Óvæntar áskoranir í kennarastarfinu

er heiti greinar sem ég las eitt sinn. Datt hún í hug á dögunum. Hér má finna hana og lesa, ásamt fullt af öðrum góðum greinum. 

Vissulega varð mér hugsað til óvæntra áskorana í skólastarfi eftir öldurót síðustu vikna. Ástæða öldurótsins var greinin mín ógurlega. Menn móðguðust. Tjáningarfrelsi er tryggt með lögum svo fremi maður fari ekki með ærumeiðingar eða hvetji til ólöglegra aðgerða. Lögmaður minn gerði viðeigandi aðilum það skýrt.

Trans-hugmyndafræðin er áskorun í skólakerfinu. Það aðhyllast ekki allir hugmyndunum sem hugmyndafræðin boðar. Við skulum ekki gleyma, engar staðreyndir eru fyrir öðru en að kynin séu tvö. Börnum er ekki úthlutað kyn við fæðingu, annað tveggja er barn með typpi eða píku. Stelpa eða strákur.

Áskorun í skólakerfinu er hvort kennari boði trans-hugmyndafræðina eða heldur sig við staðreyndir lífsins, eða hvað Samtökin 78 fræða skólabörn um í boði sveitarfélaga.

Hvað gerist fyrir þá kennara sem halda sig við staðreyndir. Illa séðir innan skólakerfisins? Hinir virðast hafa skotleyfi á nemendur allt niður á leikskólastig.

Hvað gerist fyrir kennara sem segja skoðun sína á hugmyndafræði trans-heimsins. Segja skoðanir sínar á námsefni sem stangast á við heilbrigða skynsemi. Persónulega finnst mér fólk ljúga að börnum þegar þeim er sagt að kynin séu fleiri en tvö. Getur ekki staðist, XX og XY litningar stjórna kyni. Á mér marga skoðanabræður.

Eru þeir kallaðir til samtals við yfirmenn sem boða þvæluna að foreldrar og heilbrigðisstarfsmenn geti sér til um kyn barns við fæðingu? Eða að kynin séu fleiri en tvö? Eða að börn í upphafi skólagöngu sinnar eigi eftir að ákveða kyn sitt? Þeir uppfræðarar leika lausum hala.

Hægt að velta mörgum steinum við.

 

Áskoranir og álitamál í skólastarfi eru mörg og má nefna:

Læsisstefnur

Staða drengja í skólakerfinu

Hinsegin fræðsla

Notkun síma í skólanum

Greiningar barna og ofgreiningar

Lyfjanotkun skólabarna, ADHD- svefn- kvíðalyf svo fátt eitt sé nefnt.

Forræðishyggja grunnskólakennara og stjórnenda

Sérkennsla

Farsældarlögin

Kristinfræði

Svínakjöt vegna strangtrúaðra múslima

Transið og einhverfa

Athugasemd undir færslu hjá Dansk regnbueråd vakti athygli. Svo mikla athygli að ég ákvað að þýða hana. Hún kemur frá stúlku sem heiti Sandra. Stúlkan er einhverf og talar af reynslu. Lesið það sem hún hefur að segja:

Maður verður þreyttur...Einhverfa hefur EKKERT með kynáttun að gera. Ruglingurinn kemur frá samfélaginu, stöðlum í kringum ,,kynáttun.” Margir einhverfir skilja ekki félagslega normið- þ.v.s. ,,félagslegar reglur” sem fundnar eru upp og hefur ekki við rök að styðjast. Það getur t.d. verið í hvaða fötum er ætlast til að maður sé af ólíkum tilefnum. Það er engin ástæða til að fara í jakkafötum í veislu og kjólum nema það sé eitthvað sem ,,við ákveðum.” Þessar venjur eru ólíkar um allan heim og hefur alltaf verið. Það sama er með allar hugmyndir að stúlka/kona og strákur/maður skal líta út og haga sér á ákveðinn hátt. Margt af því er óraunverulegt og yfirborðskennt en okkur er gert að skilja það og fylgja- og það geta margir einhverfir ekki.

Þess vegna alast þeir upp með vitneskju um, aftur og aftur, að það er ekki í lagi með þá af því þeir passa ekki inn í normið um klæðnað, hárgreiðslu og hegðun. Fái maður ítrekað að vita það byrjar maður að trúa því- sérstaklega á unglingsárunum þegar margt annað gerist á þroskaskeiðinu og pressan að passa inn í félagslega umhverfið verður meiri og meiri.

Einhverfir geta því litið úr fyrir að vera með kynáttunarvanda, af því samfélagið ruglar þá. Ef við bara hættum að segja að stelpur og strákar eigi að líta svona út og haga sér svona og leyfum börnum að tjá sig eins og þeim finnst eðlilegt myndi ruglingurinn ekki vera til staðar.

Ég er einhverf og þetta er persónuleg reynsla. Allur ruglingurinn í kringum ,,kynáttun” hvarf þegar ég loksins skildi að ég er einhverf og það voru orð annarra ekki mín sem sköpuðu ruglinginn um kyn því þau töldu að ég liti út eða hegðaði mér ekki eins og stúlka/kona ætti að gera.

Kyn er líffræðilegt, þess vegna er ég kona alveg sama hvort ég hafi stutt hár, nota ekki farða og kaupi föt í herradeildum. Ekkert sem ég geri mun breyta því að ég er kona. Það er ekkert að vera ringlaður yfir.

 

Getum við hætt, í alvöru að rugla börn og leyfa þeim að vera eins og þau eru án þess að það þýði að þau séu í röngu kyni og ættu að vera annað kyn? Kynáttun er tilbúningur- félagslegir staðlar. Sleppum þeim.