Guðni Freyr Öfjörð og fleiri kyrja sönginn að fólk eins og ég hugsi ekki um börnin

þegar hinsegin málaflokkurinn er annars vegar. Hatursorðræða er líka voða vinsælt hjá þeim, transaðgerðasinnum, sem þykjast geta slegið sér á brjóst og segjast bera umhyggju fyrir börnum. Held að maðurinn sé illa lesinn um málaflokkinn eða kynni sér ekki það sem gerist í útlandinu. Skyldi Guðni Freyr hafa horft á þessa þætti, efa það.

Frábið mig svona málflutningi frá manni sem þykist vita betur en gerir það ekki.

Játa fúslega ég nennti ekki að lesa það sem Guðni Freyr skrifaði. Þau höggva í sama knérunn. Engin viðbót alveg sama hver af þessum transaðgerðarsinnum skrifar. Engin málefnaleg rök af hverju fólk sem ekki er hlynnt lyfjagjöfum og skurðaðgerðum barna eru í dulbúningi eins og Guðni segir í titli greinarinnar.

Er það umhyggja að setja börn með sálræna kvilla í transferli. Börn sem eru einhverf, eiga við kvíða og þunglyndi að stríða. Börn sem stunda sjálfsskaða, börn sem finnst þau ekki passa inn í hóp o.s.frv. Samkvæmt fræðimönnum eru lang flest börn, sem telja sig vera hitt kynið eða glíma við ónot í eigin líkama, andlega veik. Auðvitað á að veita þeim sálfræðimeðferð áður en transhugmyndafræðin er sett á dagskrá hjá þeim. Koma þeim í jafnvægi. Hér á landi sinnum þeim þætti illa. Börn þurfa hlutlausan ráðgjafa, ekki trans-einstakling til að vísa veginn.

Hormónalyfjagjafir, er það barnvænt að óska barni slíkra pyntinga. Þarf ekki annað en horfa á þennan þátt, hvílík pynting. Fullorðið fólk getur ákveðið sjálft hvað það gerir við sig. Börnin eru á forræði fullorðinna og hafi það fólk ekki dug í sér að leiðbeina börnum sínum þegar þau eiga í vanda er það slæmt.

Eins og Pia Kærsgaard segir ,,Æskan á að vera athvarf fyrir barnið þar sem ábyrgir og þroskaðir einstaklingar vernda það fyrir sjálfu sér.“ Við höfum gleymt því mörg hver!

Guðni Freyr talar ekki um þann fjölda sem sér eftir transferlinu og á ekki afturkvæmt. Víða rætt í útlöndum. Frekar óvinsælt hér á landi að fjalla um þá einstaklinga.

Fjölmiðlar bregðast í málaflokknum eins og venjulega.   

Athugasemdir

[Auður (IP-tala skráð) 31.5.2023 kl. 14:25]

Þú stendur þig vel Helga við að vekja athygli á mikilvægu máli og átt þakkir skildar.