Dugar 1-2 milljarðar ekki

þessu ágæta Samherjafólki. Merkilegt að þurfa ávallt að græða meira, með góðu eða illu. Samherjamenn gætu hallað sér aftur í hægindastólnum og átt áhyggjulaust líf miðað við fjármagnið sem þjóðareignin hefur gefið þeim. 

Í stað þess að láta lítið fyrri sér fara þá ráðast þeir og ráðskast með menn í öllum geirum. Vilja helst vera eins og einræðisherra, ráða ríkinu. Eiga góða vini á réttum stöðum og mata krókinn. Gott ef einhver nennir á eftir þeim. Veitir ekki af að setja stoppara á græði þeirra og yfirgang.

Hér má lesa grein úr Kjarnanum þar sem Samherjamenn vildu stjórna hver yrði formaður Blaðamannafélagsins og strengjabrúða þeirra Þorbjörn hikar ekki að taka þátt.

Athugasemdir

[Vagn (IP-tala skráð) 22.5.2021 kl. 17:36]

Ef markmiðið væri að afla aðeins þess sem nægir til þægilegrar framfærslu þá væru Össur, Marel, Google, Apple, Bónus, Hagkaup, Icelandair, Play, Boeing, Eimskip, Toyota, Microsoft, Ikea o.s.frv. ekki til. Það væri til dæmis ágætis viðmið í rekstri að sýna meiri hagnað en ef peningalegt verðmæti eignanna væri geymt á bók með hæstu vöxtum. Og starfsemi Samherja hefur skilað ríkinu margföldu verðmæti þjóðareignarinnar. Öfund fer engum vel.

Það er ekkert athugaverðara að Samherji skipti sér af því hver verður formaður Blaðamannafélagsins en að RUV geri það. "Stjórn Blaðamannafélags Íslands hefur lýst yfir óánægju sinni með ákvörðun stjórnenda Árvakurs, útgáfufélags Morgunblaðsins, vegna birtingar auglýsingar frá Samherja á vef mbl.is. Auglýsingin sé liður í áróðursherferð Samherja gegn Helga Selja og fleiri sem staðið hafi linnulaust í á annað ár." Þeir hafa greinilega vitað hvert RUV stefndi með óvæntri innkomu sinni með lepp í formannssæti Blaðamannafélagsins. En RUVarar eru flestir í Félagi Fréttamanna en ekki Blaðamannafélaginu.