Auðvitað á að lögsækja kennara, hérlendis sem erlendis, sem halda lygum að börnum í skólakerfinu

Ef lygi er sögð nógu oft getur þú fengið fólk til að trúa henni. Líka börnum. Þau eru sérstaklega viðkvæm. Kennari er í ráðandi stöðu inni í kennslustofu. Fáir nemendur hafa þekkingu til að mótmæla kennaranum þegar hann viðhefur trans-bænina um að kynin sé mörg, að barn sé fætt í röngum líkama, að kona geti haft typpi og að hægt sé að skipta um kyn.

Bloggari vonar að Elon Musk láti kné fylgja kviði og lögsæki nokkra kennara í Bandaríkjunum fyrir að bera lygar á borð fyrir skólabörn. Það þarf að setja kennurum sem haga sér svona stólinn fyrir dyrnar.

Kennarar koma inn viðhorfum hjá börnum sem á sér engan vísindalegan- eða staðreyndar bakgrunn. Hinsegin líðan er í kollinum á fólki, ekkert að því. Fólk má trúa og vera eins og það vill en látið verið að fá okkur hin til að trúa því sem þú trúir!

Borgarholtsskóli leyfir kennara að bera þvæluna í nemendur sem stunda nám þar. Kvenfrelsunarbifvélavirkja, sjá hér.

Á síðunni stendur „Aðförin að börnum, einkum og sér í lagi í skóla og fjarri vernd foreldra, er nánast að skilja sem markvissa félagsverkfræði.“ Bent er á, að við séum barna steinsnar frá veröldu „án mæðra.“

Þvælan að trans-maður sé lifandi dæmi um að hann geti verið ófrískur er það mesta bull sem mannkynið hefur heyrt. Trans-maður er líffræðileg kona með þau líffæri sem til þarf að verða ófrísk, EKKI af því hún er trans-maður. Svona reyna trans-aðgerðasinnar að breyta sannleiknum og fá okkur hin til að trúa því.

Hvaða lífsskoðun fullorðið fólk hefur á kynjunum skiptir ekki máli en í guðanna bænum hættið að ljúga að börnunum í menntastofnunum. Ríkisreknum meira að segja.

Að segja börnum sannleikann er það sem faglegir leiðtogar hvers skóla eiga að krefja starfsfólkið sitt um. Yfirmenn menntamála eiga að gera slíkt hið sama, krefja faglegu leiðtogana um að sannleikurinn sé sagður í skólakerfinu. Líffræðilegu kyni er ekki hægt að skipta út. Þegar faglegur leiðtogar skólanna eru sjálfir farnir að efast um sannleikann um líffræðina er tímabært að segja starfi sínu lausu.

Hlustið hér.

Dönskum sálgreini stefnt

Trans-konurnar, sem eru karlmenn, eru samir við sig. Stefna konum víða um heim af því þeir móðgast. Bloggari hefur sagt frá nokkrum sem ýmist hafa farið í gegnum réttarhöld eða eru á leiðinni. Segja má að konur hafi haft sigur í öllum tilfellum nema einu, en það var fyrirtæki Sall Grover sem mátti ekki útiloka karlmann sem segist vera kona, frá appi sem hún bjó til fyrir konur. Það mál fer á næsta dómstig.

Nú er það Lotte Ingerslev, danskur sálgreinir sem hefur barist fyrir að konur og stúlkur haldi réttindum sínum og að sannleikurinn sé sagður. Karlmaður getur aldrei verið kona. Karlmenn eiga ekki að vera í kvennaíþróttum eða einkarýmum kvenna. Lotte heldur úti bloggsíðu sem vert er að fylgjast með.

Sá móðgaði nefnist Nadia. Hann vill 100.000 danskar krónur í miskabætur. Hann heldur því fram að Lotte hafi skaðað hann.

Hann, Nadia, er í vinnuhópi hjá Danska knattspyrnusambandinu (DBU) og vinnur að því hörðum höndum að trans-strákar og karlmenn geti spilað með kvennaliðum, án þess að spyrja stelpurnar eða foreldra þeirra. Honum þykir sjálfsagt að fólk stundi íþróttir í karla- eða kvennaflokki eftir tilfinningu og upplifun, ekki kyni. Margir foreldrar hafa mótmælt þessu en eitthvað er DBU þungt í taumi gagnvart stúlkunum.

Enn og aftur er höfðað til að stúlkur eigi að vera vingjarnlegar, sýna tillitssemi og viðurkenna tilfinningar annarra, sem sagt trans-fólks. Þær eiga að gefa eftir réttindi sín og hundsa eigin tilfinningar.

DBU hefur ekki kannað áhrifin af ákvörðun sinni, um að leyfa strákum sem skilgreina sig sem stelpu að spila með stelpunum. Heldur ekki hvaða áhrif það hefur á þær að deila búningsklefa.

Það verður fróðlegt að fylgjast með framvindu málsins eins og með öllum hinum sem hafa verið í gangi. Trans-konur hætta ekki fyrr en konur eru með öllu réttindalausar og geta ekki tjáð sig um málefni sín á nokkurn hátt, hlustið hér.

 

Dregin fyrir dómstóla fyrir að segja að karlmenn geti ekki haft barn á brjósti

Bloggari veit yfirhöfuð ekki hvert heimurinn stefnir. Hef minni áhyggjur af loftslagsmálum en þróun trans-málaflokksins sem gerir endalaust lítið úr konum og hefur af þeim réttindi. Karlmenn, með öllum tiltækum ráðum, vilja yfirtaka það sem konur eiga. Andlega veikir karlmenn eins og þessi sem stefnir konu fyrir að segja sannleikann fá að vaða uppi vegna tilfinninga sinna.

Viðbrögð á netinu

Sérfræðingur í brjóstagjöf, Jasmine Sussex, á að mæta fyrir dóm í Queensland fyrir að tjá sig um þá staðreynd að aðeins konur geti haft barn á brjósti. Hún lét skoðun sína í ljós um karlmann, Buckley, sem tók lyf til að geta gefið barni brjóst. Hún sagði að hann ætti ekki að gera slíkar tilraunir á börnum. Þessi hegðun karla væri hluti af ,,hættulegu blæti.“

Buckley dregur Jasmine fyrir dóm en hann er karlmaður sem skilgreinir sig sem konu. Enn koma þessi fjandans lög um kynrænt sjálfræði við sögu. Karlinn tók lyf til að framkalla brjóstamjólk. Jasmine hefur ekki í hyggju að láta þagga niður í sér. ,,Brjóstagjöf tilheyrir mæðrum og börnum okkar.“ segir hún. Við erum einu manneskjurnar sem getum framleitt brjótamjólk til að næra ungviðin okkar.“

Eiginkonan ólétt

Karlmaðurinn sem kærir Jasmine tók lyf þegar konan hans var ólétt svo hann gæti líka haft barnið ,,á brjósti.“ Mynd sem hann birti mynd af sér á samfélagsmiðlunum með barnið á bringunni skapaði mikla reiði. Hann skrifaði ,,Undanfarnar 6 vikur hef ég tekið lyf sem heitir Domperidon til að auka prólktín til að geta framleitt brjóstamjólk og upplifað brjóstagjöf“ skrifaði hann í færslu á snjáldursíðua sína.

Lyfið Domperidon er jafnan gefið sem ógleðilyf. Viðbrögð hans komu vegna ummæla Jasmine, sem kallaði aðferðina grimma og siðlausa. ,,Þetta er hinsegin kenning Buckley um reynslu hans af brjóstagjöf," skrifaði hún á netinu.

Kvörtun um róg

Í nóvember á síðasta ári fékk hún tölvupóst frá mannréttindanefnd Queensland þar sem henn var tilkynnti að nefndin væri að rannsaka kvörtun frá Buckley. Nefndin er að rannska meintan rógburð af hálfu Jasmine.

,,Í kvörtuninni er reynt að forðast almennar áhyggjur mínar og gagnrýni á brjóstagjöf karla," segir hún.

,,Ég hafna alfarið þeirri fullyrðingu að yfirveguð gagnrýni mín á brjóstagjöf karla ýti undir hatur, alvarlega fyrirlitningu eða alvarlegt athlægi í garð hans og annarra trans-kvenna."

Rannsóknir á karlmönnum sem gefa börnum sínum brjóst með lyfjagjöf eru mjög umdeildar og það er aldrei afsökun fyrir því að gera tilraunir á börnum vegna tilfinninga fullorðinna.

Heimild.

Trans-konan er karlmaður segir Hæstiréttur

Það féll tímamótadómur í gær. Sannleikurinn sigraði. Dómur í Hæstarétti Danaveldis tók af öll tvímæli. Trans-kona með klukkuverkið undir sér er karlmaður og á ekki að afplána í kvennafangelsi. Bloggari sem hefur sagt sannleikann og ekkert nema sannleikann, að ekki sé hægt að skipta um líffræðilegt kyn, gleðst yfir dómnum. Dómurinn staðfestir sannleikann. Karlmaður getur ekki verið kona og öfugt.

Drengur, maður, hann

Stúlka, kona, hún.

Barn,  það

Karlmaðurinn sem segist vera trans-kona

Hann er fæddur 1961. Árið 1984 fékk hann dóm fyrir grófa líkamsárás og nauðgun. Aftur 1990 féll nauðgunardómur sem hann framandi ári fyrr. Nauðgunin talin mjög hættuleg. Maðurinn fékk reynslulaust 2009 og þremur árum síðar dæmdur fyrir bankarán.

Árið 2015, eftir að Danaveldi tók upp lögin um kynrænt sjálfræði, skipti maðurinn um kennitölu og hefur nú kvenmannskennitölu. Kannski má segja að samkvæmt lögunum geti hann kallaði sig konu, en kona er hann ekki. Hér má enn og aftur sjá ástæðu þess að fella eigi lög um kynrænt sjálfræði úr gildi. Ekki seinna en á morgun.

Ástæða málsóknar

Karlmaður sem sat í karlafangelsi óskaði eftir að afplána í kvennafangelsi. Hann var dæmdur fyrir nauðgun, og það grófa. Hann breytti kynvitund sinni í fangelsinu og vildu að kvenkyns fangaverðir leituðu á honum nöktum og sæju um að taka þvagprufu af honum. Rökin voru að hann væri ,,kona“ og það væri niðurlægjandi fyrir hann að hafa karlmann viðstaddan. Honum var hafnað og því leitaði hann til dómstóla með það mál samhliða þess að flytjast yfir í kvennafangelsi.

Hann segir m.a. vera óvirkur kynferðislega og aldrei haft möguleika á stinningu því taugar voru skornar þegar hann var barn. Réttalæknaráðið útilokar þó ekki að það geti gerst. Aðspurður sagðist hann ekki hafa nauðgað konunum sem hann var dæmdur fyrir. Hann reyni nú að fá málin endurupptekin.

Dómurinn

Maðurinn er enn með kynfæri karlmanns og í útliti eins og karlmaður. Með tillit til þess og hver glæpur hans er mun hann sitja áfram í karlafangelsi. Honum var synjað um afplánun í kvennafangelsi. Dómurinn komst líka að þeirri niðurstöðu að ákvörðunin gengi ekki gegn Mannréttindadómstólnum. Talið er að ákveðin hætta sé á ferðinni gagnvart öðrum föngum og starfsmönnum verði hann færður í kvennafangelsi.

Eftir endurskoðun á lagasögu ákvæðisins, sem kynnt var áður en möguleiki var á lagalegum kynskiptum, komst Hæstiréttur að þeirri niðurstöðu að almennt yrði að skilja kyn í skilningi ákvæðisins sem líffræðilegt kyn einstaklings.

Dómurinn hafnaði því að hann væri niðurlægður þó karlmenn sæju um líkamsleit og séu viðstaddir þegar þvagprufa sé tekin. Hann er líffræðilegur karlmaður og því er um sama kyn að ræða. Því eru þessi ákvæði ekki brot á Mannréttindasáttmálanum.

Maðurinn á ekki rétt á sérmeðhöndlun af neinu tagi. En farsinn um manninn gæti haldið áfram ef honum dettur í hug að áfrýja til Mannréttindadómstólsins.

Hæstiréttur staðfesti dóm Landsréttur.

Hér má lesa frétt um málið

Fjölskyldur lögsækja skólaumdæmi sem lét börn gista með trans einstaklingi af gagnstæðu kyni

Þrjár fjölskyldur í Colorado hafa höfðað mál gegn skóla og skólaumdæmið í Denver eftir að þeir lét unga nemendur vera með trans-fólki af gagnstæðu kyni í skólaferðalögum án þess að láta nemendur eða foreldra þeirra vita.

Í einu tilviki létu stjórnendur Jefferson County Public Schools dreng sem skilgreinir sig sem stelpu deila hótelherbergi með þremur stúlkum í fimmta bekk í ferð til Fíladelfíu og Washington, DC.

Í öðru máli er skólaumdæmið sakað um að hafa skipað 18 ára stúlku sem var nýbyrjuð að skilgreina sig sem karlmann til að starfa sem ráðgjafi í kofa fullum af strákum í sjötta bekk í skólaútilegu. Margir drengjanna gripu til þess ráðs að skipta um föt í svefnpokum sínum til að forðast að berskjalda sig fyrir ráðgjafanum, segja foreldrar.

Skólaumdæmi og skólanefndin

Fjölskyldurnar, ásamt lögmannsstofunni Alliance Defending Freedom, höfðuðu alríkismál gegn skólaumdæminu og skólanefndinni í  Jefferson-sýslu. Málið verður tekið fyrir í héraðsdómi Bandaríkjanna. Foreldrarnir halda því fram að héraðið hafi brotið á trúar- og foreldraréttindum þeirra með því að ,,neita að afhenda sannar og viðeigandi upplýsingar um gistingu barna sinna."

Kate Anderson, lögfræðingur ADF, sagði í yfirlýsingu að ,,foreldrar, ekki stjórnvöld, hafi rétt og skyldu til að stýra uppeldi og menntun barna sinna, og það felur í sér að taka upplýstar ákvarðanir til að vernda friðhelgi eigin barns."

Talsmaður skóla í Jefferson-sýslu sagði í tölvupósti að þó að héraðinu hafi ekki áður verið birt málsóknin, hafi þeir framkvæmt ,,lauslega endurskoðun á því sem lagt var fram fyrir dómstólnum" og þeir ,,eru ósammála fjölda fullyrðinga sem settar eru fram í henni."

Talsmaður umdæmisins segir ,,Við hlökkum til að fá tækifæri fyrir dómstólum til að deila sönnum staðreyndum, þar á meðal um gistingu sem við bjóðum fjölskyldum og nemendum.“

,,Fjölskyldur hafa alltaf endanlegt val hvort nemandi þeirra taki þátt í einstökum viðburðum sem felur í sér gistingu. Við tökum þessi mál alvarlega og við fylgjum öllum lögum Colorado fylkis þegar kemur að því hvernig við komum fram við nemendur, starfsfólk og fjölskyldur."

Réttur trans-einstaklinga er mikill

Joe og Serena Wailes sögðu frá reynslu ellefu ára dóttur sinnar í ferð til Fíladelfíu og Washington, DC. Þau litu á ferðina, í júní 2023, sem tækifæri fyrir dóttur sína til að ferðast með bekkjarfélögum sínum, læra meira um stofnun þjóðarinnar og hitta nýja vini frá öðrum hverfisskólum.

Wailses hjónin greiddu 2.017 dollara fyrir dóttur sína í umrædda ferð og dóttir þeirra seldi límonaði svo hún hefði eyðslufé í ferðinni, samkvæmt lögsókninni.

Serena Wailes fór einnig í ferðina en var ekki opinber fylgdarmaður.

Waileses var sagt að strákar og stúlkur yrðu í sitthvoru lagi og að dóttur þeirra yrði úthlutað herbergi með þremur öðrum stúlkum í fimmta bekk. Samkvæmt lögsókninni upplýsti skólastjóri dóttur þeirra ,,ekki að herbergjum yrði úthlutað á grundvelli kynvitundar vegna" stefnu hverfisins um trans nemendur.

Í stefnu héraðsins um trans-fólk segir að þegar kemur að því að deila herbergisfélögum í ferðir, ,,skuli meta þarfir nemenda sem eru trans í hverju tilviki fyrir sig með það að markmiði að hámarka félagslega aðlögun nemandans" og ,,tryggja öryggi og þægindi nemandans og lágmarka fordóma."

,,Í flestum tilfellum ætti að fela nemendum sem eru trans að deila gistingu með öðrum nemendum sem deila kynvitund nemandans sem stöðugt er haldið fram í skólanum," segir í stefnunni.

Dóttir Wailes fékk herbergi með tveimur stúlkum úr skólanum sínum og nemanda úr öðrum skóla. Hún gerði tilraun þennan fyrsta dag til að vingast við nemandann úr hinum skólanum og bauðst til að deila rúmi með henni, sögðu foreldrar hennar.

Fyrir svefn fyrsta kvöldið viðurkenndi nemandinn að vera trans.

Dóttir Waileles-hjónanna laumaðist inn á klósettið til að hringja í mömmu sína. ,,Rödd hennar er skjálfandi og hún segir: ,,Mamma, eitthvað gerðist bara. Ég þarf að segja þér frá því," sagði Serena Wailes í viðtali í fyrra.

Fylgdarmenn barnanna í ferðinni sögðu dóttur Wailes upphaflega hafa logið að herbergisfélögum sínum og sagt þeim að hún þyrfti að skipta um rúm til að vera nær loftkælingunni. Trans-nemandinn var að lokum fluttur í annað herbergi með stúlku og þeir sögðu að ein stúlkan væri veik og þyrfti meira pláss.

,,Allt kvöldið settu starfsmenn JeffCo alltaf friðhelgi einkalífs og tilfinningar karlkyns nemandans í forgang fram yfir dóttur Wailes, segir í lögsókninni.

Ráðgjafi af gagnstæðu kyni hjá drengjunum

Um það bil sex mánuðum áður en Waileses hjónin sendu dóttur sína í ferðina sendu Bret og Susanne Roller son sinn í sjötta bekk í útilegu á vegum héraðsins. Í ferðinni í desember 2022 var ráðgjafa á framhaldsskólaaldri falið að hafa umsjón með Outdoor Lab tjaldbúðunum ,,hvenær sem þeir eru í skálunum, þar á meðal þegar þeir sofa, skipta um föt og fara í sturtu," segir í lögsókninni.

Þegar Susanne Roller sótti son sinn í skólann eftir ferðina var það fyrsta sem hann sagði henni: ,,Ég var með stelpu í kofanum mínum," segir í lögsókninni.

Roller-hjónin komust að því að ráðgjafinn sem sá um kofa sonar þeirra var 18 ára kona sem þau þekktu í gegnum 4-H klúbbinn. Kvenkyns ráðgjafinn ,,skilgreindi sig sem konu á 4H aðeins nokkrum dögum fyrir" ferðina. Í skólanum hafði konan skilgreint sig sem kynsegin.

Sonur Rollers og aðrir strákar voru ósáttir við að hafa konu í kofanum sínum.

Kvenkyns ráðgjafanum var falið að standa fyrir utan sturtuklefa drengjanna til að framfylgja sturtutímamörkum og takmarka notkun á heitu vatni. Sturtuklefarnir voru aðeins aðskildir með þunnu tjaldi, eins og segir í lögsókninni.

Sonur Rollers ,,og margir aðrir strákar í kofanum ákváðu í sameiningu að neita að fara í sturtu á meðan þeir dvöldu á Outdoor Lab vegna þess að þeir voru vandræðalegir og hræddir við að fara í sturtu fyrir framan konu," segir í lögsókninni.

Roller-hjónin lýstu áhyggjum sínum við skólastjórann og spurðu hvort honum þætti þægilegt að leyfa 18 ára manni að sofa í kofa með 11 ára stúlkum. ,,Ég hef aldrei hugsað um þetta þannig," svaraði hann.

Umdæmisstjórar svöruðu ekki spurningum Susanne Roller um hvernig ætti að forðast atburðarásina í framtíðinni, segir í lögsókninni.

Waileses höfðu einnig samband við umdæmisleiðtoga og lýstu áhyggjum sínum af stefnu þeirra. Höfðu ekki erindi sem erfiði.

Héraðið samþykkti að framvegis verði það ,,vísvitandi úthluta nemendum af mismunandi kynjum til að deila gistingu." Það er innantóm skuldbinding, samkvæmt lögsókninni, vegna þess að í hvorugu tilvikinu var nemendum úthlutað rúmum - þeim var úthlutaður kofi þar sem þeir þurftu að koma upp svefnfyrirkomulagi á eigin spýtur.

Það voru ,,ekki mistök" eða ,,óviljandi ruglingur" að börnum Wailes og Rollers var úthlutað herbergjum með börnum af gagnstæðu kyni, segir í lögsókninni. ,,Þess í stað spilaði stefna umdæmisins eins og embættismenn umdæmisins ætluðu sér," segir þar.

Robert og Jade Perlman, foreldrar barns í sjötta bekk sem á að taka þátt í Outdoor Lab ferðinni í nóvember, eru þátttakendur í málsókninni. Þau eiga líka dóttur sem ferðast næturlangt með körfuboltaliðinu sínu.

Stefna héraðsins fyrir trans-fólk um gistingu ,,er sérstakt áhyggjuefni fyrir Perlman-hjónin vegna þess að þau vilja ekki að börn þeirra gisti hjá nemanda af gagnstæðu kyni," segir í lögsókninni.

Fjölskyldurnar halda því fram að reglur héraðsins um herbergi fyrir trans-fólk brjóti gegn réttindum þeirra samkvæmt fyrsta og fjórtánda viðaukanum. Þeir kalla eftir lögbanni sem krefst þess að héraðið upplýsi foreldra fyrir skólaferðalög um að börn þeirra gætu verið vistuð með nemanda af gagnstæðu kyni og að virða beiðnir foreldra um að börn þeirra séu ekki vistuð yfir nótt hjá fólki af gagnstæðu kyni, ,,óháð kynvitund viðkomandi."

Lesa má um málið hér.

Karlmaður er karlmaður, kona er kona

Líffræðin er þannig að því verður aldrei breytt. Margir hafa efast um líffræðina, sýnir þeirra eigin heimsku. Kyn er ekki breytanlegt og líkami karls og konu ekki heldur.

Þó að einstaklingur trúi því að karl geti verið kona þá þarf hvorki bloggari ná aðrir að trúa því. Rétt eins og þeir sem trúa á Guð mega það, þýðir samt ekki að bloggari og aðrir veri að gera það. Menn mega frábiðja sig hugmyndum manna eins og að trans-kona sé kona, að barn sé fætt í röngum líkama og fleiri í þeim dúr.

Hér má sjá beinagrindur kynjanna. Þeir sem hafa gleymt hvernig þær líta út hjá kynjunum geta rifjað það upp með hjálp myndarinnar. Smellið á hana, þá stækkar hún.

 

Mega feður ekki lengur leiða dætur sínar upp að altarinu!

Sænska þjóðkirkjan mun taka fyrir í október mjög umdeilda tillögu sem veldur nú þegar miklum deilum.

Tillagan er einföld: ,,Feðrum verður bannað að leiða dætur sína upp að altarinu því það tilheyrir gamalli feðraveldishefð.“

Það eru jafnaðarmenn í Svíþjóð sem lögðu tillöguna fram og vilja innleiða sömu reglur um þetta á öllu landinu, í það minnsta samræma þær. Ein þeirra er Nina Konnebäck úr Högsbo sókn í Gautaborg.

,,Við prestar verðum að geta blessað í nafni Guðs það sem við trúum að sé satt, frjálst og fyllt kærleika. Og að við viljum blessa tvær manneskjur sem ganga inn í ást af fúsum og frjálsum vilja. Það rímar mjög illa við þessa myrku feðraveldishefð um stelpu sem fer frá einum manni til annars," segir hún við SVT.

Rætt var við danskan prest sem segir þetta þvælu. Ef kona óskar eftir að pabbi sinn, mamma, bróðir, amma, frændi eða einhver annar gangi með sér inn kirkjugólfið þá á kyn ekki að skipta máli. Engar reglur eru um það í Danmörku hver leiðir brúðurina.

Í Svíþjóð er andstaða gegn þessari tillögu og bendir sænskur prestur á að manni komi ekki við hvern kona velur til að ganga með sér upp að altarinu. Er það virkilega okkar vinna að skipta sér af hvernig fólk vill hafa brúðkaupið sitt spyr hann.

Á Íslandi getur kona valið hvern þann sem hún vill ef hún gengur ekki með tilvonandi maka sínum inn kirkjugólfið. Prestar eiga ekki að skipta sér af hvernig fólk hagar sínum málið þegar það giftir sig.

Lesa má um málið hér.

Barnamálaráðherra talar mikið um Farsældarlögin

Þegar rætt er um skólamál tala menn gjarnan um Farsældarlögin í sömu orðum. Farsældarlögin eiga víst, ef bloggari les rétt í rituð og sögð orð ráðherra, að bjarga skólakerfinu. Mun það verða reyndin. Menn mega velta því fyrir sér.

Í maí 2023 skrifaði bloggari grein þegar menn urðu vitni af því að trans Samtökin 78 eru tilbúin til að misnota Farsældarlögin til að trans gera barn á grunnskólaaldri. Bloggari hefur áhyggjur af barnvæna samfélaginu Akureyri. Mun barnvæna samfélagið nýta sér lög til að taka völd af foreldrum. Ekki ýkja langt síðan að kennari mælti með uppsögn í nafni Barnvæna samfélagsins vegna trans-málaflokksins.

Greinin sem Mannlíf birti

Í fræðsluerindi Samtaka 78, sem haldið var í Hlöðunni í Gufunesbæ 16. maí á vegum Reykjavíkurborgar, kom fram að kennari sem telur barn vera trans geti búið til „mál“ samkvæmt Farsældarlögunum ef foreldrar styður ekki barnið. Að mati kennara. Slíkt gerist víða í útlöndum. Foreldrar hafa fengið góð ráð, taka barnið úr þeim skóla. Auðvitað geta íslenskir foreldrar gert það. Líf barns er í húfi, þeirra barns.

Hvað leggjum við á börnin

Lára G. Sigurðardóttir læknir og doktorsnemi í lýðheilsufræðum árið 2020 segir að framheilinn sem geymir dómgreindina hafi náð um 80% þroska á unglingsárunum. Taugatengingar í framheila eru ekki fullþroskaðar fyrr en undir þrítugt.

Heili 13 og 18 ára barna er ekki fullþroskaður. Það þýðir að barnið á erfiðara með að taka ákvörðun til lengri tíma litið. Í ennisblaði eru kjarnar sem þroskast síðast. Þar eru góðu ákvarðanirnar teknar. Á neðanverðum framheilanum og í heilaberkinum (e.prefrontal cortex) er svæði sem stjórnar minni, tilfinningum og vitrænum aðgerðum. Svæðið stjórnar hegðun með tilvísun í dómgreind og forsjálni.

Þegar þetta er skoðað m.t.t. trans-hugmyndafræðinnar ætlast fólk til að börn taki ákvörðun um hvort það breyti sér á unga aldri frá því kyni sem það fæddist. Skipti um kyn. Breyti kynskráningu. Breyti nafni.

Miðað við þekkingu okkar á heilanum og starfsemi hans á ekki nokkur fullorðinn einstaklingur að ýta barni á translestina (eins og Svíar kalla það), heldur á að láta barn vera eins og það vill þar til heilinn hefur þroskast og barnið tilbúið að taka svo varanlega ákvörðun.

Tökum völdin af foreldrum

Samtökin 78 gefast ekki upp. Foreldrafræðsla, á vegum Reykjavíkurborgar, á dögunum ýtti við fólki. Áheyrendur sögðu fræðsluna um margt áhugaverða. Frummælandi hafði sagt að Farsældarlögin yrðu notuð ef foreldrar styðji ekki barn sitt ef það segðist vera trans og vilji breyta nafna- og kynskráningu. Munum eftir ennisblaðinu.

 Á glæru segja Samtökin 78 um trans-börn, feitletrun eru þeirra orð:

Engin líkamleg inngrip. Gott að heyra. Samtökin geta þá samþykkt bann á hormónalyfjagjöfum fyrir börn og skurðaðgerðir komi það upp. Tryggja að ekkert barn lendi í þeim hremmingum.

Frelsi til að tjá kyn eftir eigin höfði. Auðvitað getur stelpa tjáð sig sem strák og strákur sem stelpu. Ekkert að því. Virðum það. Munum eftir þroskaferli heilans. Frelsið þýðir ekki að hundsa eigi foreldra.

Nafna og kynskrábreyting. Lög sem samþykkt voru á Alþingi til að þóknast transhreyfingunni og fullorðnu fólki. Þessu fylgja ekki réttindin að stelpa geti farið í strákaklefann í skólanum og öfugt. Eða að barn geti keppt í íþróttum þess kyns sem það skráir sig. Líffræðin stjórnar hvort þú keppir sem strákur eða stelpa. Táknræn breyting og spurning hvort barn hafi þroska til að taka slíkar ákvarðanir.

Þessi skráning er í boð fyrir 15 ára og yngri (munum heilaþroskann) með samþykki foreldra.

Hægt að sækja um undanþágu á samþykki ef foreldrar eru mótfallnir breytingu.

Stríðsyfirlýsing frá Samtökum 78 gegn foreldrum. Þeir foreldrar sem af mikill ást og umhyggju vilja að barnið bíði þar til þroskinn er nægur til að barnið geti tekið ákvörðun er hent fyrir lest ef svo má segja. Samtökin 78 boða stríð gegn þeim foreldrum sem hafa velferð barnsins að leiðarljósi, vitandi að heilaþroskinn er ekki nægur til að taka svo afdrifaríkar ákvarðanir. Foreldrar sem vita að barnið er einhverft. Foreldrar sem vita að barnið eigi við andlega erfiðleika að stríða. Foreldrar sem vita að annað ami að barni en fá ekki greiningu. Foreldrar sem vita að anorexía er vandinn ekki kynið. Foreldrar sem vita að sjálfsskaði er vandinn. Svona mætti lengi telja.

Samtökin 78 telja sig umkomin til að segja foreldrum og kannski börnum að ólögráða börn geti sett sig upp á móti foreldrum vegna kynskráningar. Ekkert byggt á greiningu, heldur upplifun og tilfinningu barns. Foreldrahlutverkið, umhyggja og ást foreldra á barni sínu er tekin frá þeim af samtökum sem telja sig vita betur en foreldrar.

Þroski heilans hefur mikið að segja

Saga barns hefur mikið að segja hvernig heilastarfsemin þróast segir Lára G. Sigurðardóttir læknir. Því meiri erfiðleikar því lengri tíma tekur það heilann að þroskast.

Barn sem hefur átt erfitt telur sig hafa fundið réttu hilluna með því að vera trans. Margir hafa bent á þá staðreynd. Heilinn er enn í mótun og því auðveldlega hægt að snúa barni yfir á trans-lestina sýnist fullorðna fólkinu svo. Hér þarf að fara varlega.

Heili barns er viðkvæmari og sveigjanlegri. Síðan er hægt að eyðileggja heilann og starfsemi hans með hormónablokkandi lyfjum og krosshormónum. Þroski heila sem er í mótun stoppar eða hægir töluvert á honum við lyfjagjöf.

Í erindi Láru kemur fram að unglingar hugsa ekki mikið fram í tímann og sjá ekki afleiðingarnar af ákvörðunum sínum. Af hverju ættu unglingar að sjá 5 -10 ár fram í tímann afleiðingar ákvörðunar sem þau taka 12-14 ára um að þau ætli að vera hinsegin.

Samkvæmt finnska prófessornum Dr. Riittakerttu Kaltiala vaxa fjögur af hverjum fimm börnum frá því að vera hinsegin, fái þau að vera í friði, oftar en ekki enda þau sem samkynhneigð. Ekkert að því. Förum að ráði finnska prófessorsins, látum börn í friði, leyfum þeir að vera eins og þau eru. Engar félagslegar skráningar eða breytinga er þörf, bera virðingu fyrir þeim eins og þau eru.

Farsældarlögin á ekki að misnota gegn foreldrum.

 

Heimildir:
Lára G. Sigurðardóttir, læknir og doktor í lýðheilsufræðum on Vimeo

Finland Takes Another Look at Youth Gender Medicine – Tablet Magazine

Samtökin 22 – Hagsmunasamtök Samkynhneigðra | Facebook

Háskólastúdentar hafa í nógu að snúast

Undir kjörorðinu; Stöðvum heilaþvott í háskólunum: kynin eru bara tvö.

Háskolastúdentar höfðu nóg að gera við að deila út sannleikanum. 

Í upphafi skólabyrjunar hafa aðgerðasinnar í háskólunum í Danmörku verið á ferli til að mótmæla þeim áróðri sem ungir stúdentar verða fyrir í háskólum. Þeir fórum um og settu upp stóra límmiða til að minna fólk á sannleikann.

Í stað þess að veita nemendum vísindalega þekkingu eru þeim innrættar róttækar vinstrisinnaðar hugmyndir um kynjaóreiðu, femínisma, svokallaðs and-rasisma og margt fleira.

Frjálsri hugsun í háskólanum er ógnað af allt umlykjandi hinsegin hugmyndafræði og segja stúdentarnir sem hafa áhyggjur af þróuninni.

Hættum heilaþvotti og innrætingu í háskóla – kynin eru bara tvö! Þetta segja skynsamir háskólastúdentar í Danaveldi.

Þessi orð leiða hugann að íslenskum stúdentum. Hvenær rísa þeir upp gegn sömu innrætingu sem á sér stað í íslenskum háskólum. Ekki bara áróðrinum sem fer fram innan veggja skólans heldur í málfræðinotkuninni líka.

Það er þyngra en tárum taki þegar Háskólinn á Akureyri auglýsir viðburð og segir svo ,,öll velkomin.“ Þeir sem þekkja málfræðireglur vita að talað er um börn og dýr þegar orðið ,,öll“ er notað í þessu samhengi. Nei ekki háskólamenn á Akureyri, þeir virðast hafa gleymt málfræðireglunum.

Hlutverk málfræðireglna er að tryggja að tungumál sé rétt talað!

Hér má sjá ungu stúdenta að störfum. Vel gert hjá þeim.

Evrópusambandinu mikið í mun að trans-væða börn

Það er ekki að spyrja að ESB. Vilja hafa puttana alls staðar og öllu ráða. Nú mega ríki innan sambandsins ekki ráða hvort þau leyfa trans-áróður í skólakerfinu eður ei. Samkvæmt frétt frá Þjóðólfi, sem vitnar í útlenska miðla, beitir ESB Ungverjaland fjárkúgun til að þeir breyti um skoðun. Vonandi gera þeir það ekki.

Búlgaría bætist í hóp þeirra landa sem banna þennan áróður í skólakerfinu. Vel gert hjá þeim segir bloggari. Málaflokkurinn á ekki heima inni í leik- og grunnskólum, hvað þá áróðurinn sem fer það fram með myndum á veggjum og flöggun fána.

ESB reynir nú að  þrýsta á Búlgaríu og samtök sem hugnast ekki að áróðurinn sé fjarlægður úr skólakerfinu, hamast á þeim löndum sem vilja þetta ekki inn í skólakerfið.

Þessi hegðun ESB er lýsandi dæmi um hvernig löndin missa ákvörðunarrétt, eða allavega að honum sé ógnað, af stefnu sem vók-lið Evrópusambandsins hefur myndað um málaflokkinn. Auðvitað á hvert ríki að ákveða hvaða efni fer inn í grunnskólana. Hér á landi hefur þessi áróður tekið sér bólfestu, spurning hvernig hægt sé að koma honum út úr leik-og grunnskólanum.

Þetta er staðreynd fyrir margar foreldra.

Hér má lesa fréttina.