Eiga heiður skilið

Hetjur þjóðarinnar ásamt mörgum öðrum stéttum. Landsmenn verða að fylgja fyrirmælum svo við kaffærum ekki heilbrigðisstarfsfólkið okkar. Við erum illa stödd ef hjúkrunarfólkið okkar hverfur af vellinum. ,,Á þess­ari deild eru þeir allra veik­ustu af COVID-19 sjúk­dómn­um sem kór­ónu­veir­an veld­ur og eru meðal ann­ars tengd­ir önd­un­ar­vél. Nú er meðal ann­ars verið að, stúka af, smíða milli­veggi og koma upp aðstöðu sem áður rúmaði 6 sjúk­linga en þar munu alls 18 manns geta legið. Við upp­setn­ing­una er gert ráð fyr­ir að starfs­fólk fari í hlífðarfatnað á ein­um stað og úr hon­um á öðrum."

Líður eins og hún sé stödd í kvikmynd

Ánægjulegt og vel að þessu komnir

Gaman að heyra. Kennarar og aðrir starfsmenn eru svo sannarlega vel að þessu komnir. Skólastarf hefur verið með óhefðbundnum hætti undanfarnar vikur og álag á starfsfólk skólanna eins og aðra.

 

Fá páskaegg sem þakklætisvott

Skelfilegt...en er þetta nauðsyn?

Skelfilegt að heyra um slysið og vona ég að þeir slösuðust nái sér.

Álag á sjúkrahúsin eru gífurleg og því er svona slys slæm viðbót. Velti fyrir mér af hverju fólk þvælist um á þennan hátt vitandi að slys getur átt sér stað. Heilbrigðiskerfið getur vart bætt við sig eins og sakir standa. Þau verða og gera það.

næsta vetur mun koma snjór rétt eins og Geysir fer ekki eins og Víðir sagði. Bíðum með það sem telst ekki til nauðsynlegra þátta. 

Fóru fram af hengju

Eftirköst

Sláandi fréttir en ætti svo sem ekki að koma á óvart eftir svo skæð veikindi. Enn sem komið er hefur enginn tíma til að kanna þetta, kemur þegar hægist um. „Fólk er mjög upp­tekið af dán­artíðninni, sem eðli­legt er, en minna hef­ur verið talað um annað; það er að helm­ing­ur þeirra sem fá ARDS eða brátt andnauðar­heil­kenni fær fylgi­kvilla eft­ir veik­ind­in og kem­ur til með að búa við skert lífs­gæði. Það er slá­andi,“ seg­ir Karl Krist­ins­son, svæf­inga- og gjör­gæslu­lækn­ir við Rík­is­spít­al­ann í Ósló, um fólk sem veikist al­var­lega af kór­ónu­veirunni.

Helmingur fær fylgikvilla

Icelandair stillir viðskiptavinum upp við vegg

Ég er sammála þeim farþegum Icelandair, íslenskum sem útlenskum, sem finnst lítið til þeirra koma um þessar mundir. Það er skýrt í neytendaskilmálum, falli flug niður á að endurgreiða það sagði ritstjóri túrista.is í morgunútvarpinu. Ódýrasta flugið er ekki hægt að endurbóka, þarf að hafa samband við flugfélagið.

 

Icelandair heldur hins vegar öllu flugi inni, hafa ekki aflýst neinu fram í tímann. Þeir bjóða farþegum að breyta bókun eða afbóka. EKKI ENDURGREIÐSLU. Þeir sem afbóka eiga ekki rétt á endurgreiðslu og þeir sem breyta bókun eða fá inneignarnótu neyðast til að fljúga með fyrirtækinu síðar og innan tímamarka. Á síðunni segja þeir ,,Ef þú vilt breyta bókuninni án þess að greiða breytingagjald, verður ferðalaginu í nýju bókuninni að vera lokið fyrir 1. janúar 2021."

 

Hægt að sækja um ferðainneign í stað afbókunar og breytingar en á síðu þeirra stendur ,,Ef þú bókaðir flug fyrir 3. mars 2020, í ferðalag sem lýkur fyrir 1. maí 2020, getur þú afbókað ferðina og sótt um ferðainneignarnótu." ENGINN ENDURGREIÐSLA!

 

Viðskiptavinur þarf að greiða mismun sé jafndýrt fargjald ekki sölu, en sé það hins vegar ódýrar fær hann ekki mismuninn. Góð þjónusta- nei það finnst mér ekki.

 

Ætli viðskiptavinur að treysta á lukkuna að Icelandair felli niður flug verður hann að bíða milli vonar og ótta að hann tapi ekki peningunum, því þú verður að afbóka með tveggja sólarhringa fyrirvara en Icealandair getur fellt niður flug nánast fram að brottför. Eins og þeir segja á upplýsingavef sínum ,,Þú getur fylgst með flugáætlunarsíðu okkar inni á vef Icelandair. Þar munum við setja inn upplýsingar um flug sem felld hafa verið niður í dag."

Heltekin þjóð- tvísaga sótti og landi

Engum blöðum er um það að fletta, veiran heltekur þjóðina. Þarf ekki að undra. Veiran skapar vandræði fyrir fólk og fyrirtæki. Grunnskólakennurum, mörgum hverjum, er ekki skemmt. Nú flokka læknar, sóttvarna og landsins, stéttina sem framvarðarsveit. Án grunnskólakennara gætu börn landsins ekki lifað eðlilegu lífi. Sennilega rétt þar sem margir foreldrar hafa ekki aga eða vilja til að halda rútínu barna sinna. Margir freistast til að snúa sólarhringnum við. Spila of mikið i tölvu og við það fá margir foreldrar lítið ráðið, þó heima séu.

Með blendnum tilfinningum mæta margir grunnskólakennarar í vinnuna. Þeir leggja sig alla fram eins og þeirra er von og vísa. Margir metnaðarfullir og slá ekki slöku við að kenna nemendum. Grunnskólakennarar slá ekki slöku við og hafa tekið áskoruninni eins og aðrir í samfélaginu. 

Styttist í páskafrí og gera má ráð fyrir að örþreyttir grunnskólakennarar hlaði rafhlöðurnar til að taka á móti nemendum eftir páskafrí, nema sótti og landi ákveði annað.

Stjórnendum er heldur ekki skemmt. Þeir sjá kennara sína þreytast dag frá degi. Koma með björgunarhring eftir því sem aðstæður leyfa. Nemendur verða óþolinmóðari enda fátt skemmtilegt við að vera njörvaður í sæti sitt inni í stofu. Endalaus handþvottur og spritta hendur. Lítið frelsi. Yngstu nemendurnir eiga að vera sem mest í skólanum. Reynir á þessa rollinga.

Grunnskólakennarar halda áfram með að fylgjast með. Vonandi hætta sótti og landi að gefa tvíeggjuð skilaboð hvað skólana varðar. Halda á börnum heima ef foreldrar geta það. Fyrir alla muni sendið heilbrigð börn í skólann.

Loka á grunnskólanum í Vestmannaeyjum

A vísi er spjall við Páley, lögreglustjórann í Vestmannaeyjum. Þar kemur fram að smit sé komið á yngsta og elsta stig. Held að menn megi ekki draga lappirnar. Að færa starfsfólk á milli starfsstöðva er varhugaverður gjörningur.

Vestamannaeyjar er eins og smækkuð mynd Íslands, eyja út í hafi. Er ekki tímabært að loka þeim fyrir mannfólkinu. Flytja inn vörur. Setja Eyjamenn í útgöngubann og sjá hver hratt og vel það virkar- eða virkar ekki. Sennilega auðveldara um að tala en í að komast.

Sammála að halda eigi grunnskólum opnum þar sem slíkt er mögulegt. Skynsemin má þó ekki víkja fyrir viljanum að halda þeim opnum með öllum tiltækum ráðum þegar smit lætur á sér kræla.

Verðlag höfðaði til útlendinga

Miðað við verðlagningu margra ferðaþjónustuaðila hafa þeir miðað verðlag sitt við útlenda ferðamenn. Hafa ekki haft áhuga á þeim íslensku. Ætli þeir að fá íslenska ferðamenn verður verðlagning að vera í takt við tímann.

Hingað til hafa Íslendingar ekki haft efni á að gista á gististöðum á landinu. Vænti nú ekki að mikillar breytinga sé að vænta þar. Sama um afþreyingu. Nú er hver sinnar gæfu smiður í þessum geira.

„Þetta sumar verður ekki upp á marga fiska“

Gott að heyra

Verður forvitnilegt að sjá útfærslu samningsins. Að mínu mati á að lækka vinnuskyldu í 35 stundir og ráða fólk í þær stöður sem vantar. Atvinnuleysi hefur aukist og betra að fá fólk í vinnu en greiða því bætur. Kemur ábyggilega út á eitt fyrir launagreiðanda sem í flestum tilfellum er sveitarfélög og ríki. 

Velti fyrir mér hvernig stytting vinnuvikunnar kemur út fyrir grunnskólakennara þegar samnið verður við þá.

Sömdu um styttingu vinnuviku vaktavinnufólks

Loksins

Í stað þess að tala og tala þá gera þær eitthvað. Gott að heyra. Verður fróðlegt að fylgjast með framhaldinu. Lögreglan gæti vísað málinu frá. Vonandi ekki. Þarft að fá vitneskju um hver ber ábyrgð. Margir fá góð laun vegna ábyrgðar.

Vísa braggamálinu til lögreglu og saksóknara