Byltingin er komin út fyrir

öll mörk að margra mati. Hildur Eir Bolladóttir talar um það hér.

Hún segir réttilega að aðferðarfræðin sé vafasöm í marga staði. ,,Aðferðarfræðin sem hún gagnrýnir fyrst og fremst er sú að verið sé að birta samskipti úr nánum samböndum á samfélagsmiðlum og í fjölmiðlum. Með því séu allir aðilar máls á svo miklum berangri að þeir séu í raun naktir á sviði samfélagsins. Þegar athygli samfélagsins er síðan komin annað stendur fólkið eftir nakið."

Mikið er ánægjulegt að sjá viti bornar konur tala á þessum nótum. Alltof margar sem sýna karlhatur og stunda nornaveiðar. Blessaðir fótboltadrengirnir lentu í kjaftinum á tveimur. 

Fara eftir umferðarlögum!

Hefði Íslendingurinn ekið niður barn eða börn væru viðbrögðin þá of harkalega, maður spyr sig. Lögin eru sett til að stoppa ökuníðinga sem aka eins og vitfirringar. Á Íslandi má ekki einu sinni keyra á 110 en það gerir þessi ágæti landi okkar þar sem 50 km. hámarkshraði er.

 

„Hrein­lega of harka­leg viðbrögð“

Seg­ir Gísli laga­bók­staf Dan­anna ósveigj­an­leg­an. „Það eru í raun­inni tvö skil­yrði fyr­ir eigna­upp­tök­unni í þessu til­viki, aka þarf yfir 100 kíló­metra hraða auk þess sem hraðinn þarf að vera að minnsta kosti tvö­fald­ur leyfi­leg­ur há­marks­hraði. Fyrst var það álita­mál hvort hann hefði verið á svæði merktu 50, hann hélt fyrst að hann hefði verið á svæði merktu 60, en hugs­an­lega var hann rétt kom­inn yfir á þétt­býl­is­svæði,“ seg­ir verj­and­inn sem still­ir nú upp þeim varn­ar­múr sem fram­ast er unnt."

Dönsk lögregla í hart við Íslending

Litli maðurinn Gísli Marteinn

lítur stórt á sig og tísti (réttnefni, það gerir hann) um prófkjör Sjálfstæðismanna. Vona svo sannarlega að Helgi Áss komist inn í borgastjórn. Gísli Marteinn er ,,fífl" það finnst ekkert annað orð yfir þann mann sem telur sig í miklum metum en í reynd er hvorki á hann horfandi né hlustandi á. Gísli Marteinn sem telur sig hafinn yfir Helga Áss er þó miklu minni maður en Helgi, í orði og gjörðum. ,,Prófkjör Sjálfstæðisflokksins fór fram um helgina og voru úrslit ljós aðfaranótt sunnudags. Helgi Áss var meðal nýrra andlita í prófkjörinu og gæti vel farið svo að hann verði á meðal borgarfulltrúa flokksins að loknum kosningunum þann 14. maí."

Fréttina má les hér.

Hugmyndin góð

en þóknast sennilega hvorki ráðherrum né þingmönnum. Nefni ekki ofurlaunatökumennina. Hef lengi sagt og segi enn, 75% skattur á tekju yfir 3 milljónum á að vera regla. Enginn hefur þörf fyrir svo há laun. Arðgreiðslur á að skattleggja sem laun, því þetta er ekkert annað. Feluleikur með rétt kjör. 

Verður fróðlegt að sjá undirtektir ráðamanna við skrifum formanns ASÍ.

Leggur til að skilyrða hæstu laun við lægstu

Kemur ekki á óvart að fleiri andlát

verði þegar samfélagið er eins og opið og raun ber vitni. Gamla fólkinu var pakkað í bómull sem og þeim sem eru með undirliggjandi sjúkdóma. Bómullin tekinn með þessum afleiðingum. Held að flestir hafi vitað það. Landinn kærulausari en áður. Frelsinu feginn. Eftir situr þessi hópur sem hefur ekkert val. Börn og barnabörn koma í heimsókn og smitar sitt fólk, margir án þess að vita af því.

 

Dauðsföllum fjölgar vegna Covid

Bölvaður dóni, Lilja Dögg ráðherra

Hroki og oflætisháttur Lilju Daggar er með ólíkindum. Lilja Dögg stóð sig illa með ráðherra menntamála og virðist það sama á döfinni nú. Merkilegt að svara ekki því sem um er spurt heldur með útúrsnúning og barnaskap. Að þetta líðist á hinu háa Alþingi er með eindæmum.

Vísir flutti frétt af málinu.

Putin ætlar sér meira

og þetta er hluti af því. Beina flóttafólki inn í eigið land eða land velunnara sinna. Moldóva er hrædd um að þeir verði næstir ef Putin fær að taka Úkraínu á sitt vald. Móldóva er ekki aðili að Evrópu bandalögum. Þeir fá hvergi hjálp. Auðveld bráð segja þeir sjálfir. Sá í danska sjónvarpinu þátt þar sem rætt var við forsvarsmenn landsins. 

Í reynd er það móðgun við fólk að bjóða þeim flóttaleiðir inn í gap óvinarins.

Vildi ekki flóttaleiðir til Hvíta-Rússlands og Rússlands

Fátt eðlilegt við

að barn eigi eitt foreldri. Til að skapa barn þarf sæði og egg, úr konu og karli. Barnið á því alltaf tvo foreldra, hins vegar sér bara annað um uppeldið. Get ekki séð þá góðu þróun sem bent er á í þessu viðtali að æ fleiri börn alist upp án föður sem er mikilvægur í uppeldi hvers barns. 

Þau forréttindi sem konur búa við þrífast svo lengi sem karlmenn hafa hagnað af sæðisgjöf fyrir þær. Við skulum hafa það á hreinu, hér er um forréttindi að ræða ekki mannréttindi þó mörgum konum finnist það. Sjálfsagt að þær borgi svona meðferð einar, samfélagið á ekki að taka þátt í svona forréttindagjörðum.

Eðlilegt að eiga bara eitt foreldri

Hvenær tekur hún ábyrgð

á gjörðum sínum? Áslaug virðist geta vaðið uppi gegn lögum og reglum, sbr. Landhelgisgæsluna. Ábyrgð af hennar hálfu er hins vegar af skornum skammti. Brjóti þegar lög er þeim refsað.

Minnir á frekan krakka sem gerir það sem hana langar til. Hún var dómsmálaráðherra, ættu lögin ekki að vera henni nokkuð skýr, velti því fyrir mér.

Segir setningu Ásdísar ekki í samræmi við lög

Karlarnir berjast, sonum fórnað

sem og eiginmönnum, feðrum, öfum og frændum. Litið er á það sem sjálfsagðan hlut að karlmenn verji ættjörðina á meðan konur og börn fara í skjól. Mörgum finnst þetta óréttlátt að eingöngu karlmenn skuli verða eftir til að berjast. Grafið í gömul gildi. Konur geta barist eins og karlar. Þær hafa styrk til þess, andlegan og líkamlegan. Gildi sem þessi verða ekki afmáð einn tveir og þrír í jafnréttisbaráttunni. Best væri að enginn þyrfti að berjast.

Hugsar enn hvort þetta sé slæmur draumur