Fáklæddar konur

Í reynd kostulegt að renna yfir rafræna miðla. Mætti halda að keppni um fáklæddar konur væri í gangi. Margar með afskræmdar varir og andlit, svo ekki sé talað um líkama þar sem sílikon er notað. Má ekki segja frá neinu öðru vísi en kona stilli sér upp, helst í kynferðislegum stellingu, til myndatöku. Oft og iðulega sést í brjóstaskoru eða efri hluta brjóstanna. Við skulum svo ekki tala um þær sem birtast fáklæddar á myndum. Að mínu mati er þetta ótrúleg þörf fyrir að sýna sig. Fá viðurkenningu annars staðar en í sálinni. Vondar fyrirmyndir. Þegar myndir af karlmönnum eru hins vegar skoðaðar eru þeir klæddir- ekki fáklæddir.

Einhverra hluta vegna finnst mér svona konur ekki trúverðugar, kann ekki skýringu á því. Sennilega er sýndarþörfin meiri en inntak frásagnar eða fréttar. Kannski selur þetta, kallar á ,,klikk" á fréttina. Ekki ósvipað þegar mella stendur á götunni eða í glugga og selur sig, því minna sem hún hefur utan á sér því líklegri er að viðskiptavinur falli fyrir henni. 

Draga á langinn

Að draga mál á langinn virðist stíllinn. Mæta ekki. Áfrýja hingað og þangað. Röng málsmeðferð og fleiri dómsmál haldin um það. Eitt dæmið er nýfallinn dómur yfir formanni Kennarafélags Reykjavíkur. Hann notaði öll ráð til að draga málið á langinn. Sekur er hann, Landsréttur dæmi það. Hins vegar er fullnustu refsingar frestað, málið hefur velkst svo lengi í kerfinu. Hann á líka sök á því. Er þetta virkilega rétt aðferðafræði, velti því fyrir mér.

MDE vísar frá máli Gests og Ragnars

Konur vilja ekki starfið

Hef undrast af hverju ungar og hraustar konur sækja ekki á sjóinn. Tekjumöguleikar miklu meiri en í hjúkrun, sálfræði og öðrum ,,kvennastörfum." Kuldi, mikil vinna og erfið vinnuskilyrði segja konur þegar þær eru spurðar. Þeim finnst sjómennska henta karlmönnum betur. Fjarvera frá heimili og jafnvel frá börnum er ekki boðlegt fyrir þær...en fyrir karlmenn er það allt önnur Ella. Já við náum seint jafnrétti. Hef hvergi séð neinn berjast fyrir að konur verði jafn margar á togara eins og í stjórnum fyrirtækja. Margt skrýtið í kýrhausum þegar jafnrétti er annars vegar.

„Mér finnst eins og þetta sé gleymdur heimur“

Jólin ekki það mikilvægasta

Orð að sönnu hjá henni. Jólin mega sín lítils þegar móðir náttúru lætur til sín taka. Sama með veiruna og afleiðingar hennar. Við ættum kannski að hugsa um það í öllu kaupæðinu sem grípur landann þegar jól nálgast sem og sjálfselsku fólks. „Jól­in eru bara auka­atriði ein­hvern veg­inn. Þau fóru bara á bið. Svona hlut­ir skipta engu máli þegar þetta allt er búið að ganga á. það er bara helst að maður sé með fólk­inu sínu,“ seg­ir Jó­hanna.

Fyrstu íbúarnir snúa aftur heim

Draumur Alþingis um ofbeldissnautt samfélag

Alþingismenn eiga sér draum. Drauminn um samfélag án ofbeldis – sérstaklega þó kynferðislegs og kynbundins (karlaofbeldis). Svipaðan draum hefur marga dreymt áður. Hann rættist í Hálsaskógi, en hvergi annars staðar. En draumurinn er vitaskuld fagur - og því enn má reyna, þrátt fyrir aukið eftirlit, skriffinnsku og álögur á almenning.

Skólakerfið kemur óhjákvæmilega í brennidepil í þessu efni, enda er nú stofnaður hópur valinkunnra ellefu kvenna (og tveggja stráka), sem á að vísa okkur leið. Ferðalagið hefst þegar í leikskólum landsins. Lilja menntamálaráðherra gat með engu móti fundið fleiri stráka eða karla í vinnuhópinn. En ekki virðist hafa verið hörgull á snjöllum, sætum konum og kvenfrelsurum.

Hópurinn á að taka mið af neðangreindum þingsályktunum. Athygli vekur m.a. áherslan á „mee-too“ arfinn og kynferðislegt og kynbundið ofbeldi, þ.e. kynofbeldi karla, þátttöku Stígamóta og Kvennaathvarfs beint og óbeint í fyrirhuguðum aðgerðum. Fræðsluefni Stígamóta um sjúka ást og eitraða karlmennsku verður m.a. gert hátt undir höfði.

Hér eru nokkrar glefsur úr viðeigandi þingsályktunum:

Þingsályktun um aðgerðir gegn ofbeldi og afleiðingu þess (7. júní 2019): Um að vinna bug á ofbeldi: „… ekki síst kynbundið ofbeldi, einelti, haturstal og myndbirtingar á stafrænum miðlum sem hvetja til ofbeldis. Horft verði meðal annars til frásagna og umræðu sem birtist í samfélaginu undir myllumerkinu #églíka/#metoo.“

„Kynning og innleiðing [á fyrirmyndarstarfi í íþrótta- og æskulýðsstarfi] verði skipulögð í samráði við samstarfsaðila og viðeigandi fræðsla veitt ásamt eftirfylgni í samræmi við aðgerðir á vegum mennta- og menningarmálaráðuneytisins í kjölfar frásagna úr íþróttahreyfingunni í tengslum við #églíka/#metoo.“

Kennsla um kynheilbrigði og kynhegðun: „… fræðsla um kynferðislegt og kynbundið ofbeldi. Þetta stuðli að því að einstaklingar taki ábyrga afstöðu til kynlífs, kláms, kynbundins ofbeldis og kynferðislegra birtingarmynda eineltis og haturstals sem og eigin framkomu á netmiðlum og birtingar myndefnis. Kennsla verði endurskipulögð í ljósi þeirrar umræðu sem átt hefur sér stað í samfélaginu undir myllumerkinu #églíka/#metoo, þ.m.t. kennsla til nemenda, kennara og annarra sem vinna með börnum.“

Þingsályktun um forvarnir meðal barna og ungmenna gegn kynferðislegu og kynbundnu ofbeldi og áreitni (3. júní 2020):

„Kennsla grundvallist á gagnreyndri þekkingu sem hæfi aldri og þroska nemenda.“

„Skólaskrifstofur sveitarfélaga, með stuðningi frá forvarnafulltrúa Sambands íslenskra sveitarfélaga, miðli þekkingu og veiti leikskólum og grunnskólum, ásamt frístundaheimilum og félagsmiðstöðvum, stuðning til að tryggja að forvarnir gegn kynferðislegu og kynbundnu ofbeldi og áreitni verði samþættar skólastarfi, einkum í kennslu, og að starfsfólk hljóti fræðslu. Skólaskrifstofurnar tryggi að forvarnir gegn kynferðislegu og kynbundnu ofbeldi og áreitni verði markviss þáttur í skólastefnu sveitarfélaga og í forvarnastefnu hvers skóla um sig.“

„ Innan Menntamálastofnunar starfi ritstjóri/verkefnisstjóri í a.m.k. hálfu starfi sem hafi það hlutverk að byggja upp þekkingu á námsefnisgerð sem styðji forvarnir gegn kynferðislegu og kynbundnu ofbeldi og áreitni, þar á meðal gerð námsefnis í jafnréttis- og kynjafræðum. Verkefnisstjórinn skal fylgja eftir þeim verkefnum sem Menntamálastofnun eru falin samkvæmt aðgerðaáætlun þessari.“

„Tryggt verði að leikskólar hafi aðgang að vönduðu námsefni sem stuðli að forvörnum gegn kynferðislegu og kynbundnu ofbeldi og áreitni og henti leikskólabörnum á öllum aldri, sbr. grunnþætti menntunar samkvæmt aðalnámskrá leikskóla.“

„Í hverjum grunnskóla starfi teymi sem hafi það hlutverk að tryggja kennslu í öllum árgöngum um kynbundið og kynferðislegt ofbeldi og áreitni sem hæfir aldri og þroska nemenda.“

„Fræðslu um kynferðislegt og kynbundið ofbeldi og áreitni verði beint til unglinga í gegnum félagsmiðstöðvar. Stígamótum verði falið að halda áfram fræðslu til starfsfólks félagsmiðstöðva sem fram hefur farið í tengslum við átakið Sjúk ást."

„Staðið verði að kynningarátaki um gildi kynjafræðikennslu í framhaldsskólum og þar á meðal um gildi þess að gera kynjafræði að skyldufagi, sbr. 23. gr. laga um jafna stöðu og jafnan rétt kvenna og karla." Samhliða verði námsefni um kynferðislegt og kynbundið ofbeldi og áreitni og um kynheilbrigði og kynhegðun kynnt fyrir framhaldsskólakennurum, …“

 

Pistillinn birti Arnar Sverrisson á snjáldursíðu sinni 19. des. 2020. 

Of fámennt, ganga á enn lengra

Að mínu mati á að gagna skrefi lengra og hafa ekkert sveitarfélag undir 5000 manns. Það vita allir sem það vilja vita að litlu sveitarfélögin hafa ekki getu til að reka sig nema með jöfnunarsjóði sveitarfélaga. Margir íbúar litlu sveitarfélaganna flytjast þaðan þurfi þeir sérfræðiaðstoð á einhvern hátt, t.d. með fatlað barn. Stóru sveitarfélögin sitja uppi með kostnað af slíku á meðan minni sveitarfélög geta státað sig af góðum rekstri. Göngum lengra, hættum hreppapólitík. Landið er eitt svæði sem á að skiptast upp í stór en fá sveitafélög. Eyjarfjörður sem dæmi er ágæt stærð af sveitarfélagi. Yrði sterkari eining fyrir vikið.

Síðan eru öll þessi sambönd. Samband sveitarfélaga, samband minni sveitarfélaga o.s.frv. Allt kostar þetta.

Segir klofning yfirvofandi

Kennarar með dæmdan mann í brúnni

Landsréttur felldi dóm yfir formanni Kennarafélags Reykjavíkur í dag. Refsing þyngd. Stórfellt brot segir í dómnum sem má finna hér. Félag grunnskólakennara á að fara fram á afsögn. Félag grunnskólakennara á að taka hann úr öllum störfum sem hann sinnir fyrir grunnskólakennara. Fordæmið sem grunnskólakennarar sýna er slæmt hafi þetta ekki afleiðingar fyrir einstakling sem brýtur af sér og fær dóm.

Sama með Kennarasambandi Íslands. Þeir eiga ekki að þegja. Gallinn á gjöf Njarðar þeegar vinir raðast í embætti, þá er erfiðara um vik að bregðast við þegar svona kemur upp á.

Samfylking- fátt um fína drætti

Las yfir lista Samfylkingarinnar. Ljóst að hún fær ekki mitt atkvæði. Hefur stundum gerst. Verður vandi að velja á milli hinna flokkanna. Mér þykir Samfylkingin ótrúverðug. Öfgafemínistar fá of mikið ráðrúm í flokknum. Lýðræðið verður undir. Til að styggja ekki flokk kvenna má ekki segja þeim í mót. Samfylkingin fylgir því. 

 

Vegið að jafnréttinu

Lilja Dögg menntamálaráðherra þóknast konum. Skipuð var nefnd til að efla kynfræðslu í skólum. Kvennamál- í nefndinni eru 11 konur og 2 karlar. Jafnrétti í hnotskurn. Skil ekki val á sumum fulltrúum. Hvað er fulltrúi Stígamóta að gera í svona nefnd. Auka á kynfræðslu í grunnskólanum, enginn grunnskólakennari. 

Áróður Kvennaathvarfsins

Skelfilegt að sjá áróður Kvennathvarfsins gagnvart feðrum. Því miður er það svo að mæður og feður beita börn sín ofbeldi. Um það þegja forsvarsmenn athvarfsins. Kvennaathvarfið hefur auglýsingaherferð gegn feðrum og litar þá sem einu gerendurnir. Hvert fara börn þar sem mæður beita ofbeldi. Varla í Kvennaathvarfið með ofbeldismanni sínum. Sorglegra er að ríkið styður þetta og margur almenningur. Hugarfarsbreytinga er þörf, konur og karlar geta verið ofbeldismenn barna, rannsóknir sýna það.

Lesa má greinar um málaflokkinn hér.