Formenn sjúkraliða og leikskólakennara

Bakvarðasveitin óskar eftir liðsauka sagði landlæknir á fundi í dag. Læknar, hjúkrunarfræðingar og sjúkraliðar mynda að mestu barkvarðasveitina. Við skráningu tekur fólk meðvitaða ákvörðun og samfélagslega ábyrgð að hjálpa þar sem kóvid er allt um kring. Bólusetning framlínustarfsmanna er ekki lokið og því fara margir óbólusettir í starf og telja það ekki eftir sér.

 

Formaður Sjúkraliðafélagsins hvatti sitt fólk á sínum tíma að skrá sig og leggja samfélaginu og veikum lið. Sjálf fór formaðurinn inn á starfsvettvanginn. Annað hljóð er í formanni félags leikskólakennara. Leikskólakennarar sinna hópnum sem smitast minnst og því ekki ástæða til að takmarka starf leikskóla að sögn sóttvarnalæknis. Eina takmörkunin er að fullorðnir mega ekki vera fleiri en 10 í sama hólfi. Samt sem áður sendi stjórn leikskólakennara frá sér ályktun um að loka eigi leikskólum, koma sínum starfmönnum í skjól á meðan aðrir fara á vígvöllinn. Verð að segja, ég hefði sagt formanni leikskólakennara að leita sér upplýsinga, hjá þar til bærum yfirvöldum, áður en hann bæði hvetur foreldra til að halda börnum heima og hvetja ráðherra til að loka leikskólanum. Farið með börnin í leikskólann, börnunum veitir ekki af, hitta önnur börn vera úti að leika, hafa gaman og njóta samverunnar.

 

Stjórn KÍ lepur upp vitleysu leikskólakennarafélagsins sem og stjórnendur leikskólanna.

Ótrúleg tilmæli í ljósi orða sóttvarnalæknis

Stjórn félags leikskólakennara hljóp á sig. Aflaði ekki upplýsinga hjá þar til bærum yfirvöldum áður en ályktun og tilmæli til foreldra voru send. Þvert á ráðleggingar sóttvarnalæknis og fræðanna. Stjórnin vill loka leikskólunum þrátt fyrir að fræðin segja annað. Börnin hafa gott af því að koma í leikskólann, leika sér og hitta önnur börn í stað þess að hanga heima. 

Skýtur skökku við, landlæknir óskar eftir heilbrigðisstarfsfólki í bakvarðasveit á meðal stjórn leikskólakennara vilja sitt fólk í skjól þrátt fyrir að starfa með fæstir smitast. 

 

Foreldrar haldi leikskólabörnum heima

Að sjálfsögðu á að vera opið- henni til minnkunar

Velti fyrir mér hvað gerist ef heilbrigðisstarfsfólk krefst lokunar á starfsstöðvum sínum eða löggæslan. Starfsmenn heilbrigðisstofnanna er líka útsett fyrir smit. Mér þykir dramatíkin í leikskólakennurum of mikil. Vissulega koma upp smit og þá þarf sóttkví en það kallar ekki á lokun allra leikskóla. Vissulega ekki allra grunnskóla heldur. Hlynnt að við höldum starfi barna óbreyttu í því mæli sem hægt er.

Hvað hafa komið upp mörg smit í leikskólum landsins, ekki mörg ef ég man rétt. Réttlætir ekki lokun leikskóla í fimm daga að mínu mati.

Grunnskólakennarar í mörgum sveitarfélögum mæta til vinnu þá tvo daga sem ráðherra lokaði skólunum, í dag og morgun, þó engir séu nemendurnir. Vonandi opna grunnskólarnir eftir páska, helst með óbreyttu sniði.

Persónulegar sóttvarnir er það sem dugar best. Ljóst að fólk hefur slakað á þeim. Björgunarsveitir landsins glíma nú við gosóða Íslendinga sem láta sóttvarnareglur inn um annað og út um hitt. Björgunarsveitarfólk er útsett fyrir smit og virðist mörgum fátt um finnast.

 

Sagði upp eftir fréttir dagsins