Bera skólastjórar ekki ábyrgð

Hlustaði á áhugavert viðtal við móður sem vill ekki hinsegin fræði fyrir ung börn sín. Hún bað skólastjórann um undanþágu fyrir kennslunni en hann neitaði. Eftir því sem ég hef komist næst er um skóla í Kópavogi að ræða.

Að kennarar, með samþykki skólastjórnenda, skuli troða sínum hugmyndum og eigin trú inn upp á nemendur er fyrir neðan allar hellur. Linda bendir á hvernig kennararnir töluðu við börnin hennar. Hún segir að lög um grunnskóla séu brotin. Þetta fer saman við það sem norska foreldrafélagið segir sem hafnar trans hugmyndafræði inn í skólakerfið.

Ljóst er að foreldrar þurfa að taka höndum saman vilji þeir ekki að börn þeirra sitji undir þessari hugmyndafræði sem nokkrir einstaklingar í samfélaginu boða sem hina einu réttu. Áróðurinn sem fer fram í skólakerfinu, með flöggun trans fána, alls kyns skilaboð inni í kennslustofum og göngum o.s.frv. er á ábyrgð skólastjóra og kennara þeirra sem fara fyrir hugmyndafræðinni.

Sturla Krisjánsson sálfræðingur og fyrrverandi skólastjóri talar um áföll sem börn geta upplifað þegar svona kynjaruglingur á sér stað. Stundað í mörgum skólum. Barn getur aldrei orðið annað en það sem genin segja til um.

Linda segir frá vanda stráks sem hann lenti í eftir að kennari sagði að hann vissi ekki hvort hann væri strákur eða stelpa, hann ætti eftir að ákveða það. Þvættingur, það á enginn eftir að ákveða kyn sitt eftir að hann fæðist.

Ljóst er á máli Lindu að skólastjóri braut lög um grunnskólann gagnvart nemendum, fylgir því ábyrgð?

Sturla segir skóla fara yfir þau mörk sem þeim er ætlað og bendir á að áfall drengsins sé lýsandi dæmi um það. Skólastjórar eiga að endurskoða málaflokkinn. Þetta gengur ekki upp eins og það er.

Sturla bendir á samkvæmt lýsingum Lindu þá er þetta ekki hlutverk skóla að boða hugmyndafræði sem megin þorri manna styður ekki.

Hér má sjá dæmi um áróður úr íslenskum skóla í Kópavogi.