Verið góð við konur

Kona ein sá svo marga pósta á samfélagsmiðlum á dögunum þar sem konur voru spurðar af hverju þær væru ekki góðar ,,just be kind“ við þá karlmenn sem hafa af konum réttindi.

Hún sagðist hafa svarað þessum póstum, en óska nafnleyndar, bað fólk að nota svarið hennar ef það vildi svara svona póstum. Hún varar við að svarið sé langt. Engu að síður mjög mikilvægt.

• Nei, Verið góð. Vertu góður við lesbíur sem hafa nýlega verið neyddar til að hittast á laun og þrýst hefur verið á þær að ,,viðurkenna typpi“, ekki þá eru þær kallaðar þröngsýnar.  
• Verið góð við konur og stúlkur sem hafa þrælað sér í mörg ár í íþróttum aðeins til að sjá sæti þeirra og verðlaun hverfa til karlmanna eða sem hafa slasast af völdum karlmanna sem spila í kvennaliðum.
• Verið góð við viðkvæma kvenfanga sem eru lokaðir inni með körlum sem hafa verið dæmdir fyrir ofbeldisglæpi og kynferðisofbeldi.
• Verið góð við alvarlega veikar og fatlaðar konur sem þurfa nána umönnun frá kvenkyns umönnunaraðila, en hafa þess í stað neyðst til að þola snertingu karlmanns.
• Verið góð við konur sem hafa verið rannsakaðar af karlkyns lögreglumönnum í stað kvenkyns.
• Verið góð við konur og stelpur sem geta ekki skipt um föt án þess að getnaðarlimur blasi við þeim.
• Verið góð við konur sem hafa upplifað áfall vegna mikilla tíðablæðinga eða fósturláts og hafa þurft að takast á við það á almenningssalernum á meðan karlar standa og horfa á.
• Verið góð við konur og stúlkur á sjúkrahúsdeildum sem þurfa næði, öryggi og reisn á meðan þær eru veikar.
• Verið góð við konur sem þurfa sárlega á kvennaathvarfi að halda eingöngu fyrir konur, eða hópa þolenda nauðgunar.
• Verið góð við konur sem hafa verið lagðar í einelti og hafa þurft að hverfa frá vinnu, sagt upp störfum á meðan stéttarfélög þeirra stóðu hjá og gerðu ekki neitt, eða tekið þátt í eineltinu.
• Verið góð við konur sem hafa verið reknar út úr eigin rými, út úr brjóstagjafahópum og stuðningshópum vegna legslímuflakks, brjóstnáms, meðgöngu og tíðahvörfum bara fyrir að tala um að karlmenn hafi gengið til liðs við okkur.
• Verið góð við þær mörgu, mörgu konur sem hafa fengið móðgandi, ógnandi, ofbeldisfull og kynferðisleg skilaboð fyrir að þora að segja að konur ættu að hafa einhver réttindi.
• Verið góð við þær konur sem hafa verið neyddar til að standa í dómssal og vísa opinberlega til karlkyns nauðgara síns sem ,,hún."
• Verið góð við þær konur sem hefur verið öskrað á og slaufað af fjölskyldumeðlimum eða svokölluðum vinum fyrir að hugsa um konur.
• Verið góð við konur, því guð veit, að við konur megum stundum eiga okkar eigið.

 

Heimild.

Formaður Kennarasambands Íslands sakar karlkennara um kynbundið ofbeldi

Þegar leitað er til stéttarfélags þá spyr maður um réttindi, fær upplýsingar eða eitthvað bjátar á. Formaður KÍ segir að kynbundið ofbeldi geysa um skólakerfinu. Maður verður að álykta svo að mörg mál hafi komið inn á borð KÍ þegar Samfylkingarmaðurinn og formaður KÍ lætur það út úr sér.

Hann segir félagsmenn verða varir við faraldur; kynbundið ofbeldi. Framhaldið má lesa hér...Formaður Kennarasambands Íslands sakar karlkennara um kynbundið ofbeldi - Forsíða

Enginn spurði gagnrýnna spurninga um skyndilega ákvörðun dóttur okkar að breyta kyni sínu

Þetta er fjórða af fimm greinum sem mæður skrifa í tengslum við árs afmæli Cass skýrslunnar. Feitletrun og milli fyrirsagnir eru þýðanda.

Eftir mjög langa einangrun, mikla notkun á samfélagsmiðlum, sérstaklega TikTok og nýja vini í LBGT umhverfinu byrjaði dóttir okkar að skilgreina sig sem ,,kynfljótandi“ og síðar kyngervil.

Framhaldið má lesa á Fréttin.is, Enginn spurði gagnrýnna spurninga um skyndilega ákvörðun dóttur okkar að breyta kyni sínu - Frettin.is

 

LGBT+ Danmark vill takmarka tjáningarfrelsi fólks

Samtökin, LGBT+ Danmark, vinna að því hörðum höndum að fá tjáningu sem kallast ,,Pre Crime“ í dönsk lög. Lögfræðingur samtakanna er þar á fullu. Í ágúst á síðasta ári var viðtal við lögfræðinginn sem samtök lögfræðinga tók  við hann. Þar sagði hann; ..Við [þ.v.s. LGBT+ Danmark] óskum eftir að hatursorð og áreitni verði skrifað sem sjálfstæðar greinar í lögun.“  Lotte Ingerslev sagði frá þessu.

Í lagastefnu LGBT+ í Danmörku má sjá óskir lögfræðingsins endurspeglast. Eitt af pólitískum markmiðum samtakanna er: ,,Gerir það mögulegt að skrá hatursdrifna áreitni sem sjálfstæðan glæp í hegningarlögum."

Þetta eru mikil vonbrigði - og svolítið ógnvekjandi. Spyrill Lögmannafélagsins (ónefndur) spyr engra gagnrýnna spurninga af neinu tagi. Viðtalið virðist næstum eins og kynning á LGBT+ Danmörku, sem væri verðugra að hafa í Billed-Bladet.

Þetta hljómar eins og LGBT+ Danmark vilji sama ástand og ríkir í Bretalandi. Það má furðu sæta því nú hefur USA gert alvarlegar athugasemdir við skerðingu á tjáningarfrelsinu í Bretlandi og víðar í Evrópu, ekki að ósekju.

Þegar dómur Hæstaréttar Bretlands er svo hafður til hliðsjónar má vissulega setja spurningarmerki við svona ólög sem lögfræðingurinn vill fá, en hann á hagsmuna að gæta.

 

 

Enginn stjórnmálamaður fagnar með konum og stúlkum

Enginn stjórnmálamaður fagnar dómi Hæstaréttar Breta. Konur og stúlkur fengu réttindi sín aftur, en kyngervlar hafa krafist skerðinga á réttindum kvenkynsins. Engum stjórnmálamanni á Íslandi finnst sigur stúlkna og kvenna þess virði að fjalla um hann.

Sú herferð sem stjórnmálamenn eru í gegn konum og stúlkum til að þóknast örhópi og færa honum sérréttindi, á kostnað kvenna, virðist hugnast þeim vel. Passar vel inn í dyggðarskreytingu stjórnmálamannsins.

Þingmenn hafa í gegnum lög frá Alþingi haldið konum og stúlkum niðri. Líka þeir stjórnmálamenn sem þykjast vinna fyrir konur. Viðreisn, Vg, Píratar og Samfylkingin eru allt flokkar sem setja trans-hugmyndafræðina ofar réttindum kvenna sem þeir gefa skít í. Kannski gerir Flokkur fólksins það líka!

Þögnin, er hún til að neita staðreyndum, eru stúlkur og konur öruggar í framtíðinni með þessa flokka við stjórnvölinn?

Þegar Hæstiréttur hefur ákveðið að aðeins líffræðileg kona er kona þá gildir það. Kvengervill er ekki kona.

Að konur hafi þurft í dómsmál, og alla leið til Hæstaréttar, til að fá úr því skorið hvað kona sé og endurheimta réttindi sín, er sök stjórnmálamanna, elíturnar sem styður kyngervla og samtök þeirra sem og fjölmiðla sem hafa tekið þátt í að gera lítið úr konum og stúlkum.

Kvenfyrirlitning og hatur í garð kvenna

Kvenfyrirlitningin í trans-hugmyndafræðinni er svo sterk að fólk virðist ekki geta meðtekið hana.

Í London ákváðu kyngervlar og aðgerðasinnar að mótmæla því að kona er kona. Þar ríkti mikið kvenhatur. Ástæðan er að konur vilja halda í réttindi sín og vera laus við kvengervla á svæðum sem ætluð eru konum.

Svo lengi sem það finnast hópar á netinu, þar sem tugþúsundir manna safnast saman til espa hvorn annan upp og til að beita ofbeldi, hvetja til nauðgunar, tilrauna til manndrápa og dráp á konum verða konur að vera lausar við kvengervla.

Trans-aðgerðasinnar sýna aftur og aftur hve mikið hatur þeir bera í garð kvenna.

Stjórnmálamenn bera hér gífurlega ábyrgð með þeim lagasetningum sem þeir hafa farið með í gegnum þingin, á kostnað kvenna.

Kvengervlar reyna með öllum ráðum að komast inn í kvennarými í stað þess að tala og berjast fyrir eigin svæðum. Það segir konum allt sem segja þarf.

Kvennabaráttan er öðru vísi

Það er athyglisvert að á engum tímapunkti hefur baráttan fyrir réttindum kvenna sýnt hatur gagnvart karlmönnum hvað þá að takmarka tjáningarfrelsi þeirra.

Athugið, aldrei hefur baráttan fyrir réttindum kvenna birst sem hatur á körlum, eða löngun til að svipta þá frelsi sínu til að tjá sig eða hafa af þeim einkarými eða nokkru öðru, aldrei. Baráttan hefur aldrei snúist um að karlar séu beittir ofbeldi, kynferðisofbeldi, nauðgunum, morðtilraunum eða myrtir. ALDREI.

Munurinn er gríðarlegur.

 

Tveir kvengervlar og einn karl sitja á sakamannabekk - brutu á barni

Hæstaréttardómurinn, sem norskir stjórnmálamenn, lögfræðingar og blaðamenn tala næstum ekkert um er frá nálægu landi. Réttaröryggi kvenna og barna er jafn illa tryggt og í Bretlandi segir Elin P. Gregusson

Hér á landi er sama sagan, engin umfjöllun um málefni sem á að prýða allar forsíður fjölmiðla.

Elin segir, fljótlega hefjast réttarhöld í Bergen. Þrír karlmenn, 36, 44 og 45 ára, hafa verið ákærðir fyrir sársaukafulla, grófa og mjög skaðlega líkamsárás gegn stúlku undir lögaldri, þar á meðal í Pride-göngunni. Það var barnavernd sem bar ábyrgð á barninu. Með öðrum orðum, auðvelt fórnarlamb.

,,Breyttu“ kyni sínu

Tveir sakborninganna hafa ,,breytt" kyni sínu og nöfnum í kvenmannsnöfn og klæðast kvenmannsfötum, kvengervlar. Ofbeldinu var beitt með því sem trans aðgerðasinnar kalla ,,getnaðarlimur konu.“

Trans aðgerðasinnar vilja ekki að slík mál séu rædd opinberlega, því það skapar viðbjóð hjá almenningi. Þeir ,,endurkynja" mennina tvo til að viðhalda þeirri frásögn að karlar sem segjast vera konur tilheyri ,,viðkvæmum minnihlutahópi".

Þannig er raunveruleikanum snúið við um 180 gráður. Noregur og önnur vestræn ríki hafa farið af öllum hjörum, í skjóli þess sem kallað er ,,fjölbreytileiki" og ,,sjálfsmyndarstjórnmál".

Takk og aftur takk æðstu lögfræðingar á æðsta dómsstigi, sem hafa skrifað þennan dóm.

 

Gleðiganga Kaupmannahafnar (Copenhagen Pride) hafnar lesbíum

Það sannast enn og aftur að trans-hugmyndafræðin ríkir hjá trans-Samtökum víða um heim. Jafnvel samtökum eins og trans-Samtökunum 78 sem upphaflega voru stofnuð af samkynhneigðum til að berjast fyrir réttindum þess hóps. Áður fyrr vantaði upp á réttindi hópsins, í dag hafa allir sömu réttindi a.m.k. í hinum vestræna heimi.

Nú fara trans-Samtök gegn þessum hópum, hommum og lesbíum, því allir eiga að vera trans. Það er svo flott. Samtökin í Danmörku hafa sent frá sér yfirlýsingu að þeir styðji trans gegn lesbíum. Sömu samtök halda fram því ómögulega- að hægt sé að skipta um kyn. Sýnir hversu djúpt fólk er sokkið í hugmyndafræðina.

Nú er það alþingismanna að senda þeim björgunarhringinn og benda á að kynin eru tvö, ekki er hægt að skipta um kyn, enginn fæðist í röngum líkama (því þú yfirgefur ekki líkama þinn) og kyni er ekki úthlutað við fæðingu eins og hugmyndafræðin kveður á um.

 

Nú geta kvengervlar (karlmenn sem skilgreina sig sem konur) lifað eigin lífi og látið réttindi kvenna í friði

Tímamótadómur var kveðinn upp í Hæstarétti Bretlands m.t.t. jafnréttislaga. Kona er kvenkyns fullorðin einstaklingur.

Engin kona er með typpi eða pung, það eru kvengervlar sem hafa ásælst réttindi kvenna. Þeir hafa ásælst  einkarými kvenna, kvennaathvörf, íþróttir kvenna, kvennaorðin og athafnir sem tilheyra bara konum. Nú er það vonandi búið. Allavega í Bretlandi og verður vonandi um allan heim.

Þegar kvengervlar hafa fengið þetta á hreint geta þeir lifað sínu lífi áfram án þess að ásælast í það sem er kvenmanna. Karlmenn með XY-litninga, pung og typpi eru ekki konur og Hæstiréttur var skýr í orðum sínum, líffræðin stjórnar þegar lög og réttindi kynjanna eru annars vegar.

Dómurinn hefur ekkert með óbeit á trans-fólki að gera, heldur sjálfsögð réttindi kvenna, að halda í réttindi sín og virðingu. Dómurinn gaf þeim þetta til baka.

Það er þyngra en tárum taki að það þurfi Hæstarétt til að segja fólki hvað kona er. Kona var, er og verður alltaf eins, fullorðin kvenkyns einstaklingur og enginn eða ekkert fær því breytt.

Hvaða réttindum finnst kvengervlum konur hafa tekið af þeim? Getur einhver svarað því?

Að fara inn á kvennasnyrtingar?

Að fara inn í sturtuklefa kvenna?

Að kvennaathvörf séu fyrir konur?

Að einungis konur afpláni í kvennafangelsi?

Að bara stúlkur og konur stundi kvennaíþróttir?

 

Konunum hótað lífláti

Konurnar sem fengu úr því skorið hvað kona er samkvæmt lögum fá nú líflátshótanir og önnur hatursfull skilaboð. Kvenhatrið er þvílíkt í hinum friðelskandi örhópi kyngervla og meðreiðarsveinum þeirra að venjulegum manni blöskrar. Nú hafa þeir sýnt sitt rétta andlit. 

Fimm dómarar tóku afstöðu með baráttuhópnum For Woman Scotland (FWS) um að vernda ætti einkynja rými og verndin gildir um kvenkynið. Þessi ákvörðun markaði endalok á langvarandi lagadeilu sem mun hafa áhrif á hvernig tekið verður á málefnum kyngervla og kynbundinna réttinda í Bretlandi.

Það sem hinn heilviti maður vonar, er að keðjuverkun verði af dómnum í öðrum löndum. Að sannleikurinn og raunveruleikinn nái til allra í heiminum, kynin eru tvö.

Borið hefur á mikill skautun í viðbrögðunum eftir að dómur féll. Konurnar sem stóðu fyrir dómsmálinu hafa fengið gífurlegt hatur yfir sig á netinu. Það skal tekið fram, að það er frá fólkinu sem vill að konur sætti sig við að missa réttindi sín. Þetta er hópurinn sem á að taka tillit til því hann er örhópur og á svo bágt. Hópurinn á ekki meira bágt en svo að þeir geta sent frá sér haturfull ummæli, morðhótanir og hótanir um kynferðislegt ofbeldi.

Hótanir í garð kvenna

Ein skilaboðin hljóma svo; ,,Þið eruð hópur ógeðslegra morðingja og eigið skilið að deyja. Guð mun rífa þig frá fjölskyldu þinni einn daginn og enginn mun syrgja þig.“

Önnu skilaboð hljóma svo; ,,Ómennska þín fær mig til að æla. Þið heimsku konurnar ættuð að skammast ykkar fyrir að vera svona heimskar.“ Það má spyrja, af hverju vill kvengervill vera kona úr því álit hans á konum er þetta!

Susan Smith, ein af baráttukonunum sagði ,,Það myndi aldrei hvarfla að okkur að senda svona orðljót skilaboð eins og þessi eða kalla andstæðinga okkar ljóta. En við fáum þetta á hverjum degi.“

Marion Calder bætir við; ,,Því miður er nánast óhjákvæmilegt að konur tali fyrir réttindum sínum og sé ógnað af reiðum körlum. Þetta er gömul saga og ný.“

Það er kaldhæðnislegt að þessi hópur haldi að þeir séu hliðhollir ,,framförum“ ,,góðvild“ og ,,mannréttindum“, en þeir eiga ekki í neinum vandræðum með að beita ómannúðlegu kynferðislegu ofbeldi og hóta grófu ofbeldi.

Síðastliðinn laugardag söfnuðust nokkur þúsund mótmælendur í miðborg London til að mótmæla úrskurði dómstólsins. Margir veifuðu Pride fánanum og héldu á handgerðum spjöldum til að mótmæla stjórnvöldum og sérstaklega heilbrigðisráðherranum Wes Streeting sem einn fárra þingmanna hefur talað máli sannleikans um kynin.

 Pissuðu utan í styttur, standandi

Kvengervlar pissuðu standandi utan í styttur á mótmælafundinum, en þeir þykjast vera konur. Það vita allir að engin kona pissar standandi á þann hátt sem karlmaður gerir.

Stytturnar sem karlarnir pissuðu utan í, eins og hverjir aðrir hundar, eru af Winston Churchill og Millicent Fawcett sem að auki var skemmd með slagorði frá trans-aðgerðasinnum.

Lögreglan gerði ekki tilraun til að stoppa lýðinn sem gekk óhindraður að Parliament Square og Green Park. Lýðurinn hrópaði slagorð ,,Wes Streeting, blóð á höndum þinum“ og ,, F*** dómurunum, brennið dómstólana.“ Aðrir hrópuðu ,,Trans-frelsun, engin aðlögun.“

Kúgun vegna sannleikans

Stofnandi Mumsnet heldur fram að síðan hafi verið sett á ,,svartan lista“ eftir að þeir hýstu auglýsingar stjórnvalda um málefni trans-fólks.

Justine Roberts sagði fyrirtækið hafa uppgötvað árið 2022 að fjölmiðlastofan sem keypti auglýsingar fyrir stjórnvöld setti þær ekki á síðuna. Roberts telur að embættismenn sem unnu fyrir Boris Johnson, fyrrverandi forsætisráðherra, hafi snúið þessu við og sögðu; ,,Við erum ekki á móti trans. En við teljum að konur hafi rétt á að vekja athygli á kynbundnum réttindum sínum.“

Trans-aðgerðasinnar beindu spjótum sínum að vörumerkjum á samfélagsmiðlum og sögðu þeim að auglýsa ekki hjá Mumsnet og reyndu að loka á umræðuna um verndun einkynja rýma.

Eftir Covid urðu hlutirnir verulega erfiðir. Við þurftum að taka erfiðar ákvarðanir, þar á meðal uppsagnir“ sagði Roberts. Við höfum farið, á nánast einni nóttu, frá heimi þar sem sannleikurinn um kynin tvö var raunveruleikinn í það að slíkt var talið hatursfullt. Svona umhverfi gerðu fyrirtækjum erfitt fyrir. Þessa dagana vekja auglýsendur sjaldan athygli á málaefninu.

Heimild.

 

Dóttir mín fór í ríkisstyrkta umbreytingarmeðferð

Þetta er þriðja greinin af fimm sem mæður skrifa vegna árs afmælis Cass skýrslunnar. Allar mæðurnar misstu börn sín í trans-hugmyndafræðina og hafa ákveðið að segja sögu sína. Feitletrun og milli fyrirsagnir er þýðanda.

Trans-áhrifavaldar fengu dóttur mína til að halda að hún væri strákur. Til að skilja ástand hennar varð ég að kafa ofan í trans-heiminn á netinu sem hún var svo upptekin af.

Dóttir mín er greind, kvenleg og viðkvæm stúlka Hún átti erfitt í skólanum á kynþroskaskeiðinu. Hún einangraði sig frá vinum og eyddi miklum tíma á netinu. Trans-áhrifavaldar áttu hug hennar allan. Hún hreifst líka að efni um félagsleg réttindi eins og Black Lives Matter og Pride. Hún eignaðist vin á netinu sem reyndist kyngervill /trans.

Þegar samfélagið lokaðist á Covid tímanum fór allt úrskeiðis og félagsmótun hennar færðist á netið.

Ég talaði við sálfræðing og hinsegin ráðgjafa sem báðar töldu þetta áfanga: Hún var unglingur og þau gera tilraunir. Okkur var ráðlegt að staðfesta kynsegin sjálfsmynd hennar og nota þar til gerð fornöfn í stað ,,hún“ og ,,hana.“ Ég sætti mig við það.

Leitaði ráða

Ég leitaði samt ráða og leiðsagnar sem allar enduðu hjá LGBT+ Danmörku. Hér hló ég að orðabókinni með 72 kynjum, sem var fáránlegt í mínum augum. Ég hafði lesið Judith Butler á námsárunum, þannig á fullorðinsaldri sá ég allar leiðbeiningarnar og ráðin sem voru byggð á hinsegin kenningum, jafnvel sett fram sem almenn þekking. Hinsegin fræði er fræðileg og heimspekileg nálgun sem á uppruna sinn í Bandaríkjunum þar sem kyn er talið vera félagsleg uppbygging. Það er að segja karl sem segist líða eins og kona sé kona, alveg jafn mikið og kona.

Fyrir 13 ára dóttur mína var erfitt að skilja blæbrigði kynjamálsins. Kennarar hennar og sálfræðingar fóru að vísa til hennar sem ,,þeir“ og við fylgdum eftir. Við gengum svo langt að panta bindi. Bindin eru notuð til að fletja út brjóstin til að láta líta út sem stúlka sé ekki með brjóst. Vegna þrýstings á rifbeinin getur það haft áhrif á öndun, rifbein, vöðva, lungu og bak og það má ekki nota bindið meira en 6-8 tíma á dag. Þrátt fyrir þetta urðu samskiptin lítil og hún einangraði sig á herberginu.

Notaði netið til að afla sér þekkingar

ÉG leitaði á netinu til að öðlast þekkingu um kynvitund og uppgötvaði heim hugmyndafræðilega hinsegin fræðsluefni. Á TIKTOK og Youtube voru myndbönd af áhrifavöldum, læknum, sálfræðingum og frægu fólki sem talar um hversu gott, hugrakkt og lífsstaðfestandi það væri að vera kyngervill.

Sérstaklega má geta Dr. Sidhdh Gallagherer lýtalæknis sem sýndi sig með stolta sjúklinga sína, allt ungar stúlkur og konur sem höfðu farið í brjóstnám af því þær skilgreindu sig karlgervil eða kynsegin. Aðgerð sem þeir kölluðu skammstöfun og toppskurðaðgerð, en ekki það sem það er í reynd; brjóstnám eða aflimun bjrósta.

Áhrifavaldarnir

Ég er nokkuð viss um að dóttir mín hafi orðið fyrir áhrifum af myndböndum læknisins eða sumra sjúklinga hennar.

Ég rakst líka á unga áhrifavalda sem deildu trans-ferðalagi sínu með hormónum og skurðaðgerðum í leit að því að vera ,,ekta sjálf“ og veittu á sama tíma mikla ,,þekkingu.“ Einn þeirra Jamie Dodger; Samúðarfullur og heillandi karlgervill (kona sem vill vera karl) sem að mínu mati, talar eyrun af fólki.

Sem fullorðin og trúlaus kona þvertók ég fyrir skýringar hans um kynvitund, sem voru annað hvort bundnar við töfra hugsun, hugmyndina um kynbundna sál eða staðalímyndir kynhlutverka.

Nú er ég ekki ung og rugluð stelpa, heldur fullorðin kona og móðir sem barðist sjálf við staðalímyndir kynjanna, svo ég keypti ekki hinsegin fræðilegu skilaboðin og leitaði frekar.

Í trans-samfélaginu var höfundur Harry Potter, J.K. Rowling einn stærsti óvinurinn (ef ekki sá stærsti) og allir segja að hún sé trans-fóbísk og maður eigi ekki að hlusta á hana. Ég las eftir hana og ég sá enga trans-fóbíu í því.

Reyndar var ég sammála öllu sem hún skrifaði.

Stærsta opinberunum sem ég hins vegar fékk var þegar ég rakst á Lisu Kittmann og fyrirbærið sem hún lýstir ROGD, Rapid Onset Gender Dysphoria. Þá fyrst skildi ég þroska dóttur minnar. Nafnið þýðir nefnilega ,,skyndilegt upphaf kynama“ og það lýsir fyrirbæri þar sem ungt fólk (sérstaklega stúlkur/konur) fá skyndilega ónot í eigin skinni, oft á kynþroska aldri án einkenna í æsku og oft vegna félagslegs smits.

Það passaði nákvæmlega við dóttur okkar, sem var ógnvekjandi.

LGBT+ Danmörk og vonbrigðin

Í leit minni að leiðsögn hef ég orðið fyrir miklum vonbrigðum með hversu litað LGBT+ Danmörk var í nálgun sinni á kyni og kynhneigð. Þeir þegja þegar kemur að ,,detransitions“ (þ.e. þeim sem sjá eftir kynskiptum) og ROGD.

Ég er líka vonsvikin með danska fjölmiðla. Það eru til óteljandi þættir um trans-fólk en ekkert um ROGD, ekkert um þá sem sjá eftir og ekkert um félagslegt smit.

Barnarás Danska ríkissjónvarpsins, Ultra, hefur t.d. framleitt myndband þar sem ljúf ung kona útskýrir kynvitund sem staðreynd og vísar rugluðum börnum og ungmennum til LGBT+ Danmörk. Þeim er líka vísað til Félags um stuðning við trans-börn (FSTB) og á samtökin Kyn og kynlíf sem ég tel mjög hugmyndafræðileg, öll með tölu.

Sem dæmi skrifa samtökin Kyn og kynlíf: ,,Hvað þýðir að vera trans? Sumt fólk er ekki og vill ekki vera það kyn sem þeim er úthlutað við fæðingu.“ Og FSTB trúir því að börn geti verið kyngervill og að jafnvel ung börn ,,viti“ að þau fæddust í ,,röngum líkama.“

Fullorðins útskýringar fyrir börn

Þetta eru hinsegin fræðilegar fullyrðingar hjá fullorðnum og það kemur mér á óvart að DR, sem greitt er af samfélaginu, vísar börnum og ungmennum til þessa stofnana. Allt trans-efni sem DR framleiðir sé ég sem ríkisstyrktan hinsegin áróður.

Sama má segja um LGBT+ Danmörku, Kyn og kynlíf og FTSB sem öll eru ríkisstyrkt, en án þess að við sem samfélag gerum kröfur um sönnunargögn og hlutleysi í starfi.

Opinberir sjóðir styðja upplýsingaherferð sem gefur börnum, ungmennum og okkur foreldrum þá tilfinningu að ónot í eigin skinni stafi af því maður er ,,fæddur í röngum líkama“ og að hamingjan bíði handan við kynskipti. Mér finnst það algjörlega óábyrgt þegar rannsóknir benda til þess að flestir muni í raun vaxa upp úr ónotunum í eigin líkama og að hér sé um félagslegt smit að ræða.

Fjölskyldumeðferð

Að lokum fórum við í fjölskyldumeðferð þar sem dóttir okkar fékk aðstoð við að koma tilfinningum sínum í orð. Á þessu tímabili var hún skoðuð frekar og fékk einhverfu greiningu sem skýrði margt.

Þegar kyn bar á góma hættu öll samskipti. Einhverfan veldur að ágreiningur er oft álitinn skortur á samþykki og hatri, og af þeirri ástæðu var erfiðara að eiga samskipti við hana. Það hefur ekki hjálpað að margir trans-áhrifavaldar segja hiklaust að ,,Ef foreldrar þínir samþykkja ekki (í blindni) trans-sjálfsmynd þína, hata þeir þig.“ Þeir ljúka máli sínu á; ,,En við erum fjölskyldan þín núna- glimmerfjölskyldan þín.“

Hvarf smá saman

Dóttir okkar sökkti sér æ meira ofan í þessa áhrifamenn á netinu. Henni versnaði; Svaf á daginn og vakti á næturnar.

Einn daginn tilkynnti hún okkur að hún væri strákur.

Þar hætti ég að styðja þetta og nota ekki fornöfnin sem hún óskaði eftir. Eiginmaður minn hafði líka áhyggjur. Við sögðum henni að hún fengi ekki hormón.

Dóttir mín var reið allan tíma. Kannski hélt hún að við hötuðum hana. Við foreldrarnir gengum á eggjaskurn. Ég vaknaði oft með dúndrandi hjartslátt og grét mig í svefn eftir seinni daginn sem hún sagðist vilja í ,,toppaðgerð – snip snip!“ og vildi hormóna.“

Hún var ekki hún sjálf og hegðun hennar breytt. Hún þuldi sömu möntrurnar sem ég hafði heyrt frá trans-áhrifavöldum. Það var heilt handrit og sem góður nemandi kunni hún það utanbókar.

Þegar ég deildi áhyggjum mínum í skólanum afhentu þeir mér engu að síður bækling frá FSTB (hvaðan fengu þeir hann?).

Leitaði til fagaðila, bent á hugmyndafræði félög

Þegar ég leitaði til einhverfu sálfræðinga sá ég að þeir notuðu Normstomerne (hugmyndafræðilegt félag sem býr til fræðsluefni) til að kenna um kynhneigð og kynvitund einhverfra, eða tjáðu sig mjög hugmyndafræðilega sjálfir.

Það var ómögulegt að vera vísað annað er til félaga og samtaka sem kynntu hinsegin kenningar gagnrýnislaust í ,,ráðgjöf“ sinni. Svekkt með tilfinninguna að vera ein í heiminum fór ég aftur á netið og fann loks stuðning hjá sálfræðingnum Sasha Ayad, samtökunum Genspect og öðrum foreldrum í sömu sporum.

Sértrúarsöfnuður

Undanfarin ár hefur okkur tekist að halda samskiptunum við dóttur okkar opnum. Það er erfitt þegar barnið þitt endaði í ,,sértrúarsöfnuði“ sem getur náð til hennar á netinu og utan þess. Eftir því sem hún þroskast höfum við getað deilt meira af hugsunum okkar um kynvitund í rólegheitunum.

Við sjáum að líðan hennar batnar hægt og rólega í tengslum við kyn sitt og líkama. Og við höldum í vonina um framtíðina og að hún eyðileggi ekki líkama sinn.

En trans-sjálfsmyndin er enn stór hluti af lífi hennar og það verður ekki auðvelt fyrir hana að brjótast undan líkamsbreytingarmenningunni. Félagsleg umskipti er ekki hlutlaus athöfn án afleiðinga.

Ég veit þetta nú af reynslu, ekki bara tilfinning.

Þess vegna er það líka ótrúlegt að LGBT+ Danmörk þrýsti á um að banna ,,umbreytingarmeðferð gegn trans-fólki“ þegar það sjálft stundar það á svo háu stigi sem raun ber vitni. Þau kenna börnum og ungmennum sem eiga í erfiðleikum að kynskipti séu möguleg og að vanlíðan þeirra geti horfið ef þau ,,breyta“ og verða hitt kynið.

Trans-Samtök misnotað hugtakið, dóttir mín fórnarlamb þeirra

Þeir misnota hugtakið algerlega og nýta sér þá staðreynd að flestir Danir þekkja aðeins trúarlega ,,meðferð“ gegn samkynhneigðum og auðvitað eru þeir á móti slíkri misnotkun. En þetta er tvennt ólíkt. Það er ekki ,,umbreytingarmeðferð“ að rannsaka rót ,,kynflótta“ barns eða ungmennis eða bjóða upp á hópsamtöl eða meðferð fyrir þá sem glíma við ónot í eigin líkama, og hjálpa þeim að sættast við hann, án hormóna. Sem foreldrar, meðferðaraðilar og samfélag þurfum við að geta spurt spurninga þegar einhver hafnar líffræðilegu kyni sínu, sérstaklega þegar það felur í sér læknismeðferð og skurðaðgerð. Þetta er eðlileg rannsókn.

Dóttir mín er eitt af fórnarlömbum þeirra og ég fyrirgef þeim aldrei. Þó svo hún forðist læknismeðferð þá hefur hún eytt æsku sinni í hugmyndafræði sem hefur ekki gert henni neitt gott og sem ég tel vera djúpstætt kvenhatur.

Þegar Cass skýrslan kom út þýddi það heilmikið fyrir mig sem foreldri. Að hlusta á fagfólk koma með svona þýðingarmikið efni sem er faglega unnið, og segir að það sem við höfum alltaf hugsað og óttast, var mikill léttir.

Það hefur valdið miklum vonbrigðum að sjá hvernig danskir fjölmiðlar og stofnanir hafa hundsað skýrsluna. En eftir allt, er nokkuð við öðru að búast af þeim…

Móðir sem styður vinstrið skrifaði þetta og hér má lesa greinina.