Engin óvissa- þið takið afstöðu

Gott að Atli vann málið. Ekki hægt að bera fólk svona þungum sökum án þess að það geti varið sig. Gott fyrir launamenn alla.

Þetta er meira bullið og sýnir að stjórn leikfélagsins er óhæf. Það á nefnilega að hugsa um alla starfsmenn ekki suma. Engin óvissa um túlkun laganna. Hefðu huldukonurnar stigið fram og málið unnið eftir réttum verkferlum væri staðan væntanlega önnur. ,,Stjórn Leik­fé­lags Reykja­vík­ur hef­ur sent frá sér yf­ir­lýs­ingu þar sem kem­ur fram að hún líti svo á að með dómn­um sé kom­in upp óvissa um túlk­un laga sem tryggja eiga vellíðan og ör­yggi starfs­fólks." Einhver þarf að koma þeim um skilning um að engin óvissa ríki um lögin, menn geta ekki verið með hentistefnu eins og Leikfélagið. 


mbl.is „Hefði mátt afstýra þessum harmleik“
Tilkynna um óviðeigandi tengingu við frétt

Verulegt gott- hefði mátt taka stærra svæði

Aldeilis gott að sveitarfélög sameinist. Austfirðirnir hefðu mátt falla inn í sameininguna þannig að Austurland sé eitt sveitarfélag. En kannski einn góðan veðurdag gerist það.

Mörg lítil sveitarfélög hafa ekki bolmagn til að sinna allri þjónustu og því er stækkun sveitarfélög nauðsynleg.

Ég er kannski galin en ekkert sveitarfélag á að vera með færri íbúa en 5000. 


mbl.is Hefur lagt mikið á sig til að missa vinnuna
Tilkynna um óviðeigandi tengingu við frétt

Láta kné fylgja kviði- verður þetta Kvennabankinn!

„Mann­eskj­um með svo lé­lega dómgreind er ekki treyst­andi fyr­ir fé,“ skrif­ar Helgi í færslu á Face­book-síðu sinni. Mikið er ég sammála honum. Bankastjóri Íslandsbanka reyndi að klóra í bakkann og sagði í fréttum að þeir hefðu mátt orða þetta öðruvísi. Sé starfsmaður svo illa að sér í samskiptum og koma orðum að því sem hann ætlar að segja á hann að víkja. Ekki starfi sínu vaxinn. Held að enginn hafi misskilið samskiptastjóra Íslandsbanka. Vona að fleiri geri eins og Helgi, láti kné fylgja kviði og færi viðskipin sín. Íslandsbanki getur kannski seinna meir breytt nafninu í Kvennabankinn. 


mbl.is Segir áætlun Íslandsbanka „kjánalegt ofstæki“
Tilkynna um óviðeigandi tengingu við frétt

Misnotkun á almannafé

Manni verður óglatt. Hvílík misnotkun á almannafé. Margir ungir stúdentar setja sig í mikla skuldir til að læra í Bandaríkjunum en sá sem hefur efni á að stunda nám þar fær styrk af almannafé. Vissi ekki að hlutverk Seðlabanka væri þetta, að styrkja fólks til náms. Svona lagað á að gera afturkræft. Samfélagið, eða efsta lag þess, er sýkt svo ekki sé meira sagt.


mbl.is Átta milljónir í styrk og 60% mánaðarlauna
Tilkynna um óviðeigandi tengingu við frétt

Sjálftaka

Kann ekki góðri lukku að stýra að menn ákvarði laun sín. Þeir fara offari í sjálftökunni. Dómstólar eiga að ákveða tímalaun þegar unnið er með þrotabú. Hugnist lögfræðingum ekki tímakaupið geta þeir sagt nei takk. Galið að menn geti hagað sér svona. Gott að tekið var á málinu. Hvort við lærum af því, skal ósagt látið.


mbl.is Sveinn Andri þarf að endurgreiða 100 milljónir
Tilkynna um óviðeigandi tengingu við frétt

Sami hópur gagnrýnir hann fyrir að berjast gegn ofbeldi...

Merkilegt að öfgahópurinn Líf án ofbeldis hefur sett sig upp á móti tálmunarfrumvarpi Brynjars sem tekur á ofbeldi gagnavart börnum. Skiptir þá engu hvort faðir eða móðir beitir því. Tvískinnungsháttur hjá hópnum, vilja kynjastríð um áríðandi málefni. Auðvitað á að taka á öllu ofbeldi gagnvart börnum, hentistefna á ekki að ráða neinu þar um.

Miklu nær að snúa bökum saman og vinna gegn ofbeldi...áhugaverð skýrsla, https://redbarnet.dk/media/3699/kvinders-vold-mod-boern-spreadsheet.pdf?fbclid=IwAR26Zet4Gn37RW4WECLrKXNo6XG7ptxLGwffzMU5A3sPE863I5iYWoNExS0

 


mbl.is Gagnrýnir bréfaskrif Lífs án ofbeldis
Tilkynna um óviðeigandi tengingu við frétt

Líf án ofbeldins- öfgahópur

Brynjar Níelsson þingmaður hefur með réttu varað þingmenn við að taka mark á bréfi frá öfgahópnum Líf án ofbeldis. Mæður sem hafa átt og eiga í forsjárdeilum taka sig nú saman og segjast vinna gegn ofbeldi, bara ofbeldi feðra í forsjárdeildum. Mæður mega hins vegar beita ofbeldi, því annar hefði öfgahópurinn ekki kyngreint annað foreldrið. 

Mæður og feður beita börn sín ofbeldi og það þarf að stoppa með öllum tiltækum ráðum. Öfgahópurinn viðurkennir ekki að mæður geti beitt börn sín ofbeldi þó rannsóknir sýni annað. Í jafn viðkvæmum málum og þessum mega öfgahópar ekki vaða upp.

Foreldraútilokun er ofbeldi. Öfgahópurinn Líf án ofbeldis segir það tómt bull, það sé ekki til þó svo að til séu margar rannsóknir sem sýna hvers konar ofbeldi það er. Foreldraútilokun beita bæði mæður og feður.

Vona að þingmenn falli ekki í gryfju öfgahópsins og haldi sínu striki varðandi tálmunarfrumvarp þingmanna. Refsa á þeim sem koma í veg fyrir að börn umgangist báða foreldra sína.


Yfirfara hjólið áður

Nú er svo komið að við verðum að kenna börnum okkar að yfirfara hjólhestinn áður en stigið er á hann. Gera ráð fyrir að átt hafi verið við það frekar en hitt, þó fúlt sé. Með því að yfirfara að allt sé fast má koma í veg fyrir svona slys og skemmdarvörgum verður ekki að ósk sinni, að meiða önnur börn.

 


mbl.is Tannbrotinn vegna skemmdarverks á reiðhjóli
Tilkynna um óviðeigandi tengingu við frétt

Röng barátta- á skjön við heilbrigða skynsemi

Ég undrast að barátta eins og Sigrún Sif Jóelsdóttir heyir gagnvart feðrum skuli enn eiga sér stað þegar ofbeldi í garð barns er um að ræða. Hópur kvenna hefur reynt að ná eyrum þjóðarinnar og telur þeim trú um að einungis feður beiti ofbeldi í forsjármálum. Konurnar reyna að fólk til að skrifa undir lista sem afhenda á dómsmálaráðherra. Hélt við værum komin lengra í baráttunni gegn ofbeldi gagnvart börnum. Báðir foreldrar geta og margir beita börn sín ofbeldi, andlegu og líkamlegu, og það vita allir sem það vilja vita. Refsing við ofbeldi á að vera það sama hvort sem þú ert karl eða kona. Kynjaskipt barátta hjálpar engum. 

Vona að þjóðin sé skynsöm og láti ekki teyma sig á asnaeyrunum í undirskrift sem er algerlega á skjön við heilbrigða skynsemi. Verndum börn sem beitt eru ofbeldi hvort sem það er faðir eða móðir sem beitir því.

Áhugavert: https://www.youtube.com/watch?time_continue=110&v=l3c8Ncw0qLI&fbclid=IwAR3Jw0vFvyuWe2OIFKEm_eG1DsStousKnUBKkQIUX8lQVWjLI2A_7FLloB8


Eigin atvinnurekandi á að gera ráð fyrir fæðingarorlofi

Að sjálfsögðu á eigin atvinnurekandi að gera ráð fyrir fæðingarorlofi í sínum launum rétt eins og aðrir atvinnurekendur. Af hverju á ríkið eða samfélagið að greiða meira til þeirra sem eru í eigin atvinnurekstri en hinna. 


mbl.is Fær 158.000 krónur í fæðingarorlof
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband