Börnin notuð í gleðigöngu

Í gleði transhreyfingarinnar í Kaupmannahöfn sem endar með gleðigöngu líkt og hér eru börn í sviðsljósinu. 

Börnin eru sett fremst í gönguna sem er birtingarmynd þess hvernig woke menning virkar. Hún virkar eins og hver önnur alheimshugmyndafræðileg hreyfing, fyllir fjölda af hugmyndum og lætur sig dreyma um félagslegt umrót. Þetta skrifar Marie Høgh í Jótlandspóstinn. Lausleg þýðing er mín. 

Jafnréttisráðherra Dana Marie Bjerra (V) finnst mjög jákvætt að fylkingin með börn í fararbroddi bakki upp svokölluð öðruvísi fjölskylduform. Að sjálfsögðu eiga börn sem búa í ólíkum fjölskylduformum að hafa góð uppeldisskilyrði þegar þau fæðast, en þetta fjallar ekki um þarfir barnanna.

Áður en fólk þrammar í gleðigöngu án þess að hugsa út í af hverju það er gert þarf hver heilvita maður að kanna af alvöru í út á hvað tans-hugmyndafræðin gengur. 

Hér er ekki um að ræða lífleg hátíðarhöld kynferðislega minnihlutans eins og var og rétt þeirra til virðingar, heldur hefur undanfarin ár orðið hugmyndafræðileg og félagsleg bylting sem kallar fram rétta lífsskoðun og sérstaklega til að göfga sýn mannkynsins.

Eins og fram kemur á heimasíðu samtakana líta þau á kyn og skynjun á kynhneigð sem félagslega byggingu og játa að nýfemínistinn sé hluti af hugmyndafræðilegum gildum LGBT+, þaðan er hugmyndin um sjálfvalið kyn, kynskiptingu barna og hinsegin kynhneigð barna upprunnin.

Það er ekki hugmyndafræði að vera hommi, lesbía, trans eða tvíkynja en hugmyndafræðin er að það finnist ekki bara tvö kyn, heldur mörg og að kyn sé félagslegt. LGBT+ Danmörk berst ekki fyrir fullri viðurkenningu minnihlutahópanna heldur umbreytingu samfélagsins með breyttu tungumáli, nýrri skilgreiningu á sjálfinu og heiminum.

Við stöndum frammi fyrir hugmyndafræði sem með hugsjón að marxísku stéttlausu samfélagi vill eyðileggja siðmenninguna eins og við þekkjum hana. Hugmyndafræðin vill byggja upp samfélag sem leysir upp kyn og sjálfsmynd sem guðslaus sjálfsköpun ber með sér.

Kannski sá líftæknirisinn Chr. Hansen skrifin þeirra þegar fyrirtækið ákvað að hætta stuðningi til ,,Pride" gleðinnar í Kaupamannahöfn. Við ættum að taka fyrirtækið til fyrirmyndar og styðja í stað Danska Regnbogaráðið sem hugnast ekki þessi hugmyndafræði. Regnbogaráðið segir kynin tvö og að til séu ýmsar kynhneigðir, berjast fyrir að vísindaleg þekking og skynsemi ráði för. Þeir berjast líka gegn kynskiptingu barna. Ég dáist að hugrekki þeirra.

Allir samstarfsaðilar og velunnarar ,,Pride" í Kaupmannahöfn ættu að vega og meta í hvað stuðningur þeirra fer og fjölmiðlar ættu að endurskoða gagnrýnislaust nálgun og stolt LGBT+ Danmörk. Þegar öllu er á botninn hvolft eru stjórnendur hinsegin hugmyndafræðinnar ekki þeir fyrstu, í sögu heimsins, sem hafa farið í glæsilegar skrúðgöngur með börn til skrauts. Maður hlýtur að hafa lært að við eigum ekki bara þramma, án þess að hugsa okkur um.

Ísland

Rétt eins og í Danmörku hefur hinsegin samfélagið hér á landi beitt börnum og unglingum í baráttu sinni. Það má sjá í fjölmiðlum og sjónvarpi sem hoppa á hugmyndafræði trans-samfélagsins gagnrýnislaust. Það ljótasta sem nokkur hreyfing gerir er að beita börnum til að ná athygli fyrir hugmyndafræði sinni, nema markmiðið sé að ná í börn.

Greinin ógurlega sem segir sannleikann

Grein eftir mig birtist á vordögum. Olli miklu fjaðrafoki án þess að nokkur svarið henni efnislega. Nornaveiðar, m.a. meðal kennara. Greinin varð til þess að lögfræðingur skrifaði grein.

Í greininni ógurlegu segir m.a. ,,Hef lesið að Samtökin 78 bendi á að hormónablokkandi lyf séu nánast skaðlaus, þvert á vitneskju sérfræðinga sem hafa hver á fætur öðrum stigið fram. Framkvæmdastjóri Samtakanna 78 skrifaði það í grein sem Vísir.is birti. Hormónablokkandi lyf hafa verulegar afleiðingar fyrir börn, skemma þau til lífstíðar. Með málflutningi sínum finnst mér allt benda til að Samtökin gerist brotleg við „... stefnir heilsu barnsins og þroska í hættu“ boði þau þennan boðskap í fræðslu sinni til skólabarna." Fékk víða bágt fyrir þessi orð mín, m.a. frá stjórn Kennarasambands Íslands með forkólfinn Magnús Þór Jónsson í fararbroddi.

Í ljósi þess að læknar víða um heim hafa hætt notkun hormóna- og krosshormónalyfja á börn verða Samtökin 78 að senda frá sér yfirlýsingu vegna málsins. Biðjast afsökunar á fáfræði sínu og rangfærslum. Skemmdir á börnum vegna lyfjagjafanna hefur lengi legið fyrir.

Danskir læknar hafa gefið út skýrslu um notkun lyfjanna en meðferðin er ekki gagnreynd og hefur aldrei verið. Lyfjameðferð veldur meiri skaða en hún gagnast. Enginn tilgangur með slíkri meðferð. Þessar tilraunameðferðir á börnum eru til skammar. Skoða má hér.

Allar norðurlandaþjóðirnar hafa tekið sig saman í andlitinu til að vernda börnin. Lögð er áhersla á gagnreyndar meðferðir, samtalsmeðferðir hjá sálfræðingum verði í boði. Við eigum langt í land með að ná því hér á landi. Í Noregi tóku yfirvöld lækningaleyfi af trans-lækninum Esben Esther Pirelli Benestad, hann virti ekki mörk og hann skaðaði börn án umhugsunar. Andstæðingar hormónalyfjagjafa og skurðaðgerða á börn fögnuðu, skiljanlega.

Þingmenn hér á landi samþykktu bælingarfrumvarp á vorþingi. Í frumvarpinu kemur skýrt fram að lyfjameðferð er bönnuð þar sem meðferðin er ekki gagnreynd. Lögin taka gildi 1. janúar 2024. Í lögunum segir að kæra megi þann sem beitir ógagnreyndum meðferðum. Ljóst að læknar hér á landi eiga yfir höfði sér kæru ef þeir nota hormóna-og krosshormóalyf á börn. Þeir sem vilja vernda börn frá því að skemma líkama sinn á unglingsárum, og gera sig ófrjóa, fögnum því.

Þingmenn tóku fram fyrir hendur foreldra sem halda að það sé barninu fyrir bestu að skemma líkama þeirra. Þetta foreldri fór flatt á því. Vill eitthvert foreldri að barnið sitt gangi í gegnum slíka meðferð, mér er spurn.

Nú þurfa þessar þjóðir að vinna markvisst að fella lögin um kynrænt sjálfræði úr gildi svo stúlkur og konur endurheimti réttindi sem þær hafa barist fyrir undanfarna áratugi.

Áróðurinn að trans-kona sé kona er lygi

Hreyfingin heldur fram að ,,trans-konur séu konur” og hefur gert orðið kona að engu.

Það þykir mjög umdeilt að spyrja ,,Hvað er kona?" og það í fyrsta skipti í sögunni.

,,Þetta er hreyfing sem eyðileggur tilfinningu okkar fyrir raunveruleikanum, tungumálinu og getur til að segja sannleikann.” Þetta kemur fram í skrifunum hér.

,,Konur eru fullorðnar konur. Karlmenn eru fullorðnir mennskir karlmenn."

,,Stelpa sem hefur gaman af íþróttum, er með stutt hár og finnst gaman að leika sér á vörubílum, hún er samt stelpa."

,,Strákur getur klæðst bleiku og verið með sítt hár og leikið sér með dúkkur, hann er samt strákur.”

,,Láttu engan segja þér að þessi orð séu ,,hatursorðræða.”

,,Láttu engan segja þér að konur sem tala opinberlega um rétt sinn og raunverulegar hættur séu ofbeldisfullar eða stundi hatursglæpi.”

,,Við búum í lýðræðissamfélagi, frjálsu samfélagi. Við eigum rétt til málfrelsis. Við erum helmingur þjóðarinnar og munum ekki þurrkast út. Við munum ekki þegja þegar við vitum að við segjum sannleikann og að allt sem barist var fyrir glatist.”

Færslan er þýdd frá snjáldurvinkonu minn Søs. 

Danir pynta enn börn í nafni hinsegin mennskunar

Snjáldurvinur minn Ulf skrifaði á vegginn sinn að ,,352 börnum væri vísað í meðferð vegna kynama árið 2022. Aðeins 22 voru send áfram á kynskiptistofu. Aðeins 7 fengu hormónameðferð.

Heilbrigðisráðherra finnst það jákvætt að aðeins 2% af þeim sem vísað var í hormónameðferð fá hana.

Mér finnst það enn of mörg ung börn.

Svo skil ég ekki að kynskiptistofan hefur upplýst að 22 börn fengu hormónameðferð þegar ráðherrann segir 7?

En það jákvæða er að kynstofan gefur ekki lengur 65% af þeim sem koma til þeirra hormóna eins og var í 2018, sem var toppurinn.”

Í fréttaskoti sem Frosti Logason sýnir í spjallinu sínu hér, er frétt frá Ruv frá 2021 þar sem segir að 42 börn séu í meðferð hjá transteymi BUGL og tvö bæst við á þessu ári. Rúmlega 80 börn hafa farið í gegnum meðferð undanfarin 10 ár. Eins og í útlöndum, stelpur í meirihluta eða 75% af þeim sem fara í meðferð. Aðrir andlegir kvillar hrjá flest börnin sem fá meðferð á kynþroskaskeiðinu. Það segir í frétt Ruv og passar við það sem útlenskir sérfræðingar segja. Einhverfa er áberandi.

Danir hafa barist fyrir að börn fái greiningu og aðstoð við andlegum kvillunum sem hrjá þau áður en farið þau stökkva á trans-vagninn. Dropinn holar steininn og hefur umræðan þar í landi bjargað mörgum börnum frá skemmdum á líkama sínum. Vonum að sama þróun eiga sér stað hér á landi. Barn sem fer í hormónameðferð getur vænst þessa.

 

Hinsegin fólk bullar um blæðingar

Hafið þið heyrt að tunglið sé ferkantað? Hafið þið heyrt að Noregur tilheyri Afríku? Hafið þið heyrt að Katrín Jak. sé forsætisráðherra Sýrlands?

Ef ekki þá dettur engum manni í hug að fara með slíka þvælu. Það vita allir að þetta er ekki rétt.

Mönnum dettur hins vegar hug í nafni ,,hinsegin“ mennskunnar að karlmenn hafi á klæðum. Hverjum dettur í hug að ljúga að fólki. Karlmaður, þó hann skilgreini sig sem konu, fer ekki á túr. Af hverju er eftirsóknarvert að ljúga til um það!

Fólk verður að vakna. Fólk verður að reka svona þvælu ofan í þá sem segja hana. Sannleikanum verður ekki breytt þó hann særi fáeinar hræður.

Fari trans-karl á túr er það af því hann er líffræðileg kona, með XX litninga, eggjastokka og leg. Framleiðir egg. Þess vegna fer trans-karl á túr, ekki af því hann er karlmaður.

Konur hafa fengið nóg af þessu bulli og þvælu, að annað líffræðilegt kyn en þær hafi á klæðum og eignist börn.

Látið engann segja ykkur né börnum ykkar annað! Haldið ykkur við staðreyndir.

Hér má sjá hugleiðingu.

Konur eru bandamenn transkvenna sem virða réttindi kvenna

Í viðtali segir Kellie- Jay Keen hvað hún berst fyrir. Samantektina getur þú lesið hér segir Lotte Ingerslev sem bloggaði um málið. Lausleg þýðing er mín.

Konur mega ekki missa þau réttindi sem þær hafa barist fyrir- t.d. að rými sem eru eingöngu fyrir konur, og orð, sem maður notar um konur.

Það á ekki að gera börn ófrjó og við þurfum að íhuga hvort kynskiptimeðferð eigi að vera í boði.

Við eigum ekki að styðja ósannindi. Við höfum skyldu til að hjálpa fólki í vanda að skilja að það er í sínum líkama. Það er ekki val, við erum manneskjur. Við sleppum ekki frá líkama okkar. Við erum líkaminn. Þess vegna tel ég að það myndi gagnlegra og heilbrigðara að hjálpa fólki að viðurkenna líkama sinn.

Með öllum ráðum eigum við að gera þeim erfitt fyrir að taka svo afdrifaríkar ákvarðanir sem eru yngri en 25 ára, og valda skaða á líkamanum.

Svo myndi ég vilja taka út lög um kynrænt sjálfræði. Við eigum ekki að hafa lögfræðileg töfrabrögð.

Verulega umburðarlynt samfélag myndi segja ,,Ef John vill heita Janet og hann óskar að lifa friðsömu lífi þar sem hann angrar ekki aðra og fer ekki inn í rými sem ætluð eru konum og hann þvingar annað fólk ekki að viðurkenna að þeir sjái hann sem karlmann en sem konu, þá leyfum við það.”

Við þurfum aftur á þann stað þar sem konur segja ,,Kona er fullorðin manneskja af kvenkyni” án þess að óttast að vera refsað fyrir það á einn eða annan hátt.

Þetta frábæra viðtal getur þú hlustað á hér.

Skrif Lotte getur þú séð hér.

Er Norræna húsið menningarhús eða klámbúlla fyrir börn

Þetta er fyrirsögn greinar sem Heidi M. Johansen skrifar og birtist í fjölmiðli í Færeyjum.

Þú sem foreldri veist að þú myndir gera hvað sem er til að bjarga börnunum þínum frá hörmungum. Þú myndir vaða eld fyrir börnin. Þú veist líka hvenær einhver vill börnunum eitthvað illt. Sem dæmi: Þú ert í afmælisveislu, inn kemur karlmaður, er ónærgætinn og nálgast dóttur þín á óviðeigandi hátt.

Andaðu rólega. Þú reiðist. Hvað ertu að gera segir þú og tekur dóttur þína frá honum og hringir í lögreglu. Þú verndar barnið og öll börnin í afmælinu. Það er í eðli foreldra að vilja vernda börn sín í öllum aðstæðum. Þannig líður mér ekki í augnablikinu og þess vegna skrifa ég greinina.

Enn einn áfalladagur. Norræna húsið auglýsti á vefsíðu sinni að þeir ætli að hafa ,,dragsögustund.”

Höfum við í Færeyjum misst vitið? Sjáum við ekki mun á því sem er eðlilegt og óeðlilegt? Þetta er nákvæmlega það sem Bandaríkjamenn hafa gert.

Fullorðnir menn klæddir sem dragdrottningar, voru ekki í nærbuxum og flögguðu því framan í börn. Hvort sem þeir eru í nærbuxum eða ekki þá er þetta óboðlegt. Ekki nóg með þetta heldur hefur norræna húsið eytt heilli helgi í hinsegin hreyfinguna, sýna óviðeigandi myndir og tala fyrir kynskiptiaðgerðum. Mér dettur í hug hvort þau hafi verið frek og sent boðskort í skólana.

Af hverju ættum við að herma eftir öðrum og gera sömu mistökin. Norræna húsið hoppaði á sama vagn til að þóknast LGBT hreyfingunni. Þeir vildu ekki mótmæla, vilja ekki hanga í snörunni.

Þeir leyfa öllum að skipta um kyn. Allt niður í smábörn (sem geta ekki keyrt bíl, mega ekki kaupa alkahól en þau mega skipta um kyn...halló!!)

Þeim er vandi á höndum, nú eiga smástelpur og mæður að vera í einkarýmum með karlmönnum sem hafa ,,breytt” kyni. Stelpur að keppa á móti körlum í íþróttum, þær munu alltaf tapa, karlar hlaupa hraðar og eru sterkari. Þannig er það, ekki til að gera lítið úr konum heldur er þetta eðlismunur á kynjunum.

Viltu virkilega búa í landi þar sem börn þín og barnabörn eru útsett fyrir slíkt. Við verðum að halda okkur við staðreyndir, dregur er drengur. Við megum ekki kasta börnum okkar í illsku kynlífsins. Við erum fullorðið fólk og vitum að táningsárin geta verið erfið og tilfinningar í rugli. Það á ekki að leyfa breytingar á kyni i Færeyjum.

Ef við sættum okkur við svona viðburði þá líkist norræna húsið klámbúllu fyrir börn ekki menningarhúsi.

Ég mótmæli harðlega þessari starfssemi sem er auglýst er fyrir börn þessa lands.

Greinina má sjá hér.

Forboðni ávöxurinn samkvæmt trans-genginu

er aðgengilegur á netinu.

Formaður Samtaka 22 hélt erindið Samfélagsmiðlar. Hvað gerðist? Hvert eru við komin. Sjá hér.

Þetta er áhugaverður fyrirlestur um söguna, þróunina og hvað er gert í dag. Mjög upplýsandi. Hann talar um áhrif samfélagsmiðla og hvernig þeir hafa áhrif.

Tonje Gjevjons er norsk lesbía og listamaður. Hún fer yfir skoðun sína á í transmálaflokknum og sérstaklega í tengslum við lesbíur.  Hún bendir á hótanir sem lesbíur hafa mátt þola, haturspósta og fleira. Tonje talar um að réttur lesbía til að hittast og njóta samvista hvor við aðra er nánast úr sögunni. Tonje sagði frá kærunni sem hún fékk á sig og hvernig vannst úr henni. Hlustið hér.

Átakanlegt að heyra hvernig maki hennar leið fyrir baráttu hennar, allt trans-gengjum að þakka.

Síðasti fyrirlesturinn kemur inn síðar. Hvet fólk til að hlusta og fræðast.

Einn úr trans- genginu rökstyður af hverju stöðva átti málþingið.

Logn Yndu:

„Mér finnst mjög skrítið að leggja til að við eigum öll bara að samþykkja að hættulegir fasistar séu að koma til landsins og við eigum bara að leifa þeim að koma og gera sitt í friði. Ég skil að þú hefur áhyggjur vegna ástandinu í uk en það er ekki alveg hægt að bera saman samfélagsandan í UK og á Íslandi.

Afhverju hvetur þú fólk að hafa ekki samband við staðinn og setja pressu á þau að úhýsa þessa samkomu? Það er hættulegra að leifa þeim að hittast og gera sitt movement sterkara hér á landi heldur enn að stöðva viðburðinn frá því að gerast.

Þau eiga skilið að vera 5 í litlu húsasundi röflandi sín á milli. Þau eiga ekki að fá virðingu frá okkur.

Fjölmiðlar munu fjalla um þetta ef þau vilja, sama hvað við gerum.“

Hvað er hættulegt við að fólk hittist til að fjalla um málefni samkynhneigðra, samfélagsmiðla og mannréttindi, svari hver fyrir sig. Trans-gengið hefur svarað, sjá hér.

 

Felix Bergssyni finnst að ungar súlkur og konur eigi að afklæðast í klefa með karlmönnum

sem skilgreina sig sem konur. Að þeim forspurðum. Konur og stúlkur hafa ekki val eftir að lög um kynrænt sjálfræði var staðfest. Þingmenn sem samþykktu lögin eiga líka sök.

Ég túlka áróðursspjall Felix ekki á annan hátt. Felix er með áróðursspjall í gangi vegna bakslags hinsegin barátturnar sem ákveðið fólk talar um. Fyrir mér er þetta ekki bakslag. Ég sé lýðinn rumska og sér í alvöru hvað er í gangi.

Barátta XX-kvenna svaraði Felix það má sjá hér.

Bakslagsbaráttan tekur á sig ýmsar myndir. Sjáið hér.

Spjall við konu sem lýsir baráttu kvenna, hægt að sjá hér. Þetta kalla trans-aðgerðasinnar bakslag.

Spjall við trans-mann í Danaveldi segir allt sem segja þar. Sjá hér. Hann segir nkl. það sem margir vilja sagt hafa en þora ekki út af genginu sem er á myndinni hér að neðan, ásamt fleirum. Trans-gengi Íslendinga.

Að Felix Bergsson sé svona illa að sér um málaflokkinn er áhyggjuefni þar sem hann velur að tjá sig. Hann ætti að hlusta á blaðamanninn sem kafaði ofan í málið og skoðaði hvernig samfélagsmiðlar hafa áhrif og á hvern. 

Sá áróður sem fer fram í leik- og grunnskólum fyrir trans-málefnum er áhrifavaldur.  Margir kennarar hafa áróðursfánann í kennslustofu og leggja sitt á vogarskálarnar. Víða um land má sjá þennan einfalda en klárlega áróður í formi fána eða málaðar götur og gangstéttir. Fjölmiðlar hafa stundað áróður með einhliða málflutningi. Lygina má segja svo oft að hún verður að sannleik, lesið hér.

Felix Bergsson hefur á leikaraferli sínum höfðað til barna, nú rekur áróður. Fórnar stúlkum fyrir karla sem vilja vera kona og öfugt. Meira að segja hefur Felix sýnt andúð sína á samkynhneigðum sem fylgja honum ekki að máli.

Trans-gengið í allri sinni dýrð!

 

Felix þú ert ekki svona vitlaus!

Það hefur sannast fyrir áratugum síðan að börn eru áhrifagjörn og börnum sem líður illa leita sérstaklega allra leiða til að láta sér líða betur og þegar þau sjá alla aðdáunina, stuðninginn og æðið í kringum aðra transmanneskjur þá að sjálfsögðu langar þeim líka í þetta, ekki styðjið þið börnin svona þegar þau eru bara þau sem þau eru þegar þau fæddust, fullt af börnum lögð í einelti, fullt af börnum sem passa ekki inn, börn sem eru misnotuð, beitt ofbeldi, eru þunglynd, kvíðin og hrædd þið mætið ekki svona í kringum þau og klappið allt upp sem þau gera svo að sjálfsögðu leita sum þeirra í þetta og halda að þetta sé málið, að þegar þau reyni að breyta um kyn þá muni allir styðja þau. Það þarf ekki annað en að skoða tiktok til að sjá stuðningin og aðdáunina sem einstaklingar fá sem kalla sig trans, eina sem gerir þau öðruvísi en hin börnin er að þau er er að fylgja tískubólunni sem er búið að heilaþvo börnin með að öll transbörn eigi skilið skilyrðislausan stuðning meðan hin sita enn ein útí horni þar sem öllum er sama um þau.

Þú hefur gott af því að horfa á reynslusögu þessarar stelpu.

Og þessarar hérna sem komst ekki að því fyrr en of seint að hún var í raun og veru lesbía ekki strákur.

Krakkar fæðast ekki öll með þá vitneskju að þau séu samkynhneigð, þau fara oft í gegnum mörg skeið áður en þau sættast við það að vera samkynhneigð nema núna eru þessi skeið meitluð í stein og þau sita uppi með varanlegan skaða!

Engar stelpur vildu breyta um kyn eða voru trans áður en þetta komst í tísku í dag hefur orðið 4000% prósenta aukning og út af fólki eins og þér er verið að bregðast þessum stúlkum sem eru í flestum tilfellum að díla við allt aðra fylgikvilla en halda að breyta sér í strák muni breyta öllu.

Farðu að vakna maður og hættu að mála þig svona fáfróðan, það er ekkert líkt með baráttu samkynhneigðra og trans.

Transfólk og sérstaklega trans-konur eru með yfirgang og eru að hirða réttindi af konum, þær eru búnar að fara fram á að konur mega ekki lengur skilgreina hvað konur eru, konur mega ekki kallast því sem þær eru heldur er búið að troða forljótum forskeyti við Cis- sem var bara fundið upp til að láta trans líða betur með sjálfa sig.

Konur eru konur og ekkert annað, þær þurfa ekki forskeyti og konur mega setja mörk, ég veit að það er þér sem karlmanni erfitt að skilja en þær mega það og þær mega segja NEI við alla sem eru með typpi sama hvaða nafni þeir kallast. Það sem þú ert núna að gera er að drulla yfir konur og gefa í skyn að þegar þær vilji setja mörk þá séu þær haturfullar, hver er það sem er með hatrið núna? Ert það ekki þú og hinir sem haga sér eins og þú?

Lesbíur eru EKKI með typpi og typpi geta ALDREI kallað sig lesbíur eða ertu búin að endurskilgreina hvað samkynhneigð er? Snérist það kannski aldrei um að laðast að sama kyni? Ert þú kannski til í að vera með píku í dag? Er það það sem þú ert að segja að hommar laðist líka að píkum?

Það er ótrúlegt hvað þú og fleiri getið gengið langt í þessu og út af ykkur er þetta bakslag í baráttu transfólks, það voru engin vandræði fyrr en farið var að krefjast alls konar af konum til að búa til pláss fyrir karla sem halda að þeir séu konur, og það er alltaf gengið lengra og lengra, fyrst áttum við bara að samþykkja trans-konur sem höfðu farið í aðgerð á alla staði sem við erum, svo bara kemur í ljós að fæstar af þeim ætla sér í þessa aðgerð og ætla bara að vera með sín karlmannskynfæri og þá eigum við bara að halda kjafti og samþykkja manneskjur með typpi þar sem við erum berskjaldaðar, skítt með alla þolendur kynferðisofbeldis af völdum karla, af völdum typpa þær konur þurfa bara að læra að þegja og sætta sig við að typpin ráða öllu.

Transsexual eru trans-konur heyrðist einu sinni, svo var það trans-konur eru konur, og konur eru cis-konur!

Þetta er svo manipulative. Sem betur fer finnast enn trans-konur af gamla skólanum sem hafa engan áhuga að yfirtaka allt sem konur standa fyrir, sem kalla sig ekki konur, sem kalla sig transsexuals og sem standa með konum í þeirra baráttu.

Þú ert partur af vandamálinu sem og Rúv sem virðist vera útibú fyrir samtökin 78 og fjalla bara um hlið þeirra, þau virðast hafa gleymt því að konur eru helmingur þjóðarinnar og helmingur þeirra sem borga fyrir Rúv.

Hér er flott grein fyrir að kynna þér til að sýna þér og hinum sem eru með stöðugan hatursáróður gagnvart konum um hvað er að þessari hugmyndafræði.

 

Þetta er svar hópsins Barátta XX-kvenna fyrir öryggi við orðum Felix Bergssonar. Birtist í athugasemdakerfi Ruv og á snjáldursíðu hópsins. Felix vill heimila andlegt ofbeldi á ungum stúlkum sem þurfa að afklæðast í einkarýmum kvenna með karlmönnum sem skilgreina sig sem konur og eru með karlkyns kynfæri. Pössum börnin okkar.