Við höfum haft það svo gott

Vonandi verðum við meðvitaðri um hve gott við höfum haft það undanfarin áratug eða svo. Enginn tekur skaða af fámennum og fábrotinni jólahátíð. Fyrir flesta koma önnur jól og mörg þar á eftir. Jólagjafaæðið má minnka og lífstíll margra breytast. 

 

Hljóða nótt: Þegar veiran stal jólunum

Kyn, menntun og atvinnulíf

Norður-ameríski sálfræðingurinn, Roy F. Baumeister (f. 1953), er menntaður við stjörnuháskólana Princton og Duke. Hann kenndi lengi við Florida State University, en fluttist síðar vestur um haf til Ástralíu. Hann er nú prófessor við háskólann í Queensland. Félags- og þróunarsálfræði (social- og evolutionary psychology) hafa einkum verið viðfangsefni hans. Roy er virtur fræðimaður. Hann hefur gefið út margar fræðibækur. Hér er lítillega fjallað um eina þeirra, sem kom út fyrir réttum áratugi síðan: „Er eitthvað í karlmenn spunnið? Hvernig menningin þrífst á misnotkun karla“ (Is there anything good about men? How culture flourish by exploiting men).

Í formála bókarinnar getur höfundur þess, að honum hafi verið ráðið frá því að birta hana. En góðu heilli varð svo ekki. Hér verða kynntar nokkrar glefsur um kyn, menntun og atvinnulíf lysthafendum til fróðleiks. (Blaðsíðutölur í sviga.)

Konur skapa fleiri atvinnutækifæri í smáum sniðum, karlar í stærri fyrirtækjum og samsteypum. (83)

„Karlar eru framtakssamari (agentic) en konur, en konur eru samneytismiðaðri (communal) en karlar. Þessi aðgreining hefur staðist tímas tönn býsna vel.“ (100)

Þá staðreynd, að konur hafi litið skapað í þágu mannkyns, skýra kvenfrelsarar með kúgun kvenna. En er merkjanleg breyting þar á, eftir að kúguninni var aflétt? Einkaleyfaskrifstofa BNA gerði skýrslu sem heitir: „Buttons to Biotech: U.S. Patenting by Women, 1977-1996.“ Hlutfall veittra einkaleyfa var þessi: 94.3% áttu karlar, 5.7% fór til kynblandaðra teyma, kvennahópa eða einstakra kvenna. Líklega eiga kynblönduð teymi þar stærstan hlut, þar sem um var að ræða fyrirtæki. (144) … Karlar hljóta alls konar vísindaverðlaun og einkaleyfi, þrátt fyrir að hlaðið sé undir konur og framlag þeirra þar með ofmetið. (259)

Konur eru um 70% nemenda við stofnanir æðri menntunar. Í einum stjörnuháskólanna í BNA var gerð könnun: Umtalsverður hluti námsmeyjanna hugðist starfa heima við eða vinna í hlutastarfi: „Kjarni málsins er, að þær óskuðu sér notalegs lífs, að njóta fullnægjandi móðurhlutverks og að sjálfsögu hjónabands með ástríkum karli, sem myndi sjá fyrir þeim og börnum þeirra.“ (207) Könnun á nemendum í Harvard Viðskiptaháskólanum sýndi, að þriðjungur útskrifaðra kvenna var iðjulaus, annar þriðjungur starfaði í hlutastörfum eða sem verktakar. (207)

Agneta Fischer, háskólanum í Amsterdam, rannsakaði stórfyrirtæki: Í upphafi sýndu karlarnir miklu meiri metnað og lögðu sál sína í fyrirtækið – á æðsta stjórnunarstigi átti það ekki við. Þar var engan kynjamun að finna í þessu efni. Hún sagði: það er ekkert glerþak annað en það, að konum hugnast ekki langur vinnudagur. (57)

Þegar konur flykktust inn á starfs- og ofurstofnanavettvang karla gerðu þær jafnframt kröfu um umtalsverðar breytingar. Þær voru sagðar nauðsynlegar til að spyrna gegn viðtækri mismunum og fordómum af hálfu karla. … „Kjarni máls er sá, að konur kröfðust þess, að þær slyppu undan þeirri meðferð, sem karlar höfðu ætíð fengið. [Rétt] eins og þær væru mannverur (expendable), sem fórna mætti, og engan hlytu heiðurinn, nema vinna fyrir honum. … Enginn gerð sér grein fyrir, að fórnin, sem karlar frá fornu fari hafa fært, yrði konum óþolandi áfall. Þær hafa löngum vanist því að vera dýrmætar og sérstakar.“ (179)

„Undanfarið hafa kvennahreyfingar stofnað stuðningsnet meðal kvenna, en samsvarandi net í þágu karla skal banna. Kaldhæðnislegt?“ (179)

„Það verður á brattann að sækja fyrir unga karlmenn í framtíðinni. Stofnanir hygla konum á grundvelli þeirrar fölsku trúar, að mismunun sé nauðsynleg til að andæfa samsærum karla, afturkippum [í kvenfrelsun] eða þvíumlíku. Konum er sýnd umhyggja og veittur aðgangur að stuðningsnetum. Karlar eru eins síns liðs eins og þeir hafa ævinlega verið, nema nú, þegar þeir standa allir sem einn höllum fæti gagnvart konum. Eigin aflvaki, [þ.e.] karlmennskusjálfið og framkvæmdagleðin, er það einasta, sem karlar eiga upp í erminni – og aukin heldur firnasterk og nánast örvinglunarkennd hvöt hins stritandi gaurs, sem fullvel veit, að gefi hann ekki af sér, sé hann dauðadæmdur.“ (180)

 

Arnar Sverrisson birti þennan pistil á snjáldursíðu sinni 13. desember 2020.

Staða stráka verri

Hermundur prófessor þreytist seint á að benda á mismun kynjanna i grunnskólanum. Hallar á stráka. Því miður nær hann ekki áheyrn ráðherra menntamála, né Tryggvi Hjaltason sem lætur sig málið varða. Hef hlustað á tvo fyrirlestra um málið og sá þriðju er í dag kl.11:00. Hér er krækja að honum.

Einstaka menntamaður hefur reynt að ýta við þeim sem ráða, án árangurs. Á síðunni http://arnarsverrisson.is/Home/Pistlar má finna nokkra pistla um málefnið.

Ný skólastefna ráðherra er fædd. Ekki orð um stöðu drengja.

Ný skólastefna Akureyrar í kynningu. Ekki orð um stöðu drengja.

 

 

Kynjahalli í umræðu á Alþingi !

Jóhanna Vigdís Hjaltadóttir lýsti undrun sinni á kynjahalla í umræðum á Alþingi. Hún sagði karla taka oftar til máls og heyra mátti að henni þótti það miður. Endurspeglar ekki kynjahlutfall þingmanna. Er í lagi með fréttaskýrandann, á að vera hlutlaus í fréttaflutning. Af hverju í ósköpunum talar hún ekki við konur sem sitja á þingi til að leita skýringa. Varla er við karla að sakast að þeir tali meira.

Ekki það, Jóhanna Vigdís er einn fréttamanna á RVU sem leitast við að gera jafnréttisbaráttu að forréttindabaráttu kvenna. Af þeim sökum hefði þetta ekki átt að koma mér á óvart.

Fasteignasalar ábyrgðarlausir

Hef alltaf undrast að fasteignasalar séu ábyrgðarlausir þegar gallar koma fram í húsnæði. Þeir sem milliliðir, sem erfitt er að komast hjá að nota, firra sig allri ábyrgð. Bera því við að þeir selja eignina í því ástandi sem hún er án þess að skoða hana gaumgæfilega. Þóknun sem þeir hirða af seljendum og jafnvel kaupendum líka er himinhá. Stétt sem þarf ekki að taka ábyrgð.

Löngu tímabært að setja á herðar fasteignasala þá ábyrgð að söluskoðun fari fram áður en eign er seld. Margir sitja uppi með sárt ennið og fjárhagslegt tap vegna galla í húsnæði.

Þarf að greiða 15 milljónir í bætur vegna myglu

Ekki yfir fimm smit á dag

segja sérfræðingar. Þá má slaka á. Held að landinn geti þetta, haldið smitum í lágmarki. Hvort þeir geri það er annað mál. Nú þyrpist fólk í búðir. Ráfa um til að sýna sig og aðra. Jólin framundan og margir telja þau nauðsynleg til að hitta fjölda fólks. Vona að allir fari varlega. Fórnarkostnaður er mikill. Í grunnskólastarfinu gætir þreytu. Nemendur þreyttir sem og starfsmenn á endalausum takmörkunum.

Börn mega fara á milli

Jólafrí í grunnskólum er framundan. Hjá foreldrum sem búa ekki sama er oft annað foreldrið með barnið fram að jólum og jafnvel yfir jólin. Veiran kemur ekki í veg fyrir að umgengni milli svæða eigi sér stað. Eigingjarnir foreldrar vilja nýta sér veiruna til að halda barninu hjá sér. Slíkt kallast tálmun. 

Í vor átti að nota þessa ástæðu til að senda ekki barn í umgegni. Til liðs við sig fékk foreldrið lækni staðarins. Sá sagði allt annað er sóttvarnaryfirvöld sem sögðu veiruna ekki koma í veg fyrir umgengni. Halda sóttvarnareglur á báðum heimilum. Sennilega gerði læknirinn þetta til að þóknast foreldrinu sem bjó á staðnum. 

Vona að foreldri hugsi sig tvisvar um áður en það tálmar umgengni barns um hátíðina. Barnið tapar, enginn annar. 

Foreldrajafnrétti miðlar...

Áhugaverð fréttaskýring um foreldraútilokun. Hér eru tekin þrjú dæmi.

 

Dæmin eru um tilhæfulausar ásakanir um ofbeldi og handtökur fyrir að faðma barnið sitt. Hófst strax þegar dóttir hans var mjög ung en hún flutti loks til hans þegar hún var 14 ára. Gat ekki meir og var farin að sjá að það var ekki heilbrigt að vera refsað fyrir að vilja hitta pabba sinn.

Móðir sem er útilokuð frá ungum syni sínum. Hún reynir allt sem hún getur en sonur hennar hafnar henni að lokum, kallar hana öllum illum nöfnum en á unglingsárum sekkur hann í þunglyndi, kvíða og fremur að lokum sjálfsmorð.

Fráskildir foreldrar sem fóru í skilnaðarmeðferð sem tókst mjög vel. Ástandið áður var mjög slæmt. Móðir ásakaði föður og alla föðurfjölskylduna um kynferðislegt ofbeldi gagnvart einu barninu. Ekkert var hæft í þessu og þau voru skikkuð í þessa skilnaðarmeðferð. Þar þurfti móðirin að takast á við þennan tilhæfulausa ótta og ranghugmyndir sem áttu sér rót í hennar eigin huga og hvergi annars staðar. Faðirinn þurfti að finna leið til að fyrirgefa móðurinni það sem hún hafði látið hann og alla aðra ganga í gegnum. Það tókst greinilega mjög vel.

Nú fara í hönd mjög erfiðir tímar hjá mörgum sem eru þolendur foreldraútilokunar. Það er mikilvægt að leita sér aðstoðar, tala við aðra sem þekkja þessa reynslu og muna að passa upp á heilsuna, bæði andlega og líkamlega.

Hér má sjá fréttaskýringuna https://www.facebook.com/teresa.prichard/videos/10222454343700339

Hinir greiddu hærri vexti

Þeir sem tóku lán án uppgreiðslugjalds greiddu hærri vexti. Skyldi það verða skoðað í kjölfar dómsins? Full ástæða til.

 

Uppgreiðslugjald ÍLS dæmt ólöglegt

Er eitthvað í karmenn spunnið?

Kynin og kvenfrelsun samkvæmt Roy Baumeister

Norður-ameríski sálfræðingurinn, Roy F. Baumeister (f. 1953), er menntaður við stjörnuháskólana Princton og Duke. Hann kenndi lengi við Florida State University, en fluttist síðar vestur um haf til Ástralíu. Hann er nú prófessor við háskólann í Queensland. Félags- og þróunarsálfræði (evolutionary psychology) hafa einkum verið viðfangsefni hans. Roy er virtur fræðimaður, sem hefur gefið út margar fræðibækur. Hér er lítillega fjallað um eina þeirra, sem kom út fyrir réttum áratugi síðan.

„Er eitthvað í karlmenn spunnið? Hvernig menningin þrífst á misnotkun karla“ (Is there anything good about men? How culture flourish by exploiting men).

Í formála bókarinnar getur höfundur þess, að honum hafi verið ráðið frá því að birta hana. En góðu heilli varð svo ekki. Hér verða kynntar nokkrar glefsur um kyn og kvenfrelsun lysthafendum til fróðleiks. (Blaðsíðutölur í sviga.)

„[R]áðandi kenningar um kynin hafa komið úr ranni glórulausra kvenfrelsara, sem gerðu sér líf karla í hugarlund af eigin fórnarlambssjónarhóli.“ (201)

„Föðurveldið – það hugarfóstur, að menning sé samsæri karla til að kúga konur – er haldbesta skýringin, þegar karl skýtur konu ref fyrir rass.“ (31)

Það er almannarómur orðinn, að útskýra ójafnrétti kynjanna á grundvelli þeirrar hugmyndar, „að karlar hafi tekið sig saman til að misnota og kúga konur. Einhvern tíma í fyrndinni, þegar ímyndað kynjajafnrétti átti að hafa ríkt, spunnu karlar samsæri til að hrifsa til sín völdin og undiroka konur. Kjarni málsins er sá, að hvergi er til að dreifa vísbendingum um slíkt samsæri eða þáttaskil í sögunni. … Tilurð menningar á vettvangi karla var meginorsök kynjamisréttis.“ … “Ójöfn umbun er forsenda menningarframfara. Menning, sem ekki beitir umbun með þessum hætti, stendur í stað.“

„Vissulega er það svo, að ójafnrétti sé hvorki gott né hagstætt í sjálfu sér. Fremur ber að líta svo á, að ójafnrétti sé til þess fallið að örva sköpunarmátt, uppgötvun, samkeppni og annað það, sem horfir til framfara og ávinnings.“ … „Alla jafnan verður ávinningur menningarinnar mestur, þegar hæfileikaríkustu karlarnir róa ástríðuþrungið að því öllum árum að auðga hana.“

„Þrá karla til að klífa tinda í hæstu hæðum á sér trúlega rætur í djúpt í iðrum sálarinnar. Þökk sé úrvali þróunarinnar.“ … Ástæða þess, að karlar rembast eins og rjúpan við staurinn „er að finna í eðlislægri samkeppni um að skara fram úr, því í fyrndinni voru það einungis þeir karlar, sem fengu á broddinn – og karlar eru sjúkir í kynlíf.“ … „Karlar vinna þrekvirki öðrum þræði í ljósi tálvonarinnar um gnægð kynlífs.“ (136, 139, 185, 186,201,204, 210)

„Karlar öðluðust yfirburðastöðu vegna þess, að auður, þekking og vald, skapaðist á vettvangi karla. Fylkingar á vettvangi karla ruddu smám saman leiðina (oft og tíðum við miklar þjáningar) til framfara á fjölmörgum sviðum. Karlar sköpuðu listir og bókmenntir, trúarbrögð, heimspeki, vísindi, her, viðskipti … tækni, stjórnmálakerfi og stjórnarfar og þar fram eftir götunum. Almennt séð þrífast slík fyrirbæri í stærri hópum, þar sem félagsleg tenging er veikburða. Þau eru ekki starfrækt þannig, að náin tengsl milli tveggja skipti máli að nokkru ráði. …Það var við mótun umsvifamikilla félagsstofnana, að munur milli karla og kvenna varð umtalsverður og áhrifamikill.“ … En „[f]lest menningarsamfélög veraldar hafa reitt sig á karla [þegar láta þarf] blóði og [útvega] fé.“… „Áhættusækni og fórnarlund eru snarir þættir í karlmennskunni.“ (139, 140, 182, 183)

„Jafnréttisbyltingin:“ Kvenfrelsararnir „kröfðust þess, að þeir félagslegu innviðir, sem karlar höfðu skapað, yrðu lagfærðir til að henta konum betur. Konur kröfðust kvennakvóta og hlunninda (affirmative action), sérstakra [kvenna]miðstöðva og stuðningshópa, ásamt breyttum leikreglum, sniðnar að þeirra þörfum. Þessar kröfur glymja enn þann dag í dag og það bendir allt til, að svo verði um alla framtíð, þar sem konur gera kröfur um að settar verði á stofn sérstakar eftirlitsstofnanir, skrifstofur og rými, svo sinna megi sérlegum þörfum þeirra, tilfinningum og heimtingum. Konur hafa fært sér í nyt eðlislæga ást karla á konum og verndarþörf og [þannig] misnotað umhyggju karla og talið þeim trú um að snúa upp og niður á hlutunum í þágu kvenna.“

Í kvennafræðunum virðist alltaf mega finna kúgun kvenna: Það er kúgun, þegar elskendur haldast í hendur, því hann er að jafnaðri stærri heldur en hún. Og það veldur henni óþægindum. (152)

Það er kúgun, að karlar láti þvagi standandi. Því er það jafnréttismál að fjarlægja hlandskálar. (153)

„Kúgunarhugmyndina er ókleift að leggja mat á, nema með opnum huga og aga við gagnagreiningu. Það snúast góð vísindi um.“ (154)

 

 

Arnar Sverrisson skrifaði pistilinn og birti á snjáldursíðu sinni 3. des.