Áróður skóla og kirkju

er áþreifanlegur þegar litið er til transhugmyndafræðinnar. Samtökin 78 hafa selt fána til að minna fólk á hinsegin samfélag. Þessa fána hafa margir skólar keypt eða fengið og flagga eins og um þjóðfána sé að ræða. Mér líkar ekki þessi óbeini áróður sem felst í flöggun fánanna. Hvort svona áróður sé leyfilegur í opinberum byggingum skal ósagt látið.

Kirkjan gerist líka sek um áróður, beinan og óbeinan. Klerkar hafa látið mála liti transhreyfingarinnar við margar kirkjur. Áróður, en honum er beitt yfir langan tíma og þar sem margir sjá áróðursherferðina. Þeir hafa líka auglýst sérstök námskeið fyrir ,,hinsegin börn“ og ýta undir að þau skilgreini sig sem slík taki þau þátt. Illa gert. Auðvitað á ekki að draga börn í dilka á þennan hátt. Má ekki líta á svona námskeið sem óbeinan áróður, sér í lagi þegar prestar sem tilheyra hinsegin samfélaginu eru meðlimir. Eins og segir á heimspeki.is ,, Áróðurinn fer jafnan skemmstu leið að markinu og gerir sér far um að sannfæra sem flesta á sem stytztum tíma og með sem auðveldustum hætti.“

Leyfum börnum að vera börn án skilgreinar. Þau mega vera eins og þau vilja. Fullorðnir eiga ekki að ýta börnum inn í transhugmyndafræðina. Hér má hlusta á góðan fyrirlestur læknis.

Á vísindavefnum má lesa: Feitletrun er mín.

,,Áróður (propaganda) felst í því að viljandi, ítrekað og kerfisbundið er reynt að breyta eða festa í sessi viðhorf, skoðanir og/eða hegðun hjá tilteknum hópum (mass persuasion) án þess að viðtakendur (þeir sem sjá eða heyra áróðurinn) geri sér endilega grein fyrir því eða óski þess (Jowett og O’Donnell, 1999; Taylor, 2003). Í þessari skilgreiningu felst að markmið áróðurs næst aðeins þegar honum er beitt yfir langt skeið. Markmiðið getur svo verið allt frá því að markaðssetja vörur yfir í að ýta undir baráttuþrek þjóðar á stríðstímum. Því gefur að skilja að áróður getur tekið til ýmiss konar athafna og fortalna (persuasion) svo framarlega sem þær eru notaðar til að ná viðkomandi markmiði.“

Ekki er farið í grafgötur með að einhliða fræðsluflutningur Samtaka 78 er í skólakerfinu. Þar fegra menn hlutina. Á vísindavefnum segir líka: ,,Ef fólk getur aftur á móti ekki sjálft kynnt sér málin nánar getur sá sem segir fregnir af tilteknum atburði haft mikil áhrif á skoðanir og viðhorf almennings á atburðinum, til dæmis með því að birta upplýsingar þannig að þær þjóni aðeins hagsmunum tiltekinna aðila.“

Skólar gera sig seka um þetta, ekki bara grunnskólar heldur líka leikskólar. ,,Áróðri má koma á framfæri til viðtakenda í gegnum ýmsa fjölmiðla líkt og útvarp, sjónvarp og prentmiðla. Hugsanlegt er líka að alnetið verði í meira mæli notað til áróðursstarfssemi í framtíðinni. Önnur birtingarform áróðurs eru einnig þekkt; þar má nefna ræðuhöld, myndlist og veggspjöld af ýmsum toga. Einnig getur orðanotkun verið dæmi um áróður (Pratkanis og Aronson, 2001).“

Get ekki lokið þessu án þess að þetta komi fram ,, Hvítur áróður er gjarnan eignaður réttum sendanda og innihald boðanna er í flestum tilvikum sannleikanum samkvæmt, eða því sem næst. Þó er þess gætt að innihald skilaboðanna dragi upp sem fegursta mynd af þeim sem standa á bak við boðin.“ Þetta er nákvæmlega það sem áróðursmeistarar transhreyfingarinnar gera til ná í börnin.

Á heimspekivefnum má lesa: ,,Lokatakmark alls áróðurs er að sannfæra, fá menn til að trúa. Til þess eru notaðar bæði beinar og óbeinar aðferðir. Áróðurinn fer jafnan skemmstu leið að markinu og gerir sér far um að sannfæra sem flesta á sem stytztum tíma og með sem auðveldustum hætti. Hann leggur ekki áherzluna á að sanna, heldur sannfæra.“

Samtökin 78 og aðrir transaðgerðasinnar ræða aldrei um fólk sem hefur séð eftir transferlinu eins og þessi hér. Markmið samtakanna er að sannfæra, fá menn til að trúa.

Samtökin 78 eða aðrir transaðgerðasinnar tala heldur ekki um áhrif lyfjagjafar á börn, eins og þessi.

Svona gæti ég lengi talið. Fjölmiðlar bregðast skyldum sínum og falla undir áróðursherferð transhreyfingarinnar því þeir draga upp fegurstu myndina til að sannafæra börn.

Látum börnin vera, þau þurfa ekki að skilgreina sig sem eitt né neitt. Leyfum þeim bara að vera þau sjálf alveg sama hvernig þau eru.

Lesa má um áróður á heimspeki.is  og Vísindavefnum og eru beinar tilvitnanir í textanum af síðunum.

Athugasemdir

[Sigurður Kristján Hjaltested, 3.6.2023 kl. 10:53]

Frábær pistill hjá þér að vanda.

Ég tek ofan fyrir Texas, sem búið er að setja það í lög að banna allt inngrip

á börnum yngri en 18.ára. Mættu fleiri fylki og þjóir gera það sama.

Skyldi Ísland þora þessu.?? Held ekki miðað

við þennan ruslahaug sem á þingi situr.