Katrín hefur áhyggjur af samþjöppun í sjávarútvegi

segir hún þjóðinni. Gerir hún eitthvað í málinu. Nei ekki frekar en hingað til. Sjávarútvegurinn fær að græða á tá og fingri án þess að ríkið geri tilkall til þjóðareignarinnar, fisksins. Þegar selja á útvegsfyrirtæki á fiskurinn ekki að fylgja með, fyrirtækin hafa grætt nóg í gegnum tíðina. Kvótinn á að fara aftur til ríkisins og þannig endurúthluta honum. 

Katrín hefur haft tækifæri til að sýna hvað hún ætlar með þjóðareignina. Hún gerir nákvæmlega ekkert. Jú fyrirgefið þið- HÚN TALAR!

Sá eftir kynréttingaferlinu og

varar ungmenni við að feta í fótspor sín fyrr en þau verða fullorðin. Kynskiptaferli er ekki alltaf eins og blómstrið eina. Því miður heyrum við ekki mikið um þessa hlið málsins hér á landi. Minnihlutahópar eru duglegir að þagga þá umræðu niður og kalla alla, sem hefja umræðu á málefninu, fordómafulla og þeir beri hatur í brjósti til transfólks. Í meira lagi furðulegar fullyrðingar. Því meiri umræða um allar hliðar málsins því betra. Ekkert að því að ræða málið frá öllum sjónarhornum. Hefur ekkert með fordóma að gera.

,,I really didn’t understand all of the ramifications of any of the medical decisions that I was making," Chloe Cole, 17, said at a public hearing Friday. She said she was medically transitioned from ages 13 to 16, taking so-called puberty-blocking drugs and testosterone, and undergoing surgery to remove her breasts at age 15. "I was unknowingly physically cutting off my true self from my body, irreversibly and painfully."

California ex-trans teen backs Florida ban on Medicaid funds for transgender medical interventions | Fox News

 

Bretar hafa stoppað með dómi kynbælandi lyf fyrir unglinga, þar verða börn að bíða þar til þau verða fullorðin.

Briterne træder på bremsen med hormoner til transkønnede | Kristeligt Dagblad (kristeligt-dagblad.dk)

Karólínska sjúkrahúsið í Svíþjóð hættir kynbælandi hormónameðferðum.

Karolinska stoppar hormonbehandling av barn med könsdysfori | SVT Nyheter

Siðlaust fram í fingurgóma

og loka á jöfnunarsjóði sveitarfélaga. Fámenn sveitarfélög hafa sýnt og sannað að þau geta ekki rekið sig. Þurfa styrk úr jöfnunarsjóði. Síðan ráða þeir bæjarstjóra sem kostar þá um 30 milljónir á ári með launatengdum gjöldum fyrir utan 2 milljónir í ökutækjastyrk. Fólk fær velgju yfir þessum ofurlaunum sem eiga hvergi heima.

Sameina á sveitarfélög. Ekkert þeirra á að hafa færri en 5000 íbúa. Í góðu lagi að hafa 10-25 þúsund. Sameina ætti Eyjarfjörð í eitt sveitarfélag. Nú eru við störf 7 bæjarstjórar sem kosta bæjarbúa um 140 milljónir á ári. Fénu er betur varið í þágu íbúana.

Sótti ekki um en fær 1,7 milljónir í mánaðarlaun

Landsbankinn fer rangt með

orðatiltækið í fótboltaauglýsingu „Ber er hver að baki nema sér bróður eigi..." Þeir hafa einhverra hluta vegna sett systur í stað bróður og við það riðlast merking orðatiltækisins. Eins og stendur á Vísindavefnum þýðir bróðir- liðsmaður og því ætti Landsbankinn að nota það orð. Að mínu mati er betra að sleppa þessu en skrumskæla orðatiltækið.

Af Vísindavefnum: ,,Björn valdi fyrri kostinn. Kára og Birni tókst að hrekja óvinahópinn á brott eftir snörp átök og ríða heim í Mörk. Valgerður spyr frétta af því hvernig Björn hafi reynst. Kári svaraði: „Ber er hver að baki nema sér bróður eigi og gafst Björn mér vel.“ Bróðir merkir þarna ‛liðsmaður, stuðningsmaður’."

Líðan barna í skólakerfinu sem búa við foreldraútilokun og tálmun

Mörgum er umhugað um líðan og heilsu barna í grunnskólanum. Einn hópur hefur enga athygli fengið og kunna fáir skýringu á því. Um er að ræða fleiri hundruð börn víðs vegar um landið. Börn sem búa við tálmun og foreldraútilokun, án ástæðu. Stundum má heyra kennara taka afstöðu með tálmunarforeldri. Foreldrinu sem notar öll tiltæk ráð til að barn hitti ekki hitt foreldri sitt án ástæðu. Þessum hópi barna mættu starfsmenn skóla gefa meiri gaum. Sennilega passar skólakerfinu betur að hafa þau falin. Börn sem búa við tálmun glíma við alls konar andlega kvilla sem vissulega væri gott að starfsmenn þekktu.

Heimildir í greininni eru byggðar á ritgerð þriggja hjúkrunarnema frá Háskólanum á Akureyri árið 2019 og heimildum sem birtast í henni. Ritgerðin er rannsóknaráætlun og heimildarinnar er getið neðst.

Tálmun og foreldraútilokun

Hjúkrunarnemarnir útskýra hugtakið tálmun ,,Foreldraútilokun er ferli eða sálfræðilegt ástand þar sem barn styður sterklega foreldri sem beitir útilokunaraðferðum og hafnar sambandi við hitt foreldrið án réttmætrar ástæðu. Algeng foreldraútilokunaraðferð er tálmun á umgengni við barnið.”

Gef þeim orðið á skilgreiningum. ,,Foreldraútilokun (e. parental alienation): Ferlið eða niðurstaðan af sálfræðilegri meðferð barns til að sýna óviðeigandi ótta, vanvirðingu eða fjandskap gagnvart foreldri, og jafnvel slíta sambandinu við það foreldri (Baker og Darnall, 2006).

Tálmun á umgengni við barn: Hindrun foreldris að umgangast barn sitt á eðlilegan hátt eftir skilnað foreldra, það er þegar umgengni fer ekki fram samkvæmt úrskurði, dómi, dómsátt eða staðfestum umgengnissamningum sbr. 48. gr. barnalaga (Barnalög nr. 76/2003).”

Því miður hefur málaflokkurinn ekki verið rannsakaðar mikið á Íslandi en gert annars staðar. Við getum hæglega fært slíkar rannsóknir á ástandið hér heima. Þeir sem sinna málaflokknum hafa lokað augunum fyrir algengi tálmunar. Oft er um að ræða hefnd gagnvart fyrrverandi maka, t.d. vegna peningamála, annars maka eða reiði. Barn notað sem vopn. Hefur afdrifarík áhrif á barnið að vera notað sem slíkt.

Áhrif tálmunar á börn og foreldri

Fram kemur í ritgerðinni, ,,Sýnt hefur verið fram á að börn sem hafa reynslu af foreldraútilokun eru í aukinni hættu á að glíma við tilfinningalegar raskanir og eiga erfiðara með að aðlagast nýju umhverfi, borin saman við börn sem ekki upplifðu foreldraútilokun eftir skilnað foreldra sinna (Johnston, Walters og Olesen, 2005; Fidler og Bala, 2010).”

Hér á landi er mikið talað um ofbeldi sem konur verða fyrir og afleiðingar af slíku. Talað er um að þær þjáist af kvíða, þunglyndi og áfallastreituröskun. Í ritgerðinni kemur fram að barn og foreldri sem beitt er tálmun sýna sömu einkenni og kona sem býr við ofbeldi. Sýslumaðurinn á Suðurlandi hefur túlkað tálmun sem ofbeldi og það með réttu.

Þegar horft er til áhrif tálmunar á barn má undrast af hverju skólayfirvöld hafi ekki veitt þessum börnum meiri athygli.

Sem grunnskólakennari hef ég ekki séð neitt tilboð um fræðslu um ofbeldið, tálum og foreldraútilokun. Sveitarfélögin, Kennarasamband Íslands, Félag leikskólakennara og Félag grunnskólakennara hafa í engu sinnt því hlutverki sínu að fræða starfs- og félagsmenn um þessa tegund ofbeldis, þó svo afleiðingarnar hafi bein áhrif inn í skólastarfið. Samt búa hundruð barna við þetta ljóta ofbeldi. Er ekki kominn tími á að þessir aðilar sinni þeirri skyldu sinni?

Foreldrið sem beitt er tálmun fer ekki varhluta af áfallinu en í ritgerðinni stendur, ,, Í umfjöllun Woodall og Woodall (2017) um andlega fylgikvilla þess að lenda í foreldraútilokun fyrir þolanda má meðal annars sjá að það að finna fyrir höfnun frá barni sínu fylgir tilfinning um óréttlæti og niðurlægingu. Jafnframt kemur til fjárhagslegt tjón vegna lögfræðikostnaðar og fleira. Allt þetta getur haft sambærilegar afleiðingar og í fyrrgreindri rannsókn Bosch-Brits o.fl. (2018) sem birtist í langvarandi andlegri vanlíðan.”

Hér á landi var gerð rannsókn en þar segir, ,,Niðurstöður íslenskrar rannsóknar á upplifun og reynslu útilokaðra íslenskra feðra af því að vera meinaður aðgangur að barni sínu gáfu innsýn í hvernig ástand þessara mála er hérlendis (Halldór Arason, 2012). Samræmast þær niðurstöðum erlendra rannsókna að því leiti að þátttakendur lýstu nær allir einkennum þunglyndis og tjáðu sig um depurð og vonleysi og þurftu sumir að leita sér sálfræðimeðferðar vegna einkennanna. Undir þetta tekur Herman (2015) sem bendir á að útilokaðir foreldrar geta verið í hættu á að þróa með sér einkenni áfallastreituröskunnar vegna ferlisins sem einkennist af, sorg, áhyggjum, kvíða og reiði.”

Þegar horft er til afleiðinga tálmunar og foreldraútilokunar eigum við langt í land með að taka á málaflokknum. Til mikils er að vinna fyrir alla aðila að koma í veg fyrir tálmun og foreldraútilokun. Það er barni fyrir bestu að hafa aðgengi að báðum foreldrum sem eru heil heilsu, andlega sem líkamlega.

Eina ofbeldið sem er ekki refsivert

Eins merkilegt og það hljómar er tálmun, án ástæðu, ekki refsivert ofbeldi en í ritgerðinni kemur fram ,,Sýslumaður á höfuðborgarsvæðinu (2017) taldi að tálmun á umgengni við barn feli í sér brot umsjónaraðila gagnvart barni sbr. 98. gr. barnaverndarlaga nr. 80/2002 og í þessari grein stendur að umsjónaraðilar sem misþyrma barni eða vanrækja það andlega eða líkamlega þannig að lífi eða heilsu barnsins sé hætta búin skulu fá fangelsisrefsingu í allt að fimm árum.”

Samkvæmt barnaverndarlögum, 16 gr., ber kennara að tilkynna um refsivert athæfi gagnvart barni, óviðunandi uppeldisaðstæður, vanvirðandi háttsemi gagnvart barni eða stofni forsjáraðili heilsu barns í hættu. Hvað gerir forsjáraðili annað en að stofna heilsu barns síns í hættu með tálmun án ástæðu?

Þegar börnin verða fullorðin

Samkvæmt rannsóknum á fullorðnu fólki sem bjuggu við foreldraútilokun kom í ljós andleg veikindi, aukin áfengisneysla og aðrir kvillar. Í ritgerðinni segir ,,Baker (2005) tók viðtöl við 38 bandaríska fullorðna einstaklinga sem upplifðu foreldraútilokun sem börn og greindi áhrif foreldraútilokunar til lengri tíma hjá þeim, sem hún skipti niður í sex aðalþemu: neikvæða sjálfsmynd, þunglyndi, áfengis/vímuefnaneyslu, erfiðleika við að treysta sjálfum sér og öðrum, útilokun frá sínum eigin börnum og hærri tíðni skilnaða.”

Sá sem beitir tálmun og foreldraútilokun gerir sér ekki alltaf grein fyrir hve afleiðingar af gjörðum sínum geta verið alvarlega fyrir barn. Því fyrr sem gripið er inn í því betra. Fagfólk þarf að hysja upp um sig, viðurkenna þetta ofbeldi og ekki síðu láta til sín taka þegar foreldri kvartar undan útilokun frá barni sínu án ástæðu.

Hvað er til ráða

Ljóst er að fræða þarf um tálmun og foreldraútilokun. Alþjóð veit að þessu ofbeldi er beitt, í of miklu mæli. Kennarar geta haft vökul augu með þeim börnum sem búa við tálmum. Í ritgerðinni kemur fram að ,,Heilbrigðisstarfsmenn sem hafa unnið með börnum skilnaðarforeldra tala um að foreldraútilokun geti valdið miklum sársauka og erfiðleikum fyrir fjölda einstaklinga og fjölskyldur (Sher, 2017).”

Höfundar ritgerðarinnar benda á aðferð að Calgary fjölskylduhjúkrun gæti verið gott tæki til að nota þegar tálmun á sér stað. Skólahjúkrunarfræðingur starfar við hvern skóla og því ætti að vera hæg heimatökin að finna og greina þau börn sem búa við ofbeldið sem tálmun er ásamt öðrum starfsmönnum skóla.

Í ritgerðinni stendur, ,,Til eru aðrar aðferðir sem hafa verið þróaðar innan fjölskylduhjúkrunar sem reynast vel þegar hjúkrunarfræðingar eru að sinna einstaklingum með geðræn vandamál eins og til dæmis þunglyndi, sjálfsvígshugsanir eða neysluvandamál (Sveinbjarnardóttir og Svavarsdóttir, 2019) en þessi einkenni geta komið fram hjá þolendum foreldraútilokunar (Sher, 2017).” Feitletrun er mín.

Þarf að veita börnunum meiri athygli í skólakerfinu

Ég held því fram að um vanræktan hóp barna í skólakerfinu sé að ræða. Miðað við tilkynningarskyldu kennara er vissulega umhugsunarvert að svo mörg börn eru í leik- og grunnskólanum án þess að tálmun hafi verið tilkynnt. Kannski eru starfsmenn ekki meðvitaðir um alvarleika afleiðinganna. Kannski þekkja þeir ekki einkenni því engin fræðsla hefur farið fram um málaflokkinn. Gef hjúkrunarnemunum aftur orðið ,,Árið 2013 var 152 börnum vísað á göngudeild BUGL og 62,5% af þeim voru með skilnað foreldra sem álagsþátt (Árný Jóhannesdóttir, 2017). Börn og unglingar sem hafa orðið fyrir því andlega aukaálagi sem foreldraútilokun er geta sýnt ýmis einkenni, þar á meðal eru 27 sem dæmi átraskanir þar sem börnin svelta sig, eru haldin lotugræðgi eða eru í ofþyngd (Sher, 2017).” Alvarlegt ekki satt!

Því miður á þessi hópur barna fáa sem styðja við bakið á þeim og krefjast úrbóta fyrir börnin. Félag um foreldrajafnrétti hefur vakið athygli á stöðunni sem er vel. Berjarst þarf fyrir rétti þessara barna enda mikið í húfi eins og lesa má. Munum að í greininni er rætt um tálmun án ástæðu.

Ég kalla eftir fræðslu til starfsmanna skóla um þetta ljóta ofbeldi sem hefur víðtæk áhrif á börn. Starfsmenn skóla fá fræðslu um ofbeldi sem börn verða fyrir af ýmsu toga en þetta hefur setið á hakanum. Af hverju?

Höfundur er grunnskólakennari.

Heimild: Christine Björg Morançais, Magali Brigitte Mouy, Sólrún Þórunn Bjarnadóttir. (2019). Áhrif tálmunar á umgengni við börn. Rannsóknaráætlun. Háskólinn á Akureyri. Sótt 8. júlí 2022 af: Áhrif tálmunar á umgengni við börn á andlega og líkamlega heilsu foreldra. Rannsóknaráætlun..pdf (skemman.is)

 

Greinin birtist á Visi.is föstudaginn 8. júlí 2022.

 

Spretthóp fyrir tálmuð börn

Þorgerður Katrín og Daði Már óska eftir spretthópi um loftlagsmál. Börnin sitja hins vegar á hakanum.  

Ég óska eftir spretthópi ríkisvaldsins til að taka á málefnum barna sem búa við tálmun án ástæðu og foreldra þeirra. Tálmun og foreldraútilokun hefur veruleg áhrif á andlega líðan barns og það bíður þess aldrei bætur. 

Óska eftir spretthóp frá barnamálaráðherra sem tekur á meðlagsgreiðslum foreldris sem er með börnin sín en borgar meðlag. Fær engar barnabætur,lögheimilisforeldrið fær það. Kerfið svo galið að enginn getur stoppað foreldri sem neitar að flytja lögheimili barna sinni þó þau búi ekki hjá því. Þarf dómsmál til sem tekur langan tíma. 

Spretthópur um landbúnað vann hratt og vel. Af hverju getur slíkur ekki hópur skilað af sér niðurstöðu fyrir börn sem beitt eru ofbeldi. 

Stjórnvöldum er í reynd ekki umhugað að koma tálmuðum börnum til hjálpar, telja málaflokkinn í lagi eins og er. Foreldri leyft að beita barn ofbeldi í formi tálmunar. Skrítin afstaða stjórnvalda.

 

Gott að sjá hve fámennur kúgunarfundurinn

var. Styð Sundsambandið heils hugar og vona að þeir láti aldrei kúga sig til að breyta ákvörðun sinni. Nánast allir félagsmenn eru undir. Líka konur víðs vegar um heiminn sem þroskuðust sem konur. Réttindi þeirra vega þyngra en þeirra fáu transkvenna sem um ræðir í heiminum.

Æfingar þessara tveggja hópa eiga að fara saman. En transkonur hafa ekkert að gera í keppni meðal kvenna sem hafa ekki fengið karlhormón.

„Við munum aldrei hætta þessari baráttu“

Sundsambandið má ekki gefa sig

og svíkja þannig stúlkur og konur sem vilja keppa á jafnréttisgrundvelli. Kúga á sambandið. Þessi samtök troða á réttindum sundkvennanna en í fréttinni segir að ,,Fjölmörg félög hinseginfólks og kvenréttindasamtök standa fyrir kröfufundinum.“ Það virðingarleysi sem þessi samtök sýna konum er ótrúlegt. Kona sem hefur tekið út þroska sinn sem karl keppir aldrei á jafnréttisgrundvelli við aðrar konur. Líkamsstyrkur þeirrar konu er meiri og annar en konu sem tekur út þroska sem kona. Það vita allir.

Samtökin eru frek og tilætlunarsöm. Vilja ójafna keppni innan sundsins. Hér og víða um heim hafa menn séð að ekkert jafnrétti er í slíkri keppni og hafa brugðist við því. Ekki að ósekju. Að vaða uppi með þessa frekju og reyna að kúga sundsambandið til að taka afstöðu gegn keppnisstúlkunum, sem hafa alist upp sem slíkar, er út í hött. Freklega gengið á rétt þeirra og samtökin bera ekki virðingu fyrir réttindum stúlkna sem alast upp sem slíkar. Eru réttindin þeirra minna virði en transkvenna, maður spyr sig.

Þessi freku samtök hafa talað fyrir virðingu fyrir transfólki, af hverju bera þau ekki virðingu fyrir öðrum samtökum sem taka ákvarðanir sem á við sitt fólk. Nákvæmlega á þennan hátt missa þessi samtök virðingu fólks, með kúgun og frekju.

Hér má sjá þessa gengdarlausu frekju og tilætlunarsemi. ,,Ólöf Bjarki Antons, varaformaður Trans-Ísland, segir tilgang fundarins vera að krefja Sundsambandið um að endurskoða afstöðu sína. „Við erum bara að krefjast þess að þau dragi atkvæði sitt til baka eða gefi út opinbera yfirlýsingu að þau standi ekki lengur með þessu atkvæði þar sem það brýtur á réttindum transfólks.“ Nei sundsambandið á ekki að draga atkvæði sitt til baka né heldur gefa út yfirlýsingu. Það á að standa að baki stúlknanna og bera hag þeirra fyrir brjósti. Á ekki að vera flókið.

Sjálfsagt mál að transkonur, sem taka út þroska sem karl, æfi með öðrum konum, enginn setur út á það. Keppa, nei það er ekki við hæfi.

Sundsambandið verður að standa í lappirnar, stúlknanna vegna og réttinda þeirra til réttlátrar keppni.

Hér má lesa frétt ruv.is

Metoo róttæklingar eru hryðjuverkamenn

segir danski rithöfundurinn Marianna Stidsen sem gaf út bók sem vert er að lesa. Bókin fer á náttborðið hjá mér þegar ég hef komist yfir hana. Las áhugaverð grein, á norsku, um útgáfu bókarinnar o.fl. Það reyndist þrautin þyngri að fá útgefanda, sem betur fer tókst það. Við þurfum jafnvægi við þann sjálftökurétt sem Metoo-hreyfingin hefur tekið sér og því fagna ég bók sem þessari. Reglan er að þeir sem þegja ekki og eru ekki sammála róttæklingunum fá orð í eyra opinberlega, er úthýst úr fjölmiðlum og reynt að sverta það fólk með öllum tiltækum ráðum. Sama aðferð á öllum Norðurlöndunum. Ægivaldið sem þessir róttæklingar hafa tekið sér er skelfilegt. Höfundur bókarinnar er ekki undanskilin.

Bókin heitir: Den nordiske MeToo-revolution 2018 – og dens omkostninger

Hér má t.d. panta bókina fáist hún ekki hér á landi.

Hér má lesa greinina. 

Lausleg þýðing, fannst þetta eftirtektarvert.

Allt í einu gat dómstóll götunnar, með fáum en árásargjörnum og háværum róttæklingum, ákveðið hvort fólk ætti að skammast sín opinberlega, og af svo miklu afli að það lifði ekki eðlilegu lífi, var annað tveggja rekið eða þvingað til að hætta vinnu jafnvel sett í fangelsi eða í versta falli framdi sjálfsmorð.

,,Plutselig kunne en vilkårlig moralsk folkedomstol bestående av noen få, men til gjengjeld sterkt aggressive og høytropende aktivister, bestemme om folk skulle skammes offentlig slik at de ikke lenger kunne leve et normalt liv og bli enten sparket eller presset til å slutte i jobben eller kastet i fengsel eller i verste fall begå selvmord."

Á þeim tíma þegar ég sagði þetta var enn grundvallarmunur á milli Metoo-samkenndar og Metoo-róttæklinga. Þá fyrri myndi ég aldrei, hvorki þá né nú, líkja við harðgera hryðjuverkamenn. Kjarninn meðal þeirra síðarnefndu kallast það, sem kerfislega eyðileggja samfélagið, sprengja stofnanir í loft, eyðileggja líf annarra og hræða allt og alla frá því að gagnrýna femínista og Metoo- hreyfinguna, ég fann ekki betra orð en hryðjuverkamenn. Ég held mig enn við það.

,,På den tiden jeg sa det, var det fortsatt et generelt skille mellom Metoo-sympatisører og Metoo- aktivister. Førstnevnte ville jeg selvfølgelig aldri, verken da eller nå, sammenligne med hardcore terrorister. Men den kaldeste kjernen blant de sistnevnte, som systematisk er ute etter å ødelegge samfunnet vårt, sprenge institusjonene våre i luften, knuse andres liv og skremme alt og alle fra å si noe kritisk om feminisme og Metoo-bevegelsen, fant jeg ikke et bedre ord enn terrorisme. Jeg holder meg fortsatt til det."

 

Translestin (Tranståget)- sænskir heimildarþættir

Horfði á þrjá heimildarþætti um transbörn/fólk sem Sviar gerðu. Enskur texti á þeim. Held að íslenska sjónvarpið hafi ekki sýnt þá. Þættirnir eru frá 2019. Lít á þættina sem skylduáhorf.

Í fyrsta þættinum kemur fram sú gífurlega aukning á stúlkum sem vilja breyta kyni sínu. 

The Trans Train - A Swedish Docu (English subtitles) - YouTube

Í öðrum þættinum kemur m.a. fram að ráðherra í Svíþjóð notaði ómarktæka rannsókn í því skyni að lækka aldur barna til að fara í aðgerð án samþykki foreldra. Í þessum þætti er talað við stúlku sem heitir Johanna, þar segir hún frá góðum sálfræðingi sem hún leitaði hjálpar hjá.

the-trans-train-a-swedish-docu-english-subtitles - Bing video

Í þrðija þættinum stígur transkona fram. Fyrir vikið mætti hún andúð í transsamfélaginu.

Trans Train 3 (Swedish docu with English subtitles) - YouTube