Íþróttastúlku hótað eftir að hún sagði frá trans-konu, karlmanni sem skilgreinir sig sem konu

Háskólastelpur koma nú hver á eftir annarri til mótmæla þátttöku karlmanna, sem skilgreina sig sem konur, í kvennaíþróttum. Þó fyrr hefði verið segir bloggari.

Ein blakkvennanna slóst í hóp Riley Ganes sem er með dómsmál í gangi gegn NCCA, íþróttasamtökum í Bandaríkjunum. Stelpurnar kæra samtökin fyrir að leyfa karlmönnum að spila með og gegn stúlkum, þeir leggja þær í hættu. Þær kæra líka fyrir að þeim sé gert að keppa við ofjarla sína, karla sem skilgreina sig sem konur. Um það er ekki deilt, líffræðilegur karlmaður hefur mun meiri styrk, þol og krafta en kona.

Slusser fyrirliði San Jose liðsins var sú sem slóst í málsóknarhópinn en liðsfélagi hennar reyndi að leyna líffræðilegu kyni sínu. Það var afhjúpað. Nokkur lið hafa nú neitað að spila við liðið þar sem karlmaðurinn er, skiljanlega.

Nokkur kvennalið neita að spila við San Jose State University liðið þar sem karlmaður er liðsmaður segir Irena BritUSA fjallaði um málið. Þegar menn segja ekki sannleikann, blanda kynjum saman í íþróttum gerist þetta segir Irena. Verður aldrei sanngjarnt að strákur keppi í kvennaliðið.

Hér fjallar ung koma um lögin og börn eru hvergi undanskilin.

Víðar er barist fyrir réttinum kvenna, eða réttara sagt að viðhalda þeim. Það er synd og skömm að baráttan um réttindi kvenna sem formæður okkar börðust fyrir hverfa nú eitt af öðru til að þóknast karlmönnum sem skilgreina sig sem konu. Frekjan og yfirgangurinn er þvílíkur. Þeir sætta sig ekki við sömu mannréttindi og aðrir heldur vilja þeir hafa réttindi af konum, s.s. einkarýmum og íþróttum.

Andspyrnuhreyfing kvenna

Í Þýskalandi hóft ráðstefna kvenna hófst í gær og verður til morguns. Ráðstefnan ber nafnið Heroica. Konurnar sem þar eru mótmæla þýskum lögum sem taka gildi 1. nóvember. Þrengt er að réttindum kvenna, foreldra og tjáningarfrelsinu. 

Lesbíur verða illa úti vegna trans-hugmyndafræðinnar. Karlar sem skilgreina sig sem konu vilja vera lesbíur. Í huga bloggara og margra annarra eru þeir gagnkynhneigðir, einhvern veginn liggur það í augum upp. Eru með lim og pung, vilja konur. Lesbíupar eru tvær konur, ekki karl og kona.

 

Velja kennarar í grunnskólanum allsherjar verkfall eða skæruhernað?

Ekkert gengur í kjaraviðræðum grunnskólakennara. Það dylst engum sem fylgist eitthvað með. Formaður Félags grunnskóla hefur falið formanni Kennarasambandsins samningsumboð grunnskólakennara. 

Nú þegar kjaradeildan er hjá ríkissáttasemjara má hugsa tvennt í stöðunni. Félagið er við það að semja eða íhugar verkfallsboðun. 

Verði blásið til verkfalls eru tveir möguleikar.

Allsherjarverkfall þar sem allir grunnskólakennarar fara í verkfall. Góður kostur? Fer eftir því hvernig á það er litið.

Hinn kosturinn er skæruverkföll en bloggari kynntist þeim fyrst hjá Sjúkraliðafélagi Íslands. Skæruverkföll eru þannig að ákveðið stig fer í verkfall og helst þar sem það bítur mest. Í grunnskólanum er það yngsta stigið. Síðan væri hægt að hafa daga á stigunum. 

Hvort grunnskólakennarar séu tilbúnir í verkfallsaðgerðir er fyrst vitað þegar kosning fer fram. Fari kennarar í verkfall þá er það röskun á námi nemenda en þannig eru verkföll. Markmiðið er að valda sem mestri röskun.

Fyrir nokkrum árum þótti kennarastéttinni óhugsandi að fara í verkfall, byggt á reynslu fyrri áratuga. Nýliðun í stéttinni er mikil, yngra fólk komið í grunnskólann og leiðbeinendur fleiri. Þessi samsetning gæti gefið annars konar niðurstöðu en fyrir fáeinum árum.

Hvað sem öllu líður, þá verður fróðlegt að fylgjast með á komandi vikum. Bloggari vonar að hann hafi rangt fyrir sér hvað verkfallsboðun varðar og að kjarasamningur sé handan við hornið.

 

 

Hafa karlmenn skilning og upplifun af verkjum kvenna

Ríkisstjórn Viktoríuríkis tekur karlmenn með í heilsufarsrannsókn á verkjum kvenna.

Jacinta Allan forsætisráðherra Viktoríuríkis og ríkisstjórn hennar vita ekki hvað kona er. Þrátt fyrir að hafa ekki getað skilgreint helming íbúanna hefur hún pantað rannsóknina ,,The Inquiry into Women's Pain" sem er hluti af 153 milljón dollara kostnaði vegna heilsubreytingu kvenna segir Kirralie Smith.

Rannsóknin tekur við svörum frá ,,hverjum þeim sem skilgreinir sig sem konu, þó að hann kunni að hafa annað kyn við fæðingu." Það sem þeir vísa til hér eru karlmenn.

Ríkisstjórn Viktoríuríkis tekur því að svörum um sársauka kvenna, frá körlum, sem hafa allt annan lífeðlisfræðilega uppbyggingu og munu aldrei upplifa kventengda sársauka.

Fatnaður, lyf og skurðaðgerðir sem hylja karlmennsku mannsins breyta ekki æxlunarfærum hans frá karli til konu og hann mun aldrei skilja eða upplifa hvað það er að hafa kvenkyns æxlunarfæri.

Karlmaður mun aldrei þola breytingarskeið kvenna, legslímuflakk eða leghálskrabbamein, en samt vill ríkisstjórn Viktoríuríkis láta undan fantasíum sumra karla, um að þeir geti verið konur, með því að taka þá með í heilsufarsrannsókn kvenna.

Það er móðgandi og fáránlegt!

Þekktur skurðlæknir í Viktoríu, vildi ekki láta nafngreina sig af ótta við útilokun, talaði gegn þessu og sagði ,,kynstaðfestingar þjónustu“ eyðileggingu í heilbrigðisþjónustunni. Það verður að setja líffræðina framar sjálfsmynd. Hann segir ,,sjúklingar kynna fyrir læknum hið ,,nýja“ kyn og gefa ekki upp líffræðilega kyn sitt. Þetta hefur gífurleg áhrif á alla þjónustu.“

,,Ef læknar segja eitthvað neikvætt er hægt að tilkynna það til eftirlitsaðila.“ Áfram heldur læknirinn ,,Yngri læknar eyða tíma í að læra hvernig á að tala við þetta fólk og einblína ekki á grunnatriðin eins og sykursýki, astma eða brjóstakrabbamein.“

Læknar geta ekki gagnrýnt brjálæði stjórnvalda af ótta við útilokun eða sviptingu leyfis.

Hvernig er hægt að ætlast til þess að nokkur treysti ríkisstjórn eða lækni sem afneitar raunveruleikanum, hafnar vísindum og gaslýsir konur með þeirri lygi að karlmaður geti verið kona?

Greinina má lesa hér.

Enn sýna trans aðgerðasinnar ofbeldisfulla hegðun

Eitthvað er það í fari kvenna sem trans aðgerðasinnum líkar ekki. Þær mega ekki koma saman til að ræða sín mál, réttindi sem tekin voru af þeim með lögum um kynrænt sjálfræði. Bakslag hefur orðið í kvennabaráttunni og það er stjórnmálamönnum að þakka. Engum öðrum. Þeir hafa með heigulshætti sínum látið undan þrýstingi fárra einstaklinga og gengið á rétt milljóna.

Kellie-Jay Keen varð enn og aftur fyrir ofbeldi

Stofnandi og skipuleggjandi ,,Let Women Speak“ viðburðanna varð skotmark á Nýja Sjálandi eftir að John Pesutto, leiðtogi frjálslyndra í Viktoríuríkinu, stimplaði hana sem nasista. Það gerðist eftir Melbourne mótmælin í mars 2023.

Um síðustu helgi greip trans aðgerðasinni til ofbeldis gagnvart henni. Hann notaði sömu aðferð og ofbeldisseggurinn á Nýja Sjálandi, hellti súpu yfir hana. Allt í nafni transins!

Hinn 34 ára gamli maður reyndi að flýja vettvang en var eltur uppi af konu og síðan handtók lögreglan hann.

Ofbeldismaðurinn er Lindsay, útskrifaður nemandi sem stærir sig af því á netinu að vera fyrsti starfsmaður Southampton Solent í jafnrétti og fjölbreytileika - þrátt fyrir að hafa ekki starfað þar síðan 2018.

Lögreglan í Suður-Yorkshire hefur staðfest að Lindsay, frá Barnsley, hafi verið ákærður fyrir tvær líkamsárásir og mun mæta fyrir Sheffield Magistrates Court þann 25. nóvember.

Kellie-Jay Keen segir réttilega um ofbeldi mannanna, ,,Þeir hafa sannað mál mitt og við verðum að halda áfram og leyfa konum að tala."

Leyfum konum að tala

Viðburðurinn ,,Let Women Speak“ er haldinn á opinberum stöðum með opinn hljóðnema. Allar konur sem vilja tala mega það, deila reynslu sinni eða hugsun um samfélag sem vill þagga niður í konum, sérstaklega konum sem berjast fyrir kynbundnum réttinum, einkarýmum kvenna, þjónustu og íþróttum

Frú Kellie-Jay Keen laðar að sér mikinn mannfjölda. Stór mótmælendahópur mæti og eru það yfirleitt trans-konur (karlmenn) og aðgerðasinnar. Hún hræðist ekki þessa karla og viðkvæði hennar ,,ég tapa aldrei“ virðist fara fyrir brjóstið á þeim.  

Atvikin er tvö

Kellie-Jay Keen ber saman atvikin og segir að síðast þegar þetta kom fyrir hana hafi hún verið hrædd um að detta í jörðin því þá gæti hún sennilega ekki staðið upp aftur. Henni fannst lífi sínu ógnað.

Tilgangurinn með síðara atvikinu var til að hræða konur til þöggunar. Konum líður eins og þær geti ekki talað opinberlega. Baráttufólkið hélt mótmælunum áfram en Kellie gagnrýndi lögregluna fyrir að passa ekki upp á öryggi kvenna. Hún sagði: ,,Mér finnst bara að ógnin við öryggi okkar sé ekki tekið mjög alvarlega. Ógn trans aðgerðasinna er ekki tekin mjög alvarlega."

Kellie-Jay Keen telur að trans aðgerðasinnar sé ,,útbreiddir í háskólunum" og bætir við: ,,Mér finnst mjög ógnvekjandi hversu mikil völd þessi sértrúarsöfnuður virðist hafa."

 

Eiga strákar að baða sig með stelpum og karlmenn með konum?

Auðvitað er það í þágu almennings að upplýst sé að einstaklingur sem hefur ráðlagt íþróttafélögum að leyfa karlmönnum, sem segjast vera konur, aðgang að búningsklefum stúlkna og kvenna sé sjálfur karlmaður sem skilgreinir sig sem konu. Þetta segir Katrine Brøgger

Bloggið sem Lotte Ingerslev skrifaði fjallaði um trans-aðgerðasinnann Nadia Jacobsen, karlmaður sem skilgreinir sig sem konu, sem hefur ráðlagt Danska knattspyrnusambandinu til að breyta viðmiðum þar sem strákar og karlmenn sem skilgreina sig sem stúlkur eða konur fái aðgang að búningsklefum stúlkna og kvenna. Bloggið undirstrikar markmið Lotte, að upplýsa almenning um málið, hún eltist ekki við einstakling.

Löggjafar okkar hafa á hinn bóginn, með útvíkkun kafla 266b um hatursorðræðu um kynvitund ásamt jafnréttisnefnd okkar, heft málfrelsi borgara í þágu ímyndaðs góðs málefnis með því að ákveða að dómskerfi og fjölmiðlar gaslýsa íbúa með fölskum fornöfnum og gera menn að glæpamönnum fyrir að segja sannleikann; að karlmaður sem skilgreinir sig sem konu sé karlmaður.

Það er ljóst að stefnan á hendur Lotte Ingerslev og annarra sem berjast fyrir réttindum kvenna er liður í að þagga niður í þeim. Því má bæta við að sama gerist hér á landi, þagga á niður í þeim sem lofsyngja ekki trans-málaflokkinn eins og hann birtist þjóðinni.

Til viðbótar við stefnuna, samkvæmt kafla 266b í dönskum hegningarlögum, hefur trans-aðgerðasinninn Jacobsen höfðað einkamál gegn Lotte Ingerslev sem tengdi myndbönd Jacobsen á youtube við upphaflegu grein sína sem hún hefur nú breytt.

Frænka mín er 4 ára og fer í fótbolta. Þetta er fyrir hana og allar aðrar stelpur segir Katrine.

Hér má finna færsluna.

Til að svara spurningunni sem er fyrirsögnin er svarið einfalt í huga flestra, NEI. Kynskipta á einkarýmum. 

Íþróttakonur kæra þátttöku karla í íþróttum

Nú má taka hatt sitt ofan fyrir ungum stúlkum. Íþróttakonum sem láta sig varða félaga og andstæðinga sína og það sem mikilvægasta, íþróttakonur framtíðarinnar.

Í mars kærðu sextán íþróttakonur (fulltrúar hóp íþróttamanna) National Collegiate Athletic Association (NCAA) og Georgia Tech (auk nokkurra einstaklinga) fyrir mismunun samkvæmt titli IX og jafnréttisákvæði 14. viðaukans. Georgia Tech stóð fyrir NCAA landsmeistaramótinu í sundi 2022 þegar Lia (Will) Thomas, karlkyns sundmaður sem var ekki samkeppnishæfur í karlaliðinu, fékk að keppa í kvennaflokki og nota búningsklefa kvenna. Thomas sigraði í 500 skriðsundi kvenna og afklæddist nakinn fyrir framan naktar konur í búningsklefanum.

Málsóknin er fjármögnuð og leidd af hópnum ,Independent Council on Women's Sports (ICONS) og fulltrúi íþróttamannanna er Bill Bock, fyrrverandi lögfræðingur bandarísku lyfjaeftirlitsins (USADA) sem sagði sig úr NCAA nefndinni. Ástæðan var reglugerð sem leyfði karlmönnum, sem skilgreina sig sem konur, að keppa í kvennaíþróttum.

Blakkona bætist við

Brooke Slusser hefur nú bætt nafni sínu við þá málsókn og segir að hún hafi verið neydd bæði til að keppa og deila búsetu með Fleming án þess að tilkynna fyrirfram að hann væri karlmaður.

Slusser flutti til San Jose State árið 2023 og gekk til liðs við kvennaliðið í blaki. Hinn umdeildi leikmaður, heitir Flemming, og hann bjó meðal stúlknanna líka, þar á meðal Slusser. Á ferðlögum var henni gert að vera í herbergi með honum. Hún uppgötvaði síðar að það var hans ósk.

Samkvæmt kvörtuninni gat Slusser sagt að Fleming ,,spilaði blak með stökkgetu og krafti sem engin stúlka hafði." Hún heyrði síðan samtal meðal nemenda sem vísuðu til hans sem stráks og áttaði sig á hvers vegna geta hans var svona mikil.

Slusser óskar ekki eftir að Flemming sé lagður í einelti, en henni finnst ekki sanngjarnt að stúlkur spili á móti strákur. Það er hvorki öruggt sé sanngjarnt fyrir konurnar í liðinu né andstæðingana. Flemming slær boltann af meiri krafti og hraðar en nokkur kona sem hún hefur spilað á móti.

Þegar kyn hans varð opinber sögðu forsvarsmenn blakhreyfingarinnar að þær ættu ekki að tala um það við neinn utan liðsins. Það færi illa fyrir liðsmönnum ef þeir sögðu frá að hann væri karlkyns. Þetta kemur fram í kvörtuninni.

Slusser gerði hið rétt, lagði nafn sitt við málsókn þar sem NCAA er fordæmt fyrir andstyggilega stefnu sína að leyfa karlmönnum að keppa í kvennaflokki.

Lesið hér.

Trans inngrip skaða börn

Engar vísbendingar eru um að inngrip trans-fólks séu örugg fyrir börn

Það er ekki ein einasta langtímarannsókn sem sýnir fram á öryggi eða virkni kynþroskablokka, krosshormóna og skurðaðgerða fyrir trans-trúuð ungmenni. Þetta þýðir að umskipti ungmenna eru tilraunakennd og því geta foreldrar ekki veitt upplýst samþykki, né geta ólögráða börn veitt samþykki fyrir þessum inngripum. Þar að auki sýna bestu langtímavísbendingar sem við höfum meðal fullorðinna að læknisfræðileg íhlutun dregur ekki úr sjálfsvígum.

Kynþroskablokkar geta valdið geðsjúkdómum

Kynþroskablokkar geta í raun valdið þunglyndi og öðrum tilfinningalegum truflunum sem tengjast sjálfsvígum. Reyndar telur fylgiseðillinn fyrir Lupron, kynþroskablokka númer eitt í Ameríku, ,,tilfinningalegan óstöðugleika" sem aukaverkun og varar ávísendur við að ,,fylgjast með þróun eða versnun geðrænna einkenna meðan á meðferð stendur." Á svipaðan hátt skrifaði Michael Biggs, prófessor við Oxford háskóla, um tilraunarannsókn á kynþroskablokkum í Bretlandi: ,,Það var enginn tölfræðilega marktækur munur á sálfélagslegri virkni milli hópsins sem fékk blokkara og hópsins sem fékk aðeins sálfræðilegan stuðning. Að auki eru óbirtar vísbendingar um að eftir ár á [kynþroskablokkum] hafi börn greint frá meiri sjálfsskaða og stúlkurnar upplifðu einnig meiri hegðunar- og tilfinningaleg vandamál og lýstu meiri óánægju með líkama sinn - þannig að kynþroskablokkar juku kynama."

Kynþroskablokkar geta valdið varanlegum líkamlegum skaða

Tímabundin notkun Lupron hefur einnig verið tengd og getur verið orsök margra alvarlegra varanlegra aukaverkana, þar á meðal beinþynningar, geðraskana, krampa, vitsmunalegrar skerðingar og, þegar það er notað með krosshormónum, ófrjósemi.

Krosshormón (testósterón fyrir konur; estrógen fyrir karla) geta truflað geðheilsu

Konur sem skilgreina sig sem karla fá nóg testósterón til að hækka gildi þeirra 10-40 sinnum yfir viðmiðunarmörk kvenna. Fyrri rannsóknir hafa sýnt fram á mörg geðræn vandamál með svipuðum stórum skömmtum af vefaukandi sterum eins og testósteróni þannig að 23% þátttakenda uppfylltu DSM skilyrði fyrir alvarlegt geðheilkenni eins og oflæti, oflæti og alvarlegt þunglyndi og 3.4-12% fengu geðrofseinkenni. Estrógen hefur einnig áhrif á skap en á flókinn hátt. Konur eftir tíðahvörf sem meðhöndlaðar eru með estrógeni upplifa oft mikinn kvíða þrátt fyrir að vera settar á lífeðlisfræðilega skammta af hormóninu. Karlar sem skilgreina sig sem konur fá oflífeðlisfræðileka skammta af estrógeni; Fræðilega séð hefur þetta tilhneigingu til bæta í bæði þunglyndi og kvíða.

Önnur heilsufarsáhætta tengist kynþroskablokkum og kynhormónum

Tímabundin notkun kynþroskablokka Lupron hefur einnig verið tengd við og getur verið orsök margra alvarlegra varanlegra aukaverkana, þar á meðal beinþynningar, geðraskana, krampa, vitsmunalegrar skerðingar og, þegar það er notað með kynhormónum, ófrjósemi. Til viðbótar við skaðann af Lupron, setja krosskynhormón ungmenni í aukna hættu á hjartaáföllum, heilablóðfalli, sykursýki, blóðtappa og krabbameini yfir ævina. Við þetta bætist sú staðreynd að líkamlega heilbrigðar trans stúlkur fá tvöfalt brjóstnám við 13 ára aldur og legnám við 16 ára aldur, á meðan karlkyns einstaklingi er vísað til geldingar með skurðaðgerð og skurðaðgerða við 16 og 17 ára, í sömu röð. Það er ljóst að staðfesting á umskiptum hjá börnum snýst um að limlesta og dauðhreinsa ungmenni í tilfinningalegum vandræðum.

Trans inngrip fyrir börn eru tilraunakennd og hættuleg

Mörg læknasamtök um allan heim, þar á meðal Australian College of Physicians, Royal College of General Practitioners í Bretlandi og sænska siðfræðiráðið hafa lýst þessum inngripum hjá börnum sem tilraunakenndum og hættulegum. Hinn heimsþekkti sænski geðlæknir Dr. Christopher Gillberg hefur sagt að umskipti barna séu ,,hugsanlega eitt mesta hneykslismál í sögu læknisfræðinnar" og kallað eftir ,,tafarlausri stöðvun á notkun kynþroskablokkandi lyfjum vegna óþekktra langtímaáhrifa þeirra."

Hér má lesa bábiljuna um sjálfsvígin og þeir sem vilja lesa Cass-skrýrsluna smella hér. 

Heimild.

Hver mun fá það betra eftir inngrip?

Áhugaverð grein eftir Mats Reimer (barnalækni í Gautaborg) fjallar um lagalegar og siðferðilegar áskoranir í kringum trans heilbrigðisþjónustu framtíðarinnar.

Við vitum einfaldlega ekki hvers vegna kynáttunarvandi, eða transsexualismi eins og það er líka kallað, fór á áratug frá því að vera afar sjaldgæfur sjúkdómur yfir í að nálgast algengan sjúkdóm í hinum vestræna heimi.

,,Fyrirsjáanlega munu það ekki vera rannsakendur eða stjórnmálamenn, heldur dómstólar og tryggingafélög, sem ákveða framtíðarumönnun ungs trans-fólks í Bandaríkjunum. Undanfarin tvö ár hefur meira en tugur ungra trans-einstaklingar kært fyrrverandi umönnunaraðila sína fyrir misferli og krafist hára skaðabóta."

Biðin eftir öruggari upplýsingum um hvaða sjúklingar gætu hugsanlega fengið betra líf eftir læknisfræðilega breytingu er löng. Það ætti í staðinn að bjóða börnum og ungmennum sálfræðimeðferð til að sætta sig við heilbrigðan líkama ef mögulegt er. Viðeigandi aldurstakmark fyrir læknismeðferð væri 25 ár, þannig að heilinn hafi haft tíma til að þroskast.

Við vitum ekki hvers vegna kynáttunarvandi eykst og við vitum ekki hvers vegna kynjahlutfallið hefur breyst þannig að þeir sjúklingar sem greinast nú eru flestir (líffræðilegar) stúlkur/konur í stað stráka/karla eins og áður.

Hins vegar vitum við að yngstu sjúklingarnir með kynáttunarvanda munu almennt skipta um skoðun og sætta sig við líkama sinn eftir kynþroska. Við höfum enga aðferð til að ákvarða fyrirfram hvaða kynáttunarvandi verður viðvarandi. Við vitum að þeir sem upplifa kynáttunarvanda eiga yfirleitt líka við ýmis önnur geðræn vandamál að stríða en við vitum ekki hvort hormónar og skurðaðgerðir leiða til betri geðheilsu til lengri tíma litið segir hann.

Greinina í heild sinni má lesa hér.

Áttu 50-100 danskar krónur aflögu?

Sá merkilegi atburður gerist í Danaveldi að karlmaður, sem skilgreinir sig sem konu, er í einkamáli við Lotte Ingerslev. Fyrsta mál sögunnar þar í landi. Lögreglan í Danmörku svarar ekki svona kærum sem fjalla um meint hatursorð gegn einstaklingi eða hóp, slíkt kallast málfrelsi um umdeildan málaflokk. Þess vegna kemur ákæruvaldið ekki að málinu. Hér á landi notar lögregla mannafla í að skoða slík mál, þeir virðast hafi nægan mannskap.

Þá er það eitt til ráða fyrir karlinn að höfða einkamál. Það hefur hann gert. Lotte er sökuð um að rangnefna hann sem karlmann. Hann vill láta tala um sig sem konu. Lotte hefur skrifað um áhrif hans innan Danska knattspyrnusambandsins, því hann mælir með að karlmenn fái aðgang að stelpubolta og klefum þeirra. En ekki hvað! Karlar sem haga sér svona virðast hafa eitt að markmiði, að komast þar sem konur eru. 

Lotte stendur sig vel

Lotte er óþrjótandi að benda á það sem betur má fara í Danmörku eftir að ólögin um kynrænt sjálfræði voru samþykkt þar í landi. Hún hefur bent á réttindamissi kvenna og stúlkna við lagasetninguna. Karlinum fannst honum eitthvað misboðið og ætlar nú að láta reyna á hvort dómstóll hafi samúð með honum þegar hann segir að Lotte hafi bæði móðgað sig og sært.

Hér er söfnunarreikningur Lotte, afar einfalt að leggja inn. Vinni Lotte málið og það sýnir sig að hún þarf ekki að nota alla upphæðina mun hún styrkja aðra sem lenda í málaferlum vegna tjáningarfrelsis. Eins og hún segir, þetta er ekki hennar einkamál heldur mál tjáningarfrelsis. (NB: Hvis jeg ikke får brug for hele beløbet til at dække sagsomkostningerne, donerer jeg det eventuelle overskud til andre mennesker, der kæmper for ytringsfriheden, tankefriheden og kvinders og børns rettigheder, hvor disse ting trues af transkøns-ideologien.)

Á rúmum tveimur sólarhringum söfnuðust 100 þúsund danskar krónur af þeim 200.000 sem hún þarf. Skatturinn tekur sitt af söfnuninni, hún vill fara að lögum þess vegna þarf hún þessa upphæð.  Ekki er víst að upphæðin dugi fyrir útgjöldum. Þeir sem styrkja hana sýna málstaðnum stuðning eins og hún segir sjálf.

Margt smátt gerir eitt stórt. Sýnum að okkur sé annt um málfrelsið og styðjum Lotte. Eitthvert okkar gæti lent í sömu stöðu og þá er gott að hafa bakhjarla.

Eitthvað fór söfnun Lotte fyrir brjóstið á trans- aðgerðasinnum því einn þeirra velti upp hvort þau ættu ekki að tilkynna söfnunina. Allt er það eins liðið hans Sveins! Munum, þetta er sama fólkið og krefst kærleika, ástar og umburðarlyndis af öllum nema sjálfu sér!

Lækningaleyfið farið- þó fyrr hefði verið segja margir!

Espen Esther Pirelli Benestad er ekki þannig. Og það sem hann segir er heldur ekki satt. Lestu þetta hægt:

,,Þú hefur greint kynmisræmi hjá sjúklingum jafnvel þó að þú hafir ekki haft leyfi. Af hverju er það?

,,Vegna þess að þetta er ekki sjúkdómsgreining. Þegar þú ,,greinir" er þetta bara spurning um að staðfesta það sem sjúklingurinn segir. Það er engin hlutlægni, þetta er eingöngu huglæg lýsing. Ætti ég að prófa ef þú kemur til mín og segja ,,ég er hommi?“

Hér er af svo mörgu að taka að ég nenni ekki að byrja. Það segir sig sjálft að sá sem hefur slíka sýn á læknisfræðilega greiningu getur hvorki verið læknir né borið ábyrgð á sjúklingum.

Auk þess lýgur hann (eins og svo oft áður):

,,Benestad bendir á að til séu alþjóðlegar leiðbeiningar um hvernig eigi að vinna með kynósamræmi, þær eru kallaðar ,,Standards of Care".

,,Ég hef alltaf haldið mig innan þessa."

Nei. Ef hann eða hún gerir ekkert annað en að staðfesta huglæga skoðun sjúklingsins brýtur hann gegn Standards of Care 8 (SOC-8), þar sem kemur skýrt fram að unglingar með kynmisræmi verða að hafa ítarlegt og víðtækt sálfræðilegt mat sem tekur einnig mið af öðrum geðgreiningum sem þetta fólk hefur mjög oft. Án slíks mats er læknismeðferð samkvæmt leiðbeiningunum ekki faglega réttlætanleg og áhættusöm.

En Benestad hefur ekki áhyggjur af viðfangsefninu, reglunum eða áhættunni fyrir sjúklinginn. Hann er áhugasamur um að heyra hvað honum líkar. Hann segir þetta oft í meðferðarherberginu: ,,Eins og mín eyru heyra það, þá ertu með trans-hæfileika."

Þetta sagði hann í viðtali. Þá montuðu hann sig af því að hafa fundið upp orðið og að það sé notað um allan heim í dag. Benestad heldur fram að hann sé bestur í heimi til að meðhöndla trans-fólk.

Nú ætla ég að finna upp á einhverju: Benestad er svar trans læknisfræðinnar við Durek Verrett. Eða Donald Trump.

Svo mörg voru þau orð, en Kjetil Rolness skrifaði þau þegar læknirinn missti lækningaleyfið enda skottulæknir innan trans-heimsins. Fara á eftir fleiri læknum eins og Benestad hvar sem þeir eru í heiminum. Þetta er misnotkun á börnum sem líður illa í eigin skinni. Þeim er hent upp á trans-lestina eins og Svíar segja. Láta á börn í friði, um 80% barnanna munu jafna sig á þessum ónotum fái þau að vera í friði. Þau eiga að vera í frið frá skólayfirvöldum, kennurum, trans Samtökunum 78 og öðrum sem vilja setja börn inn í staðaímyndir.