Kynvönun tungumálsins

Baldur Hafstað skrifar grein undir málaflokknum Tugutak í Morgunblaðið í dag, ,,Afkynjun íslenskunnar.“ Alveg þess virði að lesa. Við áttum okkur, við lesturinn, hve vitlaus sú vegferð er sem við erum á. Eins og Baldur bendir á virðumst við hræða orðin alþinginsmenn, heilbrigðisstarfsmenn. lögreglumenn og hestamenn o.fl. í þeim dúr og skiptum út menn í fólk. Sama með orðið kvenfólk segir hann og bætir við að forsprakkar afkynjunarinnar virðast forðast það orð sem og þeir. Baldur bendir á að Þórarinn Eldjárn kalli þetta málvönun, vel að orði komist.

 

Baldur segir: ,, Það sem afkynjunarmenn virðast ekki eða vilja ekki heyra eða sjá er að þessi nýja íslenska er farin að valda málótta. Menn hiksta og ræskja sig og fara síðan að tala um manneskjubein af því að þeir þora ekki einu sinni að taka sér í munn eignarfall fleirtölu orðsins maður: manna-bein.

Annað sem forsprakkar afkynjunar átta sig ekki á er að þeir eru sjálfum sér ósamkvæmir í eigin málnotkun. Þeir grípa t.d. óvart til orðsins maður/menn í gömlu merkingunni [konur og karlar], sem þeir ólust upp við. En við sem hlustum og lesum hljótum að eiga að skilja þá á nýja mátann og ályktum þar með að þeir séu einungis að tala um karla. Útkoman verður hringavit-leysa.“

 

Baldur heldur áfram: ,, Að minnsta kosti einn fjölmiðill sker sig sem betur fer úr og lætur ekkiglepjast. Ég hlýt að hvetja þá sem starfa við aðra miðla til að staldra aðeinsvið og athuga sinn gang. Kannski geta þeir haldið fund um málið og komist að heillavænlegri niðurstöðu. Og hugsanlega geta stjórnmálamenn gert það sama. Ég held að þeim áskotnist engin viðbótaratkvæði með auglýsingunni: Öll velkomin. Það er ekkert „líbó“ við svoleiðis orðalag; þetta er í besta fallisýndarmennska – eða öllu heldur hræsni.“

Ég vona að kennarar, og Kennarasambandið í heild sinni, hafi vit á að hafna svona hringavit-leysu eins og Baldur bendir á og noti íslenskuna eins og hún er byggð upp. Kennarar eiga að standa vörð um íslenskuna. Ein kjánalegasta birtingarmynd afkynjunnar er orðið formaður sem breytist í forkona.