Ólöglegir innflytjendur streyma til Evrópu

Vandræðaástand skapaðist í Evrópu eftir að Angela Merkel opnaði landamæri Þýskalands fyrir innflytjendum. Margir eru óskráðir. Oftast eru þetta ungir menn sem hafa heilsu og getu til að leggja á sig langt ferðalag. Þeim er ekki auðveldlega vísað á bug. 

Í Den korte avis má lesa að utanríkisráðherrann Kaare Dybvad Bek (S) segir strauminn óhóflegan og tala megi um kreppu í málaflokknum.

Það komu um 355 þúsund ólöglegir innflytjendur í ár segir á vef Útlendingastofnunarinnar.

Það er rúmlega helmingi fleiri en á síðasta ári en þá voru 175 þúsund skráðir innflytjendur í Evrópu. Tölurnar hafa ekki verið svo háar frá því að hin hörmulega stefna Angela Merkels um opnun landamæranna var við líði 2015-2016.

Rúmlega 2.600 hafa farist eða horfið á ferð sinni um Miðjaðarhafið í ár samkvæmt UNHCR. Hærri tala hefur ekki sést undanfarin fimm ár.

Fram í september hafa rúmlega 800 þúsund hælisleitendur sótt um hæli í Evrópu segir í frétt frá Eurostat.

Orðrétt segir Kaare Dybvand Bek (S) ráðherra útlendingamála: ,,Við erum í miðri innflytjendakreppu. Þrátt fyrir að við höfum ekki endanlega tölu fyrir 2023 þá eru tölurnar mjög háar samanborið við árin áður og við þurfum aftur til 2016 til að finna álíka straum af fólki.“ 

Þessi fjöldi kemur ofan á áratug þar sem landamæri Evrópu hafa staðið galopin fyrir fólki frá Mið-Austurlöndum og Afríku.

Það fór allt í vitleysu 2015. Evrópu var drekkt af milljón ólöglegum innflytjendum, hælisleitendum og kerfið hrundi. Margir voru ekki skráðir. Það hefur sýnt sig að nær ómögulegt er að senda þá aftur til heimalandsins.

Afleiðingarnar eru vaxandi glæpir, hliðstæð samfélög öfgafullra múslíma og velferðarkerfi sem er við það að hrynja. Stjórnmálaflokkar sem vinna gegn þessum straumi fólks sigra kosningar í mörgum löndum. Þetta er svo yfirþyrmandi að stjórnmálamenn rétttrúnaðarins innan Evrópusambandsins hræðast það.

Á fundi þann 20. desember urðu Evrópusambandsþjóðirnar sammála um stefnu í innflytjenda- og hælisleitendamálum. Lagt er til aðhalds í málaflokknum. En þegar vandinn birtist virðist stefnan hrynja. Það má með sanni segja að hér sé um nýjan harmleik að ræða fyrir Evrópu.

Stofna lokaðar búðir

Ein leiðin til að bregðast við er að opna lokaðar búðir við ytri landamæri Evrópusambandsins. Ef rétt er skilið má skerða frelsi hælisleitenda.

Í búðunum á umsókn um hæli að fara í flýtimeðferð á sjö dögum. Þeir sem fá neitun eru sendir heim um leið. Ítalski forsætisráðherrann Georgia Meloni fagnar þessu.

En það eru mörgum spurningum ósvarað: 

Þýða lokaðar búðir að Evrópusambandið geti nú haldið hælisleitendum án aðkomu dómstóla?

Hvað vill Evrópusambandið gera ef búðirnar verða ,,lokaðar“ af Mannréttindadómstólnum?

Hvað vill Evrópusambandið geta þegar það sýnir sig að hröð meðferð umsókna fer út um þúfur?

Hvernig vill Evrópusambandið senda hælisleitendur heim sem hafa fengið neitun, þeir hent pappírum sínum og heimalandið neitar að taka við þeim?

Í samkomulaginu stendur að skoða eigi hvort hægt sé að setja á stofn sameiginlegar búðir í þriðja landinu.

Stefna Bretlands um stofnun búða í Rúganda var stoppuð af dómstólum og Danmörk setti sína stefnu á ís í kjölfarið. Meloni reynir að opna búðir í Albaníu. Hún hefur ekki fylgi með þeirri stefnu.

Vöktun á ytri landamærum Evrópusambandsins

Í samkomulaginu segir að styrkja eigi vörslu við ytri landamæri Evrópusambandsins.

En hvað þýðir það?

Grikkland hefur vaktað landamærin en hafa verið hraðlega gagnrýndir fyrir að senda fólk til baka. Aukin gæsla á Miðjaðarhafinu hefur í reynd aukið straum flóttamanna því fleirum er bjargað af litlum sökkvandi bátum.

Danmörk stendur fyrir utan

Vegna úrsagnar Dana standa þeir utan við samkomulagið. Þannig á það að vera áfram. Fram að þessu hefur það gagnast landinu. Danmörk hefur ekki fundið fyrir þessari gríðarlegu aukningu hælisleitenda eins og Evrópa.

Óttast má að Evrópusambandið þori ekki að láta slag standa um eigin stefnu sem kveður á um að herða hælisleitendastrauminn.

Það sem við upplifum nú, hælisleitendur frá Mið-Austurlöndum og Afríku, er bara forsmekkur af þeirri martröð sem bíður. 

Heimild.

 

 

 

Lélegur lesskilningur, líka meðal kennara

Að þessu sinni fær Kristján Hreinsson skáld orðið. Margt sem hann segir á við um bloggara. Kennarar hafa verið duglegir að opinbera lélegan lesskilning þegar þeir tjá sig um greinar og pistla sem ég hef skrifað. kannski ekki undra að PISA komi út eins og hún gerir hjá nemendum. Sé kennari ekki betri í lesskilningi en raun ber vitni hjá mörgum kennurum er ekki von á góðu frá nemendum.

HIN ÍSLENSKA AFSÖKUN

Á árinu sem er að líða mátti ég þola meiri fúkyrðaflaum en nokkru sinni áður. Ég lærði að meta gildi sannrar vináttu og einlægrar virðingar frá fólki sem virkilega vill skilja það sem ég hef fram að færa. Samtímis varð ég fyrir margs konar aðkasti vegna skrifa minna, yfirleitt vegna þess að orð mín voru rangtúlkuð. Ég var meira að segja rekinn úr vinnu vegna þess að fulltrúar vókismans misskildu orð mín. Svo var ég endurráðinn eftir þegar skynsemin var virkjuð.

 

Ég hef aldrei hatað neinn en ég ögra fólki með orðum mínum og ég hef skoðanir sem eru yfirleitt allar fjöldanum til hagsbóta. Ég hef hvergi verið fordómafullur og hvergi ráðist að samtökum eða einstaklingum. Ég er sanngjarn og vil öllu fólki vel.

 

Margt fólk hefur kosið að misskilja mig og hefur ákveðið að ég sé vondur maður.

 

Misskilningur þessa fólks hefur ekki kostað mig neitt, nema það að svokölluðum vinum hefur verið ýtt út af vinalistanum. Að vísu sárnaði mér mörg að sjá óvægin ummæli. Opinberlaga var ég sagður úrhrak og sagður tilheyra dreggjum samfélagsins, ég var sagður lélegt skáld, lélegur rithöfundur og fordómafullt karlrembusvín. Hið merkilega er að öll þessi ummæli eru reist á misskilningi þeirra sem létu dómana falla. Fulltrúar rétthugsunar og vókisma telja sig vera eina fólkið sem má beita fordómum. Erfiðast og sárast þótti mér að sjá börn svokallaðra vina minna ata mig auri með orðahröngli, eftir að þetta unga fólk ákvað að misskilja orð mín. Eins tók mig sárt þegar fólk sem tengist mér heimtaði að ég eyddi myndum af síðu minni, vegna þess að þetta fólk þorir ekki að tengjast manni eins og mér.

 

Þessi fúkyrðaflaumur orsakaði það að 1% af svokölluðum vinum mínum hér á síðunni fengu að hverfa af vinalistanum. U.þ.b. 50 manns fengu að hverfa af listanum og síðan hafa aðrir komið í þeirra stað. Þeir sem ég hef ýtt frá hafa einnig fengið útilokun. Af því sem næst 100 einstaklingum sem sýndu mér ósvífni eða óvandaða framkomu á árinu sem er að líða hefur einungis einn, Egill Helgason, séð ástæðu til að biðjast afsökunar. Auðvitað var fyrirgefningin sjálfsögð. Hinum mun ég einnig fyrirgefa um leið og beiðnir berast.

Fólk tekur sér leyfi, það ákveður að leggja vissa merkingu í orð og síðan er eigandi orðanna dæmdur – á röngum forsendum. Þetta er hið yndislega andlit vókismans, þetta er hinn yndislegi pólitíski rétttrúnaður, þetta er hin íslenska afsökun.

Það er óheiðarlegt og afar siðlaust að þrýsta á foreldra að samþykkja umskipti barna með því að ýkja sjálfsvígshættu

Finnski prófessorinn Riittakerttu Kaltiala bendir á að þær rannsóknir sem heilbrigðisstarfsmenn horfðu til sem dásömuðu ,,kynskipti” barna sem líður illa í eigin skinni voru ekki eins góðar og áreiðanlegar og menn héldu. Þvert á móti, aðgerðirnar höfðu slæm áhrif á unglingana. Hún var sjálf í þeim hópi sem framkvæmdi aðgerðir á börnum en hefur nú skipt um skoðun eftir rannsókn sem hún ásamt fleirum gerðu 2015.

Nokkur lönd hafa tekið í handbremsuna þegar kemur að ,,kynskiptum” bara og unglinga. Skortur er á sönnunum fyrir því að heilsa barna og ungmenna batni almennt með kynskiptismeðferð. Því miður er það ekki svo í Bandaríkjunum, þar ríkir iðnaður í málaflokknum. Henni hefur verið meinað að taka þátt í ráðstefnum tali hún gegn ,,kynskiptum” barna og unglinga.

Vísindin verða ekki þögul. Læknar sem neita að taka tillit til sönnunargagna sem gagnrýnendur leggja fram setja öryggi sjúklinga í hættu segir hún.

Hún er einnig í uppnámi að læknar og stofnanir vara reglulega bandaríska foreldra við að barn þeirra sé í sjálfsvígshættu standi þau í vegi fyrir ,,kynskiptum.” Sama söngur kyrjaður hér á landi af transaðgerðasinnum.  

"Dauði hvers einasta ungmennis er harmleikur, en nákvæmar rannsóknir sýna að sjálfsvíg eru mjög sjaldgæf. Það er óheiðarlegt og afar siðlaust að kúga foreldrar til að samþykkja kynjameðferð með því að ýkja áhættuna á sjálfsmorði," skrifar hún í The Free Press.

Læknar sem segjast hafa lækningu við öllum sársauka lífsins ætti að vera viðvörun til okkar allra.

Kaltiala sér sértrúarsöfnuð þar sem heilbrigðisstofnanir byrja skyndilega trúa því að flókin vandamál ungs fólks hafi alltaf eina og sömu lausnina: ,,kynskiptiaðgerð.”

Faraldur hefur ríkt í þessum málum. Á samfélagsmiðlum virðist það hafa verið knúið áfram að trans-aðgerðasinnum og hópþrýstingi að eðlilegur kynþroski og óöryggi með líkama sinn sé eitthvað óeðlilegt. Fái barn að fara í gegnum kynþroskann jafnar unglingurinn sig.

Heimild

Hugrökk stelpa og heimurinn þarf á fleirum svona að halda

Það er áhugavert að fylgjast með þessari stúlku. Hún sagði í ræðu sem hún hélt í september, ,,ef við stöndum ekki upp fyrir okkur sjálfar gerir það enginn.“ Það var meinið, það stóð enginn upp fyrir stúlkurnar. Það er aldrei eðlilegt að karlmaður geti unnið kvennakeppni. Riley undrast eins og margir aðrir hvernig má vera að karlmanni sem dettur í hug að skilgreina sig sem konu sé hleypt inn í kvennaíþróttir. Enginn hafði heyrt um hann tveimur árum áður en hann mætti í kvennakeppnina, skiljanlega, hann keppti í karlaflokki. Þegar hún vissi upprunalega nafn hans skýrðist málið. Hann er karl, ekki kona.

Hér segir Riley frá þingnefndarfundi þar sem þingmaður kallar hana ljótum nöfnum. Þegar hún svarar fyrir sig vill þingmaðurinn láta fjarlægja ummælin. Reglurnar eru fyrir ykkur, ekki okkur er boðskapur þeirra sem líkar illa að heyra sannleikann um kynin. Sem betur fer voru ummæli hennar ekki þurrkuð út, þau standa, enda sönn.

Konur þurfa fleiri svona baráttumenn, ekki bara í íþróttum heldur víðar. Konur þurfa að standa upp fyrir réttindum kvenna og stúlkna. Konur þurfa að mótmæla ágangi karla sem vilja skilgreina sig konu í annarlegum tilgangi, því þeir eru til eins og dæmin sýna. Konur þurfa svona konu eins og Raily á þing til að berjast fyrir réttindum kvenna.

 

Að fagna jólum

Langflestir fagna jólunum á einhvern hátt. Sumir sækja kirkju aðrir láta vera. Flestir gera betur við sig í mat og drykk. Því miður hefur einhver farið offari í notkun korta sinna og peninga fyrir jólin- höfuðverkurinn kemur við greiðsludaga.

Það er mikilvægt að muna að eyða ekki um efni fram um jólin frekar en aðra daga. Jólahátíðin kemur, alveg sama hvað. Peningar og eyðsla þeirra er ekki mælikvarði um gæði jólanna.

Svo er það heilsan. Því miður er góð heilsa ekki sjálfsagt mál og því nauðsynlegt að menn hugi að henni. Eins og hendi sé veifað getur hún versnað til muna eða menn misst hana.

Hógværð er gott orð inn í jólahátíðina.

Óska lesendum mínum gleðilegra jóla.

Kæra á lögreglumenn sem láku upplýsingum um barnsránið, ef satt reynist

Það er ótrúleg lesning að lesa um lekann innan lögreglunnar í tengslum við barnsrás Eddu. Í þessu tilfelli á lögreglan í glímu við barnaræningja sem gerir allt til að hindra að börnin komist til forsjáraðila. Nútíminn segir ,, Samkvæmt heimildum Nútímans innan úr lögreglunni var mál drengjanna þriggja búið að skipta upp embættinu í tvö lið – þar voru starfsmenn sem láku upplýsingum til vina og vandamanna Eddu Bjarkar og höfðu mikla samúð með málstað hennar en svo hópur starfsmanna sem hélt leitinni linnulaust áfram en með mikilli leynd frá miðjum desember þar sem grunur um leka hafði ítrekað komið upp. Síðarnefndi hópurinn fann svo drengina í gær.”

Öllum er ljóst að svona vinnusiðferðin lögreglu kallar á rannsókn. Hver lak? Láta viðkomandi lögreglumenn sæta ábyrgð. Ef þeir sem rannsaka sakarmál hafa ekki metnað til þess heldur láta eigin skoðanir og tilfinningar ráða för er viðkomandi ekki hæfur í starfi. Trúverðugleiki lögreglunnar og traust er í húfi. Þessir lögreglumenn hafa brugðist.

Lögfræðingnum á að refsa að sjálfsögðu. Leggst á sveif með skjólstæðingi síum að fela börnin frá forsjáraðila þeirra.

Landsamband tálmunarmæðra (Líf án ofbeldis) hefur sitt hvað að segja um málið og auðvitað byggist það á kyni Eddu, engu öðru. Konum á að trúa segja landssamtök tálmunarmæðra alveg sama hvað þær segja eða gera. Margir vita hvað slíkt hefur í för með sér og hefur haft.

Vel  þekktur sálfræðingur, Ágústa Gunnarsdóttir, meðal forsjárlausra feðra er líka þátttakandi í málinu. Sálfræðingurinn er þekktur fyrir hlutdrægni sína í sálfræðimati. Konur eiga hug hennar allan, börnin skipta minna máli. Vonandi verður hún kærð fyrir embættisglöp í starfi og þátttöku í barnsráni.

Réttarskjölin frá Noregi voru þýdd til að auðvelda öllum að sjá hve staða málsins er.

Hvað Eddu sjálfa varðar á hún skilið langa vist á bak við múrana. Best væri að hafa hana í Noregi svo börnin geti heimsótt hana og viðhaldið tengslum. Edda hefur skaddað líf og sál barna sinna. Hún lagði á þau mikila óvissu. Það er engu barni eðlislægt að vera á flótta frá foreldri sínu að undirlagi hins.

Íslendingar geta og verða að láta sverfa til stáls í þessu máli. Láta alla sem komu að barnsráninu finna að svona verði ekki liðið, skiptir þá engu hvort faðir eða móðir á í hlut. Þegar forsjá er falin öðru foreldrinu er engin lausn að ræna barni eða börnum. Það er glæpur!

Ætla menn ekkert að ræða straum múslíma til landsins?

Halda mætti að vítin væru til að varast þau. En svo virðist ekki vera fyrir okkur Íslendinga. Við höldum áfram að flytja inn múslima í stríðum straumi. Guðmundur ráðherra sagðist vona að um 100 manns kæmu fljótlega í krafti fjölskyldusameiningar. Allt múslímar. Ljóst að það veldur mörgum áhyggjur. Löndin í kringum okkur hafa sýnt svo ekki verður um villst að það er full ástæða til að óttast fjölgun þeirra á landinu.

Hér má lesa um axarsköft Dana hvað ríkisborgararétt varðar. Þeir nefna nokkur dæmi af miður æskilegu fólki sem fékk leyfi til að setjast að í Danaríki. Menn létu vera með að nefna afbrotin sem framin voru heima og eftirlit í ríki Danadrottningar ekki nóg. Landið losnar ekki við þessa menn aftur, því miður. 

Pia Kjærsgaard er ötull stjórnmálamaður sem hefur bent á vandann sem fylgir aukningu múslíma. Bókstafstrúarmennirnir eru með eigin lög og reglur. Falla ekki undir reglur samfélagsins sem það býr í. Vill að aðrir fari að þeirra lögum. Danskir kennarar hafa gengið yfir strikið og farið með börn í mosku. Kannski er það þrýstingurinn sem þeir þola ekki. Hér má hlusta á stjórnmálamenn tala um málið. Menntamálaráðuneytið ber að banna það segir Pia og fleiri.

Hér á landi virðumst við ekki hafa miklar áhyggjur, það gerðu Norðurlandaþjóðirnar ekki heldur fyrir um 20 árum síðar. En verum ekki fátvitar, það sem gerist ytra gerist hér. Spurning um tíma. Ungverjar verja land sitt og menningu, segja nei takk við sneið ESB. Vel gert.

Menn láta ekki sitja við orðin tóm telji þeir brotið á rétti sínum. Fylgja skal trúnni til hins ýtrasta. Hér má lesa um sex nemendur sem tóku kennara af lífi. Frakkar kvarta undan að Sharia breiðist út á miklum hraða í samfélaginu. Engum til heilla.

Fjallað var um baráttuna sem múslímskir nemendur heyja í dönskum grunnskóla. Breskir kennarar óttast múslímska nemendur sína og ritskoða eigin kennslu til að passa upp á að móðga ekki þennan ákveðan hóp.

Af hverju eigum við ekki stjórnmálamann sem þorir og vill taka málið upp. Horfir til vandræða eftir áratug eða tvo þó öllum þykir þetta voða fínt í dag og mikil mannúð. Gengið er á menningu og arf Íslendinga. Kannski eigum við eftir að sjá svona hér á götum áður en langt um líður. 

Kattarþvottur karlfemínistans Þorsteins V

Þegar Þorsteinn V kom með yfirklór sitt, eftir að hafa hvatt rúmlega 20 þúsund manns til að beita konu rafrænu ofbeldi, brostu menn. Hvílík steypa, ofan á meiri steypu. Maðurinn virðist samkvæmt þessu yfirklóri vera ófær um að gangast við ósómanum sem hann stóð fyrir. Karlremba í bataferli skrifaði Þorsteinn V einhvers staðar. Eitthvað annað hrjáir manninn en karlremba. Að karlmaður skuli hafa það að atvinnu sinni, ríkisstyrktur, að gagnrýna karlmenn og niðurlægja þá við minnsta tilefni segir meira um hann en karlmenn þessa lands.

Í kjölfar kattarþvottsins hafa nokkrir skoðað mál Þorsteins V og sumt áhugavert litið dagsins ljós. Má þar nefna áskrift að mánaðarlegri ,,sendingu“ ef bókin er keypt hjá þeim. Ekki kemur fram hvað felst í sendingunni sem er gegn háu gjaldi. Krafan um þriggja mánaða uppsögn er áhugaverð. Norræn karlmennska gerðu þessu góð skil.

Því er velt er upp hvort hér sé um svindl að ræða. Gangi samningar eftir hjá 500 manns þéna hjónin rúmlega 13 milljónir. Vel gert. Svindl, hver og einn metur það. Skítalyktin finnst langa leið.

Götustrákarnir láta Þorstein og frú hafa það óþvegið.

Kennarar fá nýjar leiðbeiningar

Bretland vill herða reglur um félagsleg umskipti barna. Skal engan undra. Það sem á undan er gengið er ekki eðlilegt.

Á undanförnum árum hafa sífellt fleiri börn efast um kyn sitt. Þess vegna hafa Bretar gefið út nýjar leiðbeiningar fyrir kennara um hvernig best sé að styðja við þessa nemendur í skólum landsins.

Skólar ættu að skapa umhverfi sem ber virðingu fyrir öllum viðhorfum. Þetta þýðir að ekki ætti að ætlast til þess að neinn noti valin fornöfn og ekki ætti að refsa þeim fyrir að gera heiðarleg mistök. Í öllum tilfellum má einelti ekki líðast.

Leiðbeiningarnar eru skýrar um að skólum ber skylda til að standa vörð um og stuðla að velferð allra barna sem þýðir að fara ætti varlega í að bregðast við beiðnum um félagsleg umskipti.

Hér má fræðast um málið og hér má hlusta.

Kennari á ekki að taka frumkvæði eða hvetja barn til félagslegra umskipta.

Kennari hefur leyfi til að hafna persónufornafni sem nemandi velur stangist það á við líffræðilega kyn þess.

Foreldrar eiga að vera þátttakendur í máli barns sem óskar félagslegra umskipta.

Íþróttir eiga að vera réttlátar og þátttaka byggist á líffræðilegu kyni.

Salerni, búningsklefar og sturtuklefar eiga að vera kynjaskiptir, strákar og stelpur.

 

 

Sex nemendur fyrir rétt vegna þátttöku sinnar í aftöku frönskukennarans Samuel Paty- sharia breiðist út í Evrópu

Fyrir þremur árum var kennarinn Samuel Paty hálshöggvinn á götu í Frakklandi, það gerði 18 ára drengur Abdullakh Anzorov. Fjölskylda hans kom frá múslímaríkinu Téténíu þegar hann var sex ára og fengu þau hæli.

Eftir ódæðið lá höfuð Samuels á götunni aðskilið frá líkamanum. Morðið var óhugnanlegt en kom ekki á óvart. Þetta er humyndafræði sharia, sem verður valdameiri í Vestur-Evrópu. Sex unglingar eru ákærðir fyrir meðvirkni í Paty-morðinu. Réttarkerfið glímir við nýja tegund af glæp. 

Ákærðu eru á aldrinum 13-16 ára

Þau fimm sem eru ákærð voru á aldrinum 14-15 ára 2020 þegar þau hjálpuðu hryðjuverkamanninum og bentu á Paty. Sá sjötti sem var ákærð er 13 ára stúlka sem laug til um kennsluhætti Patys.

Hún hélt því m.a. fram að hann hafi krafist að allir múslímskir nemendur yfirgæfu kennslustofuna þegar hann kenndi um tjáningarfrelsið og sýndi hinar frægu teikningar af Múhamed spámanni. Hið sanna er að hann sagði að menn gætu litið undan vildu þeir ekki sjá teikninguna. Að auki var stúlkan ekki í skólanum þennan umrædda dag. 

Þeir seku halda fast í sakleysi sitt. Þeir fullyrða að þau hefðu aldrei ímyndað sér að þetta myndi ganga svona langt og Paty yrði drepinn. 

Þau héldu að hann myndi ,,bara” verða svertur á samfélagsmiðlum, niðurlægður og kannski lagður í einelti sögðu þau.  

Faðir stúlkunnar er líka ákærður ásamt sjö öðrum fullorðnum

Í lok næsta árs verða önnur málaferli varðandi málið á morði Paty. Um er að ræða átta fullorðna sem eru ákærðir.

Einn af þeim er faðir stúlkunnar. Hann er ákærður fyrir að hafa sett myndskeið á samfélagsmiða þar sem hvatt er til eineltis gegn kennaranum. Aðgerðasinni er sömuleiðis ákærður fyrir að hjálpa honum að dreifa boðskapnum, sá sem upplýsti um nafn Paty.

Aðalsakborningarnir, Azim Epsirkhanov og Naim Boudaoud, voru vinir morðingjans. Parið fór með Anzorov til að kaupa vopnið og Boudaoud fór með honum í skólann þar sem Paty kenndi. Fimmti vinur morðingjans, Yusuf Cinar, var meðlimur í hryðjuverkasamtaka.

Einn sakborningurinn, Abdelhakim Sefrioui, fór á lista árið 2020 yfir hryðjuverkamenn. Hann opinberaði myndskeið á samfélagsmiðlum tveimur dögum áður en Paty var myrtur, þar sem hann hvatti nemendur skólans til að láta reka Paty.

Sharia gegnsýrir Frakkland

Þeir fjölmörgu sem komu að morði Samuel Patys sýnir hve reglur íslams, sharia, gegnsýrir samfélagið. Múslímum fjölgar hratt í landinu. Stór hluti hópsins hefur ekki aðlagast frönsku samfélagi. Þeir búa í eigin samfélagi þar sem reglur og lög íslams ráða, sharia.

Sharia er víðtækt safn laga og reglna um hegðun manna og skipulag á samfélagi, alveg niður í minnstu smáatriða. Reglurnar eru beint frá Allah og maðurinn getur ekki breytt lögunum. Það er dauðarefsing.

Þeir sem eru ekki múslímar eiga að fylgja sharia

Í Frakklandi er rétttrúnaðarhópur múslíma orðinn svo stór að það hefur afleiðingar fyrir þá sem fylgja ekki sharian.

Það á ekki bara við um múslíma. Krafan eykst um að þeir sem eru ekki múslímar fari að sharia lögum og reglum. Samuel Paty fékk á skelfilegan hátt að finna fyrir því.

Franska réttarkerfið er með nýja tegund af afbroti.

Hvernig verður þessum framhaldsskólanemum refsað?

Þau gætu fengið 2 og hálft ár í fangelsi. En hvað þegar þau sleppa? Hvað með önnur börn, unglinga og fullorðna sem fylgja sharia.

Hvað með kennarana. Könnun í Bretlandi sýnir að kennarar óttast múslímska nemendur, breyta kennslunni af ótta við þá. Sýna ekki teikningar af Múhameð. Stór hluti þeirra segjast stunda sjálfsritskoðun.

Alræðis-, kúgunar- og andfrjálshyggjumenning hefur fengið að hasla sér völl í Evrópu.

Hægt að lesa um málið:BBC,rights.no,The Gaurdian

Heimild.