Gleðilega hátíð

Páskar eina ferðina enn og fréttir uppfullar af ólátum í fólki, óeirðum og ófriði þjóðabrota á milli. Hvað veldur að mannskepnan eins skynsöm og hún telur sig vera skul láta svona. Er það blessuð trúin sem velur öllum þessum ágreiningin og það sem trúað er á, já svolítið öfgafullt ef svo má að orði komast.

Páskahátíðin fer að mestu í vinnu hjá mér, heilbrigðisstarfsmenn þurfa að sinna skyldu sinni á þessum dögum eins og aðra daga. Þegar ég vaknaði beið mín páskaegg frá Nóa-Síríus, enda einu ætu páskaeggin að mínu mati. Málshátturinn minn hljóðar svo: Betra er berfættum en brókalausum að vera. Ég hef þá iðju að safna málsháttum og áskotnuðust mér 7 málshættir í morgun og allir sem ég á ekki fyrir. Mér þykir gaman að spá í merkingu málsháttanna og nota þá af og til þegar tilefni gefst.