Endemis rugl er þetta

Það er ekki verkfallsbrot að foreldrar aðstoði börn sín við heimanámið. Kennarar í Lundarskóla á Akureyri fóru aðeins yfir strikið. Leyfa á nemendum að sækja skólabækurnar, sem eru í eigu skólanna, vilji þau læra í verkfallinu. 

Skólastjóri, húsvörður og ritari mega afhenda börnum bækur rétt eins og í leyfum kennara og jólafrí. 

Þessi ákvörðun kennara í Lundarskóla að hefna sín svona á nemendum sínum kann ekki góðri lukku að stýra, þeir eru í átökum við sveitarfélagið ekki nemendur sína.

Hver kennari ætti að fagna ef nemendur halda áfram með nám sitt í verkfalli þeirra, sýnir þrautseigju, vilja til náms og dugnað.

Foreldrafélagið á ekki að gefast upp. 

Foreldrum sagt að heimanám væri verkfallsbrot

Stendur hann við stóru orðin

Einn hópur manna vonaðist eftir sigri hans. Railey Ganes, sundkona, slóst í lið með honum. Ekki að ástæðulausu. Karlmenn sem skilgreina sig sem konur hafa tekið um 1000 titla sem tilheyra konum. 

Trump lofaði í kosningabaráttunni að loka fyrir þetta, banna karlmönnum sem skilgreina sig sem konu að taka þátt í kvennakeppni. Dásamlegt hljóta allar konur að hugsa. Þá vonandi lýkur þeirri kvennabaráttu.

Vonandi bannar hann tvöfalt brjóstnám á heilbrigða unglingslíkama líka og að þeir sem framkvæma slíkt eigi yfir höfðu sér fangelsinsvist. Þúsundir unglingsstúlkan hafa farið undir hníf læknanna undir því yfirskini að verið sé að hjálpa þeim. Öllu má nafn gefa.

Þá eru kosningar yfirstaðnar og menn geta hafið umfjöllun á verkum Trump.

Hér má hlusta á góðan fyrirlestur um málaflokkinn sem fluttur var á Barnamálaráðstefnunni sem haldið var í okt. s.l

Segja Trump nýjan forseta Bandaríkjanna

Varð formanni Félags grunnskólakennara á í messunni

Margir hafa undrast orð formanns Félags grunnskólakennara um kröfu kennara, milljón á mánuði. Menn velta fyrir sér hvort það hafi verið ásetningur hennar að segja þetta eða bara hrokkið upp úr henni. Mjöll er ekki vön að koma fram í fjölmiðlum og því gæti streitan haft áhrif.

Ekki bara að menn undrist, heldur spyrja líka af hverju ættu kennarar að fá milljón á mánuði. Hvar eiga sveitarfélögin að fá peninga? Ríkið, það á að hjálpa til. Skerðing lífeyrisréttinda var líka ríkisins. Og hvað gera sveitarfélögin þegar þeim vantar peninga, hækka skatta á íbúa. Nú nýverið var ákveðið að fæða öll börn sveitafélaganna og það kostar. Jafnvel sveitarfélög sem eru í taprekstri urðu að taka máltíðirnar á sig. Líka fyrir fólk sem hefur efni á að gefa börnum sínum að borða.

Eftir að Mjöll Matthíasdóttir lét þetta út úr sér með milljónina velta menn veikindarétti kennara og annarra opinberra starfsmanna fyrir sér. Sett í samhengi við almennan markaðinn en markmiðið var að jafna launin á milli markaða. Veikindaréttur opinberra starfsmanna er mun betri en fólks á almenna markaðnum. Á að jafna hann? Er það ekki réttlátt nú þegar krafan er að allt annað sé jafnað spyrja menn.

Verði kennari, sem kennt hefur í 18 ár, veikur á hann rétt á 12 mánaða launagreiðslum og 6 mánaða greiðslu úr sjúkrasjóði KÍ. Verði félagsmaður VR veikur, með sama starfsaldur, fær hann 6 mánuði á launum og 5 mánuði úr sjúkrasjóði stéttarfélagsins. Mismunun, já það finnst mörgum. Réttlátt segja ríkisstarfsmenn sem hafa sætt sig við lægri laun í áratugi.

KÍ skrifaði undir samkomulagið þrátt fyrir að ekkert hafi verið fast í hendi. Það er ljóst samninganefnd KÍ getur ekki bakkað með kröfuna um milljón á mánuði nema niðurlægja sig og stéttina með. Sennilega væri 100 þúsund til eða frá ekki tiltökumál, en að ganga frá samningaborði án þess að ná 80-85% af kröfunni, sem Mjöll talaði, yrði niðurlæging.

Rætt er um hvort kennarar eigi að grípa tækifærið og samþykkja breytingu á kjarasamningi og jafnframt að lengja skólaárið. Öllum er ljóst að fleiri og fleiri lenda í vandræðum með börn sín á meðan skólinn er lokaður yfir sumartímann. Kennarar geta selt sveitarfélögunum menntunarkaflann sem kveður á um að endurmenntun kennara skal vera 100 tímar á ári. Kennarar seldu kennsluafsláttinn, svo þeim er ekkert heilagt.

Vangaveltur manna eru margvíslegar, enda kjaramála kennara ekkert launungarmál.

Kvenkyns nemandi mótmælir

Stúlkan, Ahoo Daryaei, fór úr fötunum og gekk um í nærfötum. Það þarf mikið hugrekki til að gera þetta.

Það var í háskólanum þar sem hún nemur. Hvatning fyrir aðrar stúlkur.

Myndband er í dreifingu, auk þess hafa fjölmiðlar birt það. Gott fyrir alheim að sjá þessa fatakúgun.

Hún gekk um en eftir smá tíma var hún tekin höndum af siðferðislöggunni í Íran. Auðvitað, stúlkur mega ekki klæða sig eins og þær vilja.

Hún var sett inn í bíl og ekið á brott með hana. Hver eru afdrif hennar er ekki vitað.

Nemendahópar sem berjast fyrir frelsi segja að unga stúlkan hafi gert þetta til að mómæla ströngum kröfum klerkastjórnarannar. Munum Íslam. Stúlkan mótmælti ströngum kröfum þeirra um klæðnað kvenna.

Á myndbandinu má sjá margar konur, sem eru klæddar svörtu frá toppi til táar, Það er sá klæðaburður sem stúlkan mótmælir.

Hér er fjallað um málið.

Kennarar skrifa undir

Hér er slóð þar sem menn geta skrifað undir til að styðja baráttu stúlkna og kvenna. Það getur verið þú sjálf, dóttir þín, konan þín, móðir þín, frænka þín og allar hinar konurnar sem þér finnst vert að styðja.

Kennarastéttin og stór hluti heilbrigðisgeirans eru kvennastéttir og ættu að vera fremstar í baráttunni til að vernda réttindi stúlkna og kvenna. 

1. Réttindi kvenna byggjast á kyni þeirra

Kyn eru líkamlegir og líffræðilegir eiginleikar sem aðgreina karla frá konum. Réttindi kvenna og stúlkna ættu að byggjast á kyni, ekki ,,kynvitund".

2. Móðurhlutverkið er eingöngu kvenkyns staða

Mæðraréttindi og þjónusta byggjast á einstakri, kynbundinni getu kvenna til að ganga með og fæða börn. Þessi réttindi og þjónusta, og orðið ,,móðir" ætti að tilheyra einstaklingum af kvenkyni.

3. Líkamleg og æxlunarleg heilindi

Konur eiga rétt á að stjórna frjósemi sinni. Halda ætti uppi rétti kvenna og stúlkna til frjósemi og aðgengi þeirra að frjósemisþjónustu. Útrýma á þvinguðum þungunum, staðgöngumæðrum og læknisfræðilegum rannsóknum sem miða að því að gera körlum kleift að eignast og fæða börn.

4. Skoðana- og tjáningarfrelsi

Konur hafa rétt til að hafa skoðanir án afskipta. Þetta ætti að fela í sér réttinn til að hafa og tjá skoðanir um ,,kynvitund" án þess að sæta áreitni, lögsókn eða refsingu.

5. Friðsamlegar samkomur og samtök

Konur eiga rétt á friðsamlegum fundum og félagafrelsi. Þetta ætti að fela í sér rétt til að koma saman og umgangast fólk af sama kyni. Lesbíur ættu að hafa rétt til að koma saman og umgangast á grundvelli kynhneigðar sinnar. Kvennaþing og samtök ættu ekki að þurfa að hafa karla sem segjast hafa kvenkyns ,,kynvitund."

6. Pólitísk þátttaka

Búin voru til tækifæri og ákveðin vernd til að hjálpa konum að ná jafnri stöðu og karlar, svo sem þátttökukvóti. Þessi tækifæri og vernd ættu aðeins að gilda um kvenkyn einstaklinga og skulu ekki ná til karla sem segjast hafa kvenkyns ,,kynvitund."

7. Þátttaka í íþróttum og íþróttakennslu

Konur og stúlkur eru líkamlega frábrugðnar körlum og drengjum, á annan hátt en æxlunargeta. Til að konur og stúlkur hafi jöfn tækifæri í íþróttum verður íþróttaiðkun að vera einkynja.

8. Afnám ofbeldis gegn konum

Til að berjast gegn ofbeldi gegn konum og stúlkum ættu aðilar í stuðningsþjónustu að vera af sama kyni fórnarlambs, þar á meðal neyðarmiðstöðvar vegna nauðgunar og athvörf fyrir heimilisofbeldi. Til þess að búa til skilvirka stefnu til að útrýma kynferðislegu ofbeldi þurfum við nákvæm gögn og tölfræði um hver fórnarlömb og gerendur eru, þar á meðal kyn þeirra.

Stjórnmálaflokkarnir sjá um sig- almenningur borgar rekstur þeirra

Hlustaði á áhugavert viðtal við Skapta Harðarson formann félags skattgreiðenda. Þar segir hann, að flokkarnir sem sitji á þingi hafi samþykkt yfir 120% hækkun á fjárframlögum til flokkanna. Flokkarnir fengu 10 milljarða, já þú last rétt 10 milljarða af skattfé almennings undanfarin 15 ár. Hörður bendir á að þetta sé mesta spillingin í íslenskum stjórnmálum.

Flokkur fólksins og Píratar sátu hjá sem er aumingjakosning að mínu mati. Annað hvort ert þú hlynntur eða mótfallinn. Túlka það sem svo að þau vilji þessar greiðslur.

Engin umræða, hvað þá kosning er í samfélaginu um hvort almenningur vilji að stjórnmálaflokkar taki til sín svona mikið fé úr ríkiskassanum. Lítið fer fyrir vilja þeirra að lækka upphæðina.

Hvaða flokkur mun ganga fram fyrir skjöldu og lækka þetta rán sem ég kalla svo á almenningsfé.

Ástæða þess að Vinstri grænir vildu ekki kosningar fyrir áramót því fjárframlög til flokkana eru ákveðin 25. janúar og fer eftir gengi flokkana í síðustu kosninga. Miðað við allar spár mun Vg fá lítið fylgi og þá litla peninga. Eða ekki litla einhverjar milljónir fá þeir, deyjandi flokkur.

Svandís Svavarsdóttir reyndi með tveggja milljóna greiðslu til Kvenréttindafélagsins að kaupa atkvæði í komandi kosningum. Það félag hefur verið ,,vók“ megin í samfélaginu eins og Svandís sjálf. Á meðan fá félög sem aðstoða börn með geðrænan vanda fá ekki krónur frá formanni Vg meðan hún hafi ríkisfé til að deila út. Nei af öllum, atkvæðakaup Kvenréttindafélagsins.

Sorgardagur í dag 1. nóvember

Í dag öðlast ný lög gildi í Þýskalandi. Víða um heim mótmæla konur fyrir framan þýska sendiráðið. Þarna hefði Kvenréttindafélag Íslands átt að skipuleggja mótmæli líkt og kynsystur þeirra gerðu víða um heim.

Send var út tilkynning til fjölmiðla og í henni segir;

Við mótmælum þýsku lögunum ,, Gesetz über die Selbstbestimmung in Bezug auf den Geschlechtseintrag“ eða á íslensku, Lög um ákvörðunarrétt á kynskráningu. Eða bara sjálfákvörðunarlögin.

Framvegis getur maður breytt fæðingarkyni sínu með því að sækja um hjá þjóðskrá sem sér um skráningu þýskra borgara sem fæðast þar í landi.

Börn geta breytt kyni sínu. Ef barn er 14 ára á það sjálft að geta sótt um breytingu. Ef barnið er undir 14 ára eiga foreldrar að senda umsóknina og barnið á að vera til staðar þegar umsóknin er afhent. Ef barnið er 5 ára þarf það að gefa samþykki sitt fyrir umsókninni. Ef foreldrar eru ekki á einu máli getur fjölskylduhúsið tekið ákvörðun.

Fulltrúi Sameinuðu þjóðanna, Reem Alsalem, um ofbeldi gagnvart konum og stúlkum hefur áhyggjur af öryggi kvenna og stúlkna þegar lögin öðlast gildi. Alsalem hefur látið í ljós áhyggjur sínar á mannréttinum kvenna og stúlkna því sjálfákvörðunarlögin gleymdu að gera ráð fyrir hvað á að gera við þá karlmenn sem misnota lögin og taka sér rétt til að nota einkarými kvenna og stúlkna, almenningssalerni, kvennaathvörf, kvennafangelsi o.s.frv. Hvernig hafa menn hugsað sér að vernda stúlkur og konur?

Það eru sérstaklega konur sem hafa orðið fyrir ofbeldi sem geta fengið áfall að hitta karlmann í búningsklefa sundlaugar. Til að forðast það gætu þær valið að halda sig frá sundlaugum. En hvernig hafa menn hugsað sér að tryggja öryggi stúlkna og kvenna í búningsklefum?

Það verður forkastanlegt þegar lögin banna að spyrja einstakling hvort hann sé fæddur karlmaður, eða ef maður vill segja öðrum frá að í reynd er þetta ekki kona heldur karlmaður. Það verður bannað að vara stúlkur og konur við karlmanni, sem klæðir sig eins og kona, en er í reynd karlmaður.

Lögin gera 14 ára gömlu barni kleift til að breyta kynskráningu sinni án samþykkis foreldra. Lögin vernda ekki hagsmuni barna - sérstaklega stúlkna - og tryggja ekki að þau fái bestu mögulegu meðferð þegar þau glíma við ónot í eigin skinni og sjálfsmyndina á kynþroskaaldrinum.

Þýskaland tryggir ekki misnotkun á lögunum.

Hér má lesa meira um lögin.

Hér má sjá myndband sem hefur farið um eins og eldur í sinu. 

Hér verður mótmælt kl. 12 á hádegi. 

Oceanien:

Wellington, New Zealand

Asien:

Taiwan

Indien

Japan

Europa:

Berlin, Tyskland

Portugal

Paris, Frankrig

Belgien

Norge

Spanien

Milan, Italien

Luxemburg

Østrig

Bern, Schweiz

Holland

Edingburgh, Skotland

Dublin, Irland

London, United Kingdom

Reykjavik, Island

Nordamerika:

New York City

Atlanta, Georgia

Minnesota, Midtvesten

Chicago, Illinois

Los Angeles, Californien

San Francisco, Californien

Boston, Massachusetts

Montreal, Canada

Sydamerika:

Rio de Janeiro, Brasilien

Brasilia, Brasilien

Sao Paulo, Brasilien

 

Breyta þarf fánalögum

Þau orð Einar borgarstjóra að fáni Úkraínu muni blakta við hún hjá ráðhúsi borgarinnar þar til sigur Úkraínu er í höfn er óboðlegt. Hér er um ríkisstofnun að ræða og enginn þjóðfáni, annar en sá íslenski, á að blakta þar. Í undantekningatilfellum þegar ráðamenn annarra ríkja eru í heimsókn.

Mörg lönd eru í stríði. Borgarsjtóri ákveður að betra sé að styðja eitt land með flöggun fána en annars. Við flöggum fyrir landi sem var það spilltasta í heimi áður en stríði braust út. Skyldi það vera enn! Forseti Úkraínu neitar að halda kosningar og situr á forsetastóli án umboðs. 

Það kemur ekki nægilega skýrt fram í fánalögum að bannað sé að flagga öðrum fánum en þeim íslenska við opinberar byggingar en það þarf inn í lögin. Dæmin hafa sýnt það.

Sama á við um marga skóla, sem nota fánastangir sínar fyrir áróður sem nemendur og starfsmenn þurfa að hafa fyrir augum sér hvern dag. 

Hér má lesa fánalögin; 34/1944: Lög um þjóðfána Íslendinga og ríkisskjaldarmerkið | Lög | Alþingi

Allar konur ættu að vera sammála Rowling

Las frétt eftir Árna Sæberg um að Jón Magnússon sé sammála J.K. Rowling í skoðunum sínum um baráttumál kvenna. Ástæðan er að hann er á lista Sjálfstæðisflokksins. Allar konur ættu að vera sammála þeim.. Árni fellur í þá gryfju að apa upp hvað trans-hreyfingum finnst en ekki hver eru baráttu mál hennar. Hún segir alla mega vera eins og þeir vilja en ekki ganga á réttindi annarra fyrir að vilja vera eitthvað annað en þeir fæddust.

Í stuttu máli:

1. Trans-konur eru karlmenn sem skilgreina sig sem konur.

2. Trans-konur eiga ekki heima í kvennafangelsum.

3. Trans-konur eiga ekki heima í kvennaíþróttum.

4. Trans-konur eiga ekki heima í kvennaathvörfum.

5.Trans-konur eiga ekkert erindi inn í búnings- og baðklefa kvenna.

6. Trans-konur hafa ekkert með að ganga á mannréttindi kvenna.

 

Er ekki tímabært að blaðamenn flytji fréttir af því sem sannara er?

 

Ljótar lexíur grunnskólakennara!

Svo bregðast krosstré sem önnur, hver hefði trúað því að grunnskólakennarar ætli að kenna börnunum okkar jafn ljótar lífslexíur eins og raun ber vitni.

 

Þegar þeir taka höndum saman í verkfallsaðgerðum og ákveða að taka fyrir lítinn hóp saklausra barna og nota hann sem vopn í kjarabaráttu sinni spyr maður sig hvort þeim þyki alveg sjálfsagt að velja úr fórnarlömb, að mismuna og beita öllum mögulegum bolabrögðum til að ná fram markmiðum sínum. Allt á kostnað þeirra sem síst skyldi. Kannski er hugmyndin sú að kenna börnunum mikilvægi þess að berjast fyrir sínum eigin sérhagsmunum, jafnvel þótt það þýði að troða á réttindum annarra.

 

Ég velti líka fyrir mér hvort þetta sé ekki brot á jafnræðisreglu stjórnarskrárinnar, að fámennur hópur barna sé sviptur sínu námi, á meðan öll önnur njóta, en hvaða máli skipta landslög þegar kjarabarátta grunnskólakennara er annars vegar. Er ekki bara í góðu lagi að skapa fordæmi sem grefur undan grunngildum samfélagsins?

 

Sama gildir um Barnasáttmála Sameinuðu þjóðanna, sem tryggja á öllum börnum menntun án mismununar. Eru öll börn jöfn þegar ákveðið er að kasta hluta þeirra fyrir ljónin? Helgar tilgangurinn alltaf meðalið? Jafnrétti er greinilega ekki ofarlega í huga kennara sem hafa ákveðið að þessi alþjóðlegu mannréttindi eigi ekki við á okkar litla Íslandi.

 

Sömu sögu er að segja um siðareglur kennara, sem kveða á um að þeir skuli gæta velferðar nemenda sinna og sýna þeim virðingu, en kannski eru siðareglurnar bara tillögur, frekar en reglur því sum börn eru greinilega jafnari en önnur þegar kennarar ætla að ná fram betri launakjörum en aðrir landsmenn hafa þurft að gera sér að góðu í því árferði sem nú er.

 

Kannski ættum við bara að þakka kennurum fyrir þessa dýrmætu lexíu. Börnin okkar munu nú skilja hvernig heimurinn virkar í raun og veru. Þau munu sjá að jafnvel þeir sem eiga að vera fyrirmyndir og verndarar þeirra geta brugðist og sett sína sérhagsmuni ofar öllum öðrum. Það er víst í lagi að nota valdastöðu sína til að réttlæta mismunun ef málstaðurinn snýst um peninga!

 

En í alvöru talað, er þetta sú samfélagsmynd sem grunnskólakennarar vilja skapa? Engum dylst að kjarabarátta er nauðsynleg en það hljóta að vera til leiðir sem virða réttindi allra barna, óháð því hvaða skóla þau sækja. Við skulum krefjast þess að börnin okkar fái þá menntun sem þau eiga rétt á, án þess að vera notuð sem peð í kjarabaráttu kennara.

 

 

Höf: Einar Magnús Einarsson, birt með hans leyfi.