Bókun í fundargerð

Bókun í fundargerð varð til þess að skrifin urðu til. 

Fulltrúar Deildar sjúkraliða á Norðurlandi eystra (DSNE) mæltu sér mót við nokkra sjúkraliða búsetta í Reykjavík kl:16:00 sama dag og fundur félagsstjórnar Sjúkraliðafélagsins var haldinn. Reyna átti að finna leið til að lækka félagsgjald SLFÍ (starf í þágu sjúkraliða) og leggja fram tillögu á fulltrúaþingi daginn eftir. Félagsstjórn ljáir málinu ekki eyra á þann hátt sem við viljum, hún telur ekki grundvöll fyrir lækkun gjalds.

Í kjölfar brotthvarfs fulltrúanna, sem gáfu ekki ástæðu fyrir brotthvarfi, var eftirfarandi bókun gerð af þeim sem eftir sátu, fundi lauk kl:16:45, samkvæmt fundargerð.

Bókun vegna brotthvarfs Helgu Daggar og Hafdísar Daggar af fundi félagsstjórnar. ,,Félagsstjórn að undaskilinni HDS, vildi láta bóka hneykslan sína á þeim fulltrúum í stjórn félagsins sem greitt væri undir til fundarsetu í félagsstjórn og sæju ekki sóma sinn í að klára þá vinnu sem þeim væri treyst fyrir“.

Það er miður að fólk skuli bóka á þennan hátt um eigin störf. Á félagsstjórnarfundi í vetur sem leið, fór gjaldkeri félagsins ásamt formanni Vestfjarðardeildar af fundi og ,,sáu ekki  sóma sinn“ eins og félagsstjórn orðar það ,,að klára þá vinnu sem þeim var treyst fyrir“ og ,,greitt...undir til fundarsetu í félagsstjórn“. Skrifari hefur setið í félagsstjórn í 17 ár og aldrei vikið af fundi, en orðið vitni af að aðrir hafi gert það, án athugasemda. Ekki er hægt að túlkað þessa bókun öðru vísi en svo, að þetta gildi um alla sem farið hafa fyrr, skroppið af fundi eða komið of seint. Aðrir sem starfa í þágu félagsins hljóta að sitja undir álíka dómi frá æðstu stjórn félagsins. Sömu sögu er að segja af Fulltrúaþingi félagsins, ,,félagið“ hefur sjálft séð til þess að fulltrúar DSNE hafi þurft frá að hverfa áður en þingi lauk og þannig komið í veg fyrir að þeir gætu sinnt skyldum sínum. Aðrir landsbyggðarfulltrúar hafa skipulagt heimferð fyrr, áður en skyldum þeirra lauk, svo vitnað sé í bókun félagsstjórnar hér að ofan. Engin er bókunin, eftir því sem best verður séð í fundargerðum.

Á aðalfundum BSRB hafa fulltrúar SLFÍ setið misvel í stólum sínum af ólíkum ástæðum, í það minnsta þegar formaður deildarinnar tók þátt, svo bókun félagsstjórnar er víðfeðm.

Formaður og varaformaður Deildar sjúkraliða á Norðurlandi eystra geta á engan hátt tekið þessa bókun til sín, hafi markmið félagsstjórnar verið að beina spjótum sínum að þeim, heldur telja, að hún eigi við um alla sem koma að störfum fyrir Sjúkraliðafélag Íslands og hafa þurft frá að hverfa af fundum af ólíkum ástæðum.

Ég er sátt sem formaður deildarinnar að standa ekki að slíkri bókun og vona að félagsmenn séu mér sammála, sveigjanleiki verður að vera til staðar í sjálfboðnu starfi í verkalýðsfélagi eins og Sjúkraliðafélagi Íslands.