Væri rétt að kenna kynjafræði í grunnskólum? Grein Evu Hauksdóttur frá 2014

Rakst á grein Evu Hauksdóttur frá 2014. Góð upprifjun og lestur. Þá eins og nú hefur hún efasemdir um femínista og framgöngu þeirra í samfélaginu. Þróun sem engum á að vera sama um. Gríp aðeins í gein Evu og set krækju neðst.

,, Sú skoðun virðist útbreidd að grunnskólinn eigi að innræta börnum tiltekin viðhorf. Þessa sér stað í aðalnámskrá grunnskólanna en samkvæmt henni eru grunnþættir menntunar lýðræði, jafnrétti, sjálfbærni, heilbrigði, sköpun og læsi. Þótt merking þessara hugtaka sé hvorki einföld né óumdeild hefur þessi áhersla aðalnámskrár nánast engri gangnrýni sætt. Ef til vill skýrist það af þeirri  túlkun að skólum beri að starfa í anda lýðræðis, jafnréttis o.s.frv. fremur en að taka upp markvissa kennslu í þessum grunnþáttum. Þó hafa feministar nú sent frá sér ályktun um að kynjafræði skuli tekin upp sem skyldufag í grunn- og framhaldsskólum og verði af því mun brátt reyna á það hlutverk grunnskólans sem aðalnámskrá virðist boða; að innræta börnum pólitískar og móralskar hugmyndir.“

,, Í fyrsta lagi ríkir engin sátt um það sjónarmið að jafnréttisfræðslu sé best komið í höndum kynjafræðinga. Í öðru lagi er það tæplega hlutverk grunnskólans að stuðla að framgangi pólitískra hreyfinga. Ég tel í meira lagi vafasamt að láta kynjafræðinga annast jafnréttisfræðslu og ætlun mín með þessari grein er að færa rök fyrir þeirri skoðun.“

,, Þann 21. september 2010 sat ég opinn fyrirlestur í Öskju, þar sem Þorgerður og Gyða Margrét kynntu fyrrnefnda rannsókn sína. Kjarninn í niðurstöðum þeirra var sá að karlar og karllæg gildi hefðu valdið bankahruninu og til þess að forða því að slíkt endurtæki sig væri nauðsynlegt að auka hlut kvenna í stjórnsýslunni. Reyndar nefndu þær dæmi um konur sem einnig bæru ábyrgð en þeirra þáttur var ýmist skýrður með „styðjandi kvenleika” eða því að konan hefði verið „í karlgervi”. Að sama skapi töldu þær að þeir stjórnmálakarlar sem voru „í kvengervi” hefðu litlu ráðið.

Að fyrirlestrinum loknum gafst áheyrendum færi á að varpa fram spurningum. Ég spurði vísindakonurnar hvernig þær teldu aukinn hlut kvenna vera lausn fyrst konur gætu hegðað sér af sama ábyrgðarleysi og karlar með því að taka á sig karlgervi. Þeirri spurningu var svarað út í hött.”

,, Í framhaldsskólunum eru það feministar sem kenna kynjafræði og sumarið 2010 gaf menntamálaráðuneytið út Kynungabók, kynjafræðinámsefni fyrir framhaldsskóla. Texti Kynungabókar hefur fræðilegt yfirbragð og áhersla er lögð á að jafnréttismál varði bæði kynin. Engu að síður er hugmyndafræði kvenhyggjunnar undirliggjandi. Tónninn er sleginn strax í inngangi Kynungabókar:

„Talið er að rekja megi núverandi  kynjamisrétti til þeirra tíma er eingöngu karlar úr valdastétt höfðu tækifæri til að móta samfélagið en það gerðu þeir út frá hagsmunum sínum.“ (bls 7.)”

,, Ef grunnskólarnir eiga að verða pólitískar uppeldisstofnanir þá skulum við spyrja hvaða grasrótarhreyfing, stofnun eða fyrirtæki muni næst biðja um aðgang að skólabörnum. Fær píratahreyfingin að sinna lýðræðiskennslu eða eiga lýðræðishugmyndir framsóknarmanna betur heima í skólum? Munu heilsugúrúar sem boða grænmetisát og jóga sinna heilbrigðisþætti aðalnámskrár eða verður það líkamsvirðingarhreyfingin eða kannski eitthvert tryggingafélagið? Hvort ætli Landsvirkjun eða Náttúruverndarhreyfingin verði fyrri til að óska eftir færi á að kynna börnum túlkun sína á sjálfbærni?

Og hvaða hugmyndir verða næst teknar upp sem grunnþættir menntunar? Ættu frelsi og friður ekki ágætlega heima í aðalnámsskrá? Verða þá hernaðarandstæðingar látnir sinna þeim þáttum eða frjálshyggjumenn eða  Ástþór Magnússon?”

Grein Evu á jafnvel við nú og fyrir 8 árum. Hér má lesa hana.

 

Gott að hún tali fyrir aðra,

ekki sjálfa sig. Katrín hefur ekki farið með góðu fordæmi þegar launahækkanir ráðherra og þingmanna eru annars vegar, eða aðrar sposlur. Hún tekur endalaust við en segir öðrum að gæta hófsemd. Sama að hverju þessi ráðherra kemur, algerlega ómaktæk. Hún gerir ekkert nema það komi sjálfri sér og stétt sinni til góða. Jú og þeim sem hafa það betra í þjóðfélaginu. Vg missti sjónar á hlutverki sínu og markmiðum fyrir langalöngu, enda Katrín vinsælust meðal þeirra sem hafa það best í samfélaginu. 

„Atvinnurekendur sýni hófsemd í eigin kjörum“

Ríkis­sak­sóknari fellir niður mál Arons Einars og Eggerts,

kom fram í frétt í Fréttablaðinu og Rvu. Fréttin á báðum miðlum var fyrirferðalítil. Má sennilega ekki blása upp sakleysi mannanna. 

Ofstækishópurinn Öfgar, skyldi hann biðja þá afsökunar og hina landsliðsmennina í leiðinni. Ætli kynjafræðingurinn sem fór mikinn um málið geri slíkt hið sama? 

Landsliðmenn okkar máttu í kjölfar umræðunnar sitja undir hrópum og köllum frá ofstækishópnum þar sem þeir voru kallaðir nauðgaðar. 

Samfélags- og fjölmiðlar létu eitt og annað frá sér sem þeir ættu líka að biðjast afsökunar á. Þeir blésu málið upp eins og um hinn eina sannleik væri að ræða. Vona að þessir aðilar stilli umræðuna um málaflokkinn í framtíðinni. Svona öfgar hjálpa engum. Hvorki þolendum né meintum gerendur nema síður sé. 

Óskiljanlegt af hverju forræði

er tekið af fólki þegar það kemur á gossvæði og marga ferðamannastaði. Þreytist seint á að óskapast yfir forsjárhyggju íslenska ríkisins í þessu máli. Hvernig í heiminum er þessu farið svona með ferðamannastaði. Upplýsingar til ferðamanna og síðan er það þeirra að fara eftir þeim. Láti þeir lífið eða slasast við eigin fífldirfsku er það þeirra mál. Við getum ekki fylgt ferðamönnum hvert fótmál. Vilji fólk leggja börn sín í hættu þá er það val, ekki á herðum ríkisins.

Ráða landverði þrátt fyrir möguleg goslok

Íburður of mikill, hvenær tekur skynsemin yfir

Mér er óskiljanlegt af hverju þarf þessar svaka byggingar þegar leik- og grunnskólar eiga í hlut. Hafið byggingarnar einfaldar og ódýrar. Notið meira fjármagn í innviði leikskóla ekki byggingu. Tveggja hæða leikvöllur kallar á fleira starfsfólk við útiveru. Tröppurnar er hættumerki og á ekki heima í leikskóla. Ekki það leikskólinn er í stíl við hugarfar Íslendinga, flott að utan, sýndarmennskan.

Ekkert tilboð barst í byggingu nýja leikskólans

Umskurður stúlkna telst ofbeldi en ekki þegar brjóst eru skorin af og kynfærum breytt í typpi?

Hjúkrunarfræðingur skrifar grein á Fréttin.is, hana má lesa hér. Brot úr greininni. 

,,Sama á við um drengi, nema þá er typpinu jafnvel breytt á skondinn hátt í skrýtin leggöng og brjóstapúðum tyllt undir húð. Alveg magnaður gjörningur sem læknar og lyfjafyrirtæki fá vel greitt fyrir. Enn magnaðra er að heilbrigðisstarfsfólk segi ekki múkk við þessu ofbeldi. Fáir vilja jú vera uppnefndir „transfóbíistar“ - nema þá kannski þeir sem eru sjóaðir í uppnefninu „samsæriskenningarfólk.“

 

Fleiri heilbrigðisstarfsmenn mættu svo sannarlega láta í sér heyra. 

 

Hjúkrunarfræðingurinn segir í greininni. ,,Styðjum börnin á heilbrigðan hátt og hættum að samþykkja ofbeldið. Verum á varðbergi með það fræðslu- og skemmtiefni sem haldið er að ungdómnum."

Sammála henni, veitum börnunum sem upplifa sig sem annað kyn góða sálfræðimeðferð yfir lengri tíma, gefum þeim möguleika til að átta sig á stöðunni með viðtölum við sálfræðing.

 

Ruv er í herferð, sýnir þætti um börn sem vilja breyta sér. Rétt eins og það eigi að dásama slíkt. Engir þættir sem gagnrýna ferlið. Engir þættir um fólk sem hefur séð eftir þessu. Engir þættir um fólk sem hefur höfðað mál gegn fyrirtækjum sem græða á málaflokknum. 

Af hverju sýnir Ruv ekki sænsku heimildarmyndina Tranståget? Vönduð og góð fræðsla.

Tillögurnar brandari

sem ekki er hlægjandi að. Borgarfulltrúar eru veruleikafirrtir.

Að komið verði á bakv­arðarsveit til að mæta mann­eklu á leik­skól­um. Hvaða bull er það að búa til bakvarðasveit í leikskólum þegar þeir eru ekki fullmannaðir. Vantar um 170 starfsmenn.

 

Komið verði á fót starfs­námi í leik­skól­um fyr­ir nem­end­ur í leik­skólaliðanámi. Nemar eru ekki fullgildir starfsmenn og eiga ekki að vera það. Þarf breytingu á lögum um viðkomandi nám ef á að reka leikskóla á nemendum.

Starfs­mönn­um frí­stunda­heim­ila verði boðið upp á heils­dags- og hálfs­dags­störf svo starfs­kraft­ar þeirra geti nýst fyrri part dags á leik­skól­um. Hvað gera leikskólarnir seinni partinn? Á þjónusta við sumar foreldra að vera hálfan daginn? Hvað svo!

Að borgarfulltrúar skuli eyða tíma sínum að búa til svona vitleysu og hvað þá að leggja slíkt fram. Enginn tekur á vandanum sem eru launakjörin. Á meðan þau eru ekki betri fer fólk í aðra vinnu þar sem álag og ábyrgð er ekki eins mikil. Skiljanlega. Raunhægt að fá fólk til starfa ef launakjör eru góð.

Þeir sem stjórna borginn náði í atkvæði út á loforð sín og þá þarf ekki að gera meira.

Leggja fram þrjár tillögur til viðbótar

Einar Þorsteinsson fyrrverandi fréttamaður

og núverandi forseti borgarstjórnar er fljótur að skipta um gír. Áður spurði hann spurninga sem hann er krafinn svara við nú, s.s. leikskólapláss í höfuðstaðnum. Hann svarar eins og stjórnmálamaður, sem sagt, segir helling en lítið innihald. Að venju láta fréttamenn svona hjal duga.

Einar hvetur fólk til að sækja um á leikskólum í vetur, þar sem frábært starf. Honum láðist að segja að borgin borgi illa, því þeir meta störf leikskólastarfsmanna ekki að verðleikum. 

Mönnunarvandinn myndi án efa leysast ef launakjör bötnuðu. Vinnuumhverfi starfsmanna leikskóla er víða slæmt. Mygla. Stórt vandamál. Borgin reynir að taka á vandanum. 

Ganga má út frá að enginn leikskóli sé fullmannaður í vetur. Afleiðing, færri leikskólapláss.

Greiðslur til foreldra til að vera heima með barni hjálpar ekki atvinnulífinu. Víða þarf þetta fólk til vinnu og þá þarf þjónusta leikskólanna að vera til staðar. Hálfan eða allan daginn.

Námsmenn og félög ættu að forðast Tripical

ferðaskrifstofuna á meðan málið er óleyst. Að benda á annan er ekki faglegt. Ljóst að þetta eru góð viðskipti þegar námshópar fara í ferðir. Gefur ábyggulega vel í aðra hönd.

Varið aðra nemendahópa við, bendið á aðrar skrifstofur. Læra af reynslunni, lesa samning mjög vel áður en skrifað er undir.

Engin auðmýkt af hálfu Tripical. Þurfti úrskurðarmál til að fá málið á hreint. 

Faðir æfur yfir innheimtuaðgerðum

Ef þetta er hluti af bakslagi í baráttu hinsegin fólks

græt ég ekki. Að breskir kennarar séu gagnrýnislausir á námsefni og kennslu um málaflokkinn gerir mig kjaftstopp. Horfið á áhugavert myndband. Í því er breska skólakerfið tekið fyrir og krafist breytinga í kennslu hinsegin málefna.

Vona að íslenskir kennarar séu gagnrýnni á málefnið en breskir kollegar þeirra. Hvað þá námsefnið. Hjartanlega sammála þeim atriðum sem koma fyrir síðast í þættinum. Fagna að víða um heim opnast augu almennings og ekki síst foreldra að ,,heilaþvottur" gæti átt sér stað í skólum. Sammála dragdrottningunni sem segir að sínir líkir eigi ekkert erindi í skóla til að lesa fyrir börn. Breskir kennarar hafa beðið dragdrottningar að koma inn í skólana og lesa.