Formaður KÍ sendir enn ekki yfirlýsingu

um að kennarasamtökin styðji BSRB í verkfallsaðgerðum sínum. Liðnar eru tvær vikur síðan verkfall opinberra starfsmanna hófst á ýmsum stöðum á landinu. Nú leggst verkfallið af meiri þunga á landsmenn. Víða hafa menn fundið fyrir verkfallinu t.d. í sundlaugum landsins, í skólum og nú mörgum höfnum. 

Við höfum séð yfirlýsingar frá öðrum stéttarfélögum. AF hverju dregur Magnús formaður KÍ lappirnar?

Vil minna á að Magnús formaður KÍ tók sér ekki hálfan vinnudag að semja og senda út yfirlýsingu gegn skoðun minni að kynin séu tvö og hvort námsefni Samtakanna 78 sé við hæfi í grunnskólanum.  

 

Um 900 leikskólastarfsmenn leggja niður störf

Má segja þetta- fer ekki allt á hliðina

var athugasemd á síðu snjáldurvinar við grein á Mannlífi sem ég sá. Réttmæta grein um skilgreiningu á sjálfum sér.

Auðvitað á ekki allt að fara á hliðina þó menn séu ekki sammála.

Auðvitað á að ræða málaflokka frá mörgum sjónarhornum.

Auðvitað eiga allar skoðanir að heyrast.

Það að skoðanir fólks fari ekki með ákveðnum hópi gerir það hvorki að fordómafullum einstaklingum né að það hatist út í ákveðinn hóp manna. Síður en svo. Minnihlutahópar grípa ávallt í þessar upphrópanir og telur sig með einu réttu skýringuna.

Víða um heim berjast menn gegn transmenningunni sem ratað hefur inn í skólakerfið. Guð sé lof. Ekki veitir af. Víða hafa menn misst þessa menningu úr böndunum. Víða er transmenningin farin að ógna réttindum kvenna. 

Ræddi við 10. bekkinga í Reykjavík um hinsegin fræðsluna í skólanum. Það sem stóð upp úr var að þeim er, eins og þeir orðuðu það, ,,andskotans sama" og nenntu ekki að hlusta. Notuðu tímann til að hugsa um allt annað. Einn sagði þetta nóga fræðslu og þeir krakkar sem ,,díla" við þetta leita sér upplýsinga á netinu. Svo mörg voru þau orð. 

Kalla enn og aftur eftir fjölmiðlum til að ræða transmálaflokkinn. Kalla eftir Ruv, stöð allra landsmanna, til að sýna sænsku þættina Translestin. Mjög fræðandi þættir og ætti að skylda alla sem vinna með börn að sjá. 

Hinsegin- er félagsmótun

segir Ólöf formaður hinsegin samfélagsins við fréttamann Mannlífs. Ekki það mörg okkar vissu það nú þegar en á okkur hefur ekki verið hlustað. Kynin eru tvö, hitt er í kollinum á fólki. Á hugsanir og líðan fólks er hægt að hafa áhrif. 

Félagsmótun getur átt sér stað með margvíslegum hætti. Þekkt er að börn Sjálfstæðismanna verða sjálfstæðismenn, börn Framsóknarmanna verða framsóknarmenn...o.s.frv. Ef pabbi eða mamma spila með Fram gerir barnið það gjarnan líka. Sama með önnur íþróttafélög og greinar. Reyki vinahópurinn er líklegt að barn prófi eða byrji að reykja. Sama með drykkjuna og eiturlyfin. Það sem fyrir barni er haft hefur áhrif. 

Þegar um félagsmótun hinsegin barna er að ræða þá er víða reynt að hafa áhrifa á þau. þetta eru oft börn sem eiga í geðrænum vanda, samt ekki öll. Viðkvæm. Samfélagsmiðlarnir er allra versti vettvangurinn. Þar dynja á börnin alls konar skilboð um hve ,,kúl" það er að vera hinsegin og fleira í þeim dúr. Oftar en ekki eru þetta útlendingar. Enginn veit bakgrunn þeirra. Gefa á foreldrum fingurinn ef þau hlusta ekki á börnin. Jafnvel kæra foreldrana til að ná vilja sínum fram. 

Samtökin 78 boðuðu það á foreldrafundi fyrir nokkru að Farsældarlögin yrðu notuð gegn foreldrum ef barnið teldi sig ekki fá stuðning eða t.d. kennari teldi slíkt. Slæm þróun.

 

Skólinn hefur áhrif með því að flagga fána sem segir til um kynvitund barna, margir kennarar flagga sömuleiðis fánanaum inni í kennslustofu. Allt í nafni fjölbreytileikans. Öðrum fánum er ekki flaggað þó þeir ættu vissulega rétt á sér í nafni félagsmótunar. 

Fjölmiðlar kyrja dásemdarsöng hinsegin samfélagsins eins og það sé hið eina rétta. Enn sem komið er hefur ekkert heyrst um hinar hliðarnar. Skelfinguna sem börn hafa gengið í gegnum í tengslum við hinseginleikann. Skemmdarverk á heilbrigðum líkama. Dómur Landsréttar í Danaveldi transkonu í óhag vegna öryggi hinna kvennanna í fangelsi o.s.frv. Dómur Mannréttindadómstólsins transfólki í óhag. Réttindi kvenna t.d. til einkarýma. EKKI ORÐ. Fjölmiðlar bregðast skyldu sinni. 

Kirkjan tók upp þann ósið að skemma gangstéttir framan við kirkjur landsins. Margar kirkjur flagga líka í nafni kynvitundar barna. Klerkurinn Sindri Geir fetaði fótspor margra í þessum hópi, með rökleysu. Klerkurinn segir fólk hatursfullt og guð þeirra sé lítill. Allt vegna umræðu um mismunun á börnum eftir því hvort þau skilgreindu sig hinsegin eður ei. Félagsmótun. Af hverju liggur klerki svona á að skilgreina börn eftir kynvitund þeirra, mér er spurn. Hefur sálarlíf barnanna verið kannað, hvort eitthvað annað hrjái þau? Hefur klerkur lagt sig fram um að kanna það eða? Hann er sjálfur tvíkynhneigður og hefur auglýst það. Langt í frá að vera hlutlaus. 

Finnski prófessorinn sagði, látið börn vera, hættið að ýta þeim út í transveröldina. Þau munu sjálf finna þetta þegar sá tími kemur. Veitum þeim góða sálfræðimeðferð. Fullorðið fólk á ekki að ýta á börnin, eins og klerkurinn gerir með sérbúnu námskeiði.

Fjögur af hverjum fimm börnum finna sitt rétt kyn aftur, segir finnski prófessorinn, þegar þau hafa prófað. Leyfum þeim það án aðkomu fullorðinna. Hjálpum þeim með góðri sálfræðiaðstoð. Ekki til að snúa þeim, heldur aðstoða í gegnum þennan tíma. Mörg hver eru samkynhneigð.

Námsbækur Menntamálastofnunarinnar halda fram þeim ósannindum að kynin séu fleiri en tvö og að við getum okkur til um kyn barns við fæðingu. Óviðunandi. Spurning hvenær þetta verður fjarlægt sem námsefni fyrir börn.

Farsældarlögin á ekki að misnota gegn foreldrum

Í fræðsluerindi Samtaka 78, sem haldið var í Hlöðunni í Gufunesbæ 16. maí á vegum Reykjavíkurborgar, kom fram að kennari sem telur barn vera trans geti búið til „mál“ samkvæmt Farsældarlögunum ef foreldrar styðja ekki barnið. Að mati kennara. Slíkt gerist víða í útlöndum. Foreldrar hafa fengið góð ráð, taka barnið úr þeim skóla. Auðvitað geta íslenskir foreldrar gert það. Líf barns er í húfi, þeirra barns.

Hvað leggjum við á börnin

Lára G. Sigurðardóttir læknir og doktorsnemi í lýðheilsufræðum árið 2020 segir að framheilinn, sem geymir dómgreindina, hafi náð um 80% þroska á unglingsárunum. Taugatengingar í framheila eru ekki fullþroskaðar fyrr en undir þrítugt.

Heili 13 og 18 ára barna er ekki fullþroskaður. Það þýðir að barnið á erfiðara með að taka ákvörðun til lengri tíma litið. Í ennisblaði eru kjarnar sem þroskast síðast. Þar eru góðu ákvarðanirnar teknar. Á neðanverðum framheilanum og í heilaberkinum (e.prefrontal cortex) er svæði sem stjórnar minni, tilfinningum og vitrænum aðgerðum. Svæðið stjórnar hegðun með tilvísun í dómgreind og forsjálni.

Þegar þetta er skoðað m.t.t. transhugmyndafræðinnar ætlast fólk til að börn taki ákvörðun um hvort það breyti sér á unga aldri frá því kyni sem það fæddist. Skipti um kyn. Breyti kynskráningu. Breyti nafni.

 

Miðað við þekkingu okkar á heilanum og starfsemi hans á ekki nokkur fullorðinn einstaklingur að ýta barni á translestina (eins og Svíar kalla það), heldur á að láta barn vera eins og það vill þar til heilinn hefur þroskast og barnið tilbúið að taka svo varanlega ákvörðun.

Tökum völdin af foreldrum

Samtökin 78 gefast ekki upp. Foreldrafræðsla, á vegum Reykjavíkurborgar, á dögunum ýtti við fólki. Áheyrendur sögðu fræðsluna um margt áhugaverða. Frummælandi hafði sagt að Farsældarlögin yrðu notuð ef foreldrar styðji ekki barn sitt ef það segðist vera trans og vilji breyta nafna- og kynskráningu. Munum eftir ennisblaðinu.

- Auglýsing -

 

Á glæru segja Samtökin 78 um trans börn, feitletrun eru þeirra orð:

Engin líkamleg inngrip. Gott að heyra. Samtökin geta þá samþykkt bann á hormónalyfjagjöfum fyrir börn og skurðaðgerðir komi það upp. Tryggja að ekkert barn lendi í þeim hremmingum.

Frelsi til að tjá kyn eftir eigin höfði. Auðvitað getur stelpa tjáð sig sem strák og strákur sem stelpu. Ekkert að því. Virðum það. Munum eftir þroskaferli heilans. Frelsið þýðir ekki að hundsa eigi foreldra.

- Auglýsing -

 

Nafna og kynskrábreyting. Lög sem samþykkt voru á Alþingi til að þóknast transhreyfingunni og fullorðnu fólki. Þessu fylgja ekki réttindin að stelpa geti farið í strákaklefann í skólanum og öfugt. Eða að barn geti keppt í íþróttum þess kyns sem það skráir sig. Líffræðin stjórnar hvort þú keppir sem strákur eða stelpa. Táknræn breyting og spurning hvort barn hafi þroska til að taka slíkar ákvarðanir.

Þessi skráning er í boð fyrir 15 ára og yngri (munum heilaþroskann) með samþykki foreldra.

Hægt að sækja um undanþágu á samþykki ef foreldrar eru mótfallnir breytingu.

Stríðsyfirlýsing frá Samtökum 78 gegn foreldrum. Þeir foreldrar sem af mikill ást og umhyggju vilja að barnið bíði þar til þroskinn er nægur til að barnið geti tekið ákvörðun er hent fyrir lest ef svo má segja. Samtökin 78 boða stríð gegn þeim foreldrum sem hafa velferð barnsins að leiðarljósi, vitandi að heilaþroskinn er ekki nægur til að taka svo afdrifaríkar ákvarðanir. Foreldrar sem vita að barnið er einhverft. Foreldrar sem vita að barnið eigi við andlega erfiðleika að stríða. Foreldrar sem vita að annað ami að barni en fá ekki greiningu. Foreldrar sem vita að anorexía er vandinn ekki kynið. Foreldrar sem vita að sjálfsskaði er vandinn. Svona mætti lengi telja.

Samtökin 78 telja sig umkomin til að segja foreldrum og kannski börnum að ólögráða börn geti sett sig upp á móti foreldrum vegna kynskráningar. Ekkert byggt á greiningu, heldur upplifun og tilfinningu barns. Foreldrahlutverkið, umhyggja og ást foreldra á barni sínu er tekin frá þeim af samtökum sem telja sig vita betur en foreldrar.

Þroski heilans hefur mikið að segja

Saga barns hefur mikið að segja hvernig heilastarfsemin þróast segir Lára G. Sigurðardóttir læknir. Því meiri erfiðleikar því lengri tíma tekur það heilann að þroskast.

Barn sem hefur átt erfitt telur sig hafa fundið réttu hilluna með því að vera trans. Margir hafa bent á þá staðreynd. Heilinn er enn í mótun og því auðveldlega hægt að snúa barni yfir á translestina sýnist fullorðna fólkinu svo. Hér þarf að fara varlega.

Heili barns er viðkvæmari og sveigjanlegri. Síðan er hægt að eyðileggja heilann og starfsemi hans með hormónablokkandi lyfjum og krosshormónum. Þroski heila sem er í mótun stoppar eða hægir töluvert á honum við lyfjagjöf.

Í erindi Láru kemur fram að unglingar hugsa ekki mikið fram í tímann og sjá ekki afleiðingarnar af ákvörðunum sínum. Af hverju ættu unglingar að sjá 5 -10 ár fram í tímann afleiðingar ákvörðunar sem þau taka 12-14 ára um að þau ætli að vera hinsegin.

Samkvæmt finnska prófessornum Dr. Riittakerttu Kaltiala vaxa fjögur af hverjum fimm börnum frá því að vera hinsegin, fái þau að vera í friði, oftar en ekki enda þau sem samkynhneigð. Ekkert að því. Förum að ráði finnska prófessorsins, látum börn í friði, leyfum þeir að vera eins og þau eru. Engar félagslegar skráningar eða breytinga er þörf, bera virðingu fyrir þeim eins og þau eru.

Farsældarlögin á ekki að misnota gegn foreldrum.

Mannlíf birti þetta fyrir höfund og kann ég þeim bestu þakkir fyrir. 

Heimildir:
Lára G. Sigurðardóttir, læknir og doktor í lýðheilsufræðum on Vimeo
Finland Takes Another Look at Youth Gender Medicine – Tablet Magazine
Samtökin 22 – Hagsmunasamtök Samkynhneigðra | Facebook

Landsréttur í Danaveldi hafnar transkonu,

en hún fór fram á að afplána í kvennafangelsi. Samkvæmt sjálfræði skilgreiningunni á kyni geta nú karlar sem eru í fangelsi skilgreint sig sem konu og farið fram á að vera meðhöndlaðir sem slíkir. 

Sem betur fer eru dómarar í Danaveldi með ,,fulle fem“ og höfnuðu transkonunni.

Alþingi Íslendinga komu þessu kjánalegum lögum í gegn og þetta er spurning hvenær ekki hvort karlmaður sem skilgreinir sig sem konu vill afplána í kvennafangelsi. Þeir hafa sést í klefum sundlauga.

Konur eru þakklátar fyrir að dómarar í Danmörku hafi séð að einkarýmum þeirra sé ógnað s.s. í kvennafangelsi. Síðan eru það búningsklefar og íþróttir kvenna.

Tek undir með Dansk regbueråd sem segir, dómur Landsréttar er með því skynsamasta sem hefur komið frá ríkisvaldinu um kynvitleysuna í mörg ár.  ,,LANDSRETSDOM ER DEN FØRSTE FORNUFT, DER ER SET I DEN OFFENTLIGE SEKTORS KØNSVANVID I MANGE ÅR."

Hér er regnogaráðið

Hér er fréttin á Tv2

 

Mikið væri gaman og þarft að sjá feður

þessa lands stíga upp eins og þessi faðir gerir. Honum er annt um dætur sínar, fer ekki á milli mála. Hann hefur mátt þola ýmislegt á baráttutímunum. Lögreglan í Dublin truflaði hann meira að segja. Þessi flotti pabbi mun halda áfram segir hann. Vonandi leggjast fleiri feður á árina með honum, ekki veitir af, um allan heim. Líka pabbar stráka.

Kíktu hér.

Hefur mátt þola svona árás, kíkið hér.

Kynskiptiumræðan er komin út af sporinu

Barn sem á rétt á vernd frá foreldrum sínum á uppvaxtarárunum gegn hættum á líka að vera verndað gegn sjálfu sér segir Pia Kærsgaard stjórnmálamaður í Danaveli. Hér má lesa greinina á dönsku, hún birtist í Jyllands posten. Þýðing er mín.

Maður hefði haldið að ekki væri á vöntun á vandamálum til að takast á við. Stríðið í Úkraínu. Sögulegur þrýstingur á landamæri ESB sem ógnar samstöðunni í Vestur- og Norður Evrópu. Verðbólgan sem angrar Dani, eða vandamálin í heilbrigðis- og öldrunarmálunum.

Síðast en ekki síst hafa fjölmiðlar talað um að við eigum að fjalla um hormónameðferðir fyrir unglinga, sem finna fyrir ónotum í eigin kyni, eitthvað sem maður hefði ekki trúað fyrir nokkrum árum.

Berlingske (danskt dagblað) sagði s.l. sunnudag sögu Veronicu sem er 15 ára,  sem heitir nú Kim og er í breytingarferli til að verða maður. Ég mun samt halda áfram að kalla Veronicu, þó ég fái skammir.

Hormónameðferðin hófst þegar Veronica var 11 ára því henni fannst hún ekki vera stelpa, en hélt því fram við aðra að hún upplifði sig sem strák. Foreldrarnir taka ekki afstöðu en gleðjast yfir að hafa fengið meira gull, því hann blómstri.

Maður undrast, hvort Veronica hefði upplifað sig sem dreng ef opinber umfjöllun og fjölmiðlar hefðu ekki haft eitthvað með málið að gera. Ég man ekki eftir að jafnaldrar mínir hefðu álíka tilfinningar og ekki börnin mín heldur.

Ástæðan gæti verið að vandamálið hafi ekki verið rætt, að var ekki var ,,sett orð á það” eins og það heitir á nýmóðins dönsku. Þetta var fyrir utan seilingar hjá venjulegu fólki.

Ég las að það er samband á milli ónota með kyn og einhverfu. Maður ætti að kafa aðeins dýpra ofan í það, því sé það rétt ættum við að spyrja hvort kynskipti lækni einhverfu? Ef ekki getur það ekki skipt máli.

Börn hafa alltaf leikið ólík kynhlutverk. Sumar stúlkur heillast af heimi stráka og laðast að villtum leikjum. Án þess að þær vilji vera strákur. Sumum strákum dettur í hug að klæða sig í kjóla og leika með dúkkur. Án þess að þeir vilji vera stelpur.

Málið er, börn prófa, og hlutverkaleikur er náttúrlegur hlutur af æskunni. Vandamálið hefst kannski þegar fullorðnir byrja að leika með og ýta undir duttlunga barns og undarlegar hugmyndir. Börn geta verið ótrúlega þrjósk. Held að allir sem eigi börn geti kvittað upp á.

En að börn séu þrjósk og kröfuhörð þýðir ekki að foreldrar eigi að beygja sig undir hugmyndir þeirra. Börn eru einmitt börn og fullorðnir eru fullorðnir af því þeir eru ekki börn. Foreldrar taka ekki ábyrgð sem foreldri þegar það setur barni ekki mörk þegar ævintýraheimurinn og skortur á mörkum skapar óöryggi og kvíða hjá mörgum börnum.

Ég er ekki að tala um að ,,gamli skólinn” eigi að snúa aftur. Það er bara gott að við séum laus við hann. En ég leyfi mér að segja, þegar maður lætur barnið taka ábyrgð á eigin lífi aðeins 11 ára gamalt, eins og í tilfelli Veronicu, þá hefur manni mistekist í foreldrahlutverkinu.

Ef börn finna fyrir svo miklum ónotum við kyn sitt að þau óska eftir að skipta því út þá er það réttur þeirra. En ákvörðunina á fullveðja einstaklingur að taka og bera ábyrgð á henni, þ.v.s. þegar þau eru 18 ára gömul. Æskan á að vera athvarf fyrir barnið þar sem ábyrgir og þroskaðir einstaklingar vernda það fyrir sjálfu sér.

Held að flest okkar geti litið til baka á aðstæður í barnæskunni þar sem við erum ánægð í dag með að ábyrgt og þroskað fólk hafi gripið inn í.

En til að taka ábyrgð á barni fylgir geta til að setja barni mörk og stundum taka ákvörðun sem barnið skilur ekki og finnst ,,ósanngjarnt.” En þannig er að vera barn. Og þannig er það að vera foreldri og þora að vera óvinsælt.

Svo lengi sem við höfum opinbera umfjöllun um ónot við kyni, kynskipti og þessa sjúklegu umræðu um líkama og kyn munu sífellt fleiri börn verða meðvituð um viðfangsefni sem þau ættu ekki einu sinni að hugsa um, eða í það minnsta að fá vernd fyrir þar til þau verða kynþroska.

Það dapurlegast er að við höfum breytt börnum í litla fullorðna og látið ábyrgðina á yfir lífi þess yfir á þeirra herðar af því foreldrarnir standa ekki undir ábyrgðinni og að verða óvinsæl. Þetta er misbrestur á sögu og mannkyni sem hefur óyfirstíganlegar afleiðingar fyrir framtíðina.

 

 

Við það eitt að gerast kennari

missir þú tjáningarfrelsið utan kennslustofunnar. Þetta boðaði Kristján Kristjánsson fréttamaður á Sprengisandi og þingmaður Vinstri grænna Orri Páll. Gat ekki skilið spjall þeirra við Evu Hauksdóttur lögmann á annan hátt í gær.

Orri Páll hljómaði ekki sannfærandi í viðtalinu. Almáttugur minn, hann ber að jöfnu kyn (karl- og kvenkyn) og kynvitund. Allir vita að um tvo ólíka þætti er að ræða. Annað er líkamlegt og sést. Hitt er andlegt. Sést ekki nema fólk gerir sér far um og vilji að það sjáist. Eða fólk segir frá því. Fyrir hvoru tveggja ber ég virðingu.

Að vera ósáttur í eigin líkama hefur ekkert með líffræðilegt kyn og staðreynd að gera. EKKERT! Að hugurinn sætti sig ekki við líkamann sem viðkomandi fæddist í er allt önnur Ella. Að þú megir breyta kynskráningu þinni samkvæmt upplifun þinni setur engar skyldur á herðar annarra samfélagsþegna. Nema að bera virðingu fyrir ákvörðun einstaklingsins.

Þú mátt hafa skoðun á hvort þetta sé rangt eða rétt þó Orra Páli líði illa yfir því. Þú mátt líka hafa skoðun á hvort boða eigi fagnaðarerindið inn í leik- og grunnskóla landsins. Þú mátt líka hafa skoðun á hvort kirkjunnar þjónar á Akureyri sem bjóða bara hinsegin börnum á litríkt námskeið í sumar breyti rétt eða rangt. Þú mátt hafa skoðun á hvort Sundsambandið taki rétta ákvörðun að banna trans-konum (fæddum karli) að keppa í kvennaflokki. Þú mátt hafa skoðun á því hvort fjarlægja eigi brjóst af ólögráða stúlkum. Lesið hér.

Karlarnir töldu báðir af því kennari hefur ákveðna skoðun þá hljóti það að lita kennsluna, burtséð frá námsgrein. Að hinsegin börn viti afstöðu kennara til námsefnis Samtaka 78 hljóti að gera þeim illt. Skil ekki svona málflutning.

Hvað ef kennara hugnast ekki hugmyndafræði Íslam, Votta, Kristinnar trúar eða annarrar hugmyndafræði, gerir það viðkomandi óhæfan í kennslustofu? Nei alls ekki. Hann getur kennt efnið án þess að skoðanir hans liti kennsluna. Hér er um ákveðna færni og hæfni að ræða. Fólk sem getur aðskilið þessa tvo þætti, vinnu og eigin skoðanir er fært í sinni vinnu, þó Orri og Kristján hefðu verið uppteknir við að sverta fólk sem gerir og getur þetta. Það er ekki á allra færi, því hef ég kynnst.

Hvet fólk til að lesa þessa grein eftir einn helst sérfræðing Finna í trans- málefnum.

Hvet fólk til að hlusta á þennan fyrirlestur.

Hér má hlusta á spjallið á Sprengisandi.

 

Hryðjuverk þarf að stöðva

með þeim ráðum sem finnast. Lagasetning ef þarf. Í öllum ríkjum. Ekki bara einstökum. Í öllum samböndum, alls staðar.

Svona gengur þetta ekki. 

Hryðjuverk er sama og ódæðisverk í þessu samhengi. Ekki bara við einstaklingana að sakast heldur lagaumhverfinu.

Vona að fleiri stígi fram og hafni hryðjuverkunum sem unnin eru í kvennaíþróttum.

Transfólk, meira að segja hér á landi, gerir lítið úr konum, segja transkonur hafi rétt á þátttöku í íþróttum kvenna. Setjum þeim stólinn fyrir dyrnar í eitt skipti fyrir öll. Þeir sem bera ekki XX litninga keppa ekki í kvennaflokki. Auðvelt.

Engum dytti í hug að láta 12 ára stelpur keppa við 7 ára.

Hér má sjá sundkonu sem fjallar um málið. Vel get að stíga fram. Konur, styðjum kynsystur okkar.

Hér er góð grein.

Hér er smá grín, en samt alvara.

Ljóst að Danir sáu myrkur en...

það mátti heyra á umræðunum á þingi Dana um bann við kynskiptiaðgerðum á börnum. Þingmaður frá hverjum flokki kom í pontu, auk heilbrigðisráðherra, og síðan gátu aðrir spurt. Stjórnarliðar berjast fram í rauðan dauðan að fela sig á bak við læknavísindin og segja að læknar eigi að leiða vinnuna. Líka sem tilraunir á börnum því það er svo gott fyrir þau sem á eftir koma. Hakan datt niður á bringu, leyfa tilraunir á börnum.

Stjórnarliðar eru tilbúnir að leggja nokkur börn undir sem tilraunadýr. Hver sérfræðingurinn, t.d. á Norðurlöndunum, á fætur öðrum hefur stigið fram og lýst yfir efasemdum um gagnsemi kynskiptiaðgerða fyrir börn. Engin rannsókn styður að þau þau lifi eins og blómstrið eina eftir slíka aðgerð. Mörg börn sitja uppi með varanlegan skaða.

Mér þótti líka eftirtektarvert að nokkrir stjórnarþingmenn höfðu ekki hugmynd um stöðuna á öðrum Norðuröndunum, t.d. að Finnar tóku fyrir svona meðferðir. Þeir gerðu það eftir umsagnir frá helstu sérfræðingum landsins. Svíar hafa heldur betur stigið á bremsuna þegar börn eru annars vegar.

Áhugavert að heyra frá heilbrigðisráðherra Dana, að börnum sem vísað er í meðferð vegna ónota við eigin líkama hefur fækkað, um fleiri hundruð. Stórfækkað. Af hverju, sögðu það ekki.

Stjórnarandstaðan sagði það hins vegar, vegna þess að börn bíða skaða af þessum meðferðum og því ber að takmarkað fjöldann. Bannað á slíkar meðferðir, ekkert barn á að leggja undir segja þau. Auk þess kom fram sú óvissa sem ríkir um málaflokkinn en kröftug undiralda hefur verið í landinu á undanförnu ári gegn þessum meðferðum. Gagnrýnendur kynskiptiaðgerða vilja beina meðferð barna sem finna fyrir ónotum í eigin líkama til sálfræðinga til að aðstoða þau. Veita þeim góða sálfræðiaðstoð. Ekki snúa þeim, enda engin ástæða til þess. Þeir sem hafa stundað meðferðirnar á börnum hafa sjálfir efast um gagnsemi þeirra.

Samkvæmt fréttum Ruv, sem leggur í vana sinn að upphefja málaflokkinn, eru fleirum börnum á Íslandi vísað til transteymisins en dönskum börnum. Ekkert eðlilegt við að fjölgunin hér á landi séu 290%. Samfélagmiðlar smita auk fleiri þátta.

Ætli Íslendingar vakni ekki brátt upp við vondan draum líkt og nágrannaþjóðir okkar. Beini börnum í önnur úrræði en læknisfræðileg. Vona það.