Verðskrá Aval- 60 þús á tímann!

Um samfélagsmiðlana gengur þessi mynd. Ekki að ósekju. Kostar 92 þús. krónur að fjarlægja eina mús. Klst. eða einingaverð 60 þúsund krónur. Límbakki sem fæst í búðum kosta 2 stk tæpar 400 kr. Keyrslan er rúmar 3000 kr. og ég spyr eftir hvaða km. gjaldi er keyrt? 

Vert að vara fólk við svona ræningjum því þetta er ekkert annað er rán. Fullorðin kona sem fær mús inn til sín hringir í fyrirtækið sem gefur sig út fyrir að koma meindýrum úr húsi. Dóttir konunnar Helga Helgadóttir tók mynd af reikningnum og setti á snjáldursíðuna.

Eins og Helga segir í færslu sinni ,,Meindýravarnir reykjavikurborgar =0 kr en ekki meindýravarnir reykjavíkur =92.295kr🤢 Símanúmerið 5811888 er hjá Lagnaviðgerðir Engihjalla 25."

Nokkuð ljóst að nafnaruglingur getur hæglega orðið þar sem nöfnin eru mjög lík. Ekki víst að fullorðið fólk átti sig á því. Hvort nafn með meindýravarnir og Reykjavík í nafninu.

Siðlaus viðskipti

Hjó eftir ,,Upp­runa­ábyrgð er staðfest­ing á því að ákveðið magn af grænni raf­orku hafi verið fram­leitt og með kaup­um á upp­runa­ábyrgð hafi kaup­and­inn styrkt fram­leiðslu grænn­ar raf­orku. Um leið fær hann rétt á að segja að hann noti um­rætt hlut­fall grænn­ar orku."

Hér eru menn plataðir. Engin raforka fer frá Íslandi og því getur ekkert fyrirtæki í Evrópu sagst nota hana. Þú færð vottorð á pappír, þú kaupir leyfi til að ljúga. Ekki flókið.

Stöðva á þessa starfssemi strax. Notir þú ekki vistvæna orku áttu ekki að láta sem þú gerir það af því þú keyptir pappír af fyrirtæki. Skaðar landið.

 

„Eru ekki að kaupa sér syndaaflausn“

Kæra gerendur

Það á ekki að aumka sig yfir gerendur. Kæra þá umbúðalaust. Svona ofbeldi getur leitt til dauða eða örkumlunar. Þeir sem meiddu drenginn vistvítandi eiga að gjalda fyrir gjörðir sínar. Vont að enginn grípi inn í atburðarásina. Fyrir ekki svo mörgum árum gerðu stúlkur eitthvað svipað við kynsystur sína með afdrifaríkum afleiðingum. Ofbeldi þessara drengja verður að stoppa með öllum tiltækum ráðum.

Hópárás á fjórtán ára dreng í Kópavogi

Skyldulesning

Bók Kolbrúnar er góð. Hún lýsir því á einlægan hátt hvernig hún sem fósturmóðir lendir í deilu foreldra barns. Hún lýsir svo vel hvernig mál geta þróast á verri veg. Hún lýsir því vel hvernig forsjárlaust foreldri er undir hælnum á forsjárforeldri sem vill beita kúgun og notar barn til þess. Hún lýsir svo vel þeirra skelfingu sem fólk þarf að ganga í gegnum þegar lögregla kemst í málið. 

Takk Kolbrún fyrir góða bók og lýsingu á málinu frá þinni hlið. Bókin ætti að vera skyldulesning foreldra.

Kolbrún segir sögu sína í hlaðvarpinu Ákærð

Ákærð í forsjárdeilu- bók Kolbrúnar

Þegar Kolbrún gaf út bókina ákvað ég að lesa hana. Eftir að ég hóf lesturinn gat ég ekki hætt. Kolbrún segir sína hlið á forsjárdeilu sem eiginmaður hennar á í við fyrrverandi eiginkonu. Margt kemur fram í bókinni sem margir kannast við. Ferðaleyfi fyrir barn. Töf á komu barns og jafnvel frestun um daga. Neikvæð skilaboð. Barni bönnuð þátttaka í gleði og sorg.

Kolbrún fer yfir málið gegn sér og eiginmanni sínum. Hann var dæmdur, ekki hún. Frásögnin varpar ljósi á hlið sem oftar en ekki gleymist. Hennar hlið. Mér þykir hún fara vel með málið. Vissulega varpar hún upp áleitnum spurningum. Margir kannast við eitthvað svipað.

Hvet fólk til að lesa þessa frábæru bók, vel skrifuð. Ég vil ganga svo langt að segja að bókin sé skyldulesning.

Kolbrún gaf bókina út á rafrænu formi sem og á PDF og er hún aðgengileg hér... https://4b0a31ef-bc4c-4878-8030-a22758d0c3d4.filesusr.com/ugd/25595d_e3ab68adf7fc46acaaa4a8bb0e02e7f1.pdf?fbclid=IwAR3HLH0ytyoCfu7oUA4xWHthEXzuBWikkdwFZaVlw9AcYhP92YQ_UTEejIc

Öfgafemínistar eru mættir á samfélagsmiðla til að rakka bókina niður. Klappstýrur fylgja eins og vera ber. Ein stúlkukindin reynir að sverta málstað Kolbrúnar, en við öðru er ekki að búast af henni og klappstýrunum. Sem betur fer minnkar álit landans á öfgafemínistum þar sem þeir eru eins og ryðguð plata og hafa eyðilagt meira en gert gagn. Öfgar gera aldrei gagn í samfélagi.

Passa hvort fyrir annað!

Nú ríður á samstöðumátt foreldra. Þeir ættu að skiptast á að passa hvort fyrir annað. Þannig styðja þeir verkfall láglaunafólksins. Börnin þekkja hvort annað og því ætti þetta ekki að vera vandasamt. Auk þess fá foreldrar innsýn í störf leikskólastarfsmanna.

Takið höndum saman og passið börnin hvort fyrir annað!

Hefur mestar áhyggjur af einstæðum foreldrum

Þetta sem koma skal

Athyglisverð viðbrögð stjórnmálamanna í borginni. Hluti af þessum stjórnmálamanna hafa farið mikinn í umræðunni um konur, kúgun þeirra og karlaveldi. Feta þær i sömu fótspor nú eða eru önnur sjónarmið sem hafa forgang? Sennilega verður þetta viðkvæði borgarinnar á komandi mánuðum, við alla viðsemjendur. Aðrir semja fyrir ykkur, farið eftir því. ,Í bók­un borg­ar­full­trú­anna er talað um sam­stöðu sem staðfest hafi verið með lífs­kjara­samn­ing­um sem und­ir­ritaðir voru í apríl í fyrra. „Enn frem­ur er full­yrt að „öll verka­lýðsfé­lög lands­ins sem lokið hafa samn­ing­um [hafi] samið á grunni þeirra“,“ seg­ir í yf­ir­lýs­ingu Efl­ing­ar."

Samningsumboð félagsmanna sé virt

Vantar á leikskólana

Dapurlegt að heyra af öllu fólkinu sem missir vinnuna. Eina ljósið er að næga vinnu er að fá vilji fólk vinna. Enn vanar fólk í leikskólana. Dvalarheimilin okkar þyrftu líka mannskap sem og ferðþjónustan, þar sem allt of margir tala bara útlensku.

Lenskan hér á landi er að fólk vill vilja...jafnvel þó atvinnulaust sé. 

Fimm sagt upp hjá Þjóðskrá Íslands