Auðvelt að ganga inn í samninga

Ætti að vera ríkinu meinalaust að ganga inn í kjarasamning starfsmannanna. Launamunur, ef einhver er, teflir fjárhag ríkisins ekki í hættu. Hættan við uppsögn er að starfsmaður hverfi á braut. 

Hér er um ófaglærða, sjúkraliða og hjúkrunarfræðinga að ræða sem og yfirmenn stofnananna. 

„Ruddaleg framkoma“

Konurnar í Exit (Útrás)

Horfði á norsku þáttaröðin Exit 2. Sami viðbjóðurinn viðgengst í þessari þáttaröð og þeirri fyrstu. Konurnar kvörtuðu undan að saga þeirra heyrðist ekki og úr því var bætt.

Mér er fyrirmunað að skilja af hverju konur sækja í líf eins og lýst er í þáttunum. Konur velja sjálfviljugar að vera þátttakendur í lífi karlanna. Vera undirgefnar, þola framhjáhald, eiturlyfjanotkun, áfengissýki og fleira í þeim dúr. Þær eiga að vera þægar, ala upp börnin og skipta sér ekki af lífi karla sinna. Vera sýningardúkkur. Þola ofbeldi, andlegt- sem líkamlegt. Allt fyrir peninga og lystisemdir sem efnishyggjna endurspeglar. Konurnar eru líka tilbúnar, hvenær sem er, að láta þessa karla nota sig eins og tuskur. Peningar, skemmtun, eiturlyf...þátttaka virðist mikilvæg.

Konur verða sjálfar að draga í land með svona hegðun ef þær ætla að breyta einhverju. Þær sem hafa áhuga á þátttöku er vart vorkunn.

Orð að sönnu

Hinu óseðjandi- á vel við þegar stjórnendur Samherja eru annars vegar. Skúffufyrirtæki víðs vegar um heiminn til þess eins að komast undan réttmætum skattagreiðslum. Sérfræðingar í svikamálum segja skúffufyrirtækin eingöngu til að fela slóð. Hafi fyrirtæki ekkert að fela af hverju er þá ekki allt upp á borðum, rétt nafn á hverju fyrirtæki. Ég líki þessu við fíkn.

Þéna þurfi svo mikilla peninga að þú kemst aldrei yfir að nota þá. Eða græðgi!

Vel þekkt að glæpasamtök noti skúffufyrirtæki og leggja þræði víða um heim svo ekki sé hægt að rekja upphaflegu eigendur. Fyrir stuttu sýndi danska sjónvarpið hvernig þeir náðu í þekktan ,,þvottamann" sem þvær peninga fyrir glæpamenn og eiturlyfjabaróna. 

Leita til Færeyinga vegna Samherjafélaga

Aumt er það- lúxuslífið!

Frúin ætti nú að afsala sér öllu, peningum, frægð og frama. Best að lifa eins og venjulegt fólk. Hún endurheimtir þá kannski ánægju og lífsgildi sín aftur. Fyrir almúgann er þetta athyglissýki á háu stigi. Bölið hjá blessuðum hjónunum er mikið. Vonandi finna þau sinn takt í lífinu.

Lýsti alvarlegri vanlíðan

Áminning- lítið þarf til

Áminning til okkar allra. Lítið þarf til að fjöldi fólks lendir í sóttkví. Vonandi eru ekki fleiri smitaðir. Þegar tilslakanir eru ræddar er vert að hafa þetta í huga. Landanum hefur gengið vel, vonum að svo verði áfram.

Óheppilegt að heilbrigðisstarfsfólk lendi í þessu, sennilega ekki allir verið bólusettir. Verður fróðlegt að fylgjast með hvort bólusetning haldi ef smit geysa upp aftur.

50 af spítalanum í sóttkví

Óvissa um næstu máltíð nýr veruleiki margra barna- vísir.is

Margir þéna margar milljónir á mánuði, sumir á dag. Peninga sem viðkomandi mun aldrei nota á meðan hann lifir. Velti fyrir mér af hverju svo ríkt fólk er ekki gjöfulla á peningana sína. Gætu beint þeim þangað sem neyðin er mest. Ferðast um í einkaþotum og snekkjum, lifir í vellystingum en á samt yfirdrifið nóg. Efast ekki um að tækju heimsins frægustu íþróttamenn sig saman og keyptu mánaðarlega mat ofan í sveltandi börn væri hægt að koma í veg fyrir hungur barna. Íþróttafólkið velur frekar að braska með peningana og jafnvel snuða skattinn og eigið samfélag með skúffufyrirtækjum. Misjöfn er mannanna sýn.

Hér má lesa grein um veruleika margra barna.

Karlmennskan- kjánahrollur

Hef tvívegis gert tilraun til að horfa á þætti Þorsteins Einarssonar(karlfemínista) um Karlmennskuna. Bæði skiptin gafst ég upp. Ástæðan- kjánahrollur. Ríkisstjórnin úthlutar peningum til svona kjánalegra verkefna. Mun ekki reyna oftar.

Get ekki mælt með þáttunum fyrir nokkurn lifandi mann- kannski þá dauðu!

Möguleikann ,,like" burt

Ungar konur sækja viðurkenningar í samfélagsmiðlana. Væri enginn ,,like" möguleiki yrði andleg líðan sennilega betri fyrir stúlkur og ungar konur. Möguleikinn veldur líka óánægju hjá sömu konum, fáir setja ,,like" við útlit eða færslu eða koma með jákvæða athugasemd við aðra miðla. Þrífast á þessu. Sorglegt þegar samfélagmiðlar hafa svona mikil áhrif á andlega heilsu stúlkna. 

 

Andleg heilsa verst meðal ungra kvenna

Eins og víðast annars staðar

Þó ástvinur falli frá þarf vinnan að halda áfram, burtséð frá hvar og við hvað þú vinnur. Treysti ráðherra sér ekki, eða annað vinnandi fólk, að sinna vinnu sinni eftir andlát ástvinar á viðkomandi að vera frá vinnu. Sé það partur af vinnunni að taka á móti gagnrýni á vinnubrögð, sbr. ráðherra er eðlilegt að menn haldi því áfram.

Veit ekki um neina stétt í opinbera kerfinu þar sem hægt er að biðja sér vægðar. Lögreglumenn...hjúkrunarfræðingar...sjúkraliðar...grunnskólakennarar...geta ekki beðið skjólstæðinga sína að breyta hegðun sinni vegna eigin sorgartímabils.

Kurteisi kostar ekkert og það ættu þingmenn ávallt að hafa í heiðri. 

Segir þjarmað að ráðherra á sorgarstundu

Arnar kominn á blog.is

Ég hef sett inn margar færslur frá snjáldursíðu Arnars Sverrissonar en þarf þess ekki lengur. Hann hefur sjálfur opnað bloggsíðu og við fáum að njóta pistla hans. Á vel við að Hanna Björg Vilhjálmsdóttir sé viðfangsefni hans. Að mínu mati er hún KÍ til skammar vegna afstöðu hennar til ungra manna og karlmanna sem má lesa í gegnum öll skrif hennar og heyra á tali.

Hér er síðan hans.