Fæst ekki birt !

Sjúkraliðinn (fagblað sjúkraliða) kom inn um lúguna í gær og ekkert merkilegt við það. Fletti blaðinu eins og ég gjarnan geri. Á öftustu síðu er stofnfundi ungliðadeildar gerð skil. Þegar rennt er yfir textann má sjá að sagt er frá afsögn formannsins, án skýringa. Eftirfarandi klausa var send til vefsíðustjóra Sjúkraliðafélagsins með ósk um birtingu á síðu Deildar sjúkraliða á Norðurlandi eystra...viti menn, færslan fæst ekki birt. Fékk svar frá stjóranum; það er ekki tilefni til að setja þetta inn á síðu deildarinnar, þar sem formaður Ungliðadeildar hefur sett tilkynningu inn á síðu U-deildar. Tek það fram það er allt önnur síða. Ákvað að birta klausuna hér til aflestrar.

Undrandi á vinnubrögðum ritnefndar

Formaður DSNE undrar sig á vinnubrögðum ritnefndar í tengslum við frásögn hennar af stofnfundi ungliðadeildar. Fram kemur hverjir sitja í stjórn hennar og í lok málsgreinarinnar kemur fram að formaður deildarinnar hafi ,,bréflega“ sagt af sér. Hér er gefið í skyn að það hafi gerst á stofnfundinum. Það undrar mig að ritnefnd láti ekki skýringu á afsögn fylgja eða spjall við viðkomandi formann vegna málsins, úr því nauðsynlegt var talið að þetta kæmi fram. Það hlýtur að vekja undrun sjúkraliða að lesa þetta án skýringa. Inni á síðu U-deildar er tilkynning frá formanni sem barst eftir að Sjúkraliðinn barst félagsmönnum.

Með kveðju, Helga Dögg
formaður DSNE