Formaður Félags grunnskóla pantaði álit

eftir að lagabreyting Bandalags kennara á Norðurlandi eystra fór í gegn á ólöglegum fundi. Örðu vísi er ekki hægt að líta á það miðað við aðdraganda og afgreiðslu. Ljóst er að formaður Félags grunnskólakennara, Mjöll Matthíasdóttir, var með puttana í málinu. Fyrir utan að leggja línurnar að lagabreytingum, með frekar óheiðarlegum stjórnarmönnum BKNE, Vilborgu í Lundarskóla, Sigríði í grunnskólanum á Mývatni og þeim Pollý og Erlu í Brekkuskóla, skipti hún sér af málinu. Hún blandaði sér í málið sem formaður Fg  þegar athugasemd var gerð við framkvæmdina eftir aðalfundinn. Athugasemdin var gerð eftir að margir bentu á ólöglegan gjörning á fundinum.

Alveg sama hvernig menn reyna að snúa sér út úr þessu þá er ekki hægt að hafa tvenn lög í gildi á einum fundi. Villa, Pollý, Erla Rán og Sigríður beittu síðan valdboði og létu ólöglegan fund standa, með aðstoð formanns Félags grunnskólakennara.

Mjöll Matthíasdóttir formaður Fg pantaði lögfræðiálit um að fundurinn væri löglegur. Í álitinu er ekki farið efnislega í lögin og framkvæmdina. Vitnað er til fundargerðar sem gerð var á aðalfundinum sem formanni Fg lá mikið á að fá eftir fundinn og ljóst að athugasemd yrði gerð við framkvæmd hans. Eftir stendur óvissan er um málið. Þó ofbeldi, eða valdboði, sé beitt gefur það ekki lagalega niðurstöðu, það má öllum vera ljóst.

Eftir að Villa, Pollý, Erla Rán og Sigríður höfðu beitt ofbeldinu með aðstoð formannsins fór erindið til Félags grunnskólakennara. Sami formaður, og hafði aðstoðað við ofbeldið í reynd kúgun, sagði að málið ætti ekki heima á borði Félags grunnskólakennara. Bleik er brugðið. Kona sem hafði blandað sér í undirbúninginn og úrvinnsluna sagði allt í einu að málefnið ætti ekki heima hjá sér sem formanni félagsins. Hún sem formaður og stjórnin blandi sér ekki í það! Hana nú og heyrið það.

Traustvekjandi framkoma, nei langt í frá og þá er vægt til orða tekið.

Ef Félag grunnskólakennara hefur ekki afskipti af lögbrotum svæðisdeila hver á þá að hafa það?

Álit og virðing fyrir formanni Félags grunnskólakennara er rúið trausti. Hún hefur sýnt það í orði og verki að hún er ekki traustsins verð, langt í frá. Óheiðarleiki á ekki heima þar sem menn gegna trúnaðarstörfum. Formaður Fg hefur sýnt það í verki að lög eru eitthvað sem skiptir ekki máli helgi tilgangurinn meðalinu.

Kennarastéttin á kannski ekki von á góðu!