Rökþrota þorbjörg

Það var áhugavert að hlusta á máttleysi og rökleysi forsvarsmanns lífsskoðunarfélagsins Samtökin 78 í margumræddum Kastljósþætti.

Það virkaði á mann eins og Þorbjörg og þáttastjórnandi Ruv hafi ætlað að taka Snorra Másson í bakaríið, en það tókst ekki. Af þeim sökum eru kannski öll þessi læti. Snorri stóðst áganginn.

Snorri tók vissulega fram í fyrir Þorbjörgu en því miður er hann ekki eini viðmælandi sem gerir slíkt, en enginn fengið skömm fyrir.

Þegar Snorri talaði um ofbeldið sem trans Samtökin 78 beita almenna borgara, hnussaði í Þorbjörgu. En að hún hafi svarað, ó nei ekki með viti. Já, sérhver er nú aðferðin að beita andlegu ofbeldi eins og bókasafnsmálið sýndi og Snorri benti á sem dæmi. Það er bara eitt af mörgu.

Snorri talaði um tvö kyn. Þorbjörg gat ekki svarað hvað hún telji kynin mörg þó hún hafni málflutningi Snorra. Það er í reynd bilun að stjórnmálamenn skuli standa upp og verja þvæluna um mörg kyn. Meira að segja læknarnir Dagur B. Eggertsson og Alma Möller virðast á þeim buxunum líka. Eyða stjórnmálin þekkingunni, vísindunum og staðreyndunum sem þau lærðu um í læknanáminu? 

Enginn getur sagt okkur hvaða kyn þetta eru, né heldur hvaða litninga þessi ímynduðu kyn hafa. Af hverju ekki?

Snorri, sem er einn af skynsamari þingmönnum á þingi, talað ekki kyngervla niður, aldrei.

Allir þeir sem hoppuðu á vagn mál-og rökþrota Þorbjargar sökuðu hann um það. Nei, aldrei heyrðist hann tala kyngervla niður. Hann benti á að fólk mætti lifa eins og það vildi, en aðrir menn eru frjálsir skoðana sinna. Menn mega halda í sannleikann að kynin séu tvö, karl sé kona.

Að sjálfsögð mega og eiga menn halda í staðreyndir og sannleikann þegar kyn eru annars vegar, karlmaður og kvenmaður.

Eitt er mjög mikilvægt í þessari umræðu og það er hvað fullorðnir gera og svo hvað er haldið að börnum. Að halda lygum að börnum, jafnvel í skólabókum, að kyn sé breytilegt, að heilbrigðisstarfsfólk og foreldrar geti sér til um kyn barns við fæðingu, er alvarlegt.

Skólastjórar á Akureyri halda trúarboðskapnum uppi

Það er sorglegt að sjá hvernig skólastjórar á Akureyri viðhaldi ígildum trúboða, um mörg kyn, ranga málnotkun og sjálfsákvarðaða kynvitund, með flöggun trans fánans sem við í daglegu tali köllum marglita fánann með þríhyrningunum og hringnum.

Dómstóll í Bandaríkjunum hefur kveðið upp dóm, hér er um ígildi trúarbragða að ræða. Hvað annað!

Sveitarstjórnarmenn sem fara með skólamál virðast heldur ekki verja börnin, né fræðslustjóri, hvað þá bæjarstjóri í svokölluðu Barnvænu samfélagi. Ógrátandi má minnast á Kennarasamband Íslands í þessu samhengi líka og samtökin Heimili og skóli.

Mörg sveitarfélög leyfa hátíð fyrir trúarbrögðin, líka Akureyri, en önnur trúarbrögð fá ekki sess í hátíðarhöldunum, hvað þá að sér hátíð sé haldin fyrir þau. Vitna hér til orða Páls Vilhjálmssonar ,,Kynvitund á sammerkt með trúarvitund að vísa í yfirnáttúrulegan heim, sem skilningarvitin ná ekki til. Sjálfsagt er að fullorðnir reki lífsskoðunarfélög um sín áhugamál. Öllu verra er þegar saklaus börn eru tilraunadýr sértrúarsafnaða.“

Fáni trans-hreyfingarinnar

Ekki er ýkja langt síðan að áróðurs fáni trans Samtakanna 78 hékk á fánastöng í Síðuskóla á Akureyri og gerir sennilega enn. Í þeim skóla virðist ígildi þessara trúarbragða og lífsskoðun heilög, með skólastjórann í broddi fylkingar sem ákveður hvaða fáni skal hanga á aðalfánastöng skólans.

Allt í einu er börnum með fæðingarkvilla gert hátt undir höfði í leik- og grunnskólum sem flagga trans fánanum.

Efast má um að stjórarnir viti hvað felst í flöggun trans-fánans. Á ekki að að ganga út frá því að þeir skilji um hvað ræðir, hafi ígrundað þýðingu fánans.

En margir foreldrar eru ósáttir og hafa kært fánaflöggun í Síðuskóla ,,Foreldrahópurinn sendi einnig stjórnsýslukæru til mennta- og barnamálaráðuneytis vegna fánaflöggunar í Síðuskóla, þar sem hinsegin fáninn er að húni, og óviðeigandi samsömunar skólans við ,,hugmyndafræði og lífsskoðana" sem geta engin veginn átt erindi við börn og ,,allra síst á þeim verndarstað og þroskavettvangi sem grunnskólar teljast gildandi lögum samkvæmt" segir í bloggi Páls Vilhjálmssonar, kennara og blaðamanns.

Trans fáninn hangir meira og minna uppi á fánastöng Síðuskóla allt árið, neyða skal nemendur, gesti og gangandi, til að horfa á pólitískan lífsskoðunarfána trans Samtakanna 78. Fáninn er áróður fyrir trúarbrögð samkvæmt dómi Hæstaréttar Bandaríkjanna.

Innan veggja skólans, og skólanna almennt, eru m.a. kristnir nemendur sem falla ekki undir áróðursfána Síðuskóla og nemendur sem trúa ekki hugmyndafræðinni. Hafa aðra lífsskoðun svo ekki er tekið tillit til allra barna í skólanum. Samt sem áður er þeim gert að horfa upp á trúboðið og ákveðna lífsskoðun og það jafnvel í sumum kennslustofum og á göngum skóla.

Við hvern skóla ætti íslenski fáninn að vera uppi, enginn annar. Það er eini fáninn sem við Íslendingar getum stoltir sagt að sé okkar fáni.

Íslenski fáninn eins og sá norski virðist skemmast í skúffu hjá skólastjórnendum. Í skólakerfinu, eins og því norska, eru börn sem kæra sig ekki um þessi trúboð kynvitundar en þeir eru ekki nógu hugrakkir eins og þessir norsku.

Trúarbrögð og lífsskoðunin, komið í skólabækur

Hæstiréttur í Bandaríkjunum hefur dæmt að foreldrar geti valið að halda börnum sínum frá kennslu um kynvitund því eins og Páll Vilhjálmsson segir; ,,Kynhneigð þekkist helst í þrem útgáfum; gagnkynhneigð, samkynhneigð og tvíkynhneigð. Þriðja kyn-orðið, kynvitund, er aftur trúarhugtak sem ekki styðst við efnisveruleikann.“

Hæstiréttur Bretlands kvað upp úrskurð fyrir stuttu. Þú ert það kyn sem þú fæðist og því verður ekki breytt þegar horft er til jafnréttislaga.

Skólastjórar á Íslandi þurfa annað tveggja, halda þessari trúarbragða og lífsskoðunarfræðslu frá skólunum eða bjóða upp á sér fræðslu (valáfangi) fyrir þá nemendur sem vilja fræðast um þessar kynvitundir, sem bærast inni í kollinum á fólki, með samþykki foreldra.

Víða um heim höfum við fengið hvern dóminn á fætur öðrum sem styðja það sem fram kom í þessum skrifum.

Skrif, sem áttu  og eiga fullan rétt á sér, ollu titringi meðal skólafólks á Akureyri sem leiddu til tilboðs um ráðgefandi samtals og hvatningu um að ritara yrði sagt upp störfum. Eins og Helge Krog sagði; ,,Varðhundar siðgæðisins hafa aldrei áhyggjur af sjálfum sér, bara af öðrum.“

Kom fram í málsókninni

Foreldrarnir héldu því fram að notkun bóka í námskrá grunnskóla – án þess að fá tækifæri til að afþakka efnið – jafngilti innrætingu stjórnvalda varðandi viðkvæm málefni kynhneigðar. Skólastjórinn kom hins vegar með þau rök að bækurnar sýndu krökkum aðeins fjölbreytt sjónarmið og hugmyndir. Hér er um sömu rök að ræða og íslensk skólayfirvöld, stjórnendur og kennarar hafa notað til að stunda innrætingu á nemendum.

Skólastjóri, segir dómarinn, á að láta vita hvenær fræðsla um trúarbrögð hinsegin fræðslunnar á sér stað þannig að foreldrar geti valið hvort börn sín séu viðstödd eða ekki.

Todd Blanche, aðstoðardómsmálaráðherra, þakkaði hæstarétti fyrir dóminn og sagði að réttur foreldra til að ákveða menntun barna sinna væri endurheimtur ,,virðist vera grundvallarhugmynd, en það þurfti hæstarétt til að leiðrétta málið."

,,Nú gerir þessi úrskurður foreldrum kleift að afþakka hættulega trans hugmyndafræði og taka ákvarðanir fyrir börn sín sem þeir telja réttar," sagði Blanche.

Hér má lesa um málið.

 

Eru foreldrar sáttir við að orðin stelpur og strákar fari í ruslakörfuna?

Það var margt áhugavert í fyrirlestri lífskoðunarfélagsins Samtökin 78 fyrir íþrótta- og æskulýðsfélög, þjálfara og sjálfboðaliða. Þau hafa fengið aðgang að börnum þar líka.

Þar var á ferð starfsmaður og félagi í lífsskoðunarfélaginu sem kallar sig ,,fræðara." Ekki ólíkt því sem gerist í sértrúarsöfnuðum.

Á einum stað í fyrirlestrinum vildi hann benda fólki á að henda út ,,áfram stelpur“ og ,,áfram strákar“ í liðaíþróttum. Vildi kynhlutlaust tungumál. Allt til að þóknast þeirri lífsskoðun að hægt sé að skipta um kyn eða verið kynlaus. Hvers konar fjarstæða er þetta!

Nú eiga foreldrar og aðrir áhangendur að fara eftir ábendingum lífsskoðunarfélagsins Samtaka 78 og láta stelpur og stráka líða fyrir það.

Það var nú rétt hjá ,,fræðaranum“ að stríðni á ekki að líðast eða notkun óviðurkvæmilegra orða, hvorki í garð þeirra sem finna fyrir ónotum í eigin líkama eða líða af öðrum kvillum. Auðvitað eiga þjálfarar og aðrir fullorðnir að grípa inn í þegar stríðni á sér stað og beinist að einum aðila. Skiptir engu hvað hrjáir viðkomandi barn.

Eru foreldrar í alvöru sáttir með að trúboð og lífsskoðun sem vill henda kynjunum tveimur í ruslafötuna? Eða vita þeir ekkert af þessu?

Eru foreldrar sáttir við að í íþróttastarfi barna fái strákur, sem skilgreinir sig sem stelpu, að valsa inn í búningsklefa stúlkna og öfugt. Umræddur ,,fræðari“ benti nefnilega á ólögin sem Alþingi setti um að þeir sem skilgreina sig trans megi valsa inn í búningsklefa hins kynsins. Þetta er vanvirðing við stelpur og stráka.

Hommar og lesbíur mega ekki valsa inn í búningsklefa gagnstæða kynsins því um kynhneigð er að ræða hjá þeim, en hitt er kynvitund og geymist í kolli fólks.

Hommar og lesbíur skilgreina sig ekki hinsegin, heldur samkynhneigð. Þeir sem eru óvissir um kynvitund sína, sem er hugarástand, skilgreina sig trans.

Sorglega staðreyndin er að Ásmundur Einar Daðason, sem ráðherra menntamála, styrkti lífsskoðunarfélagið til að halda trúboðinu að fólki innan æskulýðs- og íþróttahreyfingarinnar. Samtök sem vilja henda orðunum strákur og stelpa í ruslakörfuna.

Spottar nýnasistinn vitgranna stjórnmálamenn?

Leiðtogi nýnasista skipti um kyn og var sendur í kvennafangelsi. Menn velta vöngum yfir hvort hann geri grín að vitgrönnum þingmönnum og nýsettum lögum í Þýskalandi um ,,kynleiðréttingu.“ Er nokkuð annað að gera, þau eru svo vitlaus!

Nýnasistinn Marla-Svenja Liebich var dæmdur í 18 mánaða fangelsi og afplánar í kvennafangelsi í Chemnitz, að sögn þýsku fréttastöðvarinnar Deutsche Welle.

Liebich er þekktur hægriöfgamaður í Þýskalandi. Hann hefur verið einn af forystumönnum nýnasistasamtakanna Blood og Honor. Nafn þess kemur frá slagorði nasista Hitlers, ,,Blut und Ehre", þ.e. blóð og dýrð.

Þýskir stjórnmálamenn á villigötum, líkt og þeir íslensku

Liebich var áður þekktur sem Sven Liebich. Hann breytti nafni sínu og lagalegu kyni eftir að hann var dæmdur í fangelsi. Varð allt í einu kona, eins og hendi væri veifað. Kjánaleg lög bjóða upp á kjánalegan gjörning.

Fyrri ríkisstjórn Þýskalands þrýsti í gegn lögum sem gera mönnum kleift að breyta lagalegu kyni sínu með tilkynningarferli. Þú getur skipt um kyn einu sinni á ári. Hugmyndafræðin og lífsskoðun fárra blómstrar.

Mikið uppnám er í Þýskalandi vegna gruns um að Liebich dragi dám að þýskum lögum, og ekki síður þeim heimsku þingmönnum sem samþykktu lögin, og sæktist eftir að vera í kvennafangelsi. Einnig óttast menn að Liebich muni ógni kvenföngum. En vitgrannir þingmenn hafa engar áhyggjur af því, allt fyrir lífsskoðunina að menn geti skipt um kyn.

Aðgerðir Liebich hafa vakið umræður um hvort endurbæta eigi lögin um ,,kynleiðréttingu.“ Ef það er heil brú í þeim þingmönnum sem hugsa um þetta þá afnema þeir þessi vitlausu lög, kynrænt sjálfræði.

Afnema á lög um kynrænt sjálfræði um allan heim. Þetta eru ósannindi að menn geti skipt um kyn, skapar meiri vanda en leysa.

Það er vanvirðing við konur að karlmenn hafi aðgang að einkarýmum þeirra, íþróttum og fangelsi í gegnum kjánaleg lög.

Yfirgangur ákveðinna karlmanna, sem margir segja að sé veikir á geði, er augljós þegar að lög um kynrænt sjálfræði er annars vegar.

Annað hvort beygjum við okkur fyrir kröfu sjálfsmyndarstjórnmála um þögn eða krefjumst tjáningarfrelsis

Nokkrar kærur og málaferli hafa verið í gangi gangvart konum sem neita að gefa kvennabaráttuna upp á bátinn fyrir karlmönnum sem skilgreina sig sem konur. Þeir hafa verið mjög árásagjarnir í þessum athöfnum sínum og hika ekki við að draga konur í réttarsal til að þeir, karlarnir, hafi betur.

Víða um heim hafa konur mátt þola yfirgang þeirra, því sjálfsskilgreining á víst að vera rétthærra en réttur kvenna. Réttindi kvenna víða um heim er í hættu, m.a hér á landi, í Danmörku, Ástralíu, Noregi, Bretlandi, Þýskalandi og Kanada.

Átökin á milli sjálfskilgreininga stjórnmála og kvenna fjallar um að beygja sig fyrir kröfum aðgerðasinna um algera friðhelgi – og lýðræðislegra nauðsyn þess að geta spurt spurninga. Konur hafa ekki mátt segja sannleikann, staðreyndir án þess að vera kallaðar öllum illum nöfnum.

Í Bretlandi segir karldómari, sem telur sig konu, sjálfsagt að karlar mæti á kvennaklósettið. Þegar hann var spurður af hverju kyngervlar noti ekki klósett merkt fötluðum svaraði hann því til að enginn hefði spurt fatlaða. VORU KONUR SPURÐAR?

Hann, Nadia Jakobsen, dró Lotte Ingerslev inn í réttarsal í Dannörku fyrir rangkynjun. Hann var ósaáttur við að hún drægi upp fortíð hans í máli og myndum.

Menn geta ekki bæði krafist sérstakrar tillitssemi í krafti sjálfsmyndar og um leið krafist þess að vera útilokaðir frá gagnrýni. Þegar einstaklingur tekur sæti í landssamtökum og setur fram umdeildar leiðbeiningar verður viðkomandi að þola að almenningur rannsaki og meti bakgrunn þinn og hvatir.

Auðvitað eiga allir sem vettlingi geta valdið að berjast gegn þögguninni sem stjórnvöld, lífsskoðunarfélagið trans Samtökin 78, vók fréttamiðlar og einstaklingar beita.

Læsir lestrarapp gengur til liðs við lífsskoðunarfélag- og kennara vilja að foreldrar noti það

Sú lífsskoðun að menn geti verið annað en kvk og kk hefur dreift úr sér eins og krabbamein gerir stundum. Nú skulu börn í 6. og 7. bekk skrá kyn sitt í appið, Læsir.

Það er barnaofbeldi að halda fram að börn geti verið annað kyn er strákur og stelpa. Það er ekki hægt líffræðilega og það vita allir. Af hverju tekur Læsir þátt í því?

Á heimsíðu þeirra má lesa, að 57 skólar noti appið, yfir níu þúsund börn og rúmlega 13 þúsund foreldrar, sem hafa samþykkt áróður fyrirtækisins.

Læsir býður upp á orðaskrúð lífsskoðunarfélagsins Samtaka 78 sem sækir lífsskoðun sína til útlanda og boðar hér heima. Minnir um margt á sértrúarsöfnuð.

Læsir biður foreldrar að skrá kyn barns og býður þeim upp á orðsalat lífskoðunarfélagsins. Börn eiga að skrá eitthvað sem þau upplifa og lífsskoðunarfélagið Samtökin 78 hafa gefið nafn. Ekkert hlutlægt, heldur huglægt og fylgir oft börnum sem eru andlega óstöðug.

Það er ekki huglægt að vera strákur eða stelpa, maður er það í alvöru og ekki bundið skoðun, óbreytanlegt. Orðin hán, kvár og stálp, og hvað öll þessi bullorð heita, eru huglæg og lýsir tilfinningalegu viðhorfi, skoðun eða hugarástandi barns sem líður illa vegna sjálfsmyndaróreiðu.

Fyrir utan það, að Læsir biðja börn í 6. og 7. bekk um skráningu á kyni og bjóði upp á bullorð er fyrir neðan allar hellur. Óviðeigandi með öllu. Skyldi Læsir biðja foreldra yngri barna um slíkt hið sama?

Menn þurfa ekki að undrast ef foreldrar neiti að skrá börn sín inn í svona öpp þar sem áhrif lífsskoðunarfélags ræður ríkum með huglægri upplifun, ekki staðreyndum. Ein leið foreldra til að mótmæla áróðri í skólum landsins er að taka ekki þátt í slíku.

Hvet Læsi til að viðhafa góð vinnubrögð og gefa foreldrum möguleika á að velja kyn sem eru staðreynd og líffræðileg í stað hugarfósturs lífskoðunarfélags.

Fækka þarf möguleikunum fyrir kyn barns í kvk eða kk því ALLIR eru annað tveggja.

Hópur mæðra kallar það barnaníð sem Læsir tekur þátt í.

 

Sjúkraflutningamenn gátu ekki aðstoðað veikan íbúa á hjúkrunarheimili- tungumálaörðugleikar

Afleiðing innflytjendastefnu Svíþjóðar kemur æ betur í ljós. Það sem á eftir kemur lýsir því í hnotskurn.

Í júlí var kallað eftir sjúkrabíl vegna veiks íbúa á hjúkrunarheimili. Íbúi með heilabilun var hugsanlega í lífshættulegum aðstæðum.

Íbúinn gat ekki tjáð sig. Starfsmenn heimilisins töluðu ekki sænsku og því voru samskipti þeirra við sjúkraflutningamennina og hjúkrunarfræðinginn sem kom með sjúkrabílnum ógerleg.

Í skýrslu sem hjúkrunarfræðingurinn skrifaði eftir útkallið segir; ,,Deildin er mönnuð tveimur starfsmönnum, báðir af erlendum uppruna og áttu við alvarlega tungumálaörðugleika að stríða. Starfsfólkið talaði móðurmál sitt sín á milli og gat ekki tjáð sig meira en nokkur einföld orð á sænsku við sjúkraflutningamennina," segir í skýrslunni. Þetta skrifar TV4 News.“

TV4 Nyheterna var í sambandi við hjúkrunarfræðinginn sem óskar nafnleyndar. Hjúkrunarfræðingurinn segir að íbúinn sem er með heilabilun og gat ekki tjáð sig var grunaður um að hafa blóðsýkingu, hugsanleg lífshættulegu ástandi.

,,Þetta er mjög algengt vandamál, því miður. En í þetta skiptið var þetta öfgafullt og mjög pirrandi," segir hjúkrunarfræðingurinn.

,,Við höfum ekki aðgang að sjúkraskrám í sjúkrabílnum og vitum því til dæmis ekkert um undirliggjandi sjúkdóma eða eðlilegt ástand sjúklings. Þess vegna eru samskipti við starfsfólkið sérstaklega mikilvæg," segir hjúkrunarfræðingurinn við TV4.

Geta ekki svarað einföldum spurningum

Sjúkraflutningamennirnir reyndu að spyrja læknisfræðilegra spurninga til að fá mynd af ástandi íbúans en fengu ekki skýr svör. ,,Starfsfólkið getur ekki svarað einföldum spurningum eins og: ,,var hann með hita þegar hann vaknaði?, ,,Leið honum vel í gær?", "Borðaði hann og drakk í dag?", ,,Er hann kvef?"

Ef þetta er sjúklingur í lífshættu, eins og í þessu tilfelli, verður að bregðast hratt við.

Starfsfólkið ræddi spurningarnar sín á milli á eigin móðurmáli en gat aðeins svarað með stuttum orðum eins og ,,veit ekki."

Hjúkrunarfræðingurinn sem skrifaði skýrsluna gagnrýnir mönnun á hjúkrunarheimilinu harðlega:

,,Þessir tveir einstaklingar bera ábyrgð á yfirfullri deild með gömlu, veikburða og sænskumælandi fólki," skrifar hjúkrunarfræðingurinn og heldur áfram:

,,Þetta er ósæmilegt fyrir aldraða, enginn starfsmaður skilur einfaldar óskir öldunganna."

Í skriflegri yfirlýsingu til TV4 Nyheterna segir öldrunarmálaráðherra Svía, Anna Tenje (M), um atvikið:

,,Sú staðreynd að það var ekki einn einasti starfsmaður sem gat tjáð sig á sænsku er hræðileg. Í þessu tilfelli setti það einnig líf aldraðs einstaklings í hættu. Þetta sæmir ekki sænskri öldrunarþjónustu. Sænska er grundvöllur öryggis, reisnar og gæða í umönnun aldraðra, bæði fyrir aldraða og starfsfólk. Þess vegna vinna stjórnvöld að því að innleiða tungumálakröfu í umönnun aldraðra. Við höfum einnig útvíkkað loforð um öldrunarþjónustuna sem meðal annars má nýta til að efla tungumálakunnáttu starfsmanna. Fyrir mér er það augljóst: Eldra fólk verður að geta skilið og starfsfólk gera sig skiljanlegt," skrifar hún.

Heimild

Nýnasistinn, karlmaður sem skilgreinir sig sem konu, fer í kvennafangelsi

Um er að ræða þýska hægriöfgamanninn Sven Liebich sem dæmdur var í fangelsi fyrir hatursorðræðu. Hann breytti lagalegu kyni sínu og nafni áður en afplánun hófst. Nú mun hann afplána í þýsku kvennafangelsi vegna laga um kynrænt sjálfræði. Dásemdin ein fyrir konur að fá þennan karlmann inn í fangelsið til sín. Viðkvæmar konur þjást vegna eigingirni og sjálfselsku karlmanns. Og þetta samþykkja stjórnmálamenn af báðum kynjum.

Í júlí 2023 var Liebich dæmdur í héraðsdómi í Halle í Saxlandi-Anhalt í átján mánaða fangelsi, án skilorðs, fyrir hvatningu hægriöfgamanna til haturs, ærumeiðinga og móðgunar, að sögn breska ríkisútvarpsins BBC.

Þýskir fjölmiðlar greina frá því að Liebich hafi áður verið meðlimur nýnasistahópsins Blood and Honor. Fréttin.is hefur fjallað um málið.

Ný löggjöf gaf ný tækifæri

Sagt er að það hafi verið fyrir jólin 2024 sem Liebich breytti kyni sínu og eiginnafni í þjóðskrá.

Á þeim tíma höfðu lög um sjálfsákvörðunarrétt Þýskalands nýlega tekið gildi og styrktu réttindi kyngervla. Þau réttindi eru á kostnað kvenna svo því sé haldið til haga. Konur hafa misst mannréttindi vegna löggjafar stjórnmálamanna til handa kyngervlum. Hér á landi sem og víða annars staðar.

Löggjöfin gerir Þjóðverjum kleift að breyta kynmerkingu sinni með einfaldri yfirlýsingu í þjóðskrá, ekki ósvipað löggjöfinni sem Noregur setti 1. júlí 2016 og Ísland innleiddi fyrir nokkrum árum. Stjórnmálamenn sem hugsuðu ekki rökrétt innleiddu þessi lög.

Aðgerðir Liebich hafa leitt til þess að þýskir fjölmiðlar hafa dregið í efa hvort Liebich sé alvara:

,,Hvort alvara sé að baki breytingunni er vafasamt," skrifar Der Spiegel og heldur áfram:

,,Liebich hefur verið þekktur í mörg ár fyrir hægriöfgaskoðanir sínar og hefur áður gefið út transfóbískar yfirlýsingar.“

Nýnasistinn hefur einnig höfðað mál gegn fjölmiðlum vegna þess sem þeir telja vera röng framsetning á kynvitund hans.

Kvörtun Liebich á hendur Spiegel var einróma hafnað af kvörtunarráðinu sem tilhæfulaus.

Ekkert einsdæmi

Hér má sjá í hnotskurn hvernig karlmenn, sem telja sig konur, misnota lög sem á að afnema í öllum löndum.  Ekki er líffræðilegur möguleiki að breyta kyni og því á það ekki að vera hægt í lagalegum skilningi. Stjórnmálamenn geta þakkað eigin heimsku að innleiða lög sem leyfa þennan gjörning og ganga á réttindi kvenna.

Nýverið nauðguðu tveir menn unglingsstúlku í Noregi, þeir skilgreina sig sem konu, með typpi og pung. Vilja í kvennafangelsi. Afplána meðal viðkvæmra kvenna. Enn hefur ekki verið tekin afstaða til málsins.

Heimsbyggðin verður að rísa upp gegn þessari ógn sem konum starfar af.

Heimild

Nú verða vísindakonur karlmönnum að bráð

Eins og áður hefur verið bent á hér á síðunni eru karlmenn á kvennasvæðum og íþróttum kvenna vandamál. Maður hélt að þessu myndi linna en svo er ekki. 

Undrast má afstöðu kvenna sem styðja þessa innrás karlmanna, sem skilgreina sig sem konur, inn á svæði kvenna og því sem þeim er ætlað.

Karlmenn sækja á og nú á vísindasvið kvenna. Nútíminn birti grein eftir bloggara um málið. 

Í greininni segir;

Virt verðlaun sem studd eru af Royal Society gera öllum sem ,,skilgreina sig sem kvenkyns nýdoktora“ kleift að sækja um 25,000 punda styrk.

L’Oréal-Unesco For Women in Science UK og Ireland Young Talent Awards veita styrk upp á 25,000 pund til fimm ,,framúrskarandi vísindakvenna sem eru á byrjunarreit“, ætlaður sem hvatning til að stunda rannsóknir og að efla fulltrúa kvenna í geiranum.

Í ár hefur gagnrýni á þennan styrk komið fram. Ástæðan er að kvengervlar -karlar sem skilgreina sig sem konu- uppfylla inntökuskilyrðin. Það er nóg að skilgreina sig sem kvenskyns nýdoktora til að sækja um.

Ólöglegt samkvæmt dómi

Hins vegar segja kvenréttindasamtök að þetta sé ólöglegt í ljósi dóms hæstaréttar í apríl því samkvæmt jafnréttislögum frá 2010 er skilgreining á karli eða konu líffræðilegt kyn þeirra.

Þetta skilyrði er ekki bara bull, það er ólöglegt. Það sem gerir málið enn verra er að Royal Society – virtasta vísindastofnun Bretlands – styður þetta.

Það er löngu kominn tími til að heimsfrægar stofnanir gefist upp á að rústa eigin orðspori með dyggðaboðandi kynjabulli og vera í takti við lög og efnislegan veruleika.

Heimild: Women’s science award ‘unlawfully accepting trans applicants’

Kallar eftir réttvísi og hreinskilni

Sérfræðingur SÞ segir að árétta beri mikilvægi kyns í lýsingu á ofbeldi gegn konum og stúlkum.

Það verður að endurreisa mikilvægi kyns og reynslu af mismunun og ofbeldi til að koma í veg fyrir og bregðast við vaxandi ofbeldi gegn konum og stúlkum á alþjóðavísu.

Ofbeldi gegn konum og stúlkum á rætur sínar að rekja til efnislegs veruleika, líffræðilegs kyns þeirra, sem skarast oft við aðra þætti og eykur þar með varnarleysi þeirra fyrir ofbeldi, sagði Reem Alsalem, sérstakur erindreki um ofbeldi gegn konum og stúlkum, orsakir þess og afleiðingar, í skýrslu til mannréttindaráðsins.

Að viðurkenna ekki þessa hlutlægu staðreynd hefur dregið úr sameiginlegri getu okkar til að lýsa og skilja ofbeldi karla gegn konum og stúlkum og til að bregðast við því á áhrifaríkan hátt, sagði hún.

Í skýrslu Alsalem er minnst á að alþjóðalög viðurkenni mikilvægi kyn kvenna og banni mismunun gegn þeim á þeim grundvelli.

Þegar kyn er hunsað í greiningu eru konur og stúlkur gerðar ósýnilegar í lögum, stefnumörkun, rannsóknum og þjónustu.

Skýrslan varpar ljósi á hvernig rof á kven- og kynbundnu tungumáli, og samruni kyns og kynvitundar, hefur leitt til gallaðra gagna, ófullnægjandi þjónustu við kvenkyns fórnarlömb ofbeldis og almennt veikari vernd fyrir konur og stúlkur, þar á meðal lesbíur og stúlkur sem upplifa ónot í eigin líkama.