Tímabært að rifja upp

Það eru rúm þrjú ár síðan ég birti grein í mogganum og Fréttin endurbirti. Greinin á enn fullan rétt á sér. Frá því hún var skrifuð hefur margt komið í ljós í heiminum um kynjaóreiðuna sem þingmenn, heilbrigðiskerfið, skólayfirvöld, skólastjórnendur, forysta Kennarasambandsins og kennarar láta viðgangast hér á landi.

Þessir aðilar hafa meira að segja tekið þátt í að gera lítið úr börnum sem líður illa í eigin skinni. Sem dæmi með því að flagga fyrir andlega óstöðugum börnum. Með því að telja þeim trú um að kynin geti verið fleiri en tvö. Með því að ljúga í skólabókum svo fátt eitt sé nefnt.

Í greininni sagði ég; ,,Ég tel það sær­andi og móðgandi að segja barni að það sé kannski í öðrum lík­ama. Sé ekki það kyn sem það fædd­ist. Að barnið sé strák­ur, án lims, en ekki stelpa sem er þvert á líf­fræðilega staðreynd. Barn hef­ur ekki þroska, getu eða þor til að mót­mæla slíku. Senni­lega á það við í gegn­um leik- og grunn­skól­ann.“

Nú hefur Hæstiréttur Bretlands úrskurðað að kona sé líffræðilegt kyn og að kynin séu tvö.   

Trans-kona er því ekki til í lagalegum skilningi eða trans-barn. Hins vegar er það í kollinum á þessum einstaklingum sem er í fullkomnu lagi. Þvingið okkur hin ekki til að viðurkenna það.

Lyfin

Ég skrifaði; ,,Hef lesið að Sam­tök­in 78 bendi á að horm­óna­blokk­andi lyf séu nán­ast skaðlaus, þvert á vitn­eskju sér­fræðinga sem hafa hver á fæt­ur öðrum stigið fram. Fram­kvæmda­stjóri Sam­tak­anna 78 skrifaði það í grein sem Vís­ir.is birti. Horm­óna­blokk­andi lyf hafa veru­leg­ar af­leiðing­ar fyr­ir börn, skemma þau til lífstíðar. Með mál­flutn­ingi sín­um finnst mér allt benda til að Sam­tök­in ger­ist brot­leg við „... stefn­ir heilsu barns­ins og þroska í hættu“ boði þau þenn­an boðskap í fræðslu sinni til skóla­barna.“

Nú hefur komið í ljós, eins og ég benti á, lyfin eru skaðræði og stórhættuleg börnum. Gera þau heilsuveil til framtíðar og ófrjó. Víðs vegar um heiminn hafa menn vaknað upp við vondan draum og banna nú hormónablokka fyrir börn yngri en 18 ára sem er sjálfræðisaldurinn.

Fjölmiðlar

Ég skrifaði; ,,Vand­inn í dag er vilja­leysi fjöl­miðla til að ræða trans­mála­flokk­inn frá fleiri hliðum en Sam­tök­in 78 sýna. Víða um heim hef­ur umræðan um mála­flokk­inn breyst. Marg­ir hafa stigið fram og sagt miður góðar reynslu­sög­ur og sér­fræðing­ar benda á margt fróðlegt sem á er­indi við al­menn­ing. Ný­verið kom út norsk skýrsla sem fer hörðum orðum um þann iðnað sem er í gangi. Ekki orð um það hér á landi.“

Fjölmiðlar hér á landi (fyrir utan Fréttina og Nútímann) eru enn við sama heygarðshornið. Fjölmiðlar víða um heim hafa látið af heimsku sinni og þegja ekki lengur um trans-málaflokkinn. Kannski þurfum við að bíða í áratug áður en fjölmiðlamenn fletta ofan af lygum sem opinberir aðilar halda að börnum.

Greinin sem ég skrifaði á sínum tíma kölluð fram þessi viðbrögð og þessi, svo ekki sé talað um þessi.

Hægt að bæta þessum við og þessum.

Kyn verður aldrei dregið í efa nema í svo sára­fá­um til­fell­um og þá vita menn að eitt­hvað hef­ur farið úr­skeiðis.

Greinin

Nauðgunin í Gleðigöngunni

Getur þú verið ,,karl“ í þjóðskrá en ,,kona“ í réttarsal, ,,karl“ í fjölmiðlum og svo ,,kona“ í fangelsi. Allt er mögulegt á tímum sem einkennist af kynjarugli og afneitun staðreynda.

Gerendur skiptu um kyn ári áður en þeir nauðguðu stúlkunni sem var í umsjá barnaverndar.

Rifjum aðeins upp. Í Gleðigöngunni í Bergen 2024 nauðguðu tveir kvengervlar, karlar sem skilgreina sig sem konu, ítrekað 14 ára stúlku og beittu hana grófu kynferðisofbeldi eftir að hafa hellt hana fulla. Sá elsti nauðgaði henni þegar hún var 12 ára, en káfaði bara á henni 14 ára.

Í báðum tilfellum hafði stúlkan strokið af barnaverndarstofnun. Barn í mjög viðkvæmum hópi.

,,Þetta er það grófasta sem ég hef nokkurn tímann lesið“ skrifaði Mahmoud Farahmand, þingmaður Íhaldsflokksins:

,,Það fáránlegast er að tveir líffræðilegir karlmenn sem nauðguðu stúku undir lögaldri í nánast varnarlausu ástandi ætla að afplána nauðgunardóm sinn í kvennafangelsi. Þetta er óforsvaranlegt og stuðlar að vantrausti á ríkið.“

Fjölmiðlafræðingur spyr hvenær fjölmiðlar fari í alvöru rannsóknarvinnu þegar svona óhugnaður kemur upp, til að miðla réttmætum upplýsingum til almennings sem ættu að vega þungt í fréttaflutningi.

Vantar lagalegan grundvöll

Noregur var eitt af fyrstu löndunum til að taka upp lög um kynrænt sjálfræði. En í þessu tilviki skortir lagalegan grundvöll. Það eina sem er til staðar er munnleg sjálfsauðkenning nauðgarana.

Mikilvægar stofnanir í samfélaginu virðast sætta sig við kyn einstaklings út frá óskum þeirra. Jafnvel þegar kemur að fólki sem notar karlkyns kynfæri sín til að beita ofbeldi. Jafnvel þegar það þóknast þeim í dómsferlinu og eftir það.

Velta má fyrir sér: Eiga nauðgarar að fá að skilgreina sig og breyta kyni sínu eins og þeir vilja, til að komast eins ódýrt frá glæpnum og mögulegt er?

Frjálst val á kyni í réttarsal

,,Hann hefur endurteknar samfarir í leggöng…“ má lesa í ákærunni. Um einstakling sem kallar sig Desiree (skáldað nafn sem líkist nafni sakborningsins).

Síðar í dómnum má lesa um sama einstakling: ,,hún var aum eftir fyrri kynmök.“ Og um glæpafélagann, Enya, komumst við að því að ,,hún missti stinninguna.“

Saksóknari notar ,,hann“ um sakborning en Héraðsdómur Hordaland notar ,,hún“ og vísar til þess að þær séu karlmenn og skilgreina sig sem konur, kvengervlar.

Talið var að vísað væri til lagalegs kyn einstaklinganna. En á hverju byggði ákæruvaldið þegar þeir kölluðu þá karlmenn? Líffræðilegt kyn? Í því tilviki væri það vísindalega rétt.

Leitað eftir upplýsingum

Tölvupóstur var sendur til lögreglusaksóknara. Hún svarar:

,,Við gerð ákærunnar hefur ákæruvaldið tekið tillit til þess kyns sem skráð er í kerfi lögreglunnar sem samsvarar skráningu í þjóðskrá.“

Í Noregi er lagalegt kyn það sem einstaklingur er skráður í þjóðskrá. Desiree og Enya hafa þar af leiðandi ekki breytt lagalegu kyni sínu.

Fjölmiðlar hylma yfir með transinu

Þegar fjölmiðlamenn sem voru viðstaddir réttarhöldin spurðu þeir nauðgarana hvernig þeir vildu láta tala um sig. Þeir sögðu, karlmenn. Þegar innt var eftir því hjá fjölmiðlunum af hverju sannleikurinn væri ekki sagður, að um trans-einstaklinga væri að ræða,  var svarið að þeir vilji ekki ræða málið í smáatriðum.

Skýringin er frekar að menn vilja ekki stimpla trans-fólk, kyngervla. Á sama hátt og maður gefur ekki upp þjóðernisvitund eða upprunaland geranda í sakamálum.

Fáeinir fjölmiðlar hafa fjallað um málið eins og það kemur fyrir, kvengervlar nauðguðu stúlkunni. Sumir gengu svo langt og kölluðu það fáránlegt og hættulegt trans-umburðalyndi.

Þessir ofbeldismenn vildu vera konur fyrir dómstólum vegna þess að það gagnaðist málstað þeirra. En vildu svo vera karlmenn í fjölmiðlum, því það lítur betur út að karlmaður nauðgi frekar en kvengervill.

Karlar í kvennafangelsum

Fáir gera sér grein fyrir, að í Noregi afplána karlmenn í kvennafangelsum. Það gera þeir án þess að hafa breytt lagalegu kyni sínu. Þar af leiðandi munu þessi tveir nauðgarar fara í kvennafangelsi. Þeir eru ekki í hættu sjálfir en skapa hættu fyrir aðra fanga, sem eru konur.

Tveir þingmenn eru í uppnámi vegna málsins á meðan vinstrisinnaður lagaprófessor telur ekki að maður þurfi að hafa áhyggjur af konunum í fangelsinu þó þessir nauðgarar séu vistaðir þar.

Þrjár kvenhetjur

Það er þremur stúlkum að þakka að ódæðismennirnir náðust. Þær tóku eftir að karlmaður þreifaði á ofurölvi stúlkunni. Þær hringdu í lögregluna og hófu upptöku á símana sína. Þær eltu fólkið og fundu íbúðina sem notuð var. Þær spurðu gagnrýnna spurninga þegar lögreglan kom og tók við. Þær ættu að fá verðlaun fyrir hugrekki.

Ef stúlkurnar hefðu sé séð karlinn þreifa á stúlkunni er ekki víst að þær hefðu áttað sig á hvað væri í gangi. En af því vinur kvengervlanna, þriðji karlmaðurinn, átti við stúlkuna kveiktu þær á perunni.

Heimild

Trans-fólk hafði aldrei þessi réttindi- því var logið að þeim

Akua Reindorf, einn af átta fulltrúum hjá Jafnréttis- og mannréttindaskrifstofunni (EHRC), sagði að trans fólk hefði verið blekkt um réttindi sín og að nú sé tímabært að laga það og viðurkenna rétt kvenna til einkarýma. Trans-fólki (kyngervlar) blekkti sjálft sig mest.

Menn hafa logið að trans-fólki í mörg. Hafa talið þeim trú um að það megi fara inn í rými sem eru aðeins fyrir konur, einkynja rými, að sögn háttsetts meðlims í jafnréttiseftirliti Bretlands. Lögin leyfðu það aldrei.

Trans-fólk kvartar um réttindamissi sem aldrei var til staðar. Upplogið frá upphafi til enda. Menn tóku sér vald í hönd sem þeir höfðu ekki. Eftir úrskurð Hæstaréttar Bretlands gera menn það sem rétt er og hefur verið, útiloka trans-konur, sem eru karlmenn, frá íþróttum, búningsklefum og salernum kvenna.

Akua Reindorf, einn af átta framkvæmdastjórum jafnréttis- og mannréttindanefndarinnar, sagði að transfólk hefði verið blekkt um réttindi sín og það tíma til að viðurkenna rétt kvenna til einkynja rýma.

Reindorf lét þessi ummæli falla í umræðum um úrskurð hæstaréttar um að orðið ,,kyn" í jafnréttislögum vísi aðeins til líffræðilegs kyns, en ekki til kynvitundar einstaklings.

Úrskurðurinn staðfesti að það væri löglegt fyrir þróttaambönd að banna trans-konur í kvennaliðum og að trans-fólki væri meinað að fara á salerni og búningsklefa sem ætlað væri hinu kyninu. Þetta var síðar stutt af bráðabirgðaleiðbeiningum frá EHRC.

Aðspurð af áhorfanda, á viðburði þar sem hún talaði, um áhyggjur af því að úrskurðurinn hafi skert réttindi trans fólks sagði Naomi Cunningham, lögfræðingur og pallborðsþátttakandi í kappræðunum, að trans-fólk ,,verði að víkja" og bætti við: ,,Það er ekki hægt að gera neitt við því." Eins og hún áður sagði, þessi réttindi voru aldrei til staðar.

Reindorf tók næst til máls og sagði: Því miður hefur verið logið að ungu fólki og trans fólki í mörg ár um hver réttindi þeirra eru.

Sjálfsauðkenning ,,aldrei leyfð"

Reindorf, sem einnig er lögfræðingur og tjáir sig persónulega, sagðist telja að sökin lægi hjá trans hagsmunagæslumönnum (aðgerðasinnum og samtökum).

Áður en hæstiréttur úrskurðaði voru lögin almennt misskilin, sagði hún og kenndi þrýstihópum um sem héldu því fram að trans fólk sem skilgreindi sig ætti að fá meðferð í samræmi við þá kynvitund sem það velur sér.

Reindorf bendi á þá staðreynd að trans-fólk hefur verið afvegaleitt um lagaleg réttindi sín. Lögin hefðu aldrei leyft sjálfsauðkennandi fólki að nota einkarými gagnstæða kynsins.

,,Leiðrétting á reglum og starfsháttum um sjálfsauðkenningu mun óhjákvæmilega leið til þess að trans- fólk líði og tali eins og um réttindamissi sér að ræða. Þessi óheppilega staða er yfirgnæfandi afleiðing rangra upplýsinga sem var kerfisbundið dreift á löngum tíma af hagsmunahópum og aðgerðarsinnum."

Í erindi sínu á viðburði, sem skipulagður var af London School of Economics lagadeildinni, sagði Reindorf að áhrif úrskurðar hæstaréttar væru mjög skýr. Hún fordæmdi það sem hún kallaði múgæsingu og hópamyndanir þar sem menn lýsa áhyggjum af að nú hafi trans-fólk engan stað til að fara á salernið.

Endurheimt kvenréttinda

Reindorf naut stuðnings JK Rowling, höfundar Harry Potter. Rowling tísti: ,,Hagsmunahópar trans aðgerðasinna lugu um það sem lögin sögðu. Þeir héldu því fram að karlar, sem skilgreina sig sem konur, ættu rétt á öllu sem konur ættu rétt á, samkvæmt lögum.

,,Þessi rangtúlkun, sem fjarlægði kynbundin réttindi kvenna og stúlkna og veitti trans-konum aukin réttindi, kann að hafa verið þröngvað upp á stóran hluta samfélagsins, en hún var alltaf ólögleg, eins og ótal lögfræðingar og grasrótarsamtök kvenna börðust fyrir og er viðurkennt.“

,,Hæstiréttur endurheimti réttindi kvenna [það] sem þær höfðu tapað í reynd. Kvengervlar töpuðu engu  við úrskurðinn, vegna þess að þeir höfðu aldrei haft þau réttindi sem þeir sögðust hafa. Ekkert hefur verið tekið frá trans fólki nema röng trú og konur hafa einfaldlega endurheimt það sem þær hefðu átt að hafa allan tímann.

Talsmaður EHRC sagði við The Guardian að það sé hlutverk nefndarinnar að framfylgja jafnrétti og mannréttindum samkvæmt jafnréttislögum frá 2010 og tryggja að allir fái sanngjarna meðferð í samræmi við lögin. Ákvarðanir okkar byggjast á sönnunargögnum og lögum.  

Konur eiga að fagna, lausar við karlmenn, sem skilgreina sig sem konur, úr einkynja rýmum og íþróttum. Nú vona konur að þetta breiðist út um gjörvalla heimsbyggðina, í það minnst þann vestræna þar sem réttindi kvenna eru skert vegna rangtúlkana á lögum.

Lesið hér.

Ósköp venjulegur karlmaður sem skilgreinir sig sem kona

Ekki er annað að sjá en þessi piltur sé ósköp venjulegur karlmaður sem skilgreinir sig sem konu. Vel loðinn á bringunni og karlmannlegur. Hann velur að klæðast sem kona og mála sig. Ljómandi gott, enda er fataval og skilgreining einstaklinga frjáls. 

Minni á að Hæstiréttur Bretlands úrskurðaði að einungis líffræðileg kona er kona.

Skemmtileg útskýring.

 

Fyrsti kynsegin leikarinn verðlaunaður

Mega lögsækja þá sem framkvæma tilraunir á börnum

Öldungadeildarþingmaðurinn Josh Hawley kynnti frumvarp sem veitir fólki sem hefur farið í gegnum kynleiðréttingarferli/aðgerðir (stopphormóna, krosshormóna, skurðaðgerð), sem ólögráða barn, heimild til að lögsækja þá sem sáu um inngripið. Frestur til að höfða mál er 30 ár eftir að börnin hafa náð 18 ára aldrei. Frumvarpið bannar enn fremur alríkisfjármögnun á kynleiðréttingaraðferðum barna.

Í grófum dráttum eru þetta aðalatriðin

Ef frumvarpið verður samþykkt í þinginu leyfir það fólki sem hefur orðið fyrir líkamlegum eða andlegum skaða af kynleiðréttingaraðgerðum, sem gerðar voru á þeim sem ólögráða börnum, að lögsækja einstaklinga og aðila sem tóku þátt í aðgerðunum.
Eftirfarandi aðilar bera ábyrgð í slíkri aðgerð:
- Kynleiðréttingarstofur barna, þar sem aðgerðin var framkvæmd
- Læknarnir sem framkvæmdu aðgerðina eða störfuðu á heilsugæslustöðinni
- Háskólar og/eða sjúkrahús sem tengjast heilsugæslustöðinni.

Ríkið hættir þátttöku

Að auki bannar frumvarpið að alríkisfé sé notað til að fjármagna:
- Kynleiðréttingarstofur fyrir börn
- Háskóla og sjúkrahús sem tengjast kynleiðréttingarstofu barna
- kynleiðréttingaraðgerðir framkvæmdar á ólögráða börnum

Ef lagafrumvarpið verður samþykkt munu lögin gilda um allt ofangreint, auk þess að gilda þau um tilraunameðferðir fyrir og eftir að lögin tóku gildi.

Foreldrar sleppa

Ekkert kemur fram um ábyrgð foreldra í lagafrumvarpinu. Þau eru oft meðvirk með barni og að barn fari í þessar tilraunameðferðir sem margar læknastofur og sjúkrahús bjóða upp á.

Engar rannsóknir sýna eða sanna að svona tilraunir á börnum geri þeim gott eða bæti þá sálrænu kreppu sem þau eru í. Hér má hlusta á fræðimann rökstyðja málið.

Líffræðilega kynið breytist aldrei þrátt fyrir þessa pyntingu barna.

Hjúkrunarfræðingarnir höfðu sigur

Átta hjúkrunarfræðingar fóru í hart við vinnuveitenda sinn vegna einkynja rýma. Þær stofnuðu eigin stéttarfélag til að vinna í málinu. Félag hjúkrunarfræðinga studdi þær ekki frekar en Sandie Peggie sem er í málaferlum við vinnuveitanda sinn og kvengervil. Hún ætlar sér í mál við Félag hjúkrunarfræðinga.

Stefna kyngervla (trans-fólks) stefnir þeim í hættu, sviptir þær reisn og brýtur gegn mannréttinum þeirra segja hjúkrunarfræðingarnir.

Konurnar sögður frá að líffræðilegur karlmaður sem skilgreindi sig sem konu, að nafni Rose, starði á brjóst þeirra þegar þær afklæddust og dvaldi lengi í búningsklefanum. Einn hjúkrunarfræðingurinn fékk kvíðakast eftir að karlmaðurinn Rose spurði ítrekað þegar þau voru ein: ,,Ertu að skipta um föt?“

Ráðherra greip fyrst inn nú

Nú, þegar mál þeirra er á leið fyrir dómstóla, hefur heilbrigðisráðherrann Wes Streeting gripið inn í og skipað Darlington Memorial sjúkrahúsinu að hafa einkynja rými. Konurnar eiga að fá sitt.

Ein þeirra, Bethany Hutchison, sagðist kunna að meta aðgerðirnar ,,til að endurheimta öryggi okkar og reisn á vinnustaðnum í samræmi við lög." Og hún sagði að hjúkrunarfræðingarnir myndu ekki ,,hætta fyrr en þessi aðgerð gildi um alla kvenkyns starfsmanna á starfsstöðum NHS án óþarfa tafa".

Hjúkrunarfræðingarnir í Darlington kærðu NHS fyrir ári síðan og fengu yfirgnæfandi stuðning um allt land. ,,Milljónir kvenna standa með þeim," sagði J.K. Rowling.

Sigur þeirra kemur í kjölfar þess að í síðustu viku neyddust yfirmenn NHS að breyta leiðbeiningum sínum um kyngervla eftir úrskurð Hæstaréttar Bretlands. Konur eru kvenkyns einstaklingar, ekki karlar sem segjast vera konur. Yfirmenn NHS benda á að kyngervlar ættu að fá eigin salerni og búningsklefa.

Embættismaður mætir á staðinn

Háttsettur embættismaður NHS heimsótti Darlington Memorial sjúkrahúsið fyrirvaralaust í síðustu viku og lýsti búningsaðstöðu fyrir kvenkyns starfsmenn sem ,,ófullnægjandi".

Embættismaðurinn bað einn hjúkrunarfræðinginn í Darlington afsökunar og lofaði að bregðast við ,,með hraði." Það ætti að gera með því að útvega karla-, kvenna- og kynhlutlausa búningsklefa og bætti við: ,,Við viljum að þér líði vel og þú sért örugg."

Á síðasta ári, eftir að hjúkrunarfræðingarnir vöktu máls á þessu, var þeim sagt af yfirmönnum stofnunarinnar að þær þyrftu að ,,endurmennta sig", ,,gera málamiðlanir" og ,,samlagast betur.“

Kröfurnar birtar, þær fluttar

Eftir að hjúkrunarfræðingarnir birtu kröfu sína gaf County Durham og Darlington NHS Foundation Trust þeim ,,tímabundin" rými til að skipta um föt, fara í vinnufötin. Stuðningsmenn hjúkrunarfræðinganna sögðu hins vegar að rýmið væri skápalaust og opið út á almenningsgang, sem leiddi til þess að konurnar stimpluðu aðstöðuna sem ,,ómannúðlega" og ,,niðurlægjandi."

Þegar í ljós koma að stéttarfélagið þeirra var tregt til að styðja þær stofnuðu hjúkrunarfræðingarnir átta sitt eigið félag, Darlington Nursing Union, og lögðu tillögur sínar um leið fram til herra Streeting.

Leiðbeiningar þeirra veittu ,,sanngjarna og viðráðanlega leið til að vernda örugg einkynja rými fyrir allt starfsfólk NHS í samræmi við jafnréttislögin." Að auki virtu kröfurnar réttindi þeirra sem skilgreindu sig annað kyn en þeir eru.  

Nutu stuðnings

Kemi Badenoch, leiðtogi Íhaldsflokksins, studdi hjúkrunarfræðingana og sagði: ,,Það ætti aldrei að neyða konu til að afklæðast í návist karlmanns. Mál hjúkrunarfræðinganna í Darlington er enn eitt dæmið um konur sem eru skrímslavæddar og niðurlægðar fyrir að vekja athygli á réttmætum áhyggjum vegna einkynja rýma.“  

Streeting neyddist til að bíða þar til eftir úrskurð hæstaréttar í apríl, um að orðið kyn í jafnréttislögum þýði líffræðilegt kyn áður, en hann skipti sér af.

Í síðasta mánuði kom í ljós, að jafnvel áður en hæstiréttur úrskurðaði hafði Royal College of Nursing skrifað Darlington og sagt að hegðun þeirra væri ólögleg. Í bréfinu var Darlington skipað að útvega einkynja búningsklefa ,,án tafar".

Andrea Williams, framkvæmdastjóri Christian Legal Centre, sagði: ,,Andrúmsloft ótta hefur gegnsýrt kerfið og margir frá toppi til botns hafa verið hræddir til þöggunar og aðgerðaleysis. Jafnréttis- og fjölbreytileikastefnur hafa verið notaðar sem vopn til að þagga niður í andófi og koma í veg fyrir að öryggi og reisn kvenna sé verndað á vinnustöðum.

,,Við erum þakklátar fyrir aðgerðir Wes Streeting og NHS England í þessu máli og biðjum þess að þeir fylgi þess fast og fljótt eftir svo hjúkrunarfræðingarnir geti snúið aftur í búningsklefa kvenna án tafar."

Heimild

Imane Khelif boxari er karlmaður- hverjum datt það í hug!

Svik komast upp um síðir. Að sjálfsögðu er hann karlmaður. Hefur aldrei verið neitt annað.  Í hvaða hugsana- og skynsemisrofi var fólk sem hélt öðru fram. Það sést langar leiðir að hann er karlmaður.

Margir fengu orð í eyra fyrir að halda sannleikanum fram. Fjölmiðlar fóru á flug með lygina og sökuðu mann og annan fyrir fordóma. Hér á landi gerðist slíkt hið sama. Þingmaður Viðreisnar Sigmar Guðmundsson og Jóhannes Þór lögðust á árina sem og aðrir sem telja sig ,,gott fólk.“ Margir fréttamenn töluðu um ,,hana“ en ekki hann eins og var og er viðeigandi.

Hann er bannaður frá kvennaflokki- að sjálfsöðgu

Fyrr í vikunni bannaði World Boxing Khelif að berjast gegn konum á heimsmeistaramótinu í Eindhoven, nema meistarinn gengist undir kynjapróf, hann neitað. Kemur ekki á óvart!

Margir fjölmiðlar földu athugasemdir fólks á samfélagsmiðlum sem þeim líkaði ekki. Notendur sem sögðu boxarann karlkyns féllu ekki í kramið. En þeir geta ekki eytt athugasemdunum og fylgjendur geta skoðað falin svör ef þeir kjósa.

Tugir annarra athugasemda voru faldar, allar fyrir að fullyrða að hnefaleikakappinn væri karlkyns.

Einn þeirra, Hatkeshiator, sagði: ,,Það er varla verra en að þykjast vera stelpa svo þú getir barið gellur á meðan þær óttast bann ef þær kvarta. Náðu tökum á þér."

Kyle Reese, annar X notandi, skrifaði: ,,Ég held að skaðinn sem geðsjúkur maður hans olli konum hafi verið miklu meiri."

Florence Jeffries sagði: ,,Hann kýlir konur. Hvað með skaðann, líkamlegan og andlegan, sem þeir urðu fyrir? Hann veit að próf hafa sýnt að hann er með XY litninga."

Einn var falinn fyrir að endurtísta ummælum JK Rowling, sem sagði: ,,Fjölmiðlar höfðu allar þær sannanir sem þeir þurftu, en kusu að afbaka, hylja og afvegaleiða vegna þess að raunveruleikinn var pólitískt óþægilegur. Þeir sögðu að Khelif væri kvenkyns. Þeir höfðu rangt fyrir sér. Þeir sögðu áhyggjusama einstaklinga þröngsýna. Þeir höfðu rangt fyrir sér."

Lesið þetta

Hér á landi kepptust menn við, Sigmar og Jóhannes

Já þeir vaða ekki í vitinu þessir einstaklingar. Kristinn H. Guðnason sá aumi blaðamður á Dv lét sitt ekki eftir liggja. „Óhuggulegt er að fylgjast með fólki níðast á þessari konu“ er ein fyrirsögnin hans.

Sigmar Guðmundsson þingmaður

„Það er algerlega ömurlegt að lesa sum kommentin. Fólk nennir ekki að lesa sér til heldur ryðst fram með sleggjudómana og fullyrðingar sem eru auðhraktar. Heldur svo áfram þrátt fyrir leiðréttingar,“ segir Sigmar.

Nefnir Sigmar að faðir Khelif hafi ekki vilja að hún færi í hnefaleika, það væri ekki kvennaíþrótt.

„Sumt sem sagt er um hana er bara pjúra mannvonska og ekkert annað. Andstæðingur hennar í hringnum síðast á talsverða sök á þessu fári miðað við lýsingarnar,“ segir Sigmar.

Jóhannes Þór lét ekki tækifærið fram hjá sér fara

Annar sem lætur í sér heyra er Jóhannes Þór Skúlason, framkvæmdastjóri Samtaka ferðaþjónustunnar og stjórnarmaður í trans Samtökunum 78.

Á samfélagsmiðlum vísar hann í grein þar sem fjallað er um málið og hina „ímynduðu transkonu J.K. Rowling.“

„Það skynsamlegasta sem ég las á internetinu í dag um hnefaleika kvenna á Ólympíuleikunum. Þetta upphlaup snýst nefnilega ekki um íþróttirnar. Mæli með að fb vinir mínir sem lásu fyrirsagnir í dag og hoppuðu á vagninn renni í gegn um þetta,“ segir Jóhannes.

Ruv- vókfréttastofan sömuleiðis

Ekki lágu þeir á lyginni. Reyndu að blekkja skynsamt fólk um að boxarinn væri kona. Menn áttu sem sagt ekki að trúa sínum eigin augum samkvæmt fréttamönnum Ruv. Þeir gengu svo langt að kalla hann hnefaleikakonu. Hvílík niðurlæging fyrir konur almennt og ekki síður þær sem hann barði í hringnum.

Ágúst Orri á Vísi

Blaðamaðurinn talar um að hann hafi orðið fyrir aðkasti eftir að hafa barið konu í hringnum. Ágúst Orri talar ekki um lélegt siðferði stráksins að berja konur. Keppinautur hans var kona og nei Ágúst Orri, Angela Carini sakaði hann ekki um að vera karlmann, hann er karlmaður og það vissi hún. Hún sagði bara sannleikann.

Nei vókisminn tröllríður fjölmiðlamönnum á Íslandi. Enginn þorir að segja sannleikann, bara lepja þvæluna upp eftir öðrum. Svona fréttamönnum er ekki viðbjargandi.

Nýja slagorð trans hreyfingarinnar- verið hrædd við okkur-

JK Rowling tjáði sig um nýtt slagorð sem Trans Rights Activist (TRA) hreyfingin hefur tekið upp og gefið í skyn að það sé hannað til að gera ,,konur hræddar."

Hún birti svar við myndbandi  Söruh Jane Baker, kvengervil (trans-konu), sem afplánar lífstíðardóm fyrir að ræna og pynta bróður stjúpmóður sinnar og tilraun til að myrða annan fanga.

Baker, 55 ára, lést næstum því eftir að hafa skorið af sér eigin eistu með rakvélablaði á bak við lás og slá árið 2017. Í myndbandinu stendur hann topplaus í miðri Whitehall, hindrar umferð og er umkringdur öðrum topplausum kvengervlum, þar sem hann öskrar ,,JK Rowling, vertu hrædd við okkur. Kellie-Jay Keen, vertu hrædd. Keir Starmer, vertu hræddur."

Rithöfundurinn svaraði: ,,Nýja slagorðið trans- aðgerðasinna ,,Vertu hræddur" er einfaldlega heiðarlegasta slagorð þeirra til þessa. Þeir hafa óskað þess að konur séu hræddar og þess vegna hótað þeim reglulega líkamsmeiðingum.

Áhugaverðara er, hvers vegna finnst ofbeldisfullum fyrrverandi fanga hann vera svo ósnertanlegur að hann geti gert þetta á almannafæri?"

Myndbandið birti X-notandinn Gerry Keogh, sem lýst er í ævisögu sinni sem ,,Glasgow strák í Brum." Hann sagði: ,,Vertu hræddur“ er hrollvekjandi ný mantra trans-samfélagsins."

Rowling sagði einnig: ,,Mig grunar að þeir telji að lögreglan taki ofbeldishótanir gegn konum ekki alvarlega. Þeir telja að lögreglunni þyki hótanir í garð kvenna ekki mikilvægar, jafnvel verðskuldaðar. Þeir telja að lögreglan sé með þeim í liði. Og þó að mér finnist lítið gaman að segja það, þá held ég að þeir hafi rétt fyrir sér."

Svo bætti hún háðslega við: ,,Svo viðkvæm. Svo kúguð. Svo jaðarsett."

Heimild

Fulltrúi SÞ varar við að karlmenn sem nauðga velji sér kyn

Ritstjórn Vísi er söm við sig. Halda vókinu fram í rauðan dauðan. Jafn mikilvæg skilaboð og skýrslan sem fulltrúi SÞ sendi frá sér skal ekki birt á miðlinum. 

,,Alsalem bendir á að slík nálgun ,,vanræki þarfir kvenna og stúlkna“ og skerði öryggi þeirra.
Í skýrslunni varar hún við að konur hefðu verið ,,útskúfaðar, ráðist á þær og þeim refsað af breskum stjórnmálamönnum, háskólum og fjölmiðlum fyrir að gagnrýna kynjahugmyndafræðina."

Í skýrslunni er talað um afbrot sem framin eru af körlum, sérstaklega nauðganir, sem skráðar eru á konur því karlarnir segjast vera konur. Hvað það er í umfjölluninni sem Vísi þótti svona óviðeigandi skal ósagt látið. En þetta sýnir enn og aftur trans Samtökin 78 hafa óheftan aðgang að fjölmiðlinum til að miðla hugmyndafræðinni sem þeir boða á meðan staðreyndir fá ekki birtingu.

,,Maya Forstater, framkvæmdastjóri kvenréttindasamtakanna Sex Matters, sagði: ,,Skýrsla Reem Alsalem fyrir SÞ er mikilvæg og alvarleg lesning. Hún býður upp á alþjóðlegt sjónarhorn á bresti í stofnunum hvatta áfram af hugmyndafræði sem hefur valdið miklum skaða á réttindum kvenna og stúlkna í Bretlandi á undanförnum árum.“

Nútíminn hins vegar birti umfjöllunina, takk fyrir það. 

Sumarleyfi kennara og endurmenntun

Nú streyma börnin úr grunnskólunum. Skólaslit verða á næstu dögum í flestum skólum. Börnin komin í tæplega 10 vikna sumarfrí. Þau gleðjast og kennarar með.

Þá er komið að endurmenntun margra kennara. Sumir nota hluta sumarsins í endurmenntunina. Ég hvet kennara sem þekkja ekki líffræðina nógu vel að mennta sig betur í henni. Kennara á öllum stigum.

Mennta sig til að miðla líffræðinni til barna í grunnskólanum.

Mennta sig til að segja satt, ekki ljúga að börnunum.

Kennarar kenna nemendum að segja sannleikann, gott og vel. Segja það gott nesti út í lífið. En mikilvægast er, að kennarar sem ástunda lygar í skólastofunni byrji á sjálfum sér. Læri að segja satt.

Hér geta kennarar, og forystusauðir Kennarasambandsins, tekið forskot á sæluna. Rætt er við prófessor í líffræði sem veit sínu viti. Viðtalið er virkilega gott. Áhugavert að hlusta á hvernig hægt er að greina beinin.

Smellið á krækjuna: Trans Ideology vs. Biology | Peter Boghossian & Luana S. Maroja