Gott að fjölmiðlar fengu

eitthvað annað að skrifa um en flóttamenn og flutning þeirra. Þökk sé skýrslunni, megi umfjöllun vara sem lengst.

Annars er alltaf sama sagan þegar skýrsla af þessum toga kemur fram, menn skiptast í fylkingar. Gekk bærilega- gekk hörmulega. Við gerðum rétt- þeir gerðu allt vitlaust. Svo geta menn fikrað sig áfram, hvorri fylkingunni þeir fylgja.

VR hefur vísað kjaraviðræðum til Sátta. Virðist stefna í verkfall í jólaösinni eða? Spennandi að fylgjast með.

Bjarni: „Algjörlega óraunhæft“ að elta verðið í 122

Ruv heggur í sama knérunn í málefnum flóttamanna

og sorglegt að hlusta á fréttamann Ruv í Silfrinu tyggja sömu tugguna. Af hverju talar hún ekki almennt um flóttamannamálin. Komið nóg af þessu rausi um það sem liðið er. Hvað með framtíðina, reglugerðirnar og annað sem Útlendingastofnun vinnur eftir. 

Að tala um að maðurinn hafi verið rifinn úr hjólastólnum er ofsögum sagt. Það fórnaði sér lögreglumaður til að taka hann í fangið og setja inn í bílinn. Þannig þurfa þeir sem hafa ekki bíl sem hentar hjólastólum að flytja fólkið sitt. Engin nýlunda. 

Nóg komið af þessu flóttamannamáli. Það talar enginn um af hverju þetta fólk fór ekki þegjandi og hljóðalaust þegar þeim var hafnað. 

Helga Vala í Samfylkingunni og Magnús Norðdal Pírati reka lögfræðiskrifstofur sem hjálpar þessu fólki á kostnað ríkisins. Eru hagsmunaárekstrar ekki of mikilir hjá þeim. 

Hans Jónsson- transaktívisti sakar menn um lygar!

Hans er ekki málnefnanlegur. Fer í menn ekki málefni. Kemur ekki á óvart þegar hópurinn sem hann virðist tilheyra er annars vegar. Hans talar ekki um hvað sé lygi í umsögnunum við bælingarfrumvarpið sem honum er svona illa við. Hann talar ekki um skotleyfið á fagfólk og foreldra í frumvarpinu. Hvað segir Hans Jónsson efnislega? Ég er ekki sammála honum að það gangi illa að skilgreina sig sem trans, á mig virkar það eins og faraldur og ég er ekki ein um það. Einhæf umræða á Íslandi veldur að fólk þarf að sækja fræðslu til útlanda. Blaðamenn bregðast skyldu sinni í þessum efnum. Meðvirkir. 

Umboðsmaður barna vill foreldra í fangelsi- með samþykkt sinni!

Umboðsmaður barna leggur blessun sína yfir að foreldrar barna í kynáttunarvanda geti lent í fangelsi í allt að fimm ár. Það gerir hann með umsögn sinni um bælingarfrumvarpið. Umboðsmaður barna sem beittir eru tálmun er ekki eins góður við þau börn. Foreldrar þeirra máttu alls ekki sjá fangelsisveggina en í Tálmunarfrumvarpi Brynjars var gert ráð fyrir allt að fimm ár vegna tilhæfulausrar tálmunar.

Umboðsmaður barna er ekki umboðsmaður allra barna það sýnir hann og sannar með þessum gjörningi. Vona að þingmenn sé skynsamari.

Reyndar merkilegt að sjá þingmenn sem börðust gegn Tálmunarfrumvarpinu eru hlynntir fangelsinsvitstun foreldra barna með kynáttunarvanda. Þröskuldurinn á Tálmunarfrumvarpinu var möguleikinn á fangelsun foreldris. Það er ekki sama Jón og séra Jón hjá þingmönnum.

Formaður Siðmenntar Inga Auðbjörg Straumland

tekur þátt í hatursumræðu gagnvart lesbíum og hommum sem vilja ekki að bælingarfrumvarpið nái fram að ganga óbreytt. Vilja bíða niðurstöðunnar úr rannsókn frá Bretlandi. Siðmennt féll í áliti, þeir sendu umsögn, samþykkja bælingarfrumvarpið. Inga segist vera húmanisti og þeir sem samþykkja frumvarpið. Guð minn góður, hvílíkir húmanistar. Hér má sjá spjall um málið. 

Hér má sjá spjall

 

Mosi veður í vitinu:

Bælingarfrumvarpið- þar eru hættur

og því miður viriðst almenn skynsemi ekki duga til að fólk sjái það. Skotleyfi á fagfólk og foreldra.

Fréttablaðið sagði frá samtökum samkynhneigðra sem sendi inn umsögn við frumvaripð, lesið fréttina.

Á það ekki við um allt eða, einhliða umræða!

Hjó eftir þessum orðum formanns Kí, ,,Fram til þessa þykir Magnúsi um­fjöll­un­in vera ein­hliða og er undr­andi á því að ekki heyr­ist fleiri sjón­ar­mið þeirra sem starfa í skól­un­um held­ur þeirra sem starfa utan skól­anna." Að því sögðu er mér ljóst að formaðurinn hann velur málefnin þar sem fleiri sjónvarmið eigi að heyrast. Á þingi KÍ, vildi hann sem dæmi ekki heyra um það að lauslæti tungumálsins væri rætt, harmaði að það skyldi koma fram. Sama með orðin hán, kván og hvað þetta heitir allt saman. Það eru ekki allir kennarar sammála orðanotkuninni en formaðurinn harmar það og engin umræða um það leyfð. Upplifun mín og annarra á þingi KÍ var á þá leið.

Einhliða orðanotkun og transumræða hjá KÍ, þá líður öllu vel. 

Í sjónvarpsþáttunum umræddu átti að koma með lausnir, nú eru tveir þættir eftir. Vonum að þá komi hugmyndir að lausnum. Margt gott sem hefur komið fram, t.d. stuðningsfulltrúakerfið. Ungir óreyndir settir í störfin til að spara launakostnað. Vantar fagfólk. Má lengi telja. Ef umfjöllun á sér ekki stað hvernig bætum við skólakerfið. Margt gott og skemmtilegt líka gert.

„Ekki til þess fallið að rífa upp stemninguna“

Kennarar fordæma störf lögreglu

og það gerði mig dapra. Meirihluti kennara á þingi KÍ samþykkti ályktun og í henni stóð ,,Fólki á flótta var vísað brott í skjóli nætur á ómannúðlegan hátt en þar á meðal voru nemendur sem sóttir voru af lögreglu og frelsissviptir á heimleið úr skóla." Hér setja kennarar út á störf lögreglu sem vinna samkvæmt lögum og reglum sem um þá er sett. Framfylgja skipun yfirvalds. Kennarar á þinginu vissu ekkert nema það sem fram kom í fjölmiðlum. Kennarar vita að önnur hlið er á málinu sem fréttamiðlar ræða ekki um, enda ekki söluvara.

Kennarar yrðu allt annað en ánægðir ef Landsamband lögreglu myndi álykta um aðgerðarleysi kennara í eineltismálum, vitandi um aðra hlið málsins. Þá sem birtist í fjölmiðlum. Ég yrði allavega ekki ánægð með að önnur stétt myndi álykta gegn mér í starfi. 

Varð verulega vonsvikin með kennara sem ályktuðu gegn lögreglumönnunum. Sem betur fer voru ekki allir sem réttu upp spjaldið sitt til að samþykkja ályktunina sem sett var fram af mikilli tilfinningasemi.

Kennarahúsið...umræður á KÍ þingi

Á þingi KÍ var rætt um gamla Kennarahúsið sem stendur við Landspítalann. Samtökin fluttu úr húsinu og síðan þá hefur rekstrarkostnaður verið 24 milljónir. KÍ stendur straum af þessu. KÍ getur afhent ríkinu húsið og fengið greiðslu. Skil ekkert í af hverju stjórnin hafi ekki gert þetta strax og var ekki ein um það.

Hvað verður um húsið er ekki samtakanna, ríkið á húsið. Hægt að velta vöngum yfir því. Landspítalinn gæti notað lóðina. Húsið gæti farið á Árbæjarsafn og orðið að menntasafni. Hugmyndirnar vantar ekki.

 

Lauslæti í tungumálinu

sagði framhaldsskólakennari um samþykkt KÍ um afkynjun tungumálsins við mig. Sammála þeim kennara og öllum sem eru sama sinnis. Við erum nefnilega ekki bara tveir kennarar, töluverðum fjölda finnst KÍ ganga of langt. Þeir voru því miður ekki á þinginu. Formaður KÍ gekk of langt á þinginu þegar hann sagðist harma aðra skoðun en hann hefur sjálfur á lauslætinu. Hef aldrei vitað til að formenn aðildarsamtaka gangi fram með þeim hætti sem gerðist á þinginu. 

Mér lék forvitni á að vita af hverju félagsmenn KÍ, sem voru á þinginu, hati orðið maður, kven- og karlmaður. Af hverju þarf að breyta öllu þar sem orðið maður kemur fyrir, skil þessa vitleysu ekki. Sjálf mun ég ekki breyta málfari mínu, hvorki í ræðu né riti. Varaformaðurinn var með uppistand í veislunni, vissi ekki hvort hún væri varaforseti eða varaformaður. Hélt hún væri forseti eftir samþykkt ályktunar á þingi KÍ sem beindi tilmælum til forystunnar að hætta kynjaðri orðanotkun. Sem sagt hatur á orðinu maður. En þessi ágæta kona var kosinn varaformaður og er það þar til kjörtímabili hennar lýkur.

Ég skreyti mig með fjöðrum framhaldsskólakennarans, lauslæti í tungumálinu. Mér þykir þetta lýsa vitleysunni best. 

Ég var minnt á að bak við hvern þann sem mótmælir lauslætinu standa tugir að baki, þeir þora ekki eða hafa ekki getu til að tjá sig fyrir framan hóp. Viðbrögð hinna sem samþykkja lauslætið er ástæðan.