Hvar eru fjölmiðlarnir á Íslandi- skrifa ekki um eitt merkilegast dómsmálið

Roxy Kitle, karlmaður, dró Sall Grover fyrir dómstóla eftir að hún neitaði honum um aðgang að appi ætlað konum sem hún bjó til. Dómsmálið hefur verið kallað ,,Hvað er kona." Réttarhöldin fjalla um hvort hægt sé að setja kyn undir kynvitund. Kitla vill einnig fá allt að 200.000 dollara í ,,skaðabætur", segir tilfinningar sínar særðar eftir að Sall kallaði hann ítrekað karlkyn.

Málið snýst um að skera úr um hvort kynbundin réttindi kvenna séu enn til staðar í Ástralíu eða hvort lögin geri orðið ,,kona" merkingarlaust með því að halda því fram að karlar geti verið konur.

Lögfræðingar karlmannsins héldu fram að hann væri kona vegna þess að honum líður eins og konu og vegna þess að hann tekur lyf og fór í aðgerð til að líkja eftir kvenlíkama. Þeir héldu því einnig fram að vegna þess að hann verslar í kvennadeildinni og sumir samþykkja hann sem konu, þá sé hann kona. Trúir þú svona vitleysu?

Það er vandræðalegt að ástralska mannréttindanefndin hélt því fram að kynlíf væri ekki líffræðilegt hugtak og orðið kona næði yfir hvern þann sem líður þannig. Þeim tókst ekki að útskýra nákvæmlega hvernig konu líður og þeim tókst ekki að útskýra hvernig karlmaður getur skilgreint sig sem konu ef við vitum ekki hvað kona er.

Barrister Bridie Nolan lögfræðingur Sall Grover vann frábært starf og undirstrikaði mikilvægi kynbundinna réttinda kvenna. Rachel Wong, sem var viðstödd réttarhöldin, birti á X samantekt sína á yfirlýsingum Nolan.

,,Hvað er kona, ef það að halda að maður sé kona, þýðir að maður er kona? Kona er ekki hugsun.“

Samantekt lögmanns karlmannsins á konu er ekki aðeins verulega móðgandi heldur fáránleg - hvernig maður klæðir sig, hvar maður verslar o.s.frv.

Bæði kynin geta verslað í hvaða búðum sem er.

Finna má fleiri þætti í sönnunargögnum karlmannsins sem valda áhyggjum og er skaðlegur þáttur, s.s. rétturinn til að nota einkarými kvenna sannar óumdeilanlega að hann hefur ekki sálfræði konu.

Samfélagið viðurkennir mikilvægi þess að hvort kyn hafi einkarými við ákveðnar aðstæður - salerni eingöngu fyrir konur, svefnsalir o.s.frv. - til að vernda konur fyrir ofbeldi karla. Þetta eru einmitt staðirnir sem kærandinn segist nota.

Sall var spurð margra spurning um ,,misgndering“ Kitla. Spyrjandi spurði hana hvort hún samþykkti hann, sem fékk úthlutað karlkyni en hafa breyst með öllum tiltækum ráðum, s.s. lyfjum og skurðaðgerðum til að vera kona, samþykkir þú það? Sall sagði NEI.

,,Ég er ekki sammála," var svar Sall þegar hún var spurð hvort Roxy væri ekki kona þegar búið væri að breyta skráningu á fæðingarvottorði.

Sall hefur 100% rétt fyrir sér. Enginn karlmaður getur breytt kyni sínu. Það er skrifað í hverja frumu líkamans. Tilfinningar geta ekki breytt því, ekki heldur búningar, lyf eða skurðaðgerðir.

Sall sagði einnig: "Það er engin kona í heiminum sem þarf að fara með mig fyrir dómstóla til að nota þessi einkarými kvenna. Það þarf mann til að þetta mál sé til."

Bromwich dómari mun nú íhuga sönnunargögnin og taka ákvörðun á næstu mánuðum.

Óháð því hvað hann ákveður, þá er staðreyndin sú að enginn getur breytt kyni sínu.

Heimild.

Siðfærði og siðareglur lækna

Umræður um dánaraðstoð eru í samfélaginu. Umdeilt málefni. Formaður læknafélagsins segir slíka aðstoð fara gegn siðareglum lækna. Gott og vel, sjónarmið út af fyrir sig.

Þessi orð formanns læknafélagsins urðu til hugleiðinga. Hvað með verk lækna sem miða að því að gera heilbrigð börn að sjúklingum ævilangt? Hvað með verk lækna að afnema brjóst ungra heilbrigðra stúlkna vegna andlegra veikinda? Hvað með þátttöku lækna í aðför að foreldum sem vilja ekki þiggja slíka meðferð á barni sem líður illa í eigin skinni?

Ætli læknar að nota siðareglur og siðferði lækna til að hafna dánaraðstoð við sannarlega fársjúkt fólk ættu þeir að vera samkvæmir sjálfum sér. Oft er þetta sjúklingar sem hafa lifað með illvígan sjúkdóma í áratugi og vill að baráttunni ljúki. Börn og unglingar sem líður illa í eigin skinni eiga allt lífið fram undan. Þau eru ósátt með líkamann í mjög stuttan tíma miðað við lífsævina. Þau hafa ekki þroska til að taka þessar ákvarðanir, að verða sjúklingur til æviloka, verða ófrjó, vera háð lyfjum og andlegu veikindin hverfa ekki. Þetta eru tilraunameðferðir á börnum og unglingum.

Siðferði þarf að gilda um alla starfsemi lækna ekki bara suma.

Siðferði blaðamanna þarf líka að gilda þegar rætt er um ólíkar hliðar mála. Dánaraðstoð og tilraunameðferðir barna eru umdeild málefni í samfélaginu. Skóinn kreppir heldur betur þegar tilraunameðferðirnar eru ræddar. Þá þegja blaðamenn!

Af hverju mega börn ekki reykja, dópa, drekka og stunda kynlíf?

Vegna þess að fullorðna fólkið telur börn ekki haf þroska til að gera það. Auk þess er þrennt af þessu heilsuspillandi. Kynlífið hins vegar telja fullorðnir börn ekki tilbúin að stunda fyrr en um 15-17 ára aldur. Fullorðna fólkið vill að barnið hafi náð ákveðnum þroska, þekkingu og hafi þróað með sér þær tilfinningar sem margir vilja að séu með í spilinu þegar kynlíf er stunda.

Finnst einhverjum eitthvað athugavert við þetta? Nei enginn leggur fram frumvarp á þinginu til að leyfa börnunum sjálfum að ákveða hvenær þau mega byrja á reykja, drekka og dópa. Enginn notar að börnin eigi sig sjálf og líkamann og megi gera það sem þau vilja. Sama með grunnskólann, hafa börn þroska til að ákveða hvort þau gangi í skóla eður ei. Nei yfirvöld hafa ákveðið skólaskyldu, sem sagt fullorðið fólk hefur vit fyrir börnunum.

Þingmenn hér á landi eru ekki samkvæmir sjálfum sér. Þeir neita börnum um þetta allt á þeim grundvelli að þau séu börn.

Bælingarfrumvarpið sem átti að heimila börnum að ákveða, jafnvel án foreldra, hvort þau vilji hormóna og krosshormónameðferðir vegna ónota í eigin líkama átti var liður í að taka ákvörðunarvald af foreldrum og setja í hendur barna. Afleiðingarnar eru skelfilega og aukaverkanir miklar. Refsa á foreldrum sem hlustar ekki á barnið sitt. Þessi meðferð er tilraunastarfsemi segja sérfræðingar víða um heim. Flett hefur verið ofan af fagfólki sem sér ekkert að því að nota börn sem tilraunadýr. Það hefur líka komið fram að þessi meðferð hjálpar ekki börnum. Meðferðin skilur þau eftir sem ævilanga sjúklinga.

TILRAUNIR Á BÖRNUM, rétt eins og á rottum!

Þessar lyfjafræðilegu tilraunir eru nokkrir þingmenn hallir undir. Skortur á þekkingu vil ég meina að setja börn í tilraunameðferðir. Leti við að afla sér upplýsinga frá m.a. sérfræðingum erlendis frá.

Þegar bælingarfrumvarpið var til umfjöllunar á þinginu mátti heyra þingmenn segja að börnin ættu að ráða yfir líkama sínum. Börn mættu byrja á hormóna og krosshormónalyfjum þegar þau óskuðu þess. Fullorðið fólk átti ekki að blanda sér í það. Þingmenn sem vildu tilraunir á börnum sögðu við þá sem töluðu gegn frumvarpinu og meðferðinni á börnum með fordóma. Sem sagt að vernda börn flokkast undir fordóma!

Til allra hamingju voru tilraunameðferðir á börnum bannaðar í þinginu en ég held það hafi verið óvart. Ógagnreynd meðferð er bönnuð. Bælingarfrumvarpið átti að fara í gegn á mettíma því gættu menn ekki að, eða vissu ekki, hvað þeir gerðu. 

Mikil umfjöllun hefur verið um hormónalyfjagjafir barna í nágrannalöndunum. Lyfin valda börnum langvarandi skaða og ófrjósemi að frændur vorir á Norðurlöndunum og Bretar hafa nánast hætt þessum meðferðum. Sem betur fer.

Þingmenn á Íslandi eru í bergmálshelli aðgerðasinna, því þarf að breyta.

 

Skólinn getur orðið vígvöllur um kynjapólitík

Fyrir tveimur árum setti þáverandi menntamálaráðherra Dana Pernille Rosenkrantz-Theil (S) saman hóp fræðimanna til að fjalla um mikilvægi kyns, náms og þróun í dagvistunartilboði, grunn- og framhaldsskólamenntun. Nú er hópurinn tilbúinn með 21 tillögu um hvernig strákarnir eiga að ná stelpunum segir Kåre Fog.

Meðal annars má sjá þessar tillögur:

-Að ákvæði um grunnskóla verði breytt þannig að sett verði inn að skólinn vinni gegn staðalímyndum.

-Kynjasjónarmið þarf að fletta inn í kennaranámið.

- Uppeldismenntað fólk, kennarar, eigi að stuðla að jafnrétti og vinna gegn staðalímyndun kynjanna.

-Íþróttakennarar sem hluti af kennarahópnum eiga að fá kennslu um hvernig stuðla eigi að jafnrétti og draga úr óviðeigandi merkingu kyns.

-það þarf fleiri karlmenn til að sinna börnum í dagvistunarúrræðum, á leikskóla.

Í sambandi við þessa skýrslu tók Berlingske viðtal við núverandi menntamálaráðherra, Mattias Tefaye; hann á í erfiðleikum með að benda á nokkurt nothæft nema eitt. Hann segir ,,takk fyrir vinnuna, sendi þetta til þingsins og leggur tillögurnar í opna umræðu.“

Eru tillögurnar eitthvað sem þú átti von á?

,,Þetta var fjölmennur hópur og það lítur út fyrir að menn hafi átt erfitt með að ná niðurstöðu um mál sem eru sterkar skoðanir um.“

Ráðherrann bendir á að hann sé sammála hópnum að það mættu gjarnan koma fleiri karlmenn í dagvistunarúrræðin, leikskólana.

En hvað með tillöguna um að setja í lög að vinna eigi gegn staðaímyndum?

,,Ég hef engin áform um það. Ég myndi líka segja að það eru mjög sterkar skoðanir þegar kynja- og sjálfsmyndarpólitík er rædd og mér finnst mikilvægt að opinberir skólar séu ekki gerðir að vettvangi fyrir þessa umræðu."

Hann bendir líka á samkomulagið sem meirihlutinn hefur samþykkt til að breyta grunnskólanum. ,,Við höfum tekið mjög alvarlega á vanda strákanna með því að hefja iðnnám fyrr og að kynna fleiri hagnýtar valgreinar," segir hann.

Kåre Fog, líffræðingur hefur skrifað mikið um kynin og kynjamun. Hann hefur líka látið til sín taka þegar nám drengja er annars vegar.

Hann segir sína skoðun:

Hluti af faghópnum leggur til að við gerum vont verra.

Að maður vinni gegn kynjaímyndun þýðir í raun að maður má ekki halda fram að drengir séu öðruvísi en stúlkur frá náttúrunnar hendi. Ástæðan fyrir að drengir dragast verulega aftur úr stúlkum í skólakerfinu í dag er að þeir neita að viðurkenna að drengir hafi annað hugarfar og þarfir en stúlkur.

Leik- og grunnskólar eru fullir af kvenkennurum og það hvíslast úr kennaraliðinu, þannig að þeir karlar sem eiga erfitt með að aðlagast ákveðnum kvenlegum hugsunarhætti hverfa.

Ef ætlunin er að ,,berjast gegn staðalímyndum kynjanna" þýðir það að konur munu hafa enn meira vald til að skilgreina hugsunarhátt karla sem er byggður á staðalímyndum á meðan hugsunarháttur kvennanna sjálfra, sem virðist eðlilegur, er sá eini rétti. 

Sú staðreynd að ,,kynjasjónarmið verða að koma inn í kennaranámið" þýðir í raun að kennaranemar eru heilaþvegnir til að tileinka sér ákveðna hugmynd um kyn þar sem tiltekin hegðun drengja er ekki viðurkennd.

Hið sama má segja um eftirfarandi tvær af þeim tillögum sem nefndar voru.

Verði þessum tillögum hrint í framkvæmd mun það auka vanda drengja í skólanum enn meiri en hann er nú þegar.

Það er gott að lesa að Mattias Tesfaye er nógu glöggur til að styðja ekki þessar tillögur. Hann styður þó tillögu um að hafa fleiri karlkyns kennara, líka í leikskólum. Hins vegar sé ég vandann við að karlar sem vinna á vinnustöðum þar sem konur eru ráðandi, þeir munu eiga erfitt og ekki birtast sem skýrar karlkyns fyrirmyndir.

Réttarhöld sem geta skorið úr um hvað kona er, það vefst nefnilega fyrir mörgum!

Réttarhöldin ,,Tickle vs. Giggle“ gegn áströlsku konunni Sall Grover geti haft þýðingu fyrir konur, líka í Danmörku segir Lotte Ingerslev, því þau fjalla m.a. um túlkun á orðinu ,,kona“ sem kemur fyrir í sáttmála Sameinuðu þjóðanna. Sáttmálinn kallast CEDAW. Danir samþykktu sáttmálann. Hér má sjá færslu Lotte sem ég hef stuðst við í blogginu. Ísland er líka aðili að sáttmálanum.

CEDAW stendur fyrir ,,Convention on the Elimination of All Forms of Discrimination against Women." Sáttmálinn er frá aðalfundi Sameinuðu þjóðanna árið 1979 og hann má sjá hér.

Sáttmálinn segir að ekki megi mismuna konum.

En málið er að í réttarhöldunum ,,Tickle vs. Giggle“ kemur spurningin, ,,what is a woman?“ Hvað er kona?

Túlkunin á orðinu ,,kona“ verður afgerandi í þessum réttarhöldum. Getur líka orðið afgerandi fyrir Danmörku og Ísland því bæði löndin eru aðilar að sáttmálanum. 

Sall Grover hannaði samfélagsmiðil sem er bara fyrir konur. Hún nefndi miðilinn ,,Giggle.“ Hún neitaði karlmanni sem heitir ,,Roxanne“ (Roxy) Tickle aðgang að Giggle appinu.

Hr. Tickle staðhæfir að hann sé kona og þess vegna eigi hann að fá aðgang að appinu. Karlmaðurinn ,,Roxy“ dró Sail Grover í réttarsal vegna málsins. Réttarhöldin byrjuðu 9. april.

Hér má sjá viðtal við Sall Gorver við femínistann Julie Bindel áður en réttarhöldin hófust. Í viðtalinu segir hún skýrt að þegar fjallað er um konu í sáttmálanum er átt við líffræðilega konu.

Julie segir Sall ekki geta tapað málinu og karlinn getur ekki unnið. Þetta fjallar um að rústa réttindum kvenna og þess vegna er þessi leið farin segir hún síðar í viðtalinu við Sall.

Fjölmiðlar í Ástralíu eru jafnmeðvirkir og á Íslandi, hylla bara trans hugmyndafræðina. Sall sagðist hafa sent tölvupóst til margra fjölmiðla, engin svör. Fjölmiðlar vita að ég hef rétt fyrir mér og þess vegna fjalla þeir ekki um málið.

Spyrja má af hverju 53 ára gamall karlmaður vilji nota kvenna appið Giggle. Velta má vöngum yfir því. Sall segir svo réttilega, konur þurfa ekki að rökstyðja af hverju þær vilja einkarýmin í friði frá karlmönnum.

 

Sall safnar nú fyrir réttarhöldunum sem munu kosta offjár.

Kærur um ærumeiðingar á að vera fælingarmáttur

segir Nadia Jacobsen (trans-kona) og á að hræða fólk frá að tala um trans hugmyndafræðina. Með kæru á Lotte Ingerslev telur Nadia að þannig megi fæla ,,alla aðra anti transaðgerðasinna frá því að gera það sama gagnvart öðrum“, (alle andre anti trans aktivister fra nogensinde at gøre det samme mod andre). Lotte Ingerslev sálgreini var kærð til lögreglu. Þetta virðist vera aðferð trans fólks og trans aðgerðasinna til að þagga niður í fólki, a.m.k. í Danaveldi. Sem betur fer hræðast menn ekki svona lágkúru.

Skyldi eitthvað því um líkt hafa gerst hér á landi?

Stjórnarmaður í Danska knattspyrnusambandinu hefur barist fyrir að drengir (sem skilgreina sig sem stelpa) fái að spila með stúlkum. Lotte hefur bent á hve galið það er og fært rök fyrir því. Trans aðgerðasinni sem styður Nadiu skýlir sér á bak við falskt nafn ,,Cat Schroedinger” en sá hefur ekki kjark til að sýna sitt rétta andlit, en tekur þátt í eineltinu gagnvart Lotte. Hann er ekki einn um það.

Þessi ,,Cat Schroedinger” sendi Lotte merkilega tölvupósta og ekki nóg með það heldur áreitti hann eiginmann hennar. Merkilegt hvað fólk leggst lágt til að stoppa eðlilega umræðu um trans hugmyndafræðina og réttindi kvenna. Hvílík dusilmenni. Hefur eitthvað álíka gerst hér á landi?

Nú vantar bara að opinberu trans samtökin í Danaveldi (systursamtök Samtaka 78) leggist svo lágt að leggja lok á eðlilega umræðu um samfélagsmál og kæri Lotte. Held að þeir sé skynsamari en svo og umberi umræðuna um þessa umdeildu hugmyndafræði. Kemur í ljós.

Lotte heldur úti þessari síðu, transkoen.dk , en trans aðgerðasinnar létu ekki laust við fast fyrr en búið var að loka síðunni. Lotte er sögð fara með hatursorðræðu og breiða út hatur með skrifum sínum. En Adam var ekki lengi í paradís, síðan er nú opin að nýju. Reyndar hefur hún breytt nokkrum færslum en það skaðar ekki málstaðinn hennar. Allir hafa aðgang að síðunni og þar má finna mikinn fróðleik um trans málefni. Líka um mál stjórnarmannsins í fótboltasambandinu.

Lotte skrifaði um kæruferlið á síðunni sinni og hvernig trans aðgerðasinnar reyndu að sverta hana þannig að hún missti viðskiptavini. Sem betur fer tókst það ekki. Þeir sem voru þarna að verki skrifuðu falskar umsagnir á síðuna hennar.  Trans aðgerðasinnar reyndu hvað þeir gátu til að loka á miðlana sem hún tjáir sig á þannig að fróðleikur hennar kæmist ekki til almennings. Skyldi eitthvað svipað hafa gerst hér á landi?

Ekki að undra að Lotte hafði betur og síðan komin í loftið aftur. Hér er um samfélagsmál að ræða þar sem mikill ágreiningur er um. Lotte hefur sótt greinar og rannsóknir sem gerðar hafa verið um trans hugmyndafræðina og málaflokkinn og haldið þeim sem það vilja upplýstum á málefnalegan hátt.

Á einum stað skrifar Lotte og við þetta kannast Íslendingar ,,Danskir trans aðgerðasinnar hafa samband við vinnuveitendur venjulegs fólks og telur skoðanir þess lýsa hatursorðræðu ,,transfóbíska“ -  Já þetta hljómar eins og eitthvað sem gerist úti í hinum stóra heimi, en því miður það er ekki svo. Þetta gerist líka í Danmörku.“  Því er við að bæta, þetta gerist líka á Íslandi.

”Danske transaktivister kontakter arbejdsgiverne til almindelige mennesker, som de mener har ytret “transfobiske” (dvs. kætterske) tanker offentligt — Ja, det lyder som noget, der kun sker ude i den store verden, men den er desværre god nok. Det sker også i Danmark.”

Gleðiefnið er að menn sem kæra Lotte lesa skrif hennar og fylgjast með því sem hún skrifar. Það er frábært.

Bloggari hefur þýtt áhugaverð skrif hennar og miðlað til íslenskra lesenda enda ekki vanþörf á, íslenskir fjölmiðlar sjá ekki um það. Einhliða umfjöllum um málaflokk er hverju samfélagi skaðlegt.

Könnun Kennarasambandsins og ráðstefnan í Hörpu

Ljóst er að ráðstefnan var ekki fyrir hinn almenna kennara því hún fór fram á virkum degi, þriðjudegi frá kl. 09:00-16:00. Sárafáir kennarar fá heimild til að fara heilan dag frá vinnu og ef hópur kennara vill fara úr sama skóla vandast málið fyrir skólastjórann. Svo ekki sé talað um kennara á landsbyggðinni sem eru háðir flugi og komast ekki samdægurs, þeir gætu þurft tveggja daga frí.

Það er merkilegt að grunnskólakennarar sem bera KÍ uppi í gegnum Félag grunnskólakennara hafa litla möguleika á að sækja svona ráðstefnu sem KÍ stendur fyrir. Þeir komast ekki frá vinnu. Ef þeir komast þurfa margir að skila vinnu, nema beinni kennslu, á öðrum tíma.

Ekki það, eftir að hafa hlustað á fyrri hluta dagskrárinnar í streymi kom ekkert nýtt fram. Enn er verið að tyggja sömu tugguna og gert hefur verið undanfarin áratug hið minnsta. Að því leyti skilur KÍ sig ekki frá viðsemjendum, tala og tala, ekkert gerist eins og Haraldur sagði í pallborðsumræðunum. Margir félagsmenn líta á KÍ sem stofnun.

Könnunin

Magnús Þór Jónsson formaður Kennarasambandsins kynnti niðurstöður úr könnun sambandsins. Kennarar allra skólastiga höfðu kost á að svara spurningunum, en um 50% félagsmanna svörðu. Farið var yfir svörin á ráðstefnunni.

Magnús sagði í upphafi að alltaf væri verið að leita að kynhlutlausu orði yfir formann KÍ og það væri kannski kúasmali en kynnir á ráðstefnunni sagði Magnús hafa verið kúasmali hér á árum áður. Hér setur formaður Kennarasamtaka íslenskuna niður.

Mjög margir grunnskólakennarar völdu að svara ekki, aðeins um 38% grunnskólakennara svöruðu. Hvað segir það okkur?

Félag grunnskólakennara er langstærsta félag innan sambandsins og ber það uppi fjárhagslega. Svörun grunnskólakennara átti að vera miklu meiri, en vissulega gefur lítil svörun ákveðin skilaboð til KÍ.

Mörg neikvæð lýsingaorð voru viðhöfð um Kennarasambandið. Félagsmönnum finnst sambandið ekki lausnamiðað. Félagsmönnum finnst KÍ of stofnanalegt. Grunnskólakennurum finnst KÍ er ekki góður málsvari.

Stjórnendur skera sig úr vegna þátttöku í fræðslufundum. Magnús fagnaði því en gleymir að minnast á að þeir eiga auðveldara með að fara úr vinnu en grunnskólakennarar. KÍ leggur sig heldur ekki fram um að vera með fræðsludaga eða ráðstefnur á þeim dögum sem kennara komast, eða nota síðdegi þegar auðveldara er fyrir kennara að mæta eða fylgjast með streymi.

Námsgögn

Mjöll Matthíasdóttir formaður Félags grunnskólakennara ræddi í pósti til félagsmanna, vegna lélegrar útkomu í PISA, að kennurum vanti námsgögn, það m.a. valdi lélegri útkomu úr PISA. Í könnuninni segja aðeins 28% skort á námsgögnum vera álagsþátt í starfi, sem er ekki í takt við það sem formaður Fg heldur fram. Væri skortur á námsgögnum raunverulegur væru fleiri kennara sem teldu slíkt álagsþátt í starfi.

Í pallborðsumræðum sagði Mjöll að það vanti aðallega námsgögn fyrir útlenda nemendur. Hvað nákvæmlega hún á við er ekki vitað, er það íslenskan, náttúrufræði,stærðfræði eða hvað!

Í starfi

Um 53% grunnskólakennara sjá sig ekki í starfi eftir 5 ár. Aðeins 20% svara því játandi að þeir sjái sig í starfi eftir 5 ár, frekar líklegt 32% og síðan hallar undir færi. Kemur ekki á óvart miðað við þróun skólastarfs undanfarin ár. Vissulega skiljanlegt þar sem grunnskólakennarar kvarta líka undan litlum stuðningi í bekk. En þetta er ekki nýtt af nálinni, þetta hefur verið vitað í áratugi.

Séu hins vegar allar kennarasstéttirnar skoðaðar eru það 27%.

Í reynd kemur þessi niðurstaða ekki á óvart. Mikið álag, aukið ofbeldi, munnlegt og líkamlegt nemenda í garð kennara, léleg laun og oft á tíðum léleg stjórnun veldur að kennarar hugsa sér til hreyfings. Afstaða grunnskólakennara hefur ekkert breyst undanfarna áratugi. Þeir sem hafa kost á vinnu sem gefur svipuð laun eða hærri fara. Yfirgefa völlinn. Ekkert skrýtið við það. Vandi sem hefur blasað við í nærri tvo áratugi.

Alls konar stefnur, straumar og hugmyndafræði er tekið inn í skólakerfið án þess að grunnskólakennarar fái tíma til að undirbúa sig. Þeir hafa heldur ekki val um að taka þessar stefnur og strauma inn, það er á valdi stjórnenda (sem eru líka í KÍ) og þeirra ákvörðun íþyngir mörgum kennaranum og veldur álagi.

Kennarar vilja samkeppnishæf laun. Þeir vilja hæfilegt vinnuálag og öruggar vinnuaðstæður. Þetta þrennt stendur upp úr þegar spurt er um það sem skiptir mestu máli fyrir kennarastarfið.

Öruggt starfsumhverfi hafa grunnskólakennarar rætt í nokkur ár. Fyrir liggur samþykkt frá þingi KÍ um að gera rannsókn á ofbeldi sem kennarar verða fyrir. Forysta KÍ virðist ekki hafa áhuga á þessari rannsókn því samkvæmt svörum formanns KÍ liggur ákvörðunin enn á borði Vinnuumhverfisnefndar. Léleg frammistaða. Rannsóknin á að vera forgangsverkefni KÍ.

KÍ og álit félagsmanna

Sami söngurinn er sunginn innan KÍ en fátt gerist. Sambandið er stofnun sem virðist ná illa til félagsmanna.

Margir félagsmenn nota styrki sem launagreiðandi borgar inn til KÍ, s.s. starfsþróun, sjúkrasjóð.

Á ráðstefnunni var boðið upp á að setja inn orðsendingar. Hér má sjá nokkrar:

Athyglisvert.- Stofnanalegt, fjarlægt. Ekki lausnarmiðað, tæplega helmingur félagsmanna í Fg telur KÍ góðan málsvara. Er það ekki í samræmi við að telja KÍ stofnanalegt og fjarlægt?

Kemur ekki á óvart að félagsmönnum Fg finnist KÍ ekki vera góður málsvari. Eigum ekki samleið með skólastjórum.

Leitt hversu há prósenta vill hvorki taka þátt í félagsstarfi sem kjörinn fulltrúi eða trúnaðarmaður. Hvernig getum við breytt þeim viðhorfum félagsmanna?

Ef erfitt er að fá fólk til trúnaðarstarfa þarf forystan að vera sýnileg.

Konur geta fætt börn- stúlkur og drengi. Það er ekki eitthvað sem við köllum þau

skrifar Lasse Bak Sørensen rithöfundur í danskri grein árið 2023. Ákvað að þýða brot úr henni. Hér er krækja á greinina. Feitletrun er mín.

Það er framför að fleiri taki sig til og hafni rasisma og kynjamisrétti, en þessi nýi meirihluti á ekki að nota vald sitt til að þvinga minnihlutann í að tjá sig ekki. Óþol á ekki að mæta með óþoli.

Mannveran hefur líffræðilegar og félagslegar þarfir og tilfinningar lætur þær ekki hverfa. Gefum ágreiningi svigrúm.

Merkilegt, segir Lasse, eftir að mannfólkið hefur gefið náttúrunni fingurinn byrjum við efumst um okkar eigin tilverurétt.

Við drekkjum höfnum með plasti og drasli. Við eyðileggjum lífsmöguleika okkar og aðra við að nota jarðefnaeldsneyti. Við ryðjum regnskóga.

Ég undrast að stjórnmálahreyfing sem gefur sig út fyrir að hugsa um hvort annað og jörðina missir vitið þegar kemur að spurningum um líffræðilegt kyn, kynvitund og kynama barna og ungmenna.

Verið er að eyðileggja sýn okkar á náttúruna með krossferð gegn okkar eigin eðli- líffræði mannskynsins og félagsveru okkar.

Nei, líffræðilegir karlmenn geta ekki fætt börn

,,Sko, það eru karlmenn sem geta fætt börn” sagði Pernille Skipper úr ræðustól Alþingis í nóvember 2021. Staðhæfing sem fer gegn öllu sem við þekkjum, rétt eins og hún myndi staðhæfa að jörðin væri flöt. Það sem hún átti við er að konur sem upplifa sig sem karlmann og lagalega viðurkenndar sem slíkar geta eignast barn. Það er rétt.

Vandinn er bara sá, að konur sem upplifa sig sem karlmann eru ekki líffræðilegir karlmenn.

Lasse veltir upp hvort stjórnmálaflokkar í Danaveldi reyni að halda uppi vísindalegum metnaði í pólitískum greiningum og yfirlýsingum eða hvort þeir séu hlynntir óhóflegri huglægni svo lengi sem hún er vinsæl eða nógu öflug?

Þorið þið, um leið og þið eruð á móti hvers konar kúgun og ofsóknum á trans-fólk, að halda fram að það séu líffræðilegar staðreyndir um kyn og æxlun manna sem láta ekki stjórnast af tilfinningum?

Orð Pernille Skippers var ekki þannig meint, en staðreyndin er sú að það er móðgun við allar konur að halda fram að karlmaður geti fætt barn.

Það geta karlmenn ekki. Karlmenn hafa sæði og það er ekki svo slæmt því það ákveður kyn barnsins. Ef kynlitninginn X blandast eggfrumu verður barnið stúlka. Ef sáðfruman hefur Y litningi verður barnið drengur.

Eftir getnað sjá konur um afganginn. Ganga með barnið í um 40 vikur. Það eru konur sem fæða börnin og það eru líka þær sem geta framleitt brjóstamjólk sem gerir það að verkum að barnið hefur möguleika á góðri næringu á fyrstu vikum ævi sinnar. Svo einfalt (og kannski krefjandi) er þetta fyrir mæður mannkynsins.

Þessi stutti pistill um æxlun mannsins er ekki til þess fallin að flokka konur í útungunarvélar eða körlum í sæðisgjafa.

Pernille Skipper á að draga orð sín til baka.

Rangar yfirlýsingar stjórnmálamanna hafa tilhneigingu til að lifa og ef þær eru ekki dregnar til baka helst mjög fljótt skapar það vandræði og glundroða.

Hjá stjórnmálaflokkum hefur orðið kona verið á reikni. Kona er fullorðin mannvera af kvenkyni sem hefur þann einstaka hæfileika til að bera, fæða og fóðra mannveru.

Mega konur vera ósáttar við að afklæðast í sama rými og líffræðilegur karl? Finnst ykkur í lagi að ásaka konur sem óska ekki eftir að hitta einstakling með typpi í búningsklefanum fyrir að vera trans-fóbískur, afturhaldssamur, slæma manneskju eða útiloka hana? Á að útiloka Harry Potter bækurnar sem J.K. Rowlings rithöfundur skrifaði því hún telur að orðið kona sé betra orð en ,,einstaklingur sem er á blæðingum?"

Verið er að útiloka stjórnmálamannin Ulf Harbo frá Enheldslistanum því hann hefur gerst sekur um að halda fram að kynin séu tvö- konur og karlmenn, og að líffræðilegir karlar sem upplifa sig sem konur eigi ekki að nota rými kvenna og ekki vera í keppnisíþróttum kvenna vegna aflsmundar kynjanna (bloggari, hóst, hóst, hóst).

En ein aðalástæða þess að henda eigi Ulf út úr flokknum er sýn hans á kynskipti meðferðum á börnum og ungmennum með kynama (líða ekki vel í eigin skinni).

Á meðan læknaheimurinn hefur breytt skoðun sinni og aðgerðum heldur Enhedslisten ásamt öðrum stjórnmálaflokkum fast í að yngri börn, stúlkur og drengir, með kynama geti enn valið hvort þau stoppi kynþroskann með stopp hormónum og skipta um kyn með kross hormónum og skurðaðgerðum.

Ulf Harbo hefur án árangurs reynt að fá stjórnmálaflokinn til að hlusta á alvarlegar aðvaranir lækna um læknisfræðilegu inngripin og afleiðingarnar sem þau hafa.

Svíar tóu U-beygju í meðhöndlun af kynama haustið 2019. Tilvísanir um kynskiptimeðferðir féll um 65% á stuttum tíma.

Formaður Félags grunnskólakennara ver ekki íslenska tungu

Athyglisvert var að upplifa á 8. þingi Kennarasambands Íslands að formaður Félag grunnskólakennara varði ekki íslenska tungu. Mjöll Matthíasdóttir sat og þagði þegar umræða um kynjað tungumál var á dagskrá.

Mjöll Matthíasdóttir af öllum átti að standa i pontu og verja íslenskuna. Hún fer fyrir þúsundum grunnskólakennurum sem kenna börnum íslensku og eiga að gera það rétt. Mjöll stóð sig illa og kannski stendur hún sig illa í heild í embættinu.

Formenn aðildarfélaga Kennarasambandsins þurfa sennilega á íslenskukennslu að halda. Að mínu mati eru þetta sauðir sem láta teyma sig á asnaeyrum. Mjöll ásamt hinum sem mynda stjórn KÍ eru sennilega illa að sér um íslenska málahefð. Hvet þau til að sækja námskeið hjá t.d. Baldri Hafstað. Kennaraforystan getur í það minnsta lesið pistlana hans til að læra íslensku.

Orðskrípið ,,öll" í stað ,,allir" er að hverfa í almennum póstum frá forystusauðunum. Félagsmaður hefur horfið og nú skrifa Mjöll og Magnús að félagsmaður sé félagsfólk. Orðið margir breyttist í mörg eins kjánalegt og það hljómar. Allt er þetta gert til að þóknast fámennum háværum þrýstihóp innan KÍ sem er illa við orðið maður. Hópi sem virðist ekki þekkja tungumálið okkar.

Njörður skrifaði góða grein um þessa aðför að íslenskunni sem forsvarsmenn Kennarasambandsins eru þátttakendur í. Hann segir:

„Orðið maður er heiti á tegund spen­dýra og tekur til allra er henni til­heyra: karl­manna, kvenna, barna, trans­fólks og kyn­leysingja. Þegar við segjum: allir vel­komnir, tekur það til allra sem til­heyra þessari tegund án vísunar til sér­staks kyns. Þannig getur kona sem best verið maður með mönnum eins og Vig­dís benti á (og sannaði) í kosninga­bar­áttu sinni 1980,“ skrifar Njörður svo.

„Í tungu­máli er tvenns konar kyn. Það sem eðli­legt má heita, eins og að karl er karl­kyns og kona kven­kyns, faðir og móðir, sonur og dóttir, drengur og stúlka. Þegar Berg­þóra var sögð drengur góður fær orðið hins vegar aðra merkingu, um eðlis­þátt, enda erum við vön af­leiddum orðum eins og dreng­skapur og dreng­lyndi. Á sama hátt höfum við af­leidd orð af maður: mann­kyn, mann­legur, mennska, menning, mann­helgi, góð­menni og ill­menni o.s.frv.“

Afskræming tungumálsins á ekki að sjást meðal kennara og ALLS EKKI hjá forystusauðum kennarasamtakanna. Þekking á íslenskunni á að vera meiri en svo að kennarar hlaupi eftir svona duttlungum.

Breyting á skilgreiningu hugtaka

Hef ákveðið að breyta skilgreiningu hugtakanna trans kona og trans maður. Skilgreining og meining hugtakanna skýra ekki nógu vel hvað þau þýða. Eru í reynd rangnefni. Þetta er kannski liður í að laga kynjuð orð. Ekkert er meitlað í stein segir einhvers staðar og þessi orð ekki heldur.

Breytingin:

Trans-kona= er kona sem er öðruvísi en kynsystur sínar að eigin mati, t.d. upplifun af að vera karlmaður.

Trans-maður= er maður sem er öðruvísi en kynbræður hans að eigin mati, t.d. upplifun af að vera kvenmaður.

Núverandi skilningur er rangur því maður getur ekki breytt karli í konu og öfugt.

Við þurfum að laga skilninginn á orðunum svo að konur losni við að karlmenn sé bendlaðir við kvennaorð sem eiga við um konur. Karlmenn losna við að konur sé bendlaðar við karlaorð sem eiga bara við um karla.