Ekki ef kennarar fella seinni hlutann

Játa það fúslega, hef ekki fundið í launaumslaginu þessa gífurlegu hækkun sem Kolfinna talar um. En segi það, launahækkunin kom og kemur misvel við grunnskólakennara en fyrir leikskólakennarastéttina get ég ekkert sagt.

Seinni hluti samningsins fer í atkvæðagreiðslu í febrúar og þá kemur í ljós hvort grunnskólakennarar samþykki seinni hlutann sem gefur mörgum kennurum meiri hækkun en í fyrri hlutanum. Sitt sýnist hverjum um það sem í þeim felst. Tel að kennarar eigi að samþykkja þann hluta úr því þeir samþykktu þann fyrri. Stéttin í heild sinni hefðí átt að hafna þessum kjarasamningi, allavega er það mitt mat. Sala á kennsluafslætti, ekki vinnuframlegð athugið það, var misráðið og hef ég grun um að margur kennarinn sjái eftir sölunni. Verðið var einfaldlega of lágt! En ekki verður tekið til baka þar sem um var samið og samþykkt.

Kennarastarfið er mun flóknara í dag en fólk gerir sér grein fyrir. Ekki nóg með að kennari uppfræði heldur er hann í starfi sálfræðings, prests, hjúkrunarfræðings, læknis, sjúkraþjálfara, ráðgjafa, iðjuþjálfa, sáttasemjara, þroskaþjálfa og foreldris. Kennari þarf að setja sig inn í ótrúlegustu mál og mikill tími fer í alls konar störf sem ættu að heyra undir aðrar stéttir. Það er ekkert launungarmál að andlegri heilsu grunnskólabarna hrakar og margir nemendur eiga í verulegum vandræðum. Ekki er hjálp að fá frá sálfræðingi því þeir eru einfaldlega of fáir. Ráða ætti sálfræðing við hvern skóla til að taka á þeim vandamálum sem upp koma þannig að kennari geti sitt sínu aðalstarfi sem er að kenna og leiðsegja nemendum. Mörg seitarfélög skella skollaeyrum við og það tekur allt upp í hálft annað ár að fá viðeigandi aðstoð fyrir barn í vanda. Á meðan þarf kennari að sinna barninu. Halda því á floti! 

Kjarasamningar kennara dýrir

Athugasemdir

[Margrét (IP-tala skráð) 21.12.2014 kl. 10:26]

Já það er orðið flóknara kennarastarfið, meira en fólk gerir sér grein fyrir. Kennari þyrfti að hafa ritara vegna pappírsvinnunar sem fylrgir orðið starfinu í dag. Eins og allar skýrslurnar sem fylla þarf út, lestrarstefnan sem er sett í exel og svo er gert súlurit/kökurit og prósentureiknað eins og strærðfræði stefnann. Svo allar verkefnabækurnar á mentor það þarf að halda utan um og ská í alla önnina og svo aftur hina önnina. Svo ég tali nú ekki um það sem kom með nýju aðalnámskránni, hæfniviðmiðin og lykilhæfnin sem er ágætlegur pakki útaf fyrir sig. Sveitafélöginn eru farin að spara sér sálfræðikosnað, ritarakosnað o.fl. Kennarar taka þetta á sig þeyjandi og hljóðarlaust án þess að sjá það í launaumslaginu.