Hljómar líkt og starf grunnskólakennara

Já það er víst ekki sama hvar í þjóðfélaginu menn vinna. Helgi lýsir starfi sínu sem um margt líkist starfi grunnskólakennarans. Það er alltaf áreiti, kennarar vinna á kvöldin og um helgar og eru nánast til viðtals allan sólarhringinn ef svo ber undir. Grunnskólakennarar fá ekki greidda yfirvinnu, hvorki inni í launum sínum eða sem yfirvinnugreiðslu. Helgi hefur samt rúmlega þreföld laun grunnskólakennara. En það er gott að Helgi sé sáttur við sitt.

Hækkuð níu mánuði aftur í tímann

Vonandi sjáum við slíka dóm hér á landi

Hér á landi mega menn þurrka rykið sem safnast hefur saman á gögn úr skattaskjólum. Þessu fólki á ekki að gefa neinn grið. Meðvitað og skipulega hafa margir flutt peningana sína í skattskjól til að þess að komast hjá greiðslum til samfélagsins. Dæmum þá, þeir eiga ekkert betra skilið.

Allt Kaupþingi að kenna

Ættu að skammast sín báðir tveir

Mér þykir ráðherra menntamála og borgarstjóri vega að grunnskólakennurum. Ráðherrann vill bjarga skorti á grunnskólakennurum með að opna leyfisbréfaveitingu í skólanna. Framhaldsskólakennarar eru betur launaðir er kennarar í grunnskólanum og því hæpið að þeir sæki þangað. Mikill skortur er á leikskólakennurum og því hæpið að Kristjáni Þór Júlíussyni tekst að koma öllum leikskólakennurum í grunnskólann. Í pallborðsumræðunum, eins og mbl.is segir frá þeim, fara þeir eins og köttur í kringum heitan graut. Launamál kennara og álagið. Þegar þessir menn horfa fram hjá hinum raunverulega vanda og benda svo á eldri kennara, þeir séu sökudólgarnir, þá er tímabært að segja takk fyrir mig, ég hef rekkert í stjórnmál að gera. Takið á vandanum þar sem hann er, það má stinga á kýlið til að hleypa greftrinum út, þið þurfið ekki að plástra í kringum það.

Ímynd kennarastarfsins í krísu

Ekki alveg rétt

Ég hjó eftir þessari málsgrein í greininni. ,,Í því sam­hengi bend­ir hann á að hér tíðkast ekki að láta nem­end­ur sitja sama bekk­inn tvisvar held­ur fær nem­andinn stuðning við hæfi svo hann geti fylgt skóla­fé­lög­um sín­um ólíkt því sem er víða á hinum Norður­lönd­un­um." Á Íslandi útskrifast allir úr grunnskóla burtséð frá getu, hæfileikum, andlegu og líkamlegu atgervi til að hann geti fylgt jafnöldrum. Það er ekki víst að nemandi hafi fengið neinn stuðning allan grunnskólann, en í greininni má lesa að það sé regla en ekki undantekning. Það er ekki hefð og hefur aldrei verið að nemandi sitji bekk en það er þekkt fyrirkomulag á hinum Norðurlöndunum svo og að nemendur sem fæddir eru seint á árinu mega byrja skólagöngu sína ári síðar en aldurinn segir til um. Hér á landi eru við svo föst við aldursviðmið að fátt ef nokkuð fær því breytt. 

 

„Heilt yfir stöndum við okkur mjög vel“