Gott að ekki varð fólk fyrir bílnum

Veikindi tekur á sig alls konar mynd það er óhætt að segja það. Þakka má fyrir að ekki varð fólk fyrir bílnum. Hins vegar velti ég fyrir mér ábyrgð lækna sem vita um persónuleikabreytinguna og afleiðingar hennar. Er ekki inni í myndinni að kalla ökuleyfi til baka við slíkar aðstæður þar til sá veiki hefur jafnað sig. Miðað við viðbrögðin er svona einstaklingur hættulegur í umferðinni.

Þarf ekki að greiða sökum veikinda

Athugasemdir

[Jón (IP-tala skráð) 19.2.2015 kl. 10:18]

Það ætti að vera auðvelt fyrir fjármálafurstana að skaffa svona vottorð

eða eru ekki allir jafnir fyrir lögunum?

[Sigurður Geirsson (IP-tala skráð) 19.2.2015 kl. 10:48]

Ég velti því nú fyrir mér hver niðurstaðan hefði verið ef einhver hefði látist í þessu atviki, t.d. ef hún hefði keyrt á einhvern. Hefði hún þá verið saklaus vegna veikinda????

Í þessu máli eru staðreyndirnar ljósar; hún ók of hratt og var mæld þannig ekki bara einu sinni heldur tvisvar. Hún ók útaf og olli tjóni á bílnum? Og svo telst hún ekki ábyrg fyrir tjóninu!!!!! Mér er bara alveg sama að þetta voru bara peningar og að tryggingarfélag hafi borgað. Þess vegna velti ég því fyrir mér hver niðurstaðan hefði orðið ef einhver hefði látið lífið af þessum akstri hennar.

Miðað við þessa niðurstöðu þá ætti hún heldur ekki að teljast vera ábyrg fyrir því. Og þá hlýtur maður að spyrja: var það sá sem lést sem var ábyrgur, af því að hann var staddur þarna á þessum stað á þessum tíma og var ekki með neinn sjúkdóm sem leiddi til þess að hann hefði verið þarna?

Maður veltir því nú bara fyrir sér þegar maður sér svona niðurstöðu dómstóla hvers konar brandari þetta réttarríki okkar er orðið.