Er þetta allt sem

bæjarstjóri Hafnarfjarðarbæjar hefur að segja.

Skylda á foreldra hrottanna á fund með stjórnendum og bæjaryfirvöldum. Þar á að ræða símanotkun barna þeirra og hegðun. Helst ætti að kæra þessar stúlkur. Vísa stúlkunum úr skóla og láta foreldra sjá um heimakennslu í a.m.k. tvær vikur á meðan unnið er að málinu. Skiptir engu þó þær horfðu bara á.

Að mínu matir er kerfið of máttfarið til að taka á svona vanda. Ávallt þarf að taka á börnum með silkihönskum.

Sama dag var 14 ára drengur rotaður og félagi hans laminn. Annar drengurinn leitaði á bráðadeild og fór í myndatöku á höfði. Rataði ekki í fréttirnar. Hvar annars staðar átti svo ofbeldi sér stað. Við fáum sennilega ekki að heyra nema brotabrot af hrottalegu ofbeldi unglinga.

Hvar var allt fólkið í Smáralindinni. Ég undraðist að enginn skarst í leikinn, hvorki starfsmenn eða þeir sem voru að versla. Eru við meðvirk með hrottum samfélagsins? 

„Þyngra en tárum taki“

Hanna Katrín Friðriksson gefur skotleyfi

á foreldra, sálfræðinga, lækna og geðlækna. Hún hreykir sér af frumvarpi sem hún leggur fram. Í þessum óskapnaði stendur ,,Þingmálið mitt sem ætlað er að gera það refsivert að neyða einstakling til að bæla eða reyna að breyta kynhneigð sinni, kynvitund eða kyntjáningu." 

Ef barn fær ekki vilja sínum framgengt getur það hótað foreldrum og fagaðilum. Hanna Katrín gefur þar með skotleyfi á stéttirnar. Síðan getur barn kært þessa aðila og sakað þau um að bæla niður kynhneigð þess. Aðferðin ,,að bíða og sjá" dugar fyrir langflest börn. Einstaka barn heldur til streitu að það sé annað kyn en það fæddist. Höfum það á hreinu það fæðast tvö kyn, strákur eða stelpa. Annað er upplifun eða hugarfar. Hanna Katrín gerir lítið út þeirri aðferða að bíða og sjá, eins og fyrrs egir, börnin hafa skotleyfi á fyrrgreinda aðila.

Sorglegt að fleiri þingmenn eru viðriðnir við vitleysuna. Ef þingheimur hefur ekkert annað að gera þá má leggja Alþingi Íslendinga niður. 

Dragdrottingar í grunnskóla- viðbjóður

segi ég. Mér þykja dragdrottningar frekar viðbjóðslegur gjörningur og fer aldrei á slíkar sýningar. Í Usa má sjá á myndbandinu hér móður mótmæla í grunnskóla í USA. Kennari og stjórnendur fengu dragdrottningu til að brjóta niður kynjamyndir í skóla. Stofnun sem framkvæmir kynskiptiaðferðir og hommabar borguðu herlegheitin. 

Danska regnbogaráðið segir þetta líka gerast í dönskum grunnskólum. Það spyr, hvernig á dragdrottning að brjóta niður staðalímyndin kynjanna? Hvaða lærdóm eiga börn að draga af slíkri sýningunni. 

Grunnskólar á Íslandi hafa ekki, að mér vitandi, gengið svona langt í öfgunum. Grunnskólakennarar eru vonandi gagnrýnni en svo að þessi óskapnaður verði tekinn í grunnskólakennslu.

Aðalfundur Félags grunnskólakennara

og formannsskipti. Þá kom að því. Aðalfundur Fg verður á mánu- og þriðjudag í Reykjarnesbæ. Á þriðjudag skiptir félagið um formann. Þorgerður lætur af störfum og Mjöll tekur við. Einnig skipt um marga stjórnarmenn. Því miður náðist ekki að skipta þeim öllum út. Tveir fengur endurkosningu, annar mun verri en hinn. Hefði viljað sjá annan fulltrúann hætta. Lýðræðið virkar svona. Sumt líkar manni, annað ekki.

Fyrir fundinum liggja lagabreytingar. Sumum falla þær í geð öðrum ekki. Verður fróðlegt að heyra umræður um lagabreytingarnar. Ályktanir eru margar. Sumar góðar og aðrar miður góðar. Þannig er það alltaf. 

Segja foreldrana með transfóbíu

Hef lesið pistla eftir líffræðinginn Kåre Fog. Hann tekur saman margar rannsóknir á trans- málefnum. Hann hefur sett sig inn í málaflokkinn og það fræðir mig helling að lesa eftir hann. Þyngra en tárum taki að lesa þetta (ég þýddi) í einum pistlinum. Reyndar las ég grein frá norskum foreldrum sem lýsa sömu áhyggjum og að það vanti hlutleysi. Foreldrar telja trans- fólk ekki góða ráðgjafa enda ekki hlutlausir.

 

,,Netráð til ungra einstaklinga sem vilja vera trans.

Samkvæmt foreldrunum fékk helmingur unglinganna ráð frá netinu eða einhverjum sem þeir þekktu um hvernig ætti að tala foreldrana til, þannig að þeir samþykktu kynskipti. Mikilvægt að hafa kynskipti strax (35% af unglingunum); ef foreldrarnir neituðu börnunum um hormónalyf strax ættu þau að kalla foreldrar mjög tilfinningalausa og transfóbísk (34%); og ef foreldrarnir frestuðu kynskiptum myndu þau síðar sjá eftir því (23%); ef foreldrarnir ynnu gegn þeim ættu þau að segja þeim að það væri mikil hætta á sjálfsmorði meðan trans-unglinga. Reyndar höfðu 64% af unglingunum kallað foreldra sína transfóbíska eða fanatíska og afturhaldssama, og 31% af unglingunum höfðu nefnt sjálfmorðsáhættu við foreldrana; segir sig sjálft að svona ofboðslegur þrýstingur á foreldra er árangursríkt til að fá foreldar til að gefa eftir.

Margir unglinganna leið ver eftir að hafa sagt foreldrum sínum að þau vildu kynskipti. Aðeins 7% fengu betra samband við foreldra sína; 57% verra samband og 35% gengu ver í skólanum eftir þetta. Næstum 60% fengu einhæf áhugmál.“

 

Heimild: Kåre Fog. Kampen for at gøre flest mulige personer transkønnede (xn--knsdebat-54a.dk)

Andrés Ingi og bullorðin

í  þágu transhópsins sem telur 0.05 % þjóðarinnar. Hann vill mismuna fólki með gjaldfrjálsu vegabréfi. Stenst það lög? Andrés Ingi býr til bullorð sem hann vill að Alþingi samþykki. Vissi ég ekki betur héldi ég að hann væri á síðasta ári leikskóla eða upphafi grunnskólagöngu og verkefnið væri að búa til bullorð. En því miður kæra þjóð, þetta er þingmaður. Bullorðin er kvár og stálp. Svo bætir hann um betur og vill taka góð og falleg orð úr tungumálinu amma og afi. Leggur til að tala um foreldri foreldris- hann á sér ekki viðreisnar von þessi maður. Hvílík tillaga. Ég kalla aðra þingmenn til ábyrgðar, látið þingmanninn ekki einu sinni komast í ræðustól með þetta bull.

Er nokkur undra að umrætt bakslag sé komið í baráttu trans fólks. Margt minnir á forréttindahóp. Það veður uppi, vill stjórna og ráða hvernig aðrir haga tungumáli sínu. Breyta á tungumálinu til að þóknast 0.05% landsmanna. Málefni trans fólks má ekki ræða. Allir eiga að vera sammála. Segja já og amen við kvenréttindahópum og öfgahópum sem hafa tekið málefnið undir sinn verndarvæg. Skynsöm umræða- nei takk segja þessir einstaklingar.

Fullt af fólki er komið með upp í kok af frekjunni og sýndarmennsku þingmanna eins og Andrésar Inga. Ég ætla nú ekki að tala um forsætisráðherrann þegar hann byrjar á kynjaræðunni til að þóknast kvennahópum, öfgahópum og Samtökum 78.

Í Danmörku eru til samtök, Dansk regnbueråd, sem vilja spyrna við fótum gagnvart transumræðunni sem er á villigötum og lyfjagjöfum barna. Því miður hafa Danir ekki bannað lyfjagjafir en vonandi þegar þingmenn þar sjá skemmdirnar sem verða á börnum við lyfjagjafirnar.

 

Fræðari Samtaka 78 er með

samkynhneigð fótboltamanna á heilanum. Hann virðist ekki una að fótboltamenn stígi ekki fram til að segja frá kynhneigð sinni. Hvern andskotanum kemur honum það við og þjóðinni í heild. Mega menn ekki hafa sína kynhneigð í friði. Játa fúslega, er komin með upp í kok af Samtökum 78, kvennahreyfingu og öfga hópnum þegar kemur að samkynhneigðum og hinsegin fólki. Þau haga sér eins og 40% þjóðarinnar lifi þannig, ekki gagnkynhneigðir. Efa ekki að fleiri séu sama sinnis. Svo tala samtökin um fólk eins og dýr, í hvorukyni- Öll velkomin. Hér ræður örlítill minnihluti yfir hvernig talað er við fólk, karlmenn og kvenmenn. Kann þessu illa.

Framkvæmdastjórinn gerði lítið úr sér þegar hann lagði inn kæru gegn sálfræðingi, hatursorðræða. Úfff...segi ég nú bara. 

 

Borin von að ASÍ nái sér

eftir útgöngu félaganna þriggja. Spurning hvort félögin myndi bandalag og láti ASÍ róa. Eða þau félög sem eru eftir myndi annað bandalag, mun minna í sniðum. Gæti hugsanlega gerst.

Áhugavert að hlusta á Kastljós, þar sem Vilhjálmur ræddi málið. Auðvitað eiga stéttarfélög að ræða markmið, leiðir og stefnu, ekki manneskjur. Menn fara misvel með vald. Ekki öllum gefið að nýta það til góðra verka. 

Framhaldið verður áhugavert.

ASÍ standi ekki undir sér án Eflingar og VR

Kúgun er það leiðin,

maður spyr sig. Mig grunar að þetta fólk hafi lítið innsýn í hve íþyngjandi það er hverju samfélagi að fá inn fleiri hælisleitendur, flóttamenn og fjárhagsflóttamenn en landið getur tekið á móti. Ljóst að hér leika tilfinningar lausum hala ekki raunsæi. Að sjálfsögðu getur flugfélagið ekkert gert í málinu. Ríkisvaldið tekur ákvörðun samkvæmt lögum og reglum sem við höfum í samfélaginu, ekki tilfinningum. Þannig á ákvörðun að liggja fyrir. 

Hvað vilja aðstandendur hátíðarinnar taka á móti mörgum flóttamönnum, hver á að hljóta náð fyrir augum laganna. Hver á að standa straum af kostnaðnum og hvar á fólkið að búa. Á að leggja meira á grunnskólakennara en nú er. Mörg börn fylgja sem þurfa skólagöngu. Hver borgar aðstoðina sem börnin þurfa. Hingað til er það að mestu álag á kennara sem nú þegar starfa í skólakerfinu. Börnin fá í mörgum skólum ekki þá þjónustu sem við ættum að veita. Sveitarfélögin eru rekin með tapi, mörg hver ef ekki öll. Menn prenta ekki peninga, vegna tilfinninga aðstandenda hátíðarinnar. Hvað þá tilfinninga stjórnmálamanna.

Kjánalegur gjörningur.

Hvetja listafólk til að spila ekki á Airwaves

Framhaldsskólakennari telur læknavísindin ljúga

um aukaverkanir og afleiðingar hormónabælandi lyfja sem börnum er gefið.

Ástæða lyginnar, dulin áróður gegn trans fólki. Lægra getur maður ekki lagst held ég.

Snorri í Bertel var kærður fyrir hvað!

Eftir að hafa sett inn myndband þar sem rætt var við barnalækni og sálfræðing (sem er trans) um lyfjanotkun barna og afleiðingar á Kennaraspjallið kom athugasemdin frá framhaldsskólakennaranum. Áhugavert í alla staði.

Fleiri kjánalegar athugasemdir komu frá kennurum. Kennarastéttin er ekki tilbúin í víðtæka umræðu um málefni trans barna. Ef málflutningurinn er ekki einhliða fer engin umræða fram. Hvað fólk gerir eftir 18 ára aldur er alfarið á þeirra ábyrgð. Börnin eigum við að vernda gegn inngripum, lyfjum og skurðaðgerðum. Hins vegar á að tryggja þeim sálfræðimeðferð, rétt eins og öðrum börnum sem eru í vanda.

Hjartanlega sammála dóttur minni sem er doktor í barna- og unglingasálfræði. ,,Sálfræðimeðferð á auðvitað að vera hluti af þeirri þjónustu sem þessi börn fá. Til þess að tryggja að þau skilji ferlið, skilji að þetta sé endanleg ákvörðun og að þessi ákvörðun sé vel ígrundað og þau fái leiðsögn. En sálfræðimeðferð á aldrei að vera með því markmiði að hindra aðgengi að ferlinu eða til þess að fá þau til að skipta um skoðun."