Þær hljóta þessar útlensku konur

að læra íslensku allar sem ein. Mér hefur þótt skorta töluvert á það hjá of stórum hópi. Kemst upp með að tala ensku. Það þarf að stoppa. Ætli þær að setjast að í landinu ber þeim að læra tungumálið.

Mér þykir þetta dónaleg framkoma. Segir meira um útlensku konurnar en formann Eflingar. Gestgjafar báðu verkalýðsleiðtogann að tala.

Þingið í raun gerviviðburður

Varnarbarátta kvenna.

Þetta gengur á samfélagsmiðlum. Sjálf tók ég þetta frá Lindu Hart sem er vinur minn á snjáldursíðunni. Já konur þurfa að berjast fyrir tilverurétti sínum.

Milli Hill Writer

3 klst.  · 

Join in over on twitter tonight (or here) and say NO.

No to men in women's prisons, refuges, hospital wards and rape crisis centres.

No to men on women only shortlists, panels and prizes.

No to self ID.

No to #womanface

No to woman being redefined.

No to girl mode being something you can switch to with shoes and lipstick.

No to our words being taken.

NO.

And yes those are my @filia_pix wristbands and yes it was such a bloody amazing weekend I'm not taking them off

Post a pic of your 'NO' hand on twitter (or on here) (or both) at 730pm onwards tonight with the hashtag #thisismyNO and add #notoselfID #notomeninwomensspaces

#womenwontwheesht

#sexnotgender

#sexmatters

#womanisnotafeeling

#biologynotideology

Argasti dónaskapur

af ríkinu ef þeir ætla sveitarfélaginu að annast flóttafólkið. Skólarnir eru langflesti illa í stakk búnir til að taka á móti mörgum útlenskum börnum. 

Auðvitað þarf að vinna svona mál í góðri samvinnu við sveitarfélögin.Flóttamanna- og hælisleitendastefna er í molum. Bæta þarf úr. Horfa þarf til Danmerkur og Svíþjóðar. Þeir lentu í feni og við á góðri leið út úr því. Skil ekki af hverju Íslendingar telja sig alltaf í betri í alþjóðlegum málaflokkun en aðrar Norðurlandaþjóðir. Meiri hrokinn. 

Ríkið leigir húsnæði án vitneskju sveitarfélaga

Kynjafræðingar og tungumálið, skyldi Hanna Katrín skilja þetta allt?

Hanna Katrín er með galið frumvarp í þinginu. Frumvarp um breytingar á hegningarlögum þar sem bælingarmeðferðir (conversion therapy) verða bannaðar er kemur að kynhneigð, kyntjáningu og kynvitund. Kynjafræðingar hafa verið á flugi og fundið nöfn yfir kynhneigðir, sem er hugarástand, ekki líffræðilegt. Hanna Katrín þekkir ábyggilega öll orðin og getur skilgreint þau í frumvarpinu. Almenningur hlýtur að hafa rétt á að vita hvaða orð Hanna Katrín og félagar hafa í hyggju að dæma fólk fyrir. Hefur Alþingi í alvöru ekkert þarfara að gera, maður spyr sig.

 

Samtök 78 félagsheimili, kynjafræðingar og transaktívistar

fá sinn skerf frá Eldi Deville í opnu bréfi og ávarpi á youtube rás sinni (sama umfjöllunarefni). Hann er harðorður og segir það sem lang, langflestir eru sammála um. Kynin eru tvö, annað er hugmyndarfræði.

 

Ágætu þingmenn

Sem samkynhneigður Íslendingur vil ég byrja á að þakka fyrir stórkostlegar framfarir í réttindabaráttu okkar síðustu 20 árin. Viðhorf þjóðarinnar til samkynhneigðra breyttist hratt til hins betra á lokaáratug síðustu aldar og í byrjun þessarar.

Það er ekki sjálfgefið að eiga góða þjóð að. Allt of margt samkynhneigt fólk á enn lífshættulega þraut að þreyja til að öðlast jafnan rétt til lífs og væris, og gagnkynhneigðir. Enn er samkynhneigð refsiverð í mörgum löndum. Sumstaðar er samkynhneigt fólk tekið af lífi fyrir að vera það sjálft og fyrir ástina. Hómófóbía er raunverulegt vandamál og ég sendi bræðrum mínum og systrum um heim allan baráttukveðjur mínar og samhug.

Á Íslandi og víða um hinn vestræna heim hefur hómófóbía tekið á sig nýja mynd. Hún er orðin kerfislæg og jafnvel viðurkennd innan samtaka og hreyfinga sem upprunalega voru stofnuð til að fara með hagsmuni samkynhneigðra, og hafa réttindabaráttu okkar í fyrirrúmi. Samtök eins og ACLU í Bandaríkjunum, Stonewall í Bretlandi, ILGA sem m.a. gefur út regnbogakortið fræga, LLH í Noregi sem síðar varð að samtökunum FRI, Samtök homma og lesbía - Samtökin 78 á Íslandi, sem nú heitir Félag hinseginfólks, og hefur því tekið að sér að að jaðarsetja okkur enn frekar með þeim merkimiða. Þetta eru bara örfá samtök.

 

Núna er mælirinn hjá okkur orðinn fullur og komið að kaflaskilum.

 

Við erum samkynhneigð – ekki hinsegin. „Gay not queer“.

„Queer“, eða hinsegin, er jafn mikið skammaryrði og orðið öfuguggi eða faggi. Forsvarsmenn samtaka sem kenna sig við þessi orð mega reyna að telja fólki trú um að þessi orð séu í lagi, þangað til þeir verða bláir í framan. Sjálfur varð ég fórnarlamb fólskulegrar líkamsárásar í North Acton í Lundúnum fyrir 14 árum, og er með djúp ör á sálinni eftir hafa verið kallaður „queer og fag”, eða hinsegin og öfuguggi, meðan höggin, spörkin og hrákaslummurnar dundu á mér.

Síðasta áratuginn hafa orðið til afar sár og erfið deilumál innan þessarar regnbogahreyfingar sem kennir sig við Hinsegin. Öll þessi samtök hafa yfirgefið samkynhneigt fólk og eru einum rómi að tala málefnum kynjafræðinga og sértrúarsafnaðar sem ég kýs að nefna Votta Vökula eða „The Wokes´s Witnesses“.

 

Árið 2015 fór ég að taka eftir mikilli breytingu á orðræðu transaktívista víða innan hreyfingar okkar – ekki aðeins í hinum enskumælandi heimi þar sem ég hef aðsetur. Einnig á Íslandi og á hinum Norðurlöndunum þar sem ég ólst upp, menntaði mig og starfaði áður.

Krafan um að hafna hlutlægum raunveruleika eins og líffræðilegu kyni, og samþykkja þegjandi og hljóðalaust að svokölluð kynvitund sé æðri hlutlægum raunveruleika.

Ef ég t.d. myndi ekki vilja sænga hjá manneskju sem segist vera samkynhneigður karlmaður, en með kynfæri konu, þá yrði ég sakaður um transfóbíu.

Þessi breyting stakk mig og fleiri illa.

 

Einnig er það orðið ljóst, að fyrir tilstuðlan kynjafræðinga og transaktívista, eru mörk á milli blætis og kynhneigðar orðin óljós. Til að mynda fékk BDSM félagið inngöngu í Samtökin 78 og samtökin – upp á sitt einsdæmi - ákváðu að skilgreina blætið sem kynhneigð.

Svo það sé alveg skýrt: Kyn mannfólksins eru tvö. Innan þessara tveggja kynja rúmast í sjaldgæfum undantekningartilfelllum frávik, en þau breyta ekki þeirri staðreynd að við erum annaðhvort karl eða kona. Aldrei bæði. Aldrei hvorugt.

Kynhneigðirnar eru þar af leiðandi þrjár. Flestir eru gagnkynhneigðir, sumir eru tvíkynhneigðir, og svo eru það við sem erum samkynhneigð.

Af hverju er mikilvægt að taka þetta fram?

 

Jú, vegna þess að huglægur raunveruleiki sumra sem kenna sig við akademíska kynjafræði og tengdar hreyfingar hafa á síðustu árum haslað sér völl í uppeldisstofnunum okkar, stjórnsýslunni almennt og eru farin að hafa óæskileg áhrif á löggjafann.

Ef lífræðilegt kyn skipti ekki máli, þá væru kynhneigðir ekki til. Þá missa konur rétt til að vera aðskildar frá körlum í viðkvæmum aðstæðum. Til dæmis í búningsklefum, á heilsuverndarstofnunum, í fangelsum, kvennaathvörfum og víðar.

Kynjafræði- og hinsegin hreyfingin veit að hún stendur á brauðfótum. Þessvegna eru fulltrúar hennar ólmir í að setja múl á okkur og banna okkur að gagnrýna sig og spyrja erfiðra spurninga. Þannig vilja þau láta heilbrigða gagnrýni flokkast sem „hatursorðræðu“.

 

Á síðustu árum hefur einnig orðið sú grundvallarbreyting að börn eru lent í miðdepli baráttu kynjafræði- og hinseginhreyfingarinnar. Svokölluð transbörn. Á 15 árum hafa Samtökin 78 breyst úr því að vera félagsskapur fyrir fullorðið fólk, með aðgengi að bókasafni og einstaka bjórkvöldi, yfir í það að vera félagsheimili fyrir börn og unglinga. Þau eru orðin rugluð í ríminu og eru óttaslegin að við þurfa að fást við hinn „alvarlega sjúkdóm“ kynþroskaskeiðið.

 

Kynjafræðingar hafa óáreittir fengið að boða fagnaðarerindi Kynjakökukallsins. Þeir hafa náð að gera börn álíka hrædd við kynþroskann og þau eru orðin við „hlýnun jarðar“

Þegar óskað var eftir fræðslu í skólunum til að byrja með, var átt við að samkynhneigð yrði kynnt sem möguleg eðlileg kynhneigð í kynfræðslu á unglingastigi. Afneitun á hlutlægum staðreyndum var aldrei á dagskrá.

Markmiðið var aldrei að fara með þessa fræðslu inn í leikskólana eða á yngstu stigin í grunnskólunum.

 

Í september 2021 vorum við nokkur sem tókum okkur til og stofnuðum LGB teymið, og það var eins og allt ætlaði um koll að keyra. Áður en við fengum að tjá okkur vorum við sökuð um að vera transfóbísk hatursamtök og þar fram eftir götunum. „Hinsegin samfélagið” segist fagna fjölbreytileikanum, en fögnuðurinn virðist aðeins yfir útlit fólks. Fjölbreytileiki sjónarmiða er alls ekki liðinn. Enda hefur mér persónulega verið ýtt út úr öllum umræðuhópum „hinsegin fólks”, og hef orðið að reiða mig á einkaframtakið að ná til fólks.

Vissulega hægði þessi útskúfun og tók mikið á okkur. Sum okkar hættu að koma fram með nafni og mynd. Sökum þess að ég bý erlendis, þá hef ég tekið það hlutverk að mér að tala okkar máli. Ég er í góðri stöðu, giftur, sjálfstæður og það er ekkert hægt að taka frá mér. Það er sem sagt ekki hægt að „slaufa mér”. Ég tek sjálfur ekki þátt í þeirri ómenningu Votta Vökula.

 

Í febrúar á þessu ári var LGB teymið lagt niður í þáverandi mynd, og Samtökin 22 – Hagsmunasamtök samkynhneigðra, stofnuð. Allt okkar starf er sjálfboðavinna og við höfum aldrei beðið neinn um að styrkja okkur.

Við ætlum að halda starfinu þannig áfram, en við teljum mikilvægt að starfsemin verði ekki skilgreind sem kostuð. Við eigum systursamtök víða um heim sem starfa sem LGB samtök að fyrirmynd LGB Alliance í Bretlandi. Öll þessi félög eru óháð hvort öðru en eiga þó í samvinnu.

 

Á föstudaginn sl. héldu Samtökin 22 málþing í Ráðstefnumiðstöð Elísabetar II Bretadrottningar í Lundúnum.

Þeir sem hafa fylgst með mér á samskiptamiðlum, greinarskrifum og í viðtölum vita að ég er mjög gagnrýnin á Lög um kynrænt sjálfræði frá árinu 2019. Einnig frumvarp Hönnu Katrínar Friðriksson úr Viðreisnarþingmanns o.fl. er varðar breytingu á almennum hegningarlögum, sem eiga að banna svokallaðar bælingarmeðferðir. Að lokum frumvarpið sem miðar að því að koma orðskrípum Samtaka kynjafræðinga inn í íslenska löggjöf. Samtökin 22 hafna því að börn séu trans. Við höfnum því að fólk sé fætt í röngum líkama. Við höfnum því að kynvitund sé eitthvað sem telst til hlutlægs veruleika. Þess vegna sé ómögulegt að setja lög um vernd kynvitundar. Það stenst ekki neina skoðun.

 

Að trúa á kynvitund er jafn trúarlegs eðlis og trúa t.d. á Endurfæðinguna.

Á næstu dögum og vikum ætla ég að vera virkur á Youtube rás minni. Ég mun fá til mín ýmsa gesti til að hjálpa áhugasömum að fá betri yfirsýn yfir þetta klúður, og hvernig Alþingi og heilbrigðisstéttin hafa verið leidd í gildru kynjafræðinga.

Ég mun eiga samtöl við lögfræðinga, heilbrigðisstarfsmenn, fólk sem er fórnarlömb óafturkræfra aðgerða, samkynhneigða rannsóknarblaðamenn og fleiri.

BRETLAND ER HÆTT ÖLLUM TRANSLÆKNINGUM BARNA. Það eru góðar ástæður fyrir því. Bandaríkjamenn eru að byrja að átta sig á þessu. Það er heldur ekki að ástæðulausu.

Á meðan á umfjöllun minni stendur, skora ég á Katrínu Jakobsdóttur, að setja starfshóp um hatursorðræðu í biðstöðu. Ég hafði samband við forsætisráðuneytið og bað um að fá að vera viðstaddur næsta fund sem haldinn verður þriðjudaginn 25. okt í gegnum fjarfundarbúnað.

Því var synjað.

 

Ég skora á Alþingismenn að eiga við okkur samtal. Við skorum á Hönnu Katrínu Friðriksson ásamt þeim sem leggja fram frumvarpið um breytingar á hegningarlögum, að setja það í bið.

Þetta mál er miklu stærra í sniðum en örlítil breyting á almennum hegningarlögum. Frumvarpið á heima í Samráðsgátt stjórnvalda.

 

Þetta mál snertir fjölmargar stéttir í heilbrigðis- og uppeldisgeiranum. Þær stéttir verða að fá tækifæri til þess að koma sjónarmiðum sínum á framfæri. Auk þess eiga trúfélögin líka rétt á að koma sínum sjónarmiðum á framfæri, og vitaskuld allir aðrir sem þetta mál snertir.

Það er eina krafan. Að þetta mál fái lýðræðislegt ferli í samráði og svo þinglega meðferð.

Núna verðum við að standa saman.

 

Við skuldum komandi kynslóðum það.

Bestu kveðjur,

Eldur Deville

Talsmaður Samtakanna 22 - Hagsmunasamtaka Samkynhneigðra

Sími barna, netið og foreldrahlutverkið

Hömrum járnið á meðan það er heitt. Bendum foreldrum á skyldu sína að ala upp barnið sitt, fylgjast með umferð þess í síma og á samfélagsmiðlum. Margir gera það með sóma, aðrir með hangandi hendi og sumir láta það ógert. Setjum ábyrgðina þar sem hún á heima, hjá foreldrum, þegar kemur að óhóflegri notkun síma, tölvunotkun og einelti. Skjánotkun meðal barna er komin út fyrir öll mörk og foreldrar þurfa að leita leiða til að minnka hana. Fleiri samverustundir með barni án síma og tölvu.

Umræðan um samfélagsmiðlana og veru barna á þeim hefur eina ferðina enn vaknað. Miðlarnir auðvelda eineltið, um það deilir enginn. Miðlar sem börn mega ekki vera inn á býður upp á alls konar viðbjóð sem á ekki heima fyrir augum barna. Spjótin standa að veru barna á þessum miðlum sem eru bannaðir. Væri enginn viðtakandi væru ekki skilboð!

 

Áhugasamir geta haldið áfram að lesa greinina mína hér.

Hatur kvenna á hvítum miðaldra mönnum

er efni viðtals við Gunnar Sandelin. Gunnar gaf út bók um hatur kvenna á hvíta manninum. Hann undrast ofstækið femínista í garð hvítra manna. Svarti maðurinn fær ekki sömu meðferð. Allt sem aflaga hefur farið er hvíta manninum að kenna. Svo lengi sem hugmyndafræðin stýrir umræðunni er fátt að gera. Menn sitja undir endalausum ásökunum. Konur hafa yfirtekið ýmsa málaflokka sem vísar ekki á gott. 

Hér er viðtalið fyrir áhugasama. 

 

Leyfi þessu að standa hér á dönsku ,,For resten er det hvide mænd, der har løftet samfundet frem til det nuværende stade; det er hvide mænd, der har skabt videnskab og de tekniske fremskridt, skabt retsvæsenet, skabt ytringsfriheden, skabt demokratiet (først kun for velhavende mænd; men sidne da for alle). Og det er hvide mænd, der har skabt hele infratrukturen. Uden dem, ingen huse, ingen veje, ingen elektricitet, ingen moderne apparater osv. osv. Stort set alle opfindelser er gjort af hvide mænd. Intet af alt det, som kvinder i dag nyder godt af, regnes dog mændene til gode. Intet af alt det gode, mænd har gjort og skabt, tæller til deres fordel. Den intersektionelle ideologi tilsiger, at den eneste rigtige behandling af hvide mænd er udskamning."

Ósammála Þorsteini Sæberg

formanni Skólastjórafélagsins um síma í grunnskólum. Blaðamaður Fréttablaðsins hafi samband við mig. Vildi ræða um einelti. Benti honum á að skólar eigi fínar eineltisáætlanir til að fara eftir. Samvinna foreldar skiptir þar miklu máli eins og í mörgu öðru þegar kemur að skólabörnum. 

Símanotkun er hins vegar ágreiningsmál okkar þorsteins. Að mínu mati á skólinn að banna síma. Börn þurfa ekki, þá sex tíma sem þau eru í skólanum, að nota hann. Skólar eiga tölvur til stafrænnar kennslu. Margir unglingar eru háðir símunum, fíkn. Alltaf að kíkja, fylgjast með og kanna hvort þau hafi fengið ,,like" á færslur. Teitur Guðmundsson læknir segir þetta fíkn sem leiðir til streituástands. Skólar eiga að leggja sitt að mörkum til að koma í veg fyrir það.

Hér má lesa umfjöllunina í Fréttablaðinu.

Vantar inn í trans umræðuna á Íslandi

Áhugavert viðtal sem ég hlustaði á. Krækja neðst í færslunni. Viðmælandinn er samhljóma með Kåre Fog að langtímarannsóknir vanti á fólki sem hefur farið í gegnum kynskiptiaðgerð. Fylgja þarf fólki eftir í 10-15 ár.

Svona umfjöllun vantar í trans umræðuna hér á landi. Viðmælandinn segir, eins og margir aðrir sem upplifa sig trans, að sálin hafi ekki verið í lagi. Margir sálrænir kvillar herjuðu á hann. Kvillarnir biðu þegar hann vaknaði eftir aðgerðina. Hann sér eftir ferlinu. Mæli með að fólk hlusti.

Banna á síma í skólum landsins

Mér finnst ekkert tiltökumál að banna símana. Þeir sem hafna því nota sömu rök og Sigurður ,,Sig­urður Sig­urðsson, sér­fræðing­ur í miðlanotk­un barna og ung­menna hjá SAFT, seg­ir í sam­tali við mbl.is að mik­il­vægt sé að kenna börn­um að nota netið, líkt og um um­ferðarregl­ur sé að ræða, og að þau séu óhrædd að til­kynna neteinelti sem þau verða fyr­ir." HVER Á AÐ KENNA ÞAÐ? HVER Á AÐ FYLGJA ÞVÍ EFTIR AÐ ÞAU FARA EFTIR REGLUNUM? ÞARF EKKI AÐ SAMRÆMA KENNSLUNA MILLI HEIMILIS OG SKÓLA. þÝÐIR LÍTIÐ AÐ SKÓLINN SEGIR FRÁ HÆTTUM Á TIK TOK OG SVO LEYFA FORELDRAR BÖRNUM SÍNUM AÐ VERA Á MIÐLINUM. 

Grunnskólakennarar hafa nóg annað að gera en fylgja því eftir hvort börn fari eftir settum reglum á netinu. Skólarnir eru flestir tölvum búnir til að sinna starfrænni kennslu. Þarf ekki símana. Líf barnanna myndi auðveldast til muna sé síminn fjarlægður úr skólanum. Þau eru, mörg hver, háð tækinu og stelast til að nota það. Þau fara á klósettið til að senda skilboð, skoða samfélagsmiða. Þau freistast til að kíkja í tímum o.s.frv. Myndi auðvelda þeim lífið til muna að banna síma í skólanum. Nóg er hægt að gera í frímínútum og hádegishléinu, þurfa ekki símann.

Held að skólayfirvöld ættu að endurskoða símareglur. 

Góð vísa aldrei of oft kveðin: Foreldrar bera ábyrgð á börnum sínum, gjörðum og athöfnum. Taka á síma af barni á grunnskólaaldri þegar það fer að sofa. Foreldrar hafa valdið. Notið það!

Góð ástæða fyrir aldurstakmörkum