Karlar sem skilgreina sig sem konur eiga ekki að fá aðgang að kvennasvæðum.

Erlingur Sigvaldason (vinur minn á snjáldursíðunni) hefur áhyggjur af að minnihlutahópurinn (eins og hann kallar það), karlar sem skilgreina sig sem konu (karlmaður getur aldrei verið kona) hafi tekið of mikið pláss í hausnum á mér. Nei svo sannarlega ekki Erlingur. Hins vegar hefur barátta mín fyrir stúlkum og konum aukist til muna, fyrirferðameiri en undanfarin ár. Barátta mín fyrir að skilgreind svæði fyrir konur fái að vera í friði. Að karlar sem skilgreina sig sem konur fái ekki aðgang að þeim. Vekja þarf þjóðir heims upp af værum svefni gagnvart þessum hópi sem treður á réttindum stúlkna og kvenna. Víða um heim hafa merkingar á salernum verið teknar, konum til mikilla ama. Þær virðast ekki hafa sömu réttindi og þessir tilteknu karlar.

 

Karlar sem skilgreina sig sem konur eiga ekki að:

1. hafa aðgang að sömu salernum og konur.

2. hafa aðgang að sömu búningsherbergjum og konur.

3. hafa aðgang að kvennaíþróttum.

4. vistast í kvennafangelsum.

 

Svo er tvennt sem umræddir karlar geta aldrei og á aldrei að halda slíku fram.

1. Að karlmaður sem skilgreinir sig sem konu geti eignast barn (einungis sá sem er með leg og eggjastokka getur það, KONA).

2. Að karlmaður sem skilgreinir sig sem konu geti gefið brjóst, þá vantar mjólkurkirtlana sem eru einungis í konum. Hlutverk þeirra er að framleiða mjólk handa ungviði sem kona hefur fætt.

2. Að kalla sig lesbíu, það hugtak er notað um konu sem elskar aðra konu.

 

Nei þessir karlar eiga ekki hug minn allan heldur réttindi stúlkna og kvenna sem karlarnir ætla að troða sér inn á með þeim hætti að skilgreina sig konu. Fleiri mættu hoppa á vagninn til að verna þessi réttindi kvennanna sem kæra sig ekki um þessa yfirtöku á kvennasvæðum.

Þú getur ekki einu sinni sagt

að þér líði illa yfir að þú eigir að kalla kennara þinn Mrs. Jones en veist að hún er karlmaður. Þú getur heldur ekki sagt neinum að þér líði illa í kennslu hjá konu sem er karl segir í myndbandinu.

Í myndbandinu svarar Kellie-Jay Keen blaðamanni sem gerir lítið úr áhyggjum kvenna að karlmenn ryðjist inn á þeirra svæði, Owen Jones heitir hann.

Stórkostleg skýring konu af hverju karlmenn geta aldrei talist kona og af hverju við eigum ekki að hleypa þeim inn á svæði kvenna, s.s. íþróttum, búningsklefnum, klósett.

Vona að íslenskir kennarar sýni svona myndbönd þegar þeir kenna um fjölbreytileikann í kynvitund karla og kvenna.

Segir allt sem segja þarf

Atlaga að Jordan Pedersen er

kanadíska sálfræðingafélaginu til skammar. Lesa má um það hér.

Sálfræðingurinn hefur neitað að láta kúga sig til hlýðni. Margir hafa gert tilraunir til að fella hann, hefur ekki tekist. Hann er þyrnir í augum kynjafræðinga og þeirra sem aðhyllast hugmyndafræðinni að við séum kynlaus. Hvað með XX og XY sem ákvarðar kyn mannanna. Hvað gerist svo í huga fólks er allt önnur Ella. Staðreyndum lífræðinnar er ekki haggað.

Vona að sálfræðingurinn standi af sér storminn. Geri hann það ekki stendur hann ekki veikari fyrir vikið heldur sálfræðingafélagið. Hefur ekkert með fagmanninn að gera, ráðist er að persónu Jordan Pedersens og málflutningi. Engin fræðileg rök mæla með að sálfræðiskírteinið sé tekið af manninnum.

Skelfileg saga transstúlku

og með svona myndböndum eigum við að fræða æsku þessa lands sem er ósátt í eigin líkama. Skoðið hér.

Hún fór illa út úr lyfjameðferð. Enn og aftur, aldrei of sjaldan sagt látið börn í friði. Hvað fullorðið fólk gerir eigin líkama er þeirra mál. Börnum á ekki að byrla þetta eiturbras sem hormónablokkandi lyf eru. Það er sannað að um 80% af þeim börnum sem látin eru í friði sættast við líkama sinn. Hlustið hér. 

Mörgum finnst gott

að okkur fækki á jörðinni, liður í því. Spurning hvort Kínverjar feti ekki í fótspor þeirra sem hleypa flóttafólki inn í landið. Vanti þá starfskrafta er það tilvalið...eða!

Kínverjar hafa kynnst hinu ljúfa lífi og eru ekki á því að eiga mörg börn. Skiljanlega segi ég nú bara. Það er ekki ósvipað og gerist t.d. á Norðurlöndunum.  

Fólksfjöldi dróst saman í fyrsta sinn í 60 ár

Vottorðaútgáfa íþyngir heimilslæknum

og hvað er til ráða? Gætu vinnuveitendur lagt hönd á plóginn og minnkað álagið. Viss um það. Margir vinnuveitendur krefjast vottorð vegna skammvinna veikinda. Hvað er þeir bæðu um vottorð eftir viku ekki tvo daga. Myndi létta álagi á lækna landsins.

Vinnuveitendur þekkja starfsmenn sína. Hafi þeir grun um misnotkun væri hægt að biðja þá starfsmenn um vottorð en láta hina eiga sig. Vottorð er líka kostnaður og vinnuveitendum myndu spara sér hann.

Segi eins og margir hafa bent á, dragið úr beiðni um vottorð. Annað Tryggingarstofnun biður öryrkja um vottorð reglulega. Líka þá sem eru skaddaðir fyrir lífstíð. Þarna mætti stofnunin taka verkferla sína til endurskoðunar, sem er endurmat. Rétt eins og fatlaður einstaklingur yrði heill heilsu milli skoðana. Benda þarf á vitleysuna, með von um að TR taki hana til greina.

Innræting hefst á háskólastigi

og hríslast niður menntakerfið. Blessuð leikskólabörnin fá sinn part af innrætingunni. Leikskólakennarar sjá um það. Sem betur fer ekki allir en sumir.

Um hvað tala ég. Kynin. Þessi tvö sem til eru. Bera litningana XY og XX, skapa karl og konu. Eins og segir á Vísindavefnum ,,Kynlitningar eru, eins og nafnið bendir til, litningar sem ákvarða kynferði."

Enginn í háskólanum hefur frætt nema og þjóðina hvaða litninga öll þessi kyn hafa sem margir halda fram að séu til. Þau geta ekki haft XX og XY, þá litninga bera karl-og kvenmaður.

Af hverju er háskólastúdentar ginkeyptir fyrir þessar vitleysu að maðurinn geti haft annað kyn en litningar segja til um. Venjuleg er um ágætlega skynsamt fólk að ræða. 

Hanna Björg Vilhjálmsdóttir kynjafræðingur og framhaldsskólakennari sagði í spjallþætti, þar sem bróðir hennar var líka viðmælandi, að kynin væru mörg og enginn vissi í reynd hve mörg. Þarna boðar Hanna Björg innrætingu í skólakerfinu haldi hún því fram innan skólaveggjanna. Allir vita að kynin eru tvö, hvorki fleiri né færri. Hanna Björg og aðrir hennar líkir hafa hvergi gefið upp hvaða litningar ákveði þessi óræðu kyn. Af hverju ekki? 

Páll Vilhjálmsson skrifaði á bloggsíðu sína og hefur þó nokkuð til síns máls: ,,Á hitt er einnig að líta að háskólar, sem mennta kennara, eru ekki jafn traustar stofnanir og þeir fyrrum voru. Hér áður mátti gefa sér að þótt nemendur væru pólitískir aðgerðasinnar var háskólanámið á fræðilegum grunni. Nú ber svo við að frá háskólum koma skoðanir að líffræðileg kyn séu ekki lengur tvö, heldur þrjú, fimm eða seytján, og að maðurinn stjórni veðurfari jarðkringlunnar." 

Mér þykir ljóst að um innrætingu sé að ræða á öllum skólastigum landsins þegar því er haldið fram að kynin séu fleiri en tvö án þess að færa rök fyrir því t.d. með litningaskipan kynjanna. Það er líka innræting þegar sagt er að karlmaður geti fætt barn, það er ekki hægt því einstaklingur sem fæðir barn þarf að hafa leg. Karlmaður hefur það ekki.

Kynvitund og skilgreining á sjálfum sér er hugmyndafræði ekki staðreynd, getur verið allavega. Hún getur líka breyst, hreyfanleg. Fólk getur skilgreint sig sem karl, konu, ekkert kyn, mús, gíraffa eða hvað það vill hluta ævinnar og breytt svo til. Hefur ekkert með líffræði eða staðreyndir lífræðinnar að gera. Á tímabili getur stúlka skilgreint sig sem karlmann og öfugt og breytt því svo síðar. Reyndar er það mjög algengt lesi maður útlenskar rannsóknir og greinar.

Burtséð frá skilgreiningu á sjálfum sér ber viðkomandi ennþá litningana XY eða XX. Í sárafáum tilfellum, mjög fáum ruglast litningarnir í móðurkviði.

 

Innræting á ekki að líðast í skólakerfinu

þó Elliði segi að nú sé öldin önnur. Koma á í veg fyrir innrætingu í kennslustofum á öllum skólastigum, sama af hvaða toga hún er. Siðmennt hóf stríð gegn Þjóðkirkjunni, töldu að um innrætingu trúar í skólakerfinu væri að ræða þegar kristinfræði væri kennd. 

Innrætingin um að kynin séu fleiri en tvö- það er þvert á líffræðina- er innræting. Kennarar eiga að hafa vit á að blanda ekki saman skoðunum sínum, lífsstíl og hlustleysi. Mörgum reynist það erfitt. 

Látum vita af innrætingum sem þessum. Siðlaust með öllu. Menn eiga ekki að taka létt á innrætingu. Foreldrar eiga að láta vita ef börnum þeirra er t.d. sagt að kynin séu fleiri en tvö. Allir heilvita menn vita að svo er ekki. Kynvitund getur hins vegar verið allavega. Kynvitund á ekki að ræða á yngri skólastigum né fjalla um hana að mínu mati. Látum börn vera börn!

Kennari sem stundar innrætingu virðir hvorki fag sitt né stétt.

Siðareglur kennara innan KÍ eru skýrar með þetta:

Glæran í Versló ekki einsdæmi

Er ekki komið nóg

spyr ég nú bara. Ólöf hefur verið áskrifandi í fjölmiðlum og sennilega á samfélagsmiðlum líka til að rægja formann og stjórn sem hún situr sjálf í. Á tímapunkti verður þetta ekki trúverðugt lengur. Haltu áfram í stjórnarandstöðunni en hlífðu almenningi við þessu. Við vitum nóg og meira þarf ekki.  

Var bannað að spyrja spurninga