Af hverju nota þær ekki

fjarfundabúnað. Yfirmenn þjóðarinnar eiga að vera fyrirmyndir og draga úr ferðalögum eins og hægt er. Engin nauðsyn að æða til útlanda sí og æ. Þessir ráðherrar hafa talað heil ósköp við yfirvöld í Úkraínu svo varla verður nokkru við að bæta þó þær mæti á staðinn.

 

Katrín og Þórdís á leið til Úkraínu

Daníel transframkvæmdastjóri segir í aðsendri grein

að hormónablokkandi lyf hafi aukaverkanir eins og önnur lyf. Rétt eins og þetta sé að taka hóstamixtúru. Fæ vægt áfall þegar hann talar í þessum dúr. VIÐ ERUM AÐ TALA UM BÖRN. Lyfin gera þau ófrjó, heilastarfsemi minnkar og beinþynning er fátt eitt sem má nefna sem aukaverkun. Mér finnst það ekki léttvægar aukaverkanir. Sé staðhæfing Daníel transframkvæmdastjóra rétt að hér á landi fari ekkert barn í gegnum svona lyfjameðferð nema að vel athuguðu máli (vonandi mjög marga sálfræðitíma) og með samþykki foreldra er það gott. Þannig er það ekki alls staðar og því ber að mótmæla.

Engar rannsóknir eru í gangi á áhrifum hormónablokkandi lyfja á börn (hér má sjá um málið).

Daníel transframkvæmdastjóri, eins og margir aðrir, halda fram að börn sem telja sig trans séu í verulegri sjálfsmorðshættu. Hefur það sýnst sig undanfarin 20 ára, eru svo mörg sjálfsvíg barna undir 18 ára? Í myndabandinu kemur fram að tilgáta um sjálfsmorð transbarna er röng, byggð á að barn tekur eigið líf ef þú gerir ekki eins og barnið vill. Hættulegur fréttaflutningur. Líka hjá Daníel transframkvæmdastjóra. Kemur fram að um 0.3% falla fyrir eigin hendi. Hryllingur, alveg sama hver tekur eigið líf. Vil minna á í þessu samhengi að transhópurinn er innan ca 0,5% af hverri þjóð, hjá einstaka þjóð aðeins hærri.

Rifja þetta upp, Læknar eru varkárari í hormónalyfjagjöfum. ,,Það er sérstaklega alvarlegt, þetta er mjög sérhæfð lyfjameðferð. Kynhormónar breytir líkamanum varanlega, það vil segja, að ekki er hægt að bakka til þess sem maður var". Þarf ekki mikið af lyfjum til þess." Sjá þessa grein.

Hér er ekki verið að tala um smá aukaverkanir eins og Daníel transframkvæmdastjóri vill láta í veðri vaka. Margir læknar vara við lyfjagjöfunum en Daníel okkar transframkvæmdastjóri lætur það líta út eins og drekka vatn. Varanlegar skemmdir á líkamanum sem hægt er forðast með því að leyfa barni að vera eins og það er. Ekki setja það á translestina.

Á blogginu mínu má finna margar tilvitnanir í það sem ég hef skrifað um. Verndum transbörnin, hendum þeim ekki upp á translestina. Leyfum þeim að vera eins og þau vilja án þess að byrla þeim eitur. Notum sálfræðinga til að hjálpa börnunum að vera eins og þau vilja. Daníel transframkvæmdastjóri segir megnið að því lygi sem fellur ekki að hans skoðun...en leyfum fræðingum að tala og skrifa. Okkar að afla upplýsinga, láta ekki Daníel transframkvæmdastjóra segja hverju á að trúa og hverju ekki.  

Gísli Marteinn á vagni Öfga

en það kemur fram í pósti einstaklings sem Frosti les upp hér. Gísli Marteinn notar Ruv til að koma óræðnum skoðunum sínum á framfæri. Því miður þarf ég að borga til sjónvarpsins. Gísli Marteinn á að sjá sóma sinn í að taka pokann sinn og fara af skjánum. Það er ástæða fyrir að landsmenn eigi að loka fyrir viðtækin þegar Gísli Marteinn lætur heyra frá sér og sýnir sig.

Tanja M. Ísfjörð lætur til sín taka í þessum þætti hans Frosta. Stúlkukindin á verulega bágt og það hefur komið fram undanfarin ár.

Anna Lind Vignisdóttir svarar...mikið óskaplega er þetta sorglegur hópur sem þessar stúlkur eru.

Þessar stúlkur/konur sem spjalla inni á hópnum skipuleggja ofbeldi en þykjast berjast gegn ofbeldi. Ljóst að Gísli Marteinn vill ekki undir vagn þeirra segir Frosti, gefur góða skýringu á því. Betra að vera meðhlægjandi, þó málefnið sé slæmt.

Kemur ekki á óvart þegar Heiða Björg

er annars vegar og málefnið snýr aðallega að drengjum. Hef sjaldan sé jafn mikla andúð gagnvart karlkyninu og hjá Heiðu. Þarf ekki að rifja upp orð hennar í tengslum við forsjárlausa feður.

 

1. ,,Varaformaður Samfylkingarinnar, Heiða Björg Hilmisdóttir ,,lækar“ færslu sem endar á orðunum ,,rústum þessum gaurum“ og aðra færslu þar sem kallað er eftir slúðri og níði um þá karlmenn sem voga sér að vera sýnilegir í #DaddyToo baráttunni. Þess ber að geta að Heiða Björg skráði sig í fésbókarhóp #DaddyToo gagngert til að njósna eða ,,spæja“ um mennina sem verið var að skipuleggja aðför að svo notuð séu hennar eigin orð. Hún afskráir sig svo síðar úr #DaddyToo hópnum og hefur um leið um það þau orð að henni þyki leitt að geta ekki haldið áfram að ,,spæja“ eins og hún orðar það."

 

Samfylkingin er vissulega fátæk af færu fólki ef Heiða er það eina sem hún getur boðið í svona embætti. 

Kemur mér heldur ekki á óvart að prófessor á Menntavísindasviði hafi látið þetta út úr sér, svo mikið fóru þættirnir fyrir brjósti á fólki í menntageiranum. ,,„Mér finnst al­veg glatað þegar pró­fess­or­ar á menntavís­inda­sviði segja þess­ar töl­ur úr lausi lofti gripn­ar, sem ég vissi reynd­ar, en hvað þá þegar formaður Sam­bands ís­lenskra sveit­ar­fé­laga seg­ir það líka og end­ar með því að blokka mig á Face­book.“

Blokkaði aðstoðarskólastjóra sem krafðist svara

Ef ég verð ekki kosin

missi ég vinnuna. Dylgjur í garð Ragnars Þórs hafa heyrst frá henni. Þetta er kannski ein þeirra. Hver sagði henni að hún gæti ekki starfað hjá VR tapi hún fyrir honum. Hún ætti að upplýsa um það.

Hef aðeins fylgst með málflutningi hennar. Segi bara aumingja félagsmenn VR fái þeir hana í formannsstólinn. Hún talar í anda Öfga, Líf án ofbeldis, kynjafræðinga, kvenfrelsunarsinna innan Vg. Halla Gunnarsdóttir er þar með henni ásamt fleirum í þessu liði. Ætla sér VR.Í málflutningi þeirra má finna fyrirlitningu í garð hins kynsins, karlmanna.

Verkalýðsfélag á ekki að nota í þeim tilgangi sem þessar konur ætla sér með VR. Vona að félagsmenn VR séu skynsamari en svo að hleypa konunni að formannspóstinum.

Starfið að veði í formannsslag VR

Hvað gera ungmenni þegar þau uppgötva

að þau gerðu rangt með kynskiptum. Í myndbandinu er rætt við sex ungmenni í þeirri stöðu. Velti stundum fyrir mér hvort Transsamtökin 78, kennarar, kynjafræðingar og kynfræðingar sýni börnum svona myndbönd þegar rætt er um kynskipti. Sem betur fer stígur þetta unga fólk fram og segir sögu sína. Þær þurft að heyrast. 

Hér getur þú horft.

Börn eiga ekki að efast um að kynin séu tvö

segir sálfræðingur. Hjartanlega sammála honum.

Í Berlinske, í Kronik, segir sálfræðingurinn John Halse frá hættunni við að meðhöndla börn eins og fullorðna. Hann telur okkur gera það á sumum sviðum sem getur haft meðvirkandi áhrif m.a. kynáttun barna.

Dansk Regnbueråd setti inn á snjáldursíðu sína punkta úr greininni. Þýðingin er mín og breiðletrun.

Punktar frá kronikken:

Ég sit með Louise níu ára. Hún segir mér að hún sé sennilega til stelpna, ekki stráka. Og svo slær hún á munninn og segir ,,Nei, eiginlega vil ég helst vera strákur.”

Foreldranir útskýrðu fyrir mér að þeir vita ekki sitt rjúkandi ráð, m.t.t. hvernig þeir eiga að taka á riglureið dótturinnar. Hún er ekki viss eða veit ekki hver kynhneigð hennar er (munið hún er 9 ára) og þeir telja að hún hafi fengið hugmyndina frá skólanum þar sem kennt er um kynhneigð.

Upp að vissu marki eru þetta merkilegar tímar sem við lifum á. Á einn hátt sýnum við mikinn vingjarnleika þegar börn eru annars vegar. Við verndum börnin, þau eru viðurkennd og ekki síst við hlutstum á skoðanir barnanna. Sem afleiðing af ljúfmennsku okkar við börn drögum við þau inn í samfélagið: Veðurfar, umhverfi, stríð.

Undir það síðasta hafa flóknar spurningar um kynáttun og kynhneigð ratað í heim barnanna. Til að kasta hefðbundinni skýringu á kyni og kynhneigð fyrir róða hefur hugmyndin ekki bara náð inní skóla og leikskóla heldur líka inn í kennaramenntunina.

Sem dæmi hafa skólar og menntunarstaðir hleypt svokölluðum Normstormere (svipar til transsamtakanna Samtökin 78) og Félaginu Stuðningur fyrir Transbörn inn í hitann. Sum staðar hafa menn séð eftir því - skiljanlega- og eru að skoða hvort eigi að taka þátt í transatkívistanum. Meðal margra kennara, leikskólakennar og ekki síst hjá þeim sem taka ákvörðunina er maður sammála um mikilvægi þess að börn, eins snemma og hægt er, að læra að ekkert er eðlilegt þegar kemur að kyni og kynhneigð.

Börn eiga ekki að efast um að kynin sé tvö. Þau eiga að fá vitneskju um að það er í lagi ef þeim líður öðruvísi en stelpa eða strákur, en það á að gera þeim ljóst að þetta eru tilfinningar, ekki eitthvað sem þau eru! Auk þess eiga þau að vita að þessar tilfinningar eru í lagi. 

Nei, þetta er allt saman heilaspuni sem maður vill gjarnan að sé fræðimennska og kenning, en þegar allt kemur til alls er þetta aðgangsharður aktívismi sem gerir börnin ruglaðri og óöruggar en þau eru fyrir.

Greiða þarf fyrir aðgang að greininni, hún er hér.

Ég var bara barn og stelpa eftir mínu eigin höfði

segir Anita Zophia Art, ung dönsk kona. Hér á eftir fer þýðing af innleggi á snjáldursíðu hennar sem Lotte deildi. Breiðletur er mitt.

Mitt innlegg í kynjaumræðuna 

LÁTIÐ BÖRNIN VERA

Ég var ,,strákastelpa“ sem barn. Allt sem drengirnir gerðu heilluðu mig meira. Ég vissi einfaldlega ekki hvernig maður leikur með dúkkur sem dæmi. Ég hataði það þegar ég fékk dúkkur sem gjafir. Klifraði í trjám, spilaði fótbolta, var líkamlega virk, með marbletti og skrámur af því ég gaf ekkert eftir og ég fékk líka hugmyndina um að ég vildi vera strákur, fékk drengjakoll og mér var oft ruglað saman við dreng.

Mér var sýnd mynd af konu í fæðingu, varð óttaslegin og hugsaði að ég myndi aldrei nokkurn tímann vilja gera þetta, það styrkti skoðun mína að ég vildi óska að ég hefði fæðst strákur. Það varði í nokkur ár. Og guð hvað ég er þakklát fyrir að ég er ekki fædd á tíma bergmáls hreyfingarinnar sem mögulega hefði ýtt undir hugmyndina að kynskipti væri möguleiki. Er viss um að ég hefði verið góður kandídat, ég var bara barn og stelpa eftir mínu eigin höfði.

Ég óx upp úr þessu og er kona í dag með stóru K-i. Hef ekki síðan í barnæsku hugsað um kyn (þetta hafði meira að segja um stöðu mína og samlíkingu við aðra stúlkur/drengi).

Sem betur fer !!!! 

Mér er veruleg brugðið að börnum í dag séu gefin hormónablokkandi lyf (og þau gerð ófrjó) og því sé stillt upp fyrir þau að maður geti bara skipt um kyn. Frásagnir fólks sem hafa séð eftir því eru ófáar en fá ekki að heyrast. Trans-samfélagið lítur niður á þetta fólk sem er óhamingjusamt með skemmdan líkama. Leitið t.d. á Youtube ,,detransition”. Fólk situr uppi með skemmdir það sem eftir lifir og hafði ekki möguleika á að sjá afleiðingarnar fyrir.(íslenska máltækið í upphafi skyldi endinn skoða á vel við hér)

Fullorðnir geta hvað þeir vilja en við skuldum börnunum að leiðseigja þeim í gegnum lífið en ekki fegra veröldina. Maður getur bara ekki skipt um kyn, þannig virkar það ekki.

Hafi maður áhuga á að sjá þá geðveiki sem ríkir í samfélaginu sem virðist eðlileg í dag þá get ég mælt með að lesa greinar Lotte Ingersleves og  Dansk regbueråd sem vekja athygli á þessu viðkvæma umræðuefni.

 

Hvað með hlutlausa landið sem

við viljum vera. Erum það ekki. Þjóðin tekur þátt í stríði í Evrópu. Getum ekki lengur státað okkur af hlutleysi, með engu móti. Yfirvöld tóku þá ákvörðun. 

Hver ætti að þjóna þessum her, ég spyr nú bara. Eru það ungu karlmennirnir okkar eins og víða um Evrópu. Fáeinar konur hafa skráð sig í herinn víða um heim. Í Danaveldi tala þeir um skyldu beggja kynja til hermennskunnar. 

Tel hugmyndina slæma. 

Stofna ætti her á Íslandi

Frumvarp sem bannar lyfjagjafir og skurðaðgerðir

barna undir 18 ára sem eiga í erfiðleikum með að finna kyn sitt. Loksins er einhver með viti á þinginu og er umhugað um börn.

Vel gert hjá stjórnmálaflokknum Nye Borgerlige í Danaveldi. Þeir hafa lagt fram frumvarp um að lyfjagjöfum og kynskiptiaðgerðum á börnum yngri en 18 ára verði stoppaðar og aðrar leiðir fundnar til að aðstoða börnin. Vona svo sannarlega að öðrum stjórnmálamönnum þyki annt um börnin og samþykki frumvarpið.

Ef Danir ná þessu í gegnum þingið feta þeir í fótspor Breta og Svía.

 

Ekki síður er þetta mikilvægt: ,,Og så skal begreberne ”kvinde” og ”mand” fastholdes og bevares." Hugtökin maður og kona verði áfram og við höldum þeim.

 

,,Nye Borgerlige fremsætter nu et beslutningsforslag, som pålægger regeringen at forbyde kønskorrigerende kirurgi eller medicinsk behandling af børn under 18 år inden udgangen af 2023.

Dette er de første små skridt til at beskytte vores børn."

 

Þekki ekki hversu mörg börn hér á landi lendi í þessum klóm lækna sem ávísa á lyfjagjafir til að stöðva kynþroskann og skurðaðgerðir til að fjarlægja brjóst. Vona að ekkert barn hafi gengið í gegnum slík, heldur fengið góða sálfræðiráðgjöf um ferlið. Víða í útlöndum er pottur brotinn þegar kemur að sálfræðimeðferð.