrir starfs­menn grunn­skóla hafa einnig lent í svona aðstæð­um.

Höf­undur er M.Sc., M.Ed., starfar sem grunn­skóla­kenn­ari og er full­trúi grunn­skóla­kenn­ara í Vinnu­um­hverf­is­nefnd KÍ.


Miðflokksklausturskráarmálþófsþingmenn- til skammar

Þessir þingmenn gera hvorki þjóð né þini greiða með bullinu í sér. Vona að þingið sjái ástæðu til að breyta þingskaparlögum til að forðast svona bullukolla eins og Miðflokksmenn eru í þessari umræðu.


mbl.is Miðflokksþingmenn enn í pontu
Tilkynna um óviðeigandi tengingu við frétt

Nemendur beita kennara ofbeldi

Greinin birtist í Kjarnanum í dag.

Fyrir rúmu ári kom út skýrsla í Dan­mörku sem sýnir að fimmti hver grunn­skóla­kenn­ari upp­lifir ofbeldi og fjórði hver hótun af hálfu nem­anda.

Mennta­mála­ráðu­neyti Dana útbjó leiða­vísi fyrir grunn­skóla sem á að hjálpa þeim til að fyr­ir­byggja og takast á við ofbeldi og hót­an­ir. Ráð­herra mennta­mála í Dana­veldi segir fjölda kenn­ara of mik­inn sem lendir í þessu.

Danski ráð­herr­ann segir að menn­ing innan skól­ana þurfi að breyt­ast þannig að unnið verið kerf­is­bundið með ofbeld­ið. Í mennta­geir­anum ríkir traust, sem er gott og ætti að vera áfram. Það hefur þó ann­marka, stundum getur verið erfitt að taka á mál­unum þegar alvar­legu ofbeldi er beitt. Okkur hættir til að telja það minna en það í raun er.

Tvo kenn­ara í hvern bekk

Margir komu að gerð leiða­vís­is­ins, m.a. fag­fé­lög og stofn­an­ir. For­maður félags grunn­skóla­kenn­ara, í Dan­mörku, er ánægður með að menn hafi beint sjónum sínum að vanda­mál­inu. Hann telur mik­il­vægt að hver skóli vinni að mál­unum heima í hér­aði og telur það hafa ákveðna stöðu og skuld­bind­ingar að ráðu­neyti mennta­mála gefi út leiða­vís­inn. For­mað­ur­inn von­ast eftir að kast­ljósið, sem ofbeldið fær, verði til að skapa svig­rúm og verk­færi til að taka á vand­an­um, að fyr­ir­byggja ofbeldi og hót­anir í garð kenn­ara. Hann bendir á að í bekkjum þar sem ofbeldi er beitt eða getur átt sér stað ættu að vera tveir kenn­ara. Leiða­vís­inum fylgja engir pen­ingar en ráð­herr­ann bendir á að sveit­ar­fé­lögin geta valið að hafa tvo kenn­ara í bekk, útfærslan er þeirra. Leiða­vísir­inn er fyrsta skrefið til að taka á vandaum og munu fleiri fylgja í kjöl­far­ið. Búast má við frek­ari rann­sóknum á vanda­mál­inu ofbeldi og hót­anir í garð grunn­skóla­kenn­ara í grunn­skól­an­um.

Staðan hér á landi

Því miður hefur þessu vanda­máli ekki verið gef­inn gaumur hér á landi, þrátt fyrir að margir kenn­arar hafi upp­lifað ofbeldi og hótun í starfi. Vinnu­um­hverf­is­nefnd KÍ sendi út könnun meðal grunn­skóla­kenn­ara í lok apríl til að fá til­finn­ingu fyrir vand­an­um. Könn­unin sýnir að við erum í sama vanda og frændur vorir Dan­ir. Alltof margir kenn­arar upp­lifðu ofbeldi og hót­an­ir. Sama má segja um Svía, þeir beina kast­ljós­inu að ofbeld­is- og hót­un­ar­vand­anum sem eykst með hverju ári í grunn­skól­an­um.

Stjórn­endur og grunn­skóla­kenn­arar sem beittir eru ofbeldi eiga að til­kynna það til Vinnu­mála­stofn­unar en mik­ill mis­brestur er á því. Til að fá yfir­sýn yfir mála­flokk­inn er mik­il­vægt að virða þá til­kynn­ing­ar­skyldu. Hér á landi, eins og í Dan­mörku, ríkir mikið traust í grunn­skól­anum og kann að vera skýr­ing á að ofbeldið sé ekki til­kynnt, því mið­ur. Engum er greiði gerður með að breiða yfir ofbeldi nem­anda. Auk þess ber að til­ynna barna­vernd­ar­yf­ir­völdum um ofbeld­ið.

Ofbeldi milli nem­anda og kenn­ara á ekki að líða. Minni líkur er á að barn fái við­eig­andi aðstoð breiðum við yfir vand­ann og hvað þá að kenn­ari fái aðstoð. Það er mikið áfall að verða fyrir ofbeldi og hót­unum af hálfu nem­anda. Eng­inn kenn­ari á að sætta sig við slíkt.

Skóla­stjórn­endur og yfir­völd mennta­mála þurfa að opna augun fyrir vand­an­um. Bjóða þarf kenn­urum sem verða fyrir ofbeldi við­eig­andi aðstoð því það er ekki bara áfall að verða fyrir ofbeldi heldur rofnar traustið á milli kenn­ara og nem­and­ans sem beitir ofbeldi. Ótt­inn við að lenda aftur í ofbeldi sækir á sál þol­anda sem vinna þarf með. Trún­að­ar­brestur hefur átt sér stað og miki­vægt að byggja hann upp aft­ur.

Rann­sóknir á vanda­mál­inu er ekki til staðar en þörfin er mik­il. Sama er hvaðan gott kemur og því má hvetja meist­ara­nema í kenn­ara­fræð­um, sál­fræði, félags­fræði eða hjúkr­un­ar­fræði, svo eitt­hvað sé nefnt, að rann­saka mála­flokk­inn.

Höf­undur er M.Sc., M.Ed., starfar sem grunn­skóla­kenn­ari og er full­trúi grunn­skóla­kenn­ara í Vinnu­um­hverf­is­nefnd KÍ.


Foreldraútilokun er líka ofbeldi

Skelfilegar tölur sem koma fram í rannsókninni. Samsvarar sér við útlenskar rannsóknir. Mæður beita börn sín oftar ofbeldi en feður samkvæmt útlenskum rannsóknum en ekki kemur fram í þessari rannsókn. Allavega hef ég ekki séð það enn.

Foreldraútilokun er slæmt ofbeldi. Foreldraútilokun er beitt af móður og föður. Foreldraútilokun hefur gífurlega afleiðingar í för með sér fyrir barn. 

Félagsmálaráðherra getur í það minnsta beitt sér til að minnka það ofbeldi án erfiðis.

Allir þurfa að leggjast á eitt að stöðva ofbeldi sem börn eru beitt, sama hvað það heitir. Allt ofbeldi hefur áhrif á börn þegar til framtíðar er litið.

 


mbl.is „Ofboðslega sorglegar tölur“
Tilkynna um óviðeigandi tengingu við frétt

Kjánalegt- tími á hvíld

Mikið var þetta kjánaleg framkoma Hatara. Nú er vonandi að þjóðin fái frí frá þessari keppni í formi refsingar fyrir framkomuna. Fimm ár hljómar ágætis tími. Þjóðin hefur þá tíma til að jafna sig og jafnframt veðja á aðrar þjóðir. Best er að RUV myndi spara tugi milljóna á ,,hvíldinni." 


mbl.is „Þetta voru mistök“
Tilkynna um óviðeigandi tengingu við frétt

Vantaði flokksbróður verkefni

Þeir eru samir við sig stjórnmálamennirnir. Hélt sannast sagna að þeir yngri væru ekki ofan í sömu hjólförum og þeir gömlu. Ásmundir sýnir það og sannar að ég hef rangt fyrir mér. Reyndar gerði Katrín Jakobsdóttir það sama þegar hún réð Höllu Gunnarsdóttur. Er nokkur furða að menn þreytist á stjórnmálamönnum sem leyfa sér allt...eða nær því allt.


mbl.is Jóni falin yfirumsjón með aðgerðum gegn félagslegum undirboðum
Tilkynna um óviðeigandi tengingu við frétt

Sorglegar en orð fá lýst

Skelfilegt að lesa að eldurinn sé af barnavöldum. Sennilega hefur þetta farið úr böndunum hjá piltunum. Verður þeim og foreldrunum dýr skemmtun svo ekki sé meira sagt. Gott dæmi til að nota þegar útskýra á fyrir börnum hvaða afleiðingar fikt með eld geta orðið.  


mbl.is Þrír piltar játuðu aðild að íkveikju
Tilkynna um óviðeigandi tengingu við frétt

Kastar steinum úr glerhúsi

Inga sendi mynd af barni fætt í 23 viku þar sem allt gekk upp...til að niðurlægja og kalla aðra foreldra sem velja þungunarrof morðingja. Inga á að skammast sín. Auðvitað á lagaramminn að vera í lagi fyrir svona tilfelli eins og sagt var frá. Álit mitt á umræddum þingmanni er lítið. Vona að aðrir þingmenn hafi betri yfirsýn yfir málaflokkinn og beri meira traust til fagfólks en Inga gerir. Tilfellið sem Inga sá í sjónvarpinu í gær er nákvæmlega þessi tilfelli þar sem bregðast þarf með þungunarrofi, barni og fjölskyldu til heilla. Það ætti enginn að mæla með fæðingu mjög fatlaðs barns. Slík fæðing er engum til heilla, ekki barninu, ekki foreldrum, ekki systkinum eða samfélagi.

Inga kallar þessa konu og eiginmann hennar morðingja...https://www.ruv.is/frett/erfitt-ad-vera-kalladur-mordingi


mbl.is „Það hef ég aldrei gert“
Tilkynna um óviðeigandi tengingu við frétt

Skelfilegt- vonandi verður veður til útikennslu

Um mann fer hrollur. Hvílíkt að sjá skóla brenna svona. Skólastjórinn er keikur enda engin ástæða til annars. Vorið er á næsta leiti svo kennarar geta gripið í útikennslu ásamt því að fá inni í öðrum skólum. Sé kalt í lofti má klæða sig vel. Gæta þarf að börnunum, mörg þeirra gætu glímt við sorg að sjá skólann sinn svo illa farinn.

Gangi ykkur vel, starfsmenn Seljaskóla á komandi vikum.


mbl.is „Það drepur ekkert skólastarf“
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband