Fullorðnir ,,wokistar“ fara með völdin í félagsmiðstöðvum

segir Frosti Logason í Brotkast þætti sínum. Hópur frá grunnskóla ræðst að karlmönnum, feðrum, bræðrum, frændum og sonum. Hópurinn, sem er skipaður stúlkum, tóku þátt í Skrekk. Til að undirstrika áróðurinn gegn karlkyninu þá voru þær með yfirvaraskegg, í það minnsta nokkrar.

Þær ráðast að iðnaðarmönnum, sjómönnum, vélamönnum...já þessum hefðbundnu karlastörfum þar sem konur láta ekki sjá sig.

Mér þykir eins og Frosti þetta atriði afar dapurlegt en endurspeglar kannski viðhorf ákveðinna kvenna og karlfemínista til karlmanna. Eitthvað sem virðist boðað í samfélaginu. Vona að þessar stúlkur eigi betri feður, bræður, afa og frændur en þær lýsa í áróðursatriði sínu. En vanþroska unglingar setja þetta ekki alltaf í samhengi. Nei þetta eru allir hinir karlmennirnir!

Skrekkur hefur breyst úr því að vera skemmtiefni fyrir unglinga í áróðursamkomu. Fullorðið fólk matar, eða heilaþvær, börn og þau telja sig boða heilagan sannleik. Synd og skömm.

Hér má sjá brot úr þætti Frosta.

Í félagsmiðstöðvum má finna áróður trans-hreyfinga. Þar eru fornöfn hengd upp á stórum veggspjöldum eins og um rétttrúnað sé að ræða. Sérfræðingar í útlöndum benda á að breyting á fornöfnum er ekki það sem börn, sem líður illa í eigin skinni, þurfi á að halda, nema síður sé. Röng meðferð og ekki gagnreynd að halda trans-fornöfnum að börnum.

Áróðurspjaldið:

Er þetta trans-kvendi ekki gervi?

Trans-konur finnast í ýmsum myndum og gervi. Undanfarin ár hafa fjölmargir karlar ákveðið að skilgreina sig sem konu og koma sér inn í íþróttir kvenna. Hér er góð lýsing á fyrirbærinu.

Nú ætlar trans-kona að lögsækja fótboltadeild af því stelpur neituðu að spila gegn honum. Enginn skyldi undra að stúlkurnar gerðu það og foreldrar líka. Þetta kalla ég ábyrga afstöðu. Nú vantar bara að íþróttasambönd láti til sín taka um málaflokkinn. Lögin um kynrænt sjálfræði hafa skapað fleiri vandamál en lausnir, öllum hlýtur að vera það ljóst.

Í greininni segir frá sögu trans-konunnar sem er ekki falleg, s.s. sala á kynlífi. Bloggara dettur í hug að um gervi sé að ræða. 

Íþróttasambönd eiga að banna trans-konum að keppa í íþróttum kvenna. Setja á upp trans-keppnir ef áhugi er fyrir því eða leyfa trans-fólki að keppa með karlmönnum, þá er oftast keppt meðal jafningja. Karlar sækja frekar í kvennakeppnir en öfugt.

Enginn tók þátt í sundmóti transfólks, af hverju?

Þetta fjallaði þá ekki um að synda- frekar að skemma möguleika kvenna á að vinna keppni í íþróttinni. 

Eins gott að skrá það segir snjáldurvinur minn Søs Lihn Nielsen 

Ein athugasemdin við færslu Søs er ,, Enn merkilegra að The Guardian gróf ekki upp af hverju trans-konur taka ekki þátt. Hefðu átt að taka viðtal við a.m.k. einn einstakling.”

Lesa má fréttina hér.

Trans-kona sem skráir sig í sundkeppni fyrir trans-fólk getur gengið að sigrinum vísum ef viðkomandi er eini keppandi. Það er gott, skemmir þá ekki möguleika kvenna að vinna. Trans-kona sem hefur líkamsburði karlmanns hefur meiri möguleika á sigri í mörgu íþróttagreinum, því á að hafa trans-flokka. Þá er jafnræði meðal keppenda.

Kannski ratast Søs rétt orð á munn þegar hún segir að trans-konur vilji skemma fyrir konum. 

Hér er fjallað um boxara sem dró sig úr keppni í Quebec þegar hún átti að keppa við trans-konu (karlmann). Hún fékk að vita þetta klukkustund áður en hún þau áttu að berjast. Ljóst að hér er um skemmdarverk að ræða.

Það er ekki bara hættulegt að trans kona taki þátt í kvennaíþróttum heldur getur verið lífshættulegt þegar box og bardagaíþróttir eru annars vegar.

Réttlátt! Dæmi hver fyrir sig.

Eldfimar skýrslur og samtöl...

Marianne Brattgjerd vakti athygli á þessu fyrir degi síðan, feitletrun er mín.

Vá, þetta er eldfimt.

Blaðamenn hafa fengið innri skýrslur og samtöl innan WPATH (World Professional Association for Transgender Health) sem verða birt fyrir áramót. Skýrslurnar leiða í ljós að WPATH byggir á hreinni hugmyndafræði, ekki gagnreyndri þekkingu. 

WPATH hefur um árabil verið drifkrafturinn á bak við svokallaða kynstaðfestingarmeðferð, sem hefur leitt til þess að börn og ungmenni um allan hinn vestræna heim eru limlest fyrir lífstíð.

Frjálslyndir miðjumenn eru nú hvattir til, af Shallenberger (sem er á vinstri hlið stjórnmálanna), að taka þátt og binda enda á þessa markaðssetningu!

 

Klámvæðing jólanna

Skáldið skrifar. Leyfi Kristjáni Hreinssyni að eiga síðuna í dag:

Til þess að undirstrika mikilvægi klámvæðingar í grunnskólum og svo styðja megi við hinsegin kennslu og allan öfuguggahátt, þá hef ég hér tillögur og framlag til dýrðar hinu himneska perraveldi sem tekið hefur við af hinu svokallaða feðraveldi. Nú vil ég að við klámvæðum jólin. Við getum kannski talað um bólahald eða drjólahald. Hvað er þá betra en að gefa jólasveinunum ný nöfn. Stúfur, Bjúgnakrækir og Gluggagægir eru það perraleg nöfn að þeim þarf ekkert að breyta. Rekkjustaur er eitt af nýju nöfnunum, það má einnig vera Hlekkgaur í BDSM-væðingunni. Í þeim geira eiga einnig heima nöfnin: Rassaskellir og Kjötþefur. Hér kemur einnig til greina að halda inni nafninu Kjötkrókur. Þá koma sterklega til greina nöfn eins og: Píkusleikir, Typpasleikir, Dráttaþefur, (jafnvel Gásaþefur) og Skyrklámur. Afar perraleg nöfn eru Hurðasleikir, Kertaskellir og Bjúgnasleikir. Jólakötturinn dettur út, hans í stað kemur Drjólakötturinn. Síðan þarf að vara við kynsjúkdómum. Eðlileg viðvörun gæti verið: ,,Ef þú færð kynsjúkdóm þá koma Fýla og Sveppaúði en þau eru foreldrar jólasveinanna.".

Hikum ekki við að gefa börnunum smokk í skóinn. Nú eru breyttir tímar!

Þegar kennt er um kyn á að rekja þau til líffræðinnar

"Þegar kenna á um kyn verður kennslan að eiga rætur sínar að rekja í líffræðina. Kyn er líffræðilegt ferli til æxlunar – sú staðreynd að þetta hefur afleiðingar fyrir fáeina breytir ekki því hvað kona og karl er. Taka þarf tilliti til aldurs nemenda, þegar miðlað er til þeirra að til sé fólk sem glímir við vanlíðan með kyn sitt. Auðvitað á að gera það, en að segja börnum að því sé úthlutað kyni við fæðingu, eða að kynið sem þér er úthlutað, gæti verið rangt vegna þess að læknirinn veit ekki hvernig þér líður, gengur ekki upp."

Þetta segir Peter Risholm í greininni! Stutt og hnitmiðað.

Á yfir höfði sér bann í íþróttagreininni vegna ummæla um trans-konu

Kraftlyftingakona mótmælir eftir að trans-kona, líffræðilegur karlmaður, sett landsmet í greininni, nb. í kvennaflokki. Fyrir mótmælin á hún á hættu að vera útilokuð frá keppni íþróttagreinarinnar sem hún hefur stundað í áraraðir. Kanadíska kraftlyftingasambandið sagði að hún ætti ekki að tala um Anne Andres sem líffræðilegan karlmann. En hann er það! Verið að refsa fyrir að segja sannleikann.

Í Kanada eru menn gengnir af göflum í tengslum við trans-málaflokkinn. Þarf þjóðarbyltingu til að snúa þessari óheillaþróun við.

Í mínum augum hefur þetta lítið með hinar raunverulegu trans-konur að gera sem vilja lifa sínu lífi í friði án svona áreitis. Án trans-aðgerðasinna. Án fölsku trans-kvennanna.

Lögin um kynrænt sjálfræði eru misnotuð eins og allt annað. Nú telja líffræðilegir karlar sig konur til að komast í einkarými kvenna, vinna kvennaíþróttir og fara í kvennafangelsi.

Konur hvert eru við komnar? Við þurfum fleiri konur eins og J.K. Rowling sem eru mikils metnar og geta látið í sér heyra. Snúa þarf þróuninni við, stúlknanna vegna.

"Ég stend frammi fyrir 2 ára banni frá [kanadíska kraftlyftingasambandinu] CPU fyrir að tala opinberlega um ósanngirni þess að líffræðilegir karlmenn fái að hæðast að kvenkyns keppendum og ræna sigrinum" skrifaði Hutchinson.

"Ég hef verið kraftlyftingamaður hjá kanadíska kraftlyftingasambandinu í um fjögur ár. Undanfarið ár hef ég barist fyrir því að trans-konur, líffræðilegir karlar, geti ekki keppt við konur í kraftlyftingum," sagði Hutchinson við þáttastjórnandann Rosanna Lockwood.

Heimurinn þarf fleiri hetjur eins og hana.

Greinina má lesa hér.

Óréttlætanlegt að nota rannsókn frá 2014 til að réttlæta meðferðir við kynama í dag

Held áfram að stkla á stóru um það sem kom fram í þessum fræðsluþætti í norska sjónvarpinu. Íslenskir fjölmiðlamenn fræða ekki þjóðina um málaflokkinn.

Í Hollandi fá börn og foreldrar að vita um afleiðingar af læknisfræðilegum inngripum. Eftir rannsókn á börnum sem líður illa í eigin skinni frá unga aldrei fá þau tilboð um meðferð eftir sex mánuði. Áður en meðferð býðst hafa ítarleg viðtöl farið fram með foreldrum. Rannsakendur hafa varað vesturlöndin við að afrita rannsóknina þeirra, því hún á ekki við um unglinga sem allt í einu halda sig trans. Viðmælandinn í Hollandi telur það óábyrgt að nota rannsóknina sem birt var 2014 til að réttlæta meðferðir í dag.

Því er oft haldið fram að stopp hormónalyf sé ,,pása“ á kynþroskanum. Svo er ekki. Hér er um varanlegt ástand að ræða og þeir sem settir eru á hormóna halda áfram meðferð.

Trans aðgerðasinnar halda fram að sjálfsmorð meðal barna sem telja sig trans sé hærri en hjá öðrum. Rétt segir rannsakandi en sænsk rannsókn sýnir líka að þetta fólk á við önnur andleg veikindi að stríða og því sé erfitt að segja hvað það er sem hvetur fólk í sjálfsvígstilraun. Engar rannsóknir sýna að sjálfsvígshættan sé meiri ef barni ef neitað um trans meðferð.

Engin vísindi eru á bak við að trans meðferðir hjálpi börnum sem glímt hafa við kynama. Því eru þessar meðferðir ekki réttlætanlegar á börnum.

Svíar hafa breytt meðferðarforminu á börnum, þeir hafa að leiðarljósi.

• Lítil þekking á aukningu þeirra sem óska ,,kynskipta.“
• Lítil þekking og langtíma virkni af meðferð
• Eftirsjá hefur aukist

Rætt er við trans einstakling sem óskaði eftir meiri upplýsingum, einhverjum sem spurði gagnrýnna spurninga áður en meðferð hófst. Segir að vinaumhverfið hafi áhrif. Erfitt að brjótast út úr því. Samt var hún fullorðin, hvað þá með börnin!

Við þurfum að viðurkenna að stelpur og strákar geta verið allavega, flóra mannsins er ólík. En að troða stúlkum sem vilja vera með stutt hár og ganga í buxum í box sem strákur er óæskilegt. Sama með stráka sem vilja hafa sítt hár, lakka neglur og vera í kjól, þeim á ekki að troða í box sem stelpa.

Enn og aftur, samfélagsmiðlar hafa gífurleg áhrif á börn og unglinga. Förum varlega þegar börnin eru annars vegar, flýtum okkur hægt. Leyfum þeim að taka út kynþroskann án félagslegra og læknisfræðilegra breytinga. Það er barni fyrir bestu.

Um 75% þeirra glíma við andlega veikindi

Í norskum fræðsluþætti kemur fram að á árunum 2011-2012 jukust beiðnir um ,,kynskipti“ gífurlega, ekki bara í Noregi heldur um allan heim. Engin lát á aukningunni. Samfélagsmiðlar eiga þar ríkan þátt. Börnin finna upplýsingar þar. Eins og allir vita er það efni misgott og áreiðanlegt.

Margir halda fram hér á landi að samfélagsmiðlar hafi áhrif á börn þegar klám er annars vegar, á ekki það sama við um trans hugmyndafræðina. Í mínum augum er enginn munur þar þá.

Menn taka eftir gífurlegri aukning meðal unglingsstúlkna. Langt frá því að vera eðlilegt. Enginn veit ástæðuna, meiri umræða, betri meðhöndlun en umfram allt spila samfélagsmiðlarnir stórt hlutverk. Nú geta unglingstúlkur sem hafa látið fjarlægja brjóstin fagnað á samfélagsmiðlum til að sýna öðrum hve frábært þetta er.

Víða um heim er bent á að þeir sem óska ,,kynskipta“ eiga við önnur andleg vandamál að stríða. Yfirlæknir á norsku sjúkrahúsi segir að um 75% þeirra sem óska eftir breytingum glíma við andleg veikindi. Í því samhengi nefndir læknirinn mikinn kvíða, þunglyndi og aðra sálræna kvilla. Eftirtektarvert þegar hún segir að stór hópur glími við einhverfu og þeir merki verulega aukningu úr þeim hópi barna.

Um þriðjungur þeirra sem óska meðhöndlunar fá ekki tilboð um meðferð. Það tekur um ár frá fyrsta viðtali þar til tilboð um meðferð verður að veruleika. Oft jafna unglingar sig á þessu þannig að biðtíminn er þeim í hag.

Stórmerkilegt að hlusta á fullorðið fólk, aðgerðasinna, snupra heilbrigðisstarfsmenn fyrir að fara varlega þegar börn eru annars vegar og saka það um að mismuna fólki. Það er verið að tala um unglinga sem verða fyrir áhrifum samfélagsmiðla og vina. Kannski eru þeir samkynhneigðir án þess að átta sig á því. Það er óviðunandi að trans-samtök gangi fram með þessum hætti. Má vissulega spyrja um tilganginn. Hafi einhver börn séð að sér ættu menn að fagna að þau fengu tíma til þess.

Læknirinn efast um að þessar upphrópanir hagsmunasamtaka gildi fyrir fjöldann. Þau upplifa ekki að fólk sem kemur til þeirra líði eins og trans samtökin lýsa.

Norski læknirinn Benested lýsir þessu eins og að fara út í búð og kaupa sér kynvitund. Umræddur læknir var sviptur lækningaleyfinu því hann gelti börn og gaf þeim hormónalyf eftir aðeins eitt viðtal. Lærlingar hans feta í sömu fótspor og líta á hann sem ,,gúrú.“ Þetta sama fólk segir að það séu nánast engar aukaverkanir af lyfjagjöf, í það minnsta ekki svo miklar að barn þurfi að vita um þær.  Hér eru börn blekkt svo um munar, afleiðingar lyfjagjafar eru skelfilegar, gelding, beinþynning, truflun á heilavexti o.s.frv.

Framhald í næsta bloggi…

Í kjölfar útilokunarmenningu

Las þetta innlegg á snjáldursíðu Alex Ivarsen frá 8. nóvember. Þótti það áhugavert því sama gerist hér á landi. Útilokunarmenning hefur náð tökum á ákveðnum hópum sem halda að það geri sér og viðhlæjendum gott. Svo er ekki. Útilokunarmenning er tegund ofbeldis og ræða á hana sem slíka. Lauslega þýðing er bloggara.

Alex segir:

Útilokunarmenning er raunverulegt fyrirbæri og veldur skaða. Útilokunarmenning er ófrjálslynt afl sem grefur undan grundvallarfrelsi. Þetta er eyðileggjandi fyrirbæri sem verðskuldar frjálslynda andstöðu og gagnrýni - og það er miður að svo margir halda áfram að neita að þetta sé til. 

En í dag - og það er fáránlegt að nauðsynlegt sé að segja þetta upphátt – er mikilvægt að benda á þetta: kynferðisleg áreitni er ekki orð. Það er glæpsamlegt athæfi. Að glæpsamlegt athæfi hafi bæði lagalegar og félagslegar afleiðingar fyrir þann sem framdi þá hefur ekkert - ég endurtek: hefur ekkert, núll, nákvæmlega ekkert með umræðuna um tilviljanakennda útilokunarmenningu að gera.

Að spyrða þetta tvennt saman stuðlar aðeins að því að greinarmunur á orðum og athöfnum verður óljós (grundvallarmunur í allri umræðu um tjáningarfrelsi) og það gerir þennan rugling og rotnu umræðu um útilokun enn ómögulegri og ruglaðri en hún er nú þegar. 

Það er löglegt að gera mistök.  Flest erum við fús til að fyrirgefa. En það verður auðveldara ef okkur er hlíft við sjálfumglaðri vitsmunalegri hugsun sem verður á vegi okkar. Það virkar ekki.

Afsakið.

Andvarp. Tilvitnun lýkur.

Þeir sem beita útilokunarmenningu eru í öllum lögum samfélagsins. Jafnt menntað sem ómenntað fólk. Skynsamt og það sem skortir skynsemina. Málaflokkarnir sem útilokað er fyrir eru ólíkir. Það kostar klof að ríða röftum, samt láta einstaklingar og hópar það ekki aftra sér í útbreiðslu útilokunarmenningar.