Ágæti skólastjóri

Það er dapurleg sjón að sjá að skólinn fagni, með flöggun trans fána, fæðingarkvillum barna, sjaldgæfum fæðingar- eða genakvilla.

Það er líka dapurlegt að sjá skólann hylla andlega óstöðug börn sem eiga í sjálfsmyndarvanda. Það væri forvitnilegt að heyra af hverju skólastjóranum þyki viðeigandi að flagga fyrir viðkvæmum hópi barna.

Skólastjórnandi sem flaggar trans fána styður mjög umdeilda hugmyndafræði og verður að vera vel að sér um hvað felst í því sem skólinn styður. Til að skilja hvað er að baki fánanum þarf að leita sér upplýsinga.

Gera verður ráð fyrir að skólastjórnendur skilji hugmyndafræðina sem trans fáninn gengur út á og allt sem henni viðkemur, þar sem stjórnendur styðja hana á þennan hátt. Skólinn gefur til kynna að hann trúi á, styðji og muni staðfesta trans sjálfsmynd – stelpur sem halda að þær séu strákar eða öfugt – þrátt fyrir að allt bendi til þess að þetta sé hættuleg nálgun. Það hefur m.a. Cass skýrslan fjallað um sem er skrifuð af þekktum barnalækni í Bretlandi. Mörg lönd víða um heim hafa breytt nálgun sinni vegna skýrslunnar og trans fáninn er þar á meðal.

Í Cass skýrslunni, sem á að vera skyldulesning þeirra sem koma að skólamálum, kemur fram að jafnvel félagsleg umskipti (t.d. að breyta nöfnum og fornöfnum) sé ekki hlutlaus athöfn og geti stuðlað að langtíma afleiðingum fyrir börn bæði sálrænum og þroskalegum.

Breyting fornafna gerir börnum ekkert gott eins og lesa má í grein eins fremsta sérfræðings í kynjamálum í Finnlandi Dr. Riittakerttu Kaltiala. Í greininni segir hún ,,Vísbendingar úr samanlagt 12 rannsóknum hingað til sýna að þegar börn með kynbreytilega hegðun eru látin þroskast náttúrulega, þá sættir mikill meirihluti - ,,fjórir af hverjum fimm," sig við líkama sinn og læra að sætta sig við kyn sitt segir Kaltiala. Þegar þeir eru félagslega umbreyttir gerir nánast enginn það.“ Í ljósi þessara orða er ábyrgð skóla, stjórnenda og kennara mikil.

Innan veggja skólanna eru börn af ólíkum uppruna og með ólík trúarbrögð. Því ber  skólastjórnendum og kennurum að virða hlutlægnireglu, jafnræðisreglu og meðalhófsregluna þegar kemur að táknum, m.a. fána, sem hylla svo mjög umdeilda hugmyndafræði.

Það er ekki hlutverk skóla að hylla hugmyndafræði sem á sér stað inni í kolli barns sem getur haft skaðlegar afleiðingar í för með sér fyrir barnið eins og sérfræðingar benda á. Þess vegna er mikilvægt að greina á milli þess sem ákvarðast af kynjalíffræði og ,,kynvitundar" sem byggjast á  tilfinningum og sjálfsmyndarruglingi.

 

Þórunn Sveibjarnardóttir með áróður í þinginu

Mynd af Þórunni Sveinbjarnardóttur sýndi þingi, þjóð og lýðnum mikila vanvirðingu við þingsetningu.

Hún ákvað að vara með áróður í formi brjóstnælu fyrir minnihlutahóp sem vill ráða samfélaginu.

Henni fannst engin, og hefur ekki fundist, ástæða til að bera brjóstnælu annarra minnihlutahópa. Engin börn sem búa við skert lífsgæði fá athygli hennar. 

Þórunni fannst ekki ástæða að hafa ekki gult í barminum, sem er áminning um þá sem falla fyrir eigin hendi.

Allir þeir sem settu þingið niður með áróðurstákni er landi og þjóð til skammar. 

Er áróður inni í þingsal ekki bannaður?

Það er ekki refsivert að segja hann þó viðkomandi vilji nota hún

Það var ánægjulegt að sjá dómsniðurstöðuna frá réttinum í Lyngby í Danmörku. Dómurinn féll í gær. Hans var beðið með eftirvæntingu því um fordæmisgefandi dóm er að ræða.

Í stuttu máli snýst málið um tjáningarfrelsi og hvort hagsmunir minnihlutahópa eigi að vega þyngra en hagsmunir meirihluta.

Dómarinn dæmdi Lotte Ingerslev í hag. Það er ekki móðgandi eða ærumeiðandi að vísa til karlmanns með líffræðilegu kyni hans né heldur að nota myndir sem hann sjálfur hafði póstað.  

Kvengervillinn Nadia Jacobsen fór í einkamál við Lotte Ingerslev því hún notaði persónufornafnið hann þegar hún skrifaði um tillögu Danska knattspyrnusambandsins (DBU), en Nadia vill láta tala um sig sem konu og nota fornafnið hún. Hann sat í ráðgefandi nefnd fyrir DBU.

Málið var tvenns konar, vegna myndbirtingar Lotte í tengslum við DBU færsluna á bloggsíðunni transkoen.dk og notkun persónufornafnsins.

Myndirnar tók Lotte af síðum þar sem Nadia hafði sjálfur birt m.a. á  klámsíðum. Hún notaði þær í tengslum við skrifin þar sem hún mótmælir tillögu m.a. Nadiu um að drengir fái aðgang að íþróttum stúlkna og búningsklefum þeirra.

Nadia taldi hvoru tveggja hafa verið móðgandi og ærumeiðandi, að Lotte hafi notað myndirnar og notað persónufornafnið hann.

Dómurinn segir

Lotte er ekki dæmd fyrir að móðga hann eða ærumeið vegna myndbirtingarinnar. Það vó þyngst að hann sjálfur hafði birt þær og gat átt von á að þeim yrði dreift sagði dómarinn.

Dómarinn dæmdi Lotte Ingerslev til að greiða skaðabætur því hann túlkar myndbirtingu og upplýsingar um fetískar netsögur Nadiu Jacobsen sem ákveðna keðjuverkun. Það þótti ekki við hæfi. Hún þarf að borga 15 þúsund d. kr. en hann fór fram á 100 þúsund.

Lotte er saklaus, hún er ekki talin hafa móðgað, áreitt eða ærumeitt hann með því að nota fornafn sem vísar í líffræðilegt kyn hans. Hún hefur, og reyndar allir, heimild til að vísa til fæðingarkyns einstaklings. Það er ekki refsivert.

Þessu ber að fagna og segja til hamingju konur og þeir sem beygja sig ekki fyrir trans hugmyndafræðina því þetta er undan rifjum þeirra runnið.

Fjölmiðlar

Hugmyndafræði trans samfélagsins bæði í útlöndum og hér heima hafa fundið upp alls konar fornöfn á fólk sem það getur notað. Í hvaða tilgangi má guð einn vita. Við erum annað tveggja, hann eða hún. Meirihlutinn á ekki að beygja sig undir ákvörðun minnihluta.

Með dómnum er enginn neyddur til að nota annað fornafn en líffræðilegt kyn viðkomandi segir til um.

Það má benda fjölmiðlum á, að það er virðingarleysi við kvenkynið að nota persónufornafnið hún um karlmann þegar fréttir eru sagðar af kvengervlum.  

Eitt af ljótari dæmunum eru karlmennirnir sem nauðguðu 13 ára barni í Noregi og vilja láta kalla sig konur og hún/þær í dómssal.

Virðingarleysið algert.

Að sjálfsögðu tölum við um hugmyndafræði

Hver dramadrottningin á fætur annarri hafa stigið fram og hneykslast á að Snorri Másson tali um hugmyndafræði þeirra sem lifa sem kyngervill. Getur það verið annað, maður spyr.

Það eru ekki staðreyndir, né vísindi hvað þá sannleikur, líffræðilegu kyni er ekki hægt að breyta alveg sama hvað menn reyna í orði og á borði. Hver fruma líkamans ber merki þess kyns sem viðkomandi fæddist.

Að setja inn gervileg í karlmann gerir hann ekki að konu. Að skera efnivið í typpi úr læri konu eða handlegg gerir hana ekki að karli. Hér er á ferð hugmyndafræði um að þú getir hið óbreytanlega, breyta kyni. Hins vegar geta þessir einstaklingar lifað eins og þeir óska og vilja, án þess að ganga á réttindi annarra svo sem eins og einkarými.

Á Vísindavefnum stendur ,,Á seinni árum hefur merking orðsins [hugmyndafræði] enn víkkað á þann veg samkvæmt orðabókum að talað er um að hugmyndafræði einhvers hóps eða menningarsamfélags sé sá hugsunarháttur, kenningakerfi, goðsagnir eða tákn sem einkenna hópinn eða tilheyra honum. Má þá tala um hugmyndafræði starfsgreinar, stofnunar og félagshreyfingar.“

Dramadrottningar fram á ritvöllinn

Dramadrottningarnar, þar á meðal Dagur B. Eggertsson læknir og Einar Þorsteinsson báðir stjórnmálamenn, stigu fram eftir Kastljósþáttinn. Menn tala ekki um manneskjur sem hugmyndafræði var ein gagnrýnin. Nei að sjálfsögðu ekki, mennirnir lifa eftir trans-hugmyndafræðinni (Transideologi), líkt og nunnur lifa eftir sinni hugmyndafræði, munkar, Amish fólk, mormónar, múslímar og kristnir. Enginn munur þar á og í góðu lagi.

Það fæðist enginn nunna, munkur eða Amish einstaklingur. Þeir taka hugmyndafræðina og lifa eftir henni. Sama og kyngervlar gera. Enn hefur fólk val um hvernig og eftir hvaða hugmyndafræði það lifir. En, hugmyndafræði er það!

Trans-hugmyndafræðin grefur undan kvenréttindum, réttindum homma og lesbía, sem og rannsóknar- og tjáningarfrelsi. Þetta hefur sýnt sig víða um heim og menn ekki tilbúnir að ræða það hér á landi.

Margir þeirra sem tóku til máls, til að verja hugmyndafræðina, réðust á manninn ekki málefnið. Segir meira um þá en þann sem þau réðust á. Margir fjölmiðlar gerðu slíkt hið sama, en það var viðbúið.

Sigríður Andersen er sá þingmaður sem kom best frá umfjölluninni um Kastljósþáttinn Hún sagði m.a. ,,Bæði voru sammála um að allir hefðu rétt til að lifa sínu lífi eins og þeir kjósa. Bæði voru sammála um að hatur og ofbeldi í garð náungans væri óforsvaranlegt.“ Er þetta ekki það sem allir vilja?

 

Enn heldur dusilmennið Einar Þorsteinsson áfram

Vanvirðing borgarfulltrúans Einars Þorsteinssonar birtist áfram í garð stúlkna og kvenna, nú í Spursmálum þegar hann var spurður um hve kynin eru mörg. Hann þvældi um engla og reyndi að gera lítið úr umræðunni. Hvílíkur útúrsnúningur. Hann vill kannski ekki upplýsa þjóðina um fáfræði sína. Eða eigum við að segja heimsku!

Það er nefnilega heimska að halda að líffræðin breytist eins og Andrea Róbertsdóttir framkvæmdastjóri Félags kvenna í atvinnurekstri reyndi að koma út úr sér. Enn ein konan sem horfir fram hjá sannleikanum, henni til minnkunar. Með handahreyfingum að eigin líkama reyndi hún að benda á að konur eigi bara að nota kvennaklefa. Hún forðaðist orðið kona í þessu sambandi. Kjáni.

Búningsklefar komu til tals. Við þurfum að ná sátt við trans-samfélagið. Nei Einar við þurfum þess ekki. Það þarf að banna karlmönnum með karlkynskynfæri, sem skilgreina sig sem konur, að koma inn í kvennaklefa. Það er ekkert að semja um. Þeir sem hafa herlegheitin undir sér eiga að nota karlaklefa eða sérklefa, hérlendis og í útlöndum.

Hefur Einar ekkert lært

Hann segir Snorra Másson vonandi hafa lært eitthvað af umræðunni undanfarna daga. Hefur Einar Þorsteinsson ekkert lært? Það er hann sem þarf að læra ekki sá sem þekkir sannleikann um kyn og ímyndaða kynvitund.

Hefur lítilmennið Einar ekki orðið þess áskynja að þjóðin er sammála þingmanninum og staðreyndum, kynin eru tvö. Ekkert samningsatriði.

Menn mega lifa eins og þeir óska en það á ekki að ganga á réttindi annarra hópa, t.d. kvenna og stúlkna. Einar er ekki sammála um réttindi kvenkynsins.

Mönnum er tíðrætt um réttindabaráttu samkynhneigðra. Baráttumál þessara hópa, trans og samkynhneigð, eiga ekkert sameiginlegt.

Barátta samkynhneigðra var af allt öðrum toga og menn eiga ekki að blanda þessum baráttum saman. Samkynhneigt fólk vildi ekki hafa réttindi af öðrum Einar Þorsteinsson, þeir vildu jafnrétti. Þeir vildu ekki þagga niður í fólki, þeir vildu umræður og samræðu.

Réttindi hafa verið tekin af stúlkum og konum með lögum um kynrænt sjálfræði, ekki bara hér á landi heldur víða um heim.

Það er kostulegt að hlusta á hljóðbrotið sem fylgir viðtengdri frétt.

Eru kynin jafn mörg englunum á nálaroddinum?

Gott að hafa í huga

Þegar transhugmyndafræðin er alls ráðandi í íslensku samfélagi og henni er troðið upp á börn og fullorðna hvort sem þeim líkar betur eða verr er gott að lesa góða speki.

Á Akureyri og öðrum sveitarfélögum er ,,fræðslu" trans Samtaka 78 troðið upp á fólk gegn greiðslu bæjarins.

Akureyri hugsar ekki eins vel um önnur börn, t.d. offitubarna, kvíðabarna, þunglyndisbarna, barna sem búa með foreldrum sem glíma við geðrænan vanda o.s.frv.

Nei þau börn fá ekki þá sérþjónustu, eða starfsfólkið, og fræðslu frá viðeigandi samtökum þrjú ár í röð. Engin stuðningur til þeirra barna eða félaga sem hugsa um þau börn.

Barnvæna samfélagið Akureyri mismunar börnum.

En hér er góð speki, sannleikurinn er sagna bestur:

 

Boðorð trans Samtakanna 78

Boðorð lífsskoðunarfélagsins trans Samtaka 78 eru á margan hátt áhugaverð. Margir stjórnmálamenn hafa tekið þessi boðorð sér til fyrirmyndar m.a. Þorsteinn Einarsson framsóknarmaður og borgarfulltrúi sem hlýtur að svara Þórarni um hve mörg kynin eru en í viðtengdri frétt spyr hann Einar.

Boðorðin

Sannleikurinn um tvö kyn er hatursorðræða.

Hjólaðu í manninn ekki málefni.

Að menn meini annað en þeir segja.

Hafðu engin rök fyrir máli þínu.

Réttindin kvenna og stúlkna eru ekki eins rétthá og þeirra sem skilgreina sig trans.

Haltu fram að menn innleiði sannleikann um tvö kyn frá útlöndum.

Allir þeir sem segja sannleikann fremja hatursglæp, það fær maður á tilfinninguna þegar maður hlustar á umrætt fólk. Sér fólk í alvöru ekki í gegnum þennan rógburð. Þennan áróður.

Þessi lífsskoðun um að kynin séu mörg og að menn geti breytt líkama sínum á hvergi heima nema í sértrúarsöfnuði. Það getur enginn skipt líffræðilegum líkama sínum út, bara breytt honum.

Fátt er um svör þegar stórt er spurt. Þegar meðlimir lífsskoðunarfélagsins, og aðdáendur þeirra, eru spurðir hvað kynin séu mörg verður fátt um svör. En það má bara ekki segja sannleikann, þau eru tvö.

Hvernig breytir maður líkama konu í líkama karlmanns. Jú viðkomandi fær hormónalyf til að breyta ákveðinni starfsemi líkamans t.d. fá skeggvöxt, en karllíkami verður það aldrei. Síðan er tekið kjötstykki úr læri eða handlegg til að búa til ímyndað typpi. Að læknar taki að sér að limlesta líkama á þennan hátt er undarlegt. Samt sem áður fólk má skilgreina sig sem það vill, en forðumst falsfréttir.

Verra er að í námsbókinni Náttúrulega 3 er börnum sagt að sumir fari í kynskipti. Hafa kennarar menntun og þekkingu til að segja frá slíku? Hvaða afleiðingar læknisfræðileg inngrip hafi á líkama og sál. Segja kennarar að sjálfsvígshætta fólks sem hefur farið í ,,kynskipti“ sé hærri hjá þeim en öðrum og að það sé margt hættulegt við kynskipti. Efast. Börn eru látin halda að inngripin séu eins og kaupa nammi í sælgætisbúð.

 

Þingmaður í heita sætinu: „Hvað eru mörg kyn?“

Félagsleg umskipti getur skapað börnum hættu

Vegna umræðu Snorra og Þorbjargar um kynin tvö og transhugmyndafræðina er nauðsynlegt að rifja upp staðreyndir.

Samfélagssmit er staðreynd þegar transhugmyndafræðin er annars vegar, menn geta ekki neitað fyrir það.  Víða hafa er bent á þá miklu aukningu stúlkna sem allt í einu segja sig stráka, eða kynlausa. Fagfólk m.a. norsku læknarnir tala um það og lýsa áhyggjum sínum. Á slíkt ber að hlusta, ekki bara í Noregi heldur á Íslandi líka.

Í Cass skýrslunni kemur fram að jafnvel félagsleg umskipti (t.d. að breyta nöfnum og fornöfnum) sé ekki hlutlaus athöfn og geti stuðlað að langtíma afleiðingum fyrir börn bæði sálrænum og þroskalegum. Skýrslan mælir með varfærinni, gagnreyndri nálgun á kynbundinni vanlíðan hjá börnum, sem miðast við vernd og klínískt eftirlit frekar en staðfestingu eins og tákn gera, s.s. fáninn.

Það er ekki að ástæðulausu að foreldrar á Akureyri hafi áhyggjur. Bærinn er undirlagður af áróðurstáknum og eru stofnanir bæjarins hvað verstar.

Endurheimta kynin

Skýrsla SÞ staðfestir hversu brýnt þar er að endurheimta mikilvægi kyns til að skilja umfang ofbeldis gegn konum.

Að viðurkenna líffræðilegt kyn er EKKI það sama og „hatur“ eða að neita tilvist einhvers, eins og trans-aðgerðasinnar halda oft fram. Þvert á móti er það alger nauðsyn fyrir markvissar og árangursríkar aðgerðir til að fyrirbyggja ofbeldi gegn konum.

Konur eiga að hafa rétt til að tala um kyn og eigin reynslu án þess að eiga yfir höfði sér refsingu eða önnur viðurlög. Það er mikilvægt að muna, til þess að vera kvengervill þarf að vera með XY-litninga og þar af leiðandi karlmaður.

Dusilmennið Einar Þorsteinsson borgarfulltrúi

Sú sorglega staðreynd að Einar Þorsteinsson ætlaði að kaupa sér atkvæði í næstu borgarstjórnarkosningum á ályktun sem hann bjó til gegn einum af betri þingmönnum Alþingis Íslands, er hjákátleg. Þingmanni sem þorir að tala um sannleikann en fer ekki með staðreyndir eins og köttur í kringum heitan graut.

Kannski var þetta tilraun til að bæta upp fyrir þann óleik sem hann lék sjálfur og tapaði.

Benda má Einari á, að 53% þeirra sem tóku þátt í skoðunarkönnun Vísis sögðu Snorra hafa staðið sig vel í Kastljós þættinum, en 5001 tóku þátt í könnuninni sem endurspeglar þjóðarsálina.

Gefur stúlkur og konur upp á bátinn

Einar Þorsteinsson er lítilmenni. Hann gefur baráttu stúlkna og kvenna upp á bátinn. Nú þegar hefur íslenskur karlmaður, sem segist kona, unnið íþróttatitil sem tilheyrði stúlku. Eitthvað sem menn töldu að myndi ekki gerast hér á landi.

Með ályktuninni sýnir Einar og meðreiðarsveinar svo ekki verður um villst hvaða hug þau bera til réttindabaráttu stúlkna og kvenna um víða veröld.

Í Noregi nauðguðu tveir kvengervlar 13 ára stúlku ásamt einum karli til viðbótar, og það er vont til þess að vita að Einar styðji baráttu þeirra en stúlkna látin róa í nafni hugmyndafræði. Þetta er eitt dæmi af mörgum. Ekki að ástæðulausu sem kallað er eftir sannleikanum.

Eitt er ljóst, Snorra Mássyni þingmanni er betur treystandi til að berjast fyrir rétti stúlkunnar,  og stúlkna almennt, en Einari Þorsteinssyni yrði nokkurn tíma.

Snorri hefur sannleikann að vopni, kynin eru tvö, annað en Einar. Karlmenn sem skilgreina sig konur, og nauðga, eigi ekki að fara í kvennafangelsi eins og lög um kynrænt sjálfræði leyfir og fjölbreytileikinn sem Einar hyllir.

Einar, ertu í alvöru stoltur af þér?

Kvenkynið á að þegja, stúlkur eiga að vera prúðar og stilltar, þær eiga að láta ofbeldið yfir sig ganga, sætta sig við trans hugmyndafræðina með því að gefa einkarými upp á bátinn, íþróttir, baðklefa, búningsklefa og annað er viðkemur konum og stúlkum. Allt í nafni laga um kynrænt sjálfræði og fjölbreytileikans sem Einar Þorsteinsson fagnar svo innilega.

Gleymum ekki tungumálinu sem konur sjá hverfa hægt og rólega yfir í trans hugmyndafræðina.

Það er vonandi að flokkur Einars Þorsteinssonar verði þurrkaður út í næstu kosningum, eða honum fleygt af lista. Þessi maður á ekki erindi í borgarmálin þar sem kúgun stúlkna og kvenna er liðin í nafni fjölbreytileika.

 

Rauði krossinn, Eyjarfjarðardeild snýr baki við stúlkum og konum

Rétt eins og borgarfulltrúar Reykjavíkurborgar sneri Eyjafjarðardeild Rauða krossins baki við baráttu kvenna og stúlkna víða um heim. Það gerðu þeir með því að flagga tákn fána trans hreyfingarinnar Samtökin 78. Að tala fyrir mörgum kynjum, eins og fáninn þýðir, merkir að maður lokar á kvenna- og stúlknabaráttuna. Hvernig getur einhver barist fyrir því sem hann veit ekki hvað er?

Það er vitað að trans hugmyndafræðin ógnar öryggi kvenna og hefur réttindi af kvenkyninu, sem er kvenkyns fullorðinn einstaklingur.

Þarf ekki annað en lesa orð sérstaks erindreka kvenna og stúlkna gegn ofbeldi til að átta sig á því. Hún kallar eftir að líffræðin haldi sér og að karlar sem nauðga geti ekki nýtt sér lög um kynrænt sjálfræði. Ríki heims, líka Ísland, opnaði fyrir misnotkun á lögunum með skelfilegum afleiðingum. Rauði krossinn flaggar og fagnar.

Maður hefði haldið að hlutlaus samtök eins og Rauði krossinn léti vera að taka afstöðu.

Með flöggun fánans fer Rauði krossinn einnig gegn baráttu kvenna um íþróttir sínar og búningsklefa.

Rauði krossinn er hápólitísk samtök. Að fela flöggun á bak við fjölbreytilega er vægast sagt einfeldnislegt. Orðaleikur.

Fáninn er merki um afstöðu gegn ákveðinni baráttu kvenna og barna.