Rannsókn- þetta voru sleggjudómar ágæta Kristín

Grafalvarlegt ef fréttastjóri kallar þetta rannsókn af hálfu blaðamanna hennar. Sleggjudómar til þess eins að selja blaðið og koma með hálfrökstuddar fréttir. Löngu tímabært að fréttamenn slaki aðeins á þegar nauðgunarmál eru annars vegar. Það skiptir þjóðina ekki nokkru máli þó fréttin bíði í dag eða tvo frekar en að fá tilbúning frá fréttamönnum. Fagna innilega dómnum og vona svo sannarlega að fréttamenn vandi til verka framvegis í svona viðkvæmum málum.

„Enn ein atlagan að fjölmiðlafrelsi“

Hélt að um skammtímavistunina væri að ræða

Las fyrirsögnina og gladdist eitt augnablik. Hélt að hér væri verið að ræða um skammtímavistunina í Álfalandi sem ætlað er fötluðum börnum. Gladdist að stefnubreyting hefði orðið í borginni og nú ætti að gera eitthvað mikið og rótækt. En því miður er ekki um það að ræða. 

 

Fimm milljarðar í Álfaland

Konur í stjórnunarstöðum

Konur hasla sér völl í stjórnunarstöðum. Í mörgum grunnskólum ráða konur ríkjum bæði sem skólastjórar og deildarstjórar. Velti fyrir mér hvort skólastjórastaða sé talin með þegar könnum um kyn í stjórnunarstöðum er rannsakað.

Þrjár sækjast eftir skólameistarastöðum

Verður fróðlegt að sjá hver vill

Vel til fundið hjá henni og mjög réttmætt. Það er ólíðandi að borgarstjóri sé með sem nemur hálfum  grunnskólakennaralaunum fyrir fund hjá slökkviliði höfuðborgarsvæðisins og sinni þeim á vinnutíma. Og þó hann gerði það utan hefðbundins vinnutíma réttlæta þessi laun ekki þá fundarsetur. Sjálftaka. Álag vega formennsku í nefnum er þvílík vitleysa, þetta hlýtur að fylja starfi hvers fulltrúa. Sjálftökur má stoppa. Þó forverar þeirra hafi hagað sér illa þurfa núverandi bæjarfulltrúar ekki að gera það. Áhugaverð umræða framundan hjá bæjarfulltrúunum.

Vill afnema greiðslur fyrir fundarsetu

Íslensk börn búa við fjarveru frá foreldri

Skelfilegt að stjórnvöld í Bandaríkjunum skuli iðka þessa stefnu. Börn eiga ekki að verða viðskila við foreldri eða foreldra á nokkurn hátt. Íslenskir fjölmiðlar ræða um málið og ekki að ósekju.

Alltof mörg íslensk börn búa við ólögmæta tálmun sem felur í sér fjarveru frá öðru foreldrinu, af því hitt foreldrið ákveður það. Rétt eins og Trump ákveður aðskilnað. Hér á landi eru stjórnvöld máttlaus gagnvart ólögmætum tálmunum og börnin líða fyrir það. Vona að stjórnvöld sjái sóma sinn í að taka á málaflokknum hér á landi.

Getur valdið óbætanlegu tjóni

Bjarkey komin í íhaldsstjórn svo hún segir ekki mikið

Það er víst regla að þingmaður stjórnarandstöðunnar eigni sér titilinn. Hvort um er að ræða innhaldríkar ræður er svo allt annað mál. Bjarkey þingmaður Vg átti þennan titill í fyrra en hert hefur verið að málbeini hennar í ár, svo ræðurnar eru ekki margar, enda situr hún í stjórn. Margt af því sem hún gagnrýndi í fyrra er ekki talað um í ár, rétt eins og hjá öðrum félögum hennar innan Vg. Ríkisstjórnarstólarnir hljóta að ylja stjórnmálamönnum því það er með eindæmum að fylgjast með breytingum á þeim þegar þessir stólar eru í boði.  

Björn Leví ræðukóngur Alþingis

Þetta mega grunnskólakennarar aldrei sætta sig við

Það er með ólíkindum að formaður Félags framhaldsskólakennara ætli grunnskólakennurum 7 ára nám til að kenna í framhaldsskóla. Í dag er grunnskólakennaramenntunin 5 ár og er jafn löng og flest allt nám sem framhaldsskólakennarar hafa með kennsluréttindanáminu.

Sótt er að grunnskólakennurum úr báðum áttum. Leikskólakennarar hafa barist fyrir leyfi til að  kenna á yngsta stigi grunnskólans og ætli framhaldsskólakennari að teygja sig niður með almennu leyfi, ekki undanþágu, þá vilja þeir unglingastigið. Það segir sig sjálft að gangi þetta eftir verða það grunnskólakennarar sem sinna miðstiginu.

Grunnskólakennarar þurfa að standa vörð um réttindi sín, gagnvart öðrum kennarastéttum. Réttindi til grunnskólakennslu er með ýmsum hætti en er ekki kominn tími til að staldra við og skoða málið og ekki á þá leið sem formaður FF hvetur til.

Guðríður telur eðlilegt að grunnskólakennari taki 7 ára nám til að kenna í framhaldsskóla á meðan framhaldsskólakennarar láti 5 ár duga til að kenna í grunnskóla. Nei takk þetta mega grunnskólakennarar ekki gefa eftir á nokkurn hátt.

Fái leyfisbréf þvert á skólastig

Synd að hafa Heiðu, sem tekur þátt í orðræðu gegn feðrum, í velferðarnefnd

Barnavernd heyrir undir velferðarnefndina þar sem Heiða fer í forsvari. Heiða lét á sér bera meðal kvenna sem rægja feður á þann hátt sem þeim fer best úr hendi. Nú ber svo við að hún er yfirmaður barnaverndarmála sem er slæmt. Vona að faglega verði ráðið í barnavernd þannig að ekki þurfi að nota misvitra stjórnmálamenn í verkið.

Samfylkingunni til skammar að hampa konu eins og Heiðu. ,,Varaformaður Samfylkingarinnar, Heiða Björg Hilmisdóttir ,,lækar“ færslu sem endar á orðunum ,,rústum þessum gaurum“ og aðra færslu þar sem kallað er eftir slúðri og níði um þá karlmenn sem voga sér að vera sýnilegir í #DaddyToo baráttunni. Þess ber að geta að Heiða Björg skráði sig í fésbókarhóp #DaddyToo gagngert til að njósna eða ,,spæja“ um mennina sem verið var að skipuleggja aðför að svo notuð séu hennar eigin orð. Hún afskráir sig svo síðar úr #DaddyToo hópnum og hefur um leið um það þau orð að henni þyki leitt að geta ekki haldið áfram að ,,spæja“ eins og hún orðar það."

 

Ekki úr vegi að kynna sér málflutning kvenna í garð feðra en 2500 konur eru í þessum öfgahópi og aðeins ein andmælti þeim ljótleika sem fer þarna fram.

https://forrettindafeminismi.com/2018/05/22/feministaskjolin/ 

Dagur áfram borgarstjóri

Þeir fá það sama og almenningur

Löngu tímabært að forstöðumenn ríkisstofnanna fái það sama og almenningur í landinu fær. Þó laun þeirra hafi ekki hækkað í þrjú ár eru þeir ábyggilega vel launaðir og hafa ekki yfir neinu að kvarta. Samkvæmt fréttinni virðist sem formaðurinn vænti verulegrar hækunnar og óttast að fá það sama og almenningur. Verður fróðlegt að fylgjast með. Þeir sem heyrðu undir kjararáð ættu nú að fá hækkun samkvæmt almennri launaþróun. Verði það gert þarf formaðurinn ekki að óttast að hópurinn verði skilinn út undan.

Ríkisforstjórar reiðir kjararáði

Fagfólk ekki tínt upp af götunni

Það er löngu vitað að fagfólk innan félags-og heilbrigðisgeirans muni vanta í komandi framtíð. Þetta er byrjunin. Launin eru svo lág að fáir vilja starfa við umönnun og hjúkrun aldraðra. Vinnan er erfið og því ekki á hvers manns færi að sinna þessari þjónustu. Tekur á andlega og líkamlega. Nú tala menn um að byggja heimili fyrir aldraða. Tel það minnsta mál. Erfiðara er að manna slíkar byggingar af fagfólki.

Draga þarf úr heimaþjónustu