Stúlkan framdi glæp!

Enn eitt tilfellið um upplogna nauðgun. Drengur missir mannorð og æru, stúlkan fer frá málinu nánast á báðum fótum. Það er synd að menn sem í þessu lenda hafi ekki áhuga eða getu til að kæra. Skil þá reyndar mætavel, þetta er helvíti að ganga í gegnum að fá svona ákæru á sig. Ekki tæki betra helvíti við, við gagnákæru, þó stúlkan ætti hana skilda. 

Mörg nauðgunarmál enda hjá Ríkissaksóknara á þá leið að málið endi ekki með sakfellingu og því er það látið niður falla. Er nokkuð viss að mörg málanna séu af þeim toga og upp kom í Vestamannaeyjum, kemst bara ekki á hreint fyrr en löngu seinna í ferlinu. Drengnum til happs er að málið er ekki komið lengra í ferlinu og því gæti hann sloppið betur en þeir menn sem hafa þurft að fara alla leið með falsákæru á bakinu.

Hvað er til ráða, hvers vegna gera stúlkur þetta? Spyr sá sem ekki veit. 

Maðurinn reyndist vera saklaus

Athugasemdir

[ólafur (IP-tala skráð) 3.8.2013 kl. 23:28]

þetta er bara fárnlegt. Hvers eiga raunveruleg fórnarlömb að gjalda hér? Nú eða hvað um mannorð þess sem fær þeta á sig? Hvað um tíma lögreglu sem fer í svona lagað? þetta á að vera refsivert og maðurinn á bara ekki að þurfa að kæra. Saksóknari á bara að gera það.

[Axel Jóhann Hallgrímsson, 3.8.2013 kl. 23:41]

Maðurinn var handtekinn af lögreglu þó formleg kæra hafi ekki verið lögð fram. Við rannsókn lögreglunnar kom í ljós að ásakanir stúlkunnar voru ósannar. Þeir ættu með réttu að klára málið, þeir geta ekki kastað frá sér málinu þó glæpurinn og gerandinn sé annar en í upphafi var talið. Af hverju eru morð rannsökuð? Mér vitanlega leggja lík aldrei fram kæru. Lögreglan getur, sé vilji fyrir hendi, hafið rannsókn á hvaða máli sem er án þess að formleg kæra hafi borist, liggi fyrir rökstuddur grunur um glæp.

[Gretar (IP-tala skráð) 4.8.2013 kl. 09:28]

"STÚLKAN FRAMDI GLÆP"

Heykvíslarnar á loft og stingum henni í svartholið með það sama!

Ertu krossþroskaheft Helga eða bara almennt vitlaus?

Hvað veist þú nema að stúlkunni hafi í raun verið nauðgað?

Hugsanlega bar hún rangan mann sökum vegna ölvunar.

Hugsanlega benti hún á tjald þar sem var maður sem var "handtekinn" (færður til yfirheyrslu)

Er möguleiki að í þessu tjaldi hafi verið annar maður þegar nauðgunin átti sér stað?

Er möguleiki að sá maður gangi laus og almenningur er byrjaður að dæma stúlkuna?

Núna ert þú búinn að "ákveða" það vegna fréttaskota að stúlkan sé ótýndur glæpamaður, þú hefur ekki nokkra einustu hugmynd um hvað þarna gerðist en ert samt byrjuð að dæma í málinu rétt eins og þeir sem sem dæma "gerandann" í svona málum.

Svona lagað fylgir þér út í samfélagið og dæmir þig til baka!

Þú ættir að skammast þín fyrir að koma með svona skrif!

[Helga Dögg Sverrisdóttir (IP-tala skráð) 4.8.2013 kl. 10:35]

Ólafur: Sammála, þetta á að vera refsivert að saka mann um nauðgun sem á sér ekki stað, eða af öðru tilefni.

Axel: það er þannig að leggi drengurinn ekki fram kæru er ekkert aðhafst. Hér tala ég af reynslu.

Grétar: Að mínu mati mátt þú vanda orð þín betur. Að kæra mann fyrir nauðgun, þó óvart sé, er glæpur. Það sem fylgir á eftir, frelsissvipting og yfirheyrslur lögreglu bendir til að þetta var ekki óvart. Lögreglan hefði látið kyrrt liggja. Það er manninum til happs að upp kemst svona snemma.

Ég skammast mín ekki ef þessi skoðun fylgi mér út í lífið og samfélagið. Ég vil meiri umræðu um stúlkur sem setja fram tllbúna ákæru á hendur mönnum um nauðgun, sama hvernig hún ber að. Slíkur glæpur á, að mínu mati, að vera fréttaefni rétt eins og nauðgunin sjálf. Það veit enginn sem ekki hefur gengið í gengum það hvers konar helvíti það er að vera ákærður fyrir nauðgun sem á ekki við rök að styðjast.

Það orðaval sem þú notar Grétar segir meira um þig en mig.

Góð kveðja, Helga DÖgg

[Tinna (IP-tala skráð) 4.8.2013 kl. 14:38]

Fyrst af öllu var maðurinn ekki kærður né nefndur á nafn, svo að ég sé nú ekki hvernig hann hefur misst mannorðið.
Kannanir hafa sýnt að það er virkilega óalgengt að fórnalamb nauðgunar ljúgi upp á gerandann. Nauðgunar vandarmál eru mjög flókin þar sem fólk þar að glýma við margskonar sálræn mál.

Hér er mjög fræðandi grein um þessi mál
http://msmagazine.com/blog/2013/05/07/british-study-shows-false-rape-claims-are-complicated-matters/
Hér er vitnað í greinina.

"Women are frequently accused of fabricating sexual assault to gain sympathy. According to CPS, such accusations hold almost no weight. Throughout a 17-month period in England and Wales, CPS found only a small number of false allegations: 35 out of 5,651 prosecutions for rape, 6 out of 111,891 for domestic violence and 3 for both rape and domestic violence."

Ég held að við ættum ekkert að vera að hlaupa á okkur, sérstaklega þar sem að þessi mál eru mjög persónuleg, og við vitum ekki hvað gekk á.
Ég er þó mjög sammála að það þarf að vera meiri umræða um nauganir og kynferðisofbeldi, þar sem að það virðist vera mikill miskilningur með þetta hér á landi í hvert sinn sem að umræðan byrjar.

Bestu Kveðjur
Tinna

[Haraldur Johannesson (IP-tala skráð) 4.8.2013 kl. 16:46]

Tinna: þó að maðurinn hafi ekki verið nafngreindur í fjölmiðlum, þá er víst að allir sem þekkja hann og voru með í eyjum vita að hann var handekinn grunaður um nauðgun og þar með flýgur fiskisagan og það verða alltaf einhverjir sem halda sögusögnunum og vangaveltum gangandi og þar ´með er mannorð hanns skaðað.

Þar fyrir utan þá get ég ekki séð neinstaðar í fréttum að stúlkunni hafi ekki verið nauðgað eins og sumir hér halda fram en þar semm fréttir herma að konan og maðurinn þekkjast þá er svolítið erfitt að átta sig á hvernig konan hafi ásakað vitlausan mann óvart.

[Helga Dögg Sverrisdóttir (IP-tala skráð) 4.8.2013 kl. 16:58]

Tinna, vissulega á ekki að hlaupa á sig. Þegar um kynferðisofbeldi að ræða verður umræðan oft einhliða, hlið konunnar tekin upp og varin með öllum tiltækum ráðum. Það að ásaka mann um nauðgun er ásökun, rannsókn hjá lögreglu leiddi í ljós að svo var ekki. Málið gekk svo langt að lögreglan blandast í málið, maður handtekinn að öðrum viðstöddum, því varla sváfu allir á þjóðhátíð á þessum tíma. Að því leiti er ég sammála Haraldi.

Tinna það eru mun fleiri fals ákærur en við gerum okkur grein fyrir. Kannaði það í gegnum Alþingi Íslendinga þegar ég persónulega þurfti að hafa afskipti af falsaðri nauðgunarákæru. Þetta er meira en að segja það! Málið er kannski það menn segja ekki frá og enn síður kæra viðkomandi og því er ótrúlegt að vísa í könnun. Held, ef menn stigur fram, færi um marga hér á landi yfir fjöldanum. Margar af þessum ákærum enda með að ekki sé ákært því ekki er talið að leiði til sakfellingar, í þeim orðum felst m.a. að um uppspuna var að ræða.

Kveðja, Helga Dögg

[Austmann,félagasamtök, 4.8.2013 kl. 18:18]

Fyrir nokkrum árum (2009) voru fjórir útlenzkir menn handteknir og settir í gæzluvarðhald og sátu þar í viku vegna kæru um hópnauðgun. En við meðferð málsins gátu sakborningarnir sýnt fram á að kæran var upplogin, því að einn af þeim hafði tekið allt upp á símann sinn, án þess að stúlkan vissi af. Á myndskeiðinu sést, að engin nauðgun eða kynlíf átti sér stað, en stúlkan var að betla fíknilyf af þessum mönnum í skiptum fyrir kynlíf, sem þeir neituðu.

Mennirnir kærðu stúlkuna fyrir falskar ásakanir sem svertu mannorð þeirra, sem skv. 124. gr. hegningarlaga ber að refsa með 2ja ára fangelsi hið minnsta. Í héraði var stúlkan sýknuð, þrátt fyrir að hún játaði glæpinn, á þeirri forsendu að hún var undir áhrifum kannabis! Málið var þannig afgreitt og fór aldrei fyrir hæstarétt.

"148. gr. Hver, sem með rangri kæru, röngum framburði, rangfærslu eða undanskoti gagna, öflun falsgagna eða á annan hátt leitast við að koma því til leiðar, að saklaus maður verði sakaður um eða dæmdur fyrir refsiverðan verknað, skal sæta …1) fangelsi allt að 10 árum. Við ákvörðun refsingar skal hafa hliðsjón af því, hversu þung hegning er lögð við broti því, sem sagt er eða gefið til kynna, að viðkomandi hafi drýgt. …2) Hafi brot haft eða verið ætlað að hafa í för með sér velferðarmissi fyrir nokkurn mann, þá skal refsað með fangelsi ekki skemur en 2 ár og allt að 16 árum."

Um eða eftir miðjan áratuginn var maður á Austurlandi kærður fyrir nauðgun. Löggan komst að því að kæran var tilhæfulaus og málið var látið niður falla. Á meðan á rannsókninni stóð, í 2 mánuði, var hann útskúfaður úr bæjarfélaginu og upplifði helvíti. Síðar játaði konan opinberlega að hún hefði logið þessu og henni var eiginlega alveg sama. En hún fékk enga refsingu, enda var hún ekki kærð, en hún fékk heldur ekki 600 þús. frá Fjársýslu ríkisins sem hún hafði sennilega vonazt eftir.

[Helga Dögg Sverrisdóttir (IP-tala skráð) 4.8.2013 kl. 19:00]

Takk fyrir þetta Austmann félagasamtök.

Víða pottur brotinn þegar kemur að tilhæfulausri nauðgun og ljóst fólk situr ekki við sama borð. Held að enginn sem ekki hefur upplifað tilhæfalausa ákæru vegna nauðgunar geti sett sig í spor þeirra sem þjást. Vil að málið fái meiri umfjöllun en þolendur vilja ekki stíga fram, nægar hafa þjáningarnar verið.

Því miður er þetta ekki eina dæmi þarna á Austurlandi. Þekki dæmi á Akureyri og það fleiri en eitt að menn hafa yfirgefið bæjarfélagið vegna kæru um nauðgun sem átti sér ekki stað.

Kveðja, Helga Dögg

[Hörður Þórðarson, 4.8.2013 kl. 20:09]

Ég vorkenni mest fórnarlömbum raunverulegara nauðgana þegar svona fals ákærur eru lagðar fram. Þeirra framburður verður síður tekinn trúarlegur fyrir vikið.

Svona fals ákæra er alverlegur glæpur og refsingin ætti að vera víti til varnaðar þeim sem hyggja á gera slíkt. Í það minnsta nafn og myndbyrting ásamt fangelsisdómi.

[Austmann,félagasamtök, 4.8.2013 kl. 20:13]

Leiðrétting á aths. #8: "... skv. 148. gr. hegningarlaga ..."

[Óli (IP-tala skráð) 4.8.2013 kl. 22:35]

Ég held að ég slaki bara meira á og fái mér te

[Gunnar Th. Gunnarsson, 5.8.2013 kl. 05:33]

Ég þekki eitt dæmi um strák sem fékk á sig falska nauðgunarkæru á útihátíð. Það upplýstist sem betur fer, en þó ekki svona fljótt sem í þessu tilfelli. Ástæða stúlkunnar var að stráksi vildi ekkert með hana hafa.

[ólafur (IP-tala skráð) 5.8.2013 kl. 11:49]

Hvað eru margir hér sem muna eftir "hópnauðgunini" á stelpu hér um árið? Muna menn hvað þar kom í ljós? Og þið hálfsturdluðu feministar hvernig var það mál nú aftur? Vill ekki e h rekja þá málavexti hér fyrir okkur? ;o)

[Austmann,félagasamtök, 5.8.2013 kl. 15:55]

Það væri líka ágætt að fá komment frá Stígamótum, sem var sett á laggirnar vegna nauðgana, sem er auðvitað alvarlegur glæpur. Ég hef aldrei heyrt eða lesið neitt frá Guðrúnu eða öðrum starfsmönnum Stígamóta varðandi falskar nauðgunarkærur. Þar á bæ ríkir einbeitt þöggun varðandi þannig tilfelli.

Hins vegar las ég ekki endur fyrir löngu grein í Fréttablaðinu, minnir mig, eftir konu sem var mjög óhress með sýknudóm sem hafði fallið. Hennar viðhorf var greinilega að sýknaðir menn væru samt sekir.

Ég þekki líka til annars máls varðandi kynferðisbrot, þar sem kæran sjálf fékk sitt eigið líf og ákærunni um kynferðisbrot var haldið til streitu í réttarkerfinu þrátt fyrir að meint fórnarlamb hefði dregið öll sín ummæli til baka, enda hafði hvorki hún sjálf né aðstandendur hennar kært manninn, og enda voru engar vísbendingar til þess að brot hefði átt sér stað. Maðurinn endaði með að vera sýknaður, en það var ekki fyrr en eftir marga mánuði að saksóknari og dómarar ákváðu að opna augun og láta fordómana gegn ákærða víkja fyrir réttlætinu.

[Anna (IP-tala skráð) 5.8.2013 kl. 16:25]

En veit nokkur hér hvað gerðist. það eru nokkrir möguleikar í stöðunni. Það sem hér er rætt um er einn þeirra. Svo er það sá möguleiki að stúlkan hafi ákveðið að sleppa við að kæra enda (eftir því sem mér skilst var hann kunningi hennar) kannski vildi hún gefa honum sjens. Kannski hreinlega treysti hún sér ekki lengra með málið af einhverjum öðrum ástæðum. Kannski fór hún manna- og tjaldavillt af því hún var drukkin. Ég veit ekkert um það. Hvað um ykkur?

[Eva Hauksdóttir (IP-tala skráð) 5.8.2013 kl. 16:27]

Grétar: það hefur komið fram að stúlkan og pilturinn þekktust svo hún hefur nú varla borið sakir á rangan mann. http://www.mbl.is/frettir/innlent/2013/08/03/stulkan_og_madurinn_thekkjast/

Austmann: Varðandi dóminn sem þú nefnir þá misminnir þig um tvennt. Konan játaði ekki að hafa borið mennina röngum sökum en á upptöku heyrist að hún beinir til þeirra tilmælum um að hafa mök við sig, ekki til að fá fíkniefni heldur segist hún eiga það inni af því að hún sé búin að hafa við þá munnmök. Hún var sýknuð á þeirri forsendu að þessi upptaka afsanni ekki að þeir kunni að hafa nauðgað henni áður eða á eftir. Einnig kemur fram að ummæli hennar kunni að hafa staðið í sambandi við amfetamínneyslu en ekki hassneyslu.

[Austmann,félagasamtök, 5.8.2013 kl. 16:45]

Eva: Ertu að halda því fram, að héraðsdómararnir hafi gefið það í skyn, að mennirnir hafi hagrætt upptökunni þannig að þeir myndu sleppa við refsingu, en hafi samt nauðgað henni? Hvað er þín eigin persónulega skoðun á málinu?

Svo hef ég aðra spurningu, ef þú ert sammála þessari túlkun.

[Anna (IP-tala skráð) 5.8.2013 kl. 17:18]

Væri ekki betra að sleppa því að dæma um mál sem maður þekkir ekkert til. Ég á allavega ekki von á að neinn hér viti hvað gerðist.

[Helga Dögg Sverrisdóttir (IP-tala skráð) 5.8.2013 kl. 17:51]

Anna, stúlkan fór til lögreglu það koma fram í fjölmiðlum að hún ásakaði hann um nauðgun. Það eitt og sér er nóg, það þarf ekki meira til, til að ræna kk mannorði. Mér finnst dapurlegt að sjá kvk alla tíð draga taum kvenna rétt eins og þær geti verið saklausar í öllum málum. Tökum frekar upp umræðuna að svona falsákærur eiga við rök að styðjast og hvernig á að sporan við þeim. Eins og fram hefur komið hér dregur þetta úr trúverðugleika þeirra sem lenda í raunverulegri nauðgun. Það er sama með þessa ásökun og allar, það veit enginn hvað gerst hefur.

Kveðja, Helga dögg

[Anna (IP-tala skráð) 5.8.2013 kl. 19:39]

Það að hún fór til lögreglunnar og tilkynnti að henni hafi verið nauðgað en dró það svo til baka segir okkur ekkert um hvað gerðist. Það væri sannarlega ekki í fyrsta sinn sem einhver, kona eða karl lendir í ofbeldi af einhverju tagi, tilkynnir það en hættir svo við að leggja fram kæru af einhverjum ástæðum. Það er alþekkt. Nú veit ég ekki frekar en þú hvað gerðist í þessu tilviki svo við ættum að sleppa því að dreifa skít yfir einhvern sem tengist málinu.

[Helga Dögg Sverrisdóttir (IP-tala skráð) 5.8.2013 kl. 20:18]

Anna hér er engum skít dreift. Drengurinn ætti að kæra fyrir rangar sakagiftir. Þær sakir sem hún bar á hann leiddi til frelsissviptingar, yfirheyrslu og fréttaflutnings af málinu. Samkvæmt lögum má kæra þann einstakling sem það gerir.

Kveðja, Helga Dögg

[ólafur (IP-tala skráð) 6.8.2013 kl. 00:20]

Anna ofl sem um þetta hafa bloggað eða kommentað td e h Halla og Sigurður vita bara að e h nauðgaði e h! það er alveg ljóst í þeirra brenglaða huga. Bara dæma og taka e h af lífi svona til öryggis!

Nauðagarar eiga enga miskunn skylið. þá skal dæma harðlega. Enn að ljúga svona glp er enn verra enn það að fremja hann finst mér. Anna og þið hin sem viljið og vonið að stúlkuni hafi verið nauðgað. Hvað er að hjá ykkur?? enn kynnið ykkur pólverjamálið td. það var nú fróðlegt mál!