Leiðinlegt atvik

Slæmt er að sjá laganna vörð missa stjórn á skapi sínu þegar ungur piltur neitar að hafa stolið í versluninni. Eitt af aðalsmerkjum lögreglunnar á að vera miðlun mála sem mistekst hraplega hér. Hvort sem ungi maðurinn hafi eitthvað inná sér eður ei, réttlætir ekkert svona framkomu eins og sést á myndskeiðinu. Yfirmenn lögreglunnar hafa væntanlega úrræði til að losa sig við slíkan starfskraft, því ekki er hægt að treysta slíkum starfsmanni, sem lætur skapið hlaupa með sig í gönur.

 

Spyrja má hvort líkamlegt ofbeldi sé réttlætanlegt þegar einstaklingur rífur kjaft, nei það á aldrei rétt á sér og eiga starfsmenn lögreglunnar að vera fyrirmynd hvað hegðun og athafnir varðar. Með lögum skal land byggja eru einkunnarorð þeirra.

Lögregla fer yfir atvik í 10/11

Athugasemdir

[Skaz, 27.5.2008 kl. 16:25]

Því miður þá ljáir þetta myndband trúverðugleika við þær staðhæfingar að valdbeiting lögreglunnar sé að verða algengari og harðari og að þetta sé ekkert einsdæmi, bara í þetta skipti voru þeir gripnir á myndband.

Held að lögreglan þurfi að fara í alvarlega endurskoðun varðandi persónuleika og hegðunar þeirra sem í henni eru og umsækjenda. 

[Guðrún Magnea Helgadóttir, 27.5.2008 kl. 16:34]

Gott að ég var ekki stödd í umtalaðri verslun...