Ánægjulegt að sjá hve hommarnir fengu lítið fylgi

og það er EKKI, ALLS EKKI, af því þeir eru hommar, heldur af því þetta eru Baldur og Felix. Tveir fyrir einn. Hefði annar hommi verið í framboði er það allt önnur Ella. Kynhneigð skiptir ekki máli á Íslandi í dag. Allavega setur bloggari það ekki fyrir sig þó samkynhneigður einstaklingur gefi kost á sér í eitt og annað sem þarf að kjósa um. Bloggari gæti jafnvel veitt viðkomandi brautargengi í kosningum ef málefni og einstaklingurinn höfðar til hans. Samkynhneigðir hafa öll sömu réttindin og gagnkynhneigðir, gleymum því ekki.

En af hverju gleðst bloggari yfir slöku gengi Baldurs og Felix. Þegar barátta hóps veldur því að baráttan skerði réttindi annars hóps er ástæða til að stíga niður fæti. Harkalega. Sú barátta sem Felix Bergsson hefur háð gegn stúlkum og konum að trans kona, karlmaður sem skilgreinir sig sem konu (með líffæri karlmanns) hafði aðgang í kvennaíþróttir og einkarýmum kvenna finnst bloggara ástæða til að stíga niður fæti. Felix hefur sagt það í fjölmiðlum svo hér er ekki farið með staðlausa stafi. Lesa má um það hér, hér, hér og hér.

Þjóðin hafnaði þeim ekki sem hommum heldur baráttu þeirra sem á hvergi heima á meðan réttindi stúlka og kvenna eru skert. Þjóðin þarf ætíð að muna þá vanvirðingu sem Felix hefur sýnt stúlkum og konum í sinni baráttu. Felix Bergsson segir það hatur og trans fóbíu að berjast fyrir réttindum íþróttakvenna.

Fleiri og fleiri stíga fram til stuðnings kvennaíþróttunum.