Vinasambönd skyggja á eðlileg skamskipti

Það má öllum vera ljóst þegar unnið er náið með vini þá getur allt farið fjandans til. Það á að vera regla að vinir og vandamenn verða ekki ráðnir sem undirmenn eða samstarfsmenn. Víða má sjá þetta slíkar ráðningar þó þær dragi ekki þennan dilk á eftir sér. ,,Í niður­stöðukafla kom meðal ann­ars fram að vin­kvenna­sam­band hefði verið milli starfs­manns­ins, yf­ir­manns henn­ar sem og yf­ir­manns þeirra beggja. Það hefði skapað hlut­verkarugl­ing í sam­skipt­um þeirra og hefði hegðun starfs­manns­ins og yf­ir­manns henn­ar farið út bönd­un­um. Þá hefði yf­ir­maður­inn gert mis­tök í sam­skipt­um sín­um við starfs­mann­inn, meðal ann­ars með því að setja hana inn í sín per­sónu­lega mál, ásakað hana um erfiðleika í eig­in hjóna­bandi og hugs­an­lega baktalað hana við aðra starfs­menn."

„Persónuleg átök og slúður“ í íslenskum banka

Kynjafræði á ekki erindi í grunnskólakennaradeildina!

Eftir að hafa hlustað á forsvarsmann kynjafræðinnar í HÍ er ég enn sannfærðari að kynjafræði á EKKI að vera skyldugrein í kennaranáminu eins og Jafnréttisnefnd KÍ (öll skipuð konum) hefur lagt til. Fræðin er hægt að nálgast í heimspekifræðunum, söguna, þróunina og stöðuna. Hægt að fletta kynjafræðslu í margar greinar og það er gert. Fyrir áhugasama er hægt að sækja einstaka námskeið á kynjafræðibrautinni, sem er gott.

Málið er ekki flókið fyrir kennara, koma á eins fram við alla, sama af hvaða kyn þú telur þig vera. Á forstöðumanninum var að skilja að konur og kvennafræði léku aðalhlutverið í faginu. Einn áfangi um karlmenn og karlmennskuna. Samkvæmt forstöðumanni greinarinnar rær brautin lífróðri til að halda sér inni sem sér námsbraut og því átti tillaga Jafnréttisnefndar kannski að ,,bjarga" brautinni frá endalokum. Mínar hugleiðingar!

Það var ljóst á þessum forstöðumanni að þarna fara inn konur (95%) sem margar hverjar vilja rannsaka kynferðisofbeldi á kynsystur sínar. Sumar hafa eflaust lent í því sjálfar og vilja fá orð á upplifun sína.

Ég mæli frekar með að kenna geðheilbrigðisfræði og sálfræði í meira mæli í Kennaradeildinni. Þau fræði myndu taka á málaflokknum eins og ,,óskilgreint kyn" og þær breytingar sem eiga sér stað hjá þeim fáum einstaklingum í samfélaginu sem eru þannig. Heyra og skilja hvað gerist í kolli fólks við upplifunina að vera ekki sá sem þú fæddist.

Kynjuð umræða, kynjafræðingar mæla með að við tökum kyn út úr umræðunni. Ég hafna því, ég er kona og vil verða umtöluð sem slík ekki kynjalaus. Tungumálið er kynjað, því verður ekki breytt. Mér þykir margt í umræðunni um kyn vera komið út í öfgar og er ekki sátt með það.

Enn situr formaður Kennararfélags Reykjavíkur

Þeir sem stýra snjáldursíðu grunnskólakennara ritstýra samkvæmt vinavæðingu. Innlegg sem ég setti þar inn var fjarlægt með ótrúlegum rökum til að þjóna vinum.

Enn situr formaður Kennarafélags Reykjavíkur

Þann 24. júní s.l. fékk formaður KFR dóm í Héraðsdómi Reykjavíkur. Nú liðnir þrír mánuðir. Skattalagabrot og það frekar gróft. Brotaþoli er sakaður um að hafa ekki gefið upp 110 milljónir krónur til skatts og þarf því, samkvæmt dómnum, að endurgreiða um 20 milljónir krónur. Brotaþoli telur á rétt sinn gengið og að dómurinn sé rangur. Kemur í ljós þegar Landsréttur tekur málið fyrir. Þar til Landsréttur dæmir er viðkomandi sekur.

Sú sem þetta ritar hefur undrast að formaður KFR skuli enn starfa sem formaður, siðferðisins vegna. Ekki nóg með að formaðurinn hreyfir sig hvergi heldur láta stjórnir KFR, FG og KÍ undir höfuð liggja að tjá sig um málið, nú frekar en áður. Hvað þá að hvetja manninn til afsagnar þar til Landsréttur kveður upp dóm. Margir eru á að þegar mál af þessum toga kemur upp eigi aðili máls að stíga til hliðar þar til málið er til lykta leitt. Dæmdur formaður veikir trúverðugleika félags.

Fyrir um hálfu öðru ári var formaður KFR ásamt fríðu föruneyti þátttakandi í byltingu innan Kennarasamband Íslands. Þegar litið er í baksýnisspegilinn dettur mér vinavæðing í hug. Snúa átti öll við í félaginu. Upplýsingaflæði átti að verða betra og gagnsærra. Samningar betri og lélegir samningar var linkind fyrri samninganefndar að kenna. Valddreifing of lítil hjá gamla liðinu og því átti nú aldeilis að breyta o.s.frv. Mörg okkar trúðu þeim og trúðu á þau. Vildu sjá breytingar. Hvað gerðist?

Samningsmarkmið sjást ekki og ekkert að gerast í kjaramálum samkvæmt orðum varaformanns á aðalfundi BKNE. Samninganefnd félagsins veit ekki hvaðan á sig stendur veðrið, engir fundir eins og fram kom á aðalfundi BKNE 20. sept. s.l. Valddreifing nánast enginn þegar kemur að störfum innan FG. Brauðmolum hent í kennara á meðan beðið er niðurstöðu félagsdóms, styttist sennilega í fyrirtöku úr því brauðmolarnir komu. Við þegjum allavega á meðan. Stjórn FG svarar engu þó þau séu spurð.

Engar upplýsingar um hvernig framkvæmdir við Borgartúnið gengur, né fyrirhugaður kostnaður. Engar upplýsingar um eitt leyfisbréf, né heldur hver situr fyrir FG í þeirri nefnd. Engar upplýsingar um milliþing KÍ, né heldur kostnaður um skipulag.

Fyrrverandi stjórn mátti sitja undir skítkasti frá þessu sama fólki á snjáldursíðunni, sem virðist vera þeim eins og lokuð bók í dag. Fyrrverandi varaformaður FG, sem tók við starfi Sesselju, hrakinn úr starfi hjá FG og starfar nú fyrir KÍ. Ráðið í starfið án auglýsingar.

Með vinsemd og virðingu,

Helga Dögg Sverrisdóttir

Óskiljanlegt- embættið er laust

Skil ekki af hverju Ágústa er ósátt við staðan sé auglýst. Staðan er laus á þessum tíma. ,,Skipað er í embættið í fimm ár í senn. Samn­ing­ur Ágústu renn­ur út um næstu ára­mót, 1. janú­ar 2020." Getur ekki verið neitt eðlilegra en að starfið sé auglýst. 

Katrín skipar staðgengil Lilju

Er ekki komið nóg?

Nú byrja stjórnmálamenn að berja sér á brjóst og þykjast bestir. Er ekki komið nóg af þessu máli. Engin ástæða að viðhalda málinu. Nái menn ekki sáttum um bótagreiðslur verður að nota dómstóla. Hættið nú þingmenn, búið að rannsaka málið nóg. Hættið sýndarmennskunni í kringum málið.

Vilja rannsókn á Guðmundar- og Geirfinnsmálinu

Hentar vinnustaðurinn nokkuð?

Merkilegt ef þessi loftgæði hafi ekki áhrif á farþega. Sumu fólki hentar eitt og öðrum annað. Kannski á þetta ekki við freyjurnar að vinna í háaloftunum. Spurning að leita sér að annarri vinnu og sjá hvort þetta lagist ekki.

Fleiri flugfreyjur Icelandair veikjast

Þingmenn verða að horfa til barnanna

Ljóst að börn eiga að hafa aðgang að báðum foreldrum sínum. Af hverju má ekki refsa foreldri sem brýtur sáttmála og úrskurði. Velti því stundum fyrir mer. Ljóst að foreldri brýtur lög og sáttmála, virðir ekki rétt barna. Áhugavert viðtal...https://www.visir.is/k/2daede52-c28a-40d1-a3ac-d69a186ff1ef-1568828471338?fbclid=IwAR1-FV8GACyS8fsH8cm5uLR4lmR80lEFRyYYBOEODJLWQpchu0X5dDr1A_Y

Tálmunarfrumvarpið verður að samþykkja

Brynjar Níelsson og fleiri þingmenn leggja tálmunarfrumvarpið fram eina ferðina enn. Löngu tímabært að foreldri komist ekki upp með tálmun án afleiðinga, eins og er í dag. 

Tálmun er ofbeldi, á því leikur enginn vafi. Tálmum fer illa með barn. Tálmun sest í sál barns með ófyrirséðum afleiðingum. Tálmun hefur áhrif á hegðun barns og nám. Tálmun er stjórnunartæki foreldris sem notað er í margvíslegum tilgangi til að hefna sín á fyrrverandi.

Birtingarmyndir tálmunar geta verið margs konar og enga eina uppskrift að finna. Tálum hefur eitt markmið, skerða samverustundir barna og foreldris eða koma alveg í veg fyrir þær.

Foreldri getur beitt barni sem vopni án afleiðinga. Foreldri getur eyðilagt sál barns án afleiðinga. Foreldri getur brotið á rétti barns síns án afleiðinga. Löggjafinn og þingmenn sitja hjá og horfa upp á marga foreldra skemma börn sín vegna tálmunar.

Þingmenn hafa bætt og breytt frumvarpinu. Hér má sjá nýjustu útgáfuna. https://www.althingi.is/altext/150/s/0123.html

Ekki dugnaður, heimska.

Hef aldrei skilið af hverju fólk talar um dugnað að vera í fullu starfi, fullu námi, eiga fjölskyld og sinna henni ekki o.s.frv. Við eigum að hætta að hrósa slíku fólki og spyrja frekar, hvar eru börnin þín á meðan þú gerir allt þetta. Af hverju misþyrmir þú líkama og sál á þennan hátt. Í svona þvælu felst enginn dugnaður. Hvað verður útundan hjá þér, fjölskyldan. Spyrjum fólk réttu spurninganna, hættum meðvirkni og telja þessu fólki trú um að það sé duglegt. 

Ertu útbrunninn?

Foreldraútilokun- skyldi Arna huga að því ofbeldi

Ekki er annað að sjá en flestir -ekki allir- séu sáttir við að fá kornunga konu í ráðherrastól dómsmála. Kannski af því hún er ung og kona. Aukin umræða um foreldraútilokun á sér stað í samfélaginu og ekki laust við að spjótin beinist að ráðherra dómsmála hvað þau mál varða. Tálmunarfrumvarp Brynjars var fellt. Þingkonur létu tilfinningar ráða. Tóku upp hanska fyrir konur eins og um kynjabaráttu væri að ræða. Ekki rétt barns. Ég vona að þessi ungi ráðherra deili sýn Brynjars á ólögmætum tálmunum og geri eitthvað róttækt í málaflokknum áður en fleiri börn líða fyrir ákvörðun og gjörð annars foreldis.

Ráðherra menntamála fagnar Örnu, gott mál! Lilja Dögg sér væntanlega endurspeglun foreldraútilokunar í grunnskólanum. Það er vitað að barn sem fær ekki að hitta annað foreldri sitt, vegna þess að hitt foreldrið bannar það, gengur ekki jafn vel í skóla og öðrum börnum. Hegðunarörðuleikar láta á sér kræla, kvíði, þunglyndi og skólaforðun. 

Þessar ágætu konur gætu nú stillt saman strengi sína og lagt tálmunarfrumvarpi Brynjars lið. Börnin sem um ræðir þurfa á því að halda.

Ánægð með Áslaugu Örnu og spennt fyrir þingvetrinum