Loksins verður látið sverfa til stáls

Mikið getur heimurinn glaðst. Helsti hryðjuverkamaðurinn í skemmdum á líkömum barna verður lögsóttur. Komið hefur í ljós að konan, sem er læknir, hefur boðið frekar ungum börnum eyðileggingu á líkama sínum. Hún hefur líka hundsað öll geðræn vandamál barnanna.

Nú skal láta sverfa til stáls. Stúlka sem telur lækninn hafa farið offari fer nú í mál við lækninn. Hlustið á þetta, þið fræðist mikið um ástand mála í þessum málaflokki sem íslenskir fjölmiðlar hafa ekkert fjallað um nema hylla hann.

Vonandi verður þessi læknir dæmdur og það hart. Nauðsynlegt að taka leyfi af svona læknum sem leggja sig fram um að skemma heilbrigða líkama.

Karlmaður sem skilgreinir sig sem konu, braut á konum

Mika Lin Katz, karlmaður sem skilgreinir sig sem konu, er þekktur sem Michael Collins. Hann er ákærður fyrir að hafa brotið kynferðislega á fjórum konum í kvennaathvarfi í Edmonton, Alberta.

Þann 24. Janúar s.l. gaf lögreglan í Edmonton (EPS) út fréttatilkynningu um atvikin og upplýsti að Katz hefði fyrst vakið athygli þeirra í ágúst 2024 eftir að tvær konur stigu fram og sögðust vera fórnarlömb Katz.  Eftir rannsókn var Katz handtekinn og ákærður fyrir tvö kynferðisbrot.

Þrátt fyrir að ákærurnar væru alvarlega var Katz látinn laus með skilyrðum, þar á meðal að hafa ekki samband við eða samskipti við neinn af kærendunum; eiga ekki vopn, skotvopn eða skotfæri; og halda sig í 50 metra fjarlægð frá kvennaathvörfum í Alberta.

Fleiri stigu fram

Tvö fórnarlömb stigu fram sem höfðu orðið fyrir ofbeldi af hálfu Katz í kvennaathvarfinu. Þann 23. janúar var hann handtekinn að nýju og á yfir höfði sér ákærur fyrir áreitni og kynferðisbrot.

Óskað er eftir þeir sem hafa lent í honum gefið sig fram, því fórnarlömd Katz eru sennilega fleiri.

Reduxx hefur bent á samfélagsmiðla sem talið er að tilheyri Katz. Á einum miðlinum segir hann frá að hann hafi byrjað að taka kynhormón í janúar 2024. Katz auðkennir sig með fornöfnunum ,,hún/hún/þeir/þeir" og notar ,,transgender pride" borða á nokkrum Fasbókar-reikningum sínum.

Á einum af Instagram-reikningum sínum kallar Katz sig ,,konu sem er föst í líkama karlmanns" og hann fylgist með fjölda klámreikninga með áherslu á transfólk og lesbíur.

Katz rak einnig prófíl á ChatKK, ókeypis spjallsíðu, þar sem leitað var sérstaklega að ,,kvenkyns vinum" og sagðist vera ,,ekkja vegna ófyrirséðra" aðstæðna.

Fleiri hafa gert það sama

Þetta er ekki fyrsta atvikið þar sem karlmaður, sem skilgreinir sig sem konu, er sakaður um kynferðisbrot gegn konum í kvennaathvarfi í Kanada.

Í apríl 2023 var karlmaður handtekinn í Windsor, Ontario, í tengslum við kynferðisbrot sem átti sér stað í kvennaathvarfi á staðnum. Lögreglan í Windsor bar kennsl á hinn grunaða sem hinn 32 ára gamla Desiree Anderson, einnig þekktur sem Cody D'Entremont. Anderson var síðar sýknaður af ákærunum eftir að lögfræðingur hans hélt því fram að fórnarlambið væri ekki trúverðugt.

Að sama skapi, árið 2022, var greint frá því að konu hafi verið nauðgað af kynferðisafbrotamanni í kvennaathvarfi í West Parry Sound eftir að hann hafði skilgreint sig sem konu til að fá aðgengi að kvennaathvarfinu.

Shane Jacob Green, 25 ára, var handtekinn 24. ágúst 2022 af lögreglunni í Ontario héraði (OPP). Á þeim tíma gaf OPP út tilkynningu þar sem fram kom að Green hefði verið ákærður fyrir tvö kynferðisbrot, fjórar ákærur fyrir að hafa ekki farið að skilorðsúrskurði og eina ákæru fyrir að hafa ekki farið að lausnarskipun. En síðar kom í ljós að glæpirnir höfðu átt sér stað á meðan Green dvaldi í kvennaathvarfi á staðnum.

Vancouver Rape Relief (VRR), staðsett í Bresku Kólumbíu, er elsta neyðarathvarf Kanada fyrir þolendur nauðgana. Árið 2019 var það svipt borgarstyrkjum sínum eftir að starfsmenn héldu fram að þeir hefðu rétt á að veita kynbundna þjónustu, bara fyrir konur.

Trans aðgerðasinnar þrýstu á borgaryfirvöld og gerðu kröfu um að gera fjármögnun athvarfsins háð því að taka við körlum sem skilgreindu sig sem konu, eða trans.

Vegna harðlínuafstöðu VRR um að vera eingöngu fyrir konur í neyð, var VRR ítrekað skotmark trans aðgerðasinna. Ýmis skemmdarverk voru unni m.a. negldu þeir upp lík dauðra dýra á hurð góðgerðarstofnunarinnar.

Heimild.

Hefndarhugur karlmanns, konur ekki með fordóma

Eins ótrúlegt og það hljómar dæmdi ástralskur dómari Sall Grover í óhag. Kom verulega á óvart. Hún áfrýjaði dómnum og málflutningur verður í apríl. Tapi hún verður það næsta dómstig. Hún segir að tapi hann muni hann áfrýja.

Nú hefur karlmaðurinn, Roxy, ákveðið að stefna henni aftur, í hagnaðarskini. Þegar hann uppgötvaði að á bak við hana stæði her manna, með fjármagn til að berjast gegn honum gerðist hann gráðugur. Hún heldur úti söfnunarsíðu.

Hann höfðaði annað mál, fer fram á tvöföldun skaðabóta. Þetta er persónuleg krossferð segir Sall Grover í viðtali sem má hlusta á hér.

Nú er að vona að hæfari dómari dæmi í báðum málunum og hafni öllum kröfum karlsins. Viðurkenna þarf að kona sé fullorðin kvenkyns einstaklingur, ekki karlmaður sem skilgreinir sig sem konu.

Reið út í stjórnmálamenn

Sall fer ekki í grafgötur með að hún er öskureið út í stjórnmálamenn fyrir að búa til svona kjánaleg lög. Að karlmaður sem skilgreini sig sem konu, hafi aðgang að kvennarýmum, íþróttum, fangelsum kvenna o.s.frv. Lögin hafa orðið til þess að lesbíur fóru undir jörðina segir hún, til að forðast karlmennina sem upplifa sig sem konur.

Það hefur farið af stað hreyfing í Ástralíu til að berjast gegn þessu. Auðvitað þarf þetta baráttufólk að komast á þing, þar sem lög eru ákveðin.

Barátta Sall og annarra kvenna, sem berjast á svipuðum nótum, er fyrir komandi kynslóðir kvenna. Að þær þurfi hvorki að sætta sig við né upplifa að karlmenn sem skilgreina sig sem konur hafi aðgang að einkarýmum þeirra og íþróttum. Með baráttunni heyrir það vonandi sögunni til.

Eftir tilkomu laga um kynrænt sjálfræði versnaði staða kvenna, því nú telja karlmenn sig eiga rétt á öllu því sem viðkemur konum. Í Danaveldi töluðu stjórnmálamenn skýrt, það fylgja engin réttindi þessum lögum, nema öðruvísi skráning í þjóðskrá.

Fordómar

Margir halda að um fordóma gegn karlmönnum, sem skilgreina sig sem konur, sé um að ræða. Nei það er ekki svo, réttindi kvenna eru undir.

Konum ber að varast fordóma en óttast ekki að setja skýr siðgæðismörk. Að auki þurfa þær að vera öruggar í trúnni án þess að hvika, það ber merki um staðfestu. Það hafa baráttukonur fyrir réttindum kvenna sýnt og segja.

Hér má hlusta á Sall þegar hún talar um að konur sé heilaþvegnar af þeirri vitleysu að karlar geti verið konur.

Þeir eru allir eins- Ragnar Þór Ingólfsson líka

Stundum verður manni orðavant. Þegar í ljós kom að Ragnar Þór Ingólfsson þiggur rúmar 8 milljónir í biðlaun gerðist það. Réttlætismaðurinn mikli.

Vissulega lækkaði hann laun sín sem formaður, en hann var ekki illa haldinn af því sem eftir var.2

Að sjálfsögðu á að gera upp orlof við Ragnar Þór, en biðlaun, í alvöru. Hann stekkur inn í vel launað starf sem hann verður í næstu 4 ár. Segja má að hér bregðast krosstré sem önnur tré.

Kom ferskur inn- frekar morkinn út

Þegar Ragnar Þór kom inn í baráttu verkalýðsins var hann mjög ferskur. Talað hátt og mikið um þá sem vilja græða og bara græða. Hann benti á að leita þurfti leiða til að stoppa svona fólk.

Ragnar Þór talaði um að lífeyriskerfinu þurfi að breyta. Nú er hann í aðstöðu því þingið setur reglurnar. Nú mun hann nota séraðstöðu lífeyriskerfisins, sem þingmaður. Taktu þér tak og láttu á það að reyna.

Trygging segir Rangar Þór fyrir sig og fjölskylduna. Segja má að hér sé um sérhagsmuni að ræða, geta allir sem segja starfi sínu lausu eignast svona tryggingasjóð?

Taka þarf á biðlaunarétti

Í ljósi þess sem hefur gerst í biðlaunamálum þarf að endurskoða réttinn. Það getur ekki talið eðlilegt að biðlaunarétturinn sé virkur þegar menn hverfa til annarra starfa. Það er hins vegar eðlilegt ef menn fá ekki vinnu.

Ragnar Þór er nú ekkert skárri en þeir sem hann hefur gagnrýnt, því miður. En eins og segir, hann kom ferskur inn- fer morkinn út.

Danskir þingmenn segja að engin réttindi fylgi lögum um kynrænt sjálfræði

Greinarhöfundur hlustaði á danska þingmenn ræða breytingar á lögum um kynrænt sjálfræði. Nokkrir þingmenn lögðu fram breytingartillögu við núverandi lög. Vildu skerpa á réttindaleysinu.

Menn eru ekki á einu máli um hvort lögin eigi að vera eða fara.

Engin réttindi

Það sem eftir stendur er, það fylgja því engin réttindi að breyta lagalegu kyni sínu eða eins og sagt er í Danmörku, skipta um kennitölu. Stjórnarandstæðingar komu með nokkur dæmi og stjórnarliðar voru mjög ánægðir með að dómstólar tóku á málunum, þar sem karlmenn vildu inn í einkarými kvenna. Þeir voru sáttir við niðurstöðuna að karlmönnum sé haldið frá.

Hæstiréttur tók af allan vafa, engir karlar í kvennafangelsi og stjórnarliðar mjög sáttir. Vildu samt ekki setja það í lög heldur láta dómstóla taka á því hverju sinni.

Flutningsmenn tillögunnar spurðu hvort í alvöru ætti að eyða tíma dómstóla og fjármagni ríkisins til að fjalla um mál sem þessi. Það fannst stjórnarliðum í lagi, frekar en að skerpa lögin eða afnema.

Sundlaugar og baðklefar

Sveitarfélögin hafna að karlmenn, sem skilgreina sig sem konu, noti baðklefa kvenna, stjórnarliðar mjög sáttir. Þeir fögnuðu að menn séu vakandi yfir því og hvetja til áframhaldandi starfs á sömu nótum.

Stjórnarliðar sem styðja lögin um kynrænt sjálfræði benda á að lögin hafi verið sett til að gleðja fáeina einstaklinga sem líður illa í eigin skinni. Þeim finnst líka að stjórnendur sundlauga og íþróttavalla eigi að grípa inn í og banna karlmenn í einkarýmum. Síðan verði sá sem telur á sér brotið sækja rétt sinn fyrir dómstólum.

Tveir karlmenn, sem skilgreina sig sem konu, hafa kvartað til jafnréttisnefndar, fengu ekki meðbyr. Ekkert ólöglegt við að fólki sem skilgreinir sig trans sé vísað í sérúrræði þegar þeir afklæðast til að fara í sund.

Allir sem tóku til máls á danska þinginu höfnuðu því að þeir sem skilgreina sig annað kyn en þeir fæddust eigi rétt á að fara inn í einkarýmin og stunda íþróttir. Þar gildir konur og karlar.

Ekki tilbúnir að breyta lögunum

Stjórnarliðar segja, að trans- fólk hafi engin réttindi umfram það að hafa fengið nýja kennitölu. Hins vegar bentu stjórnarandstæðingar á að allir geta sótt um breytingu kennitölunni án þess að skilgreina sig trans. Það ber að skoða.

Stjórnarandstæðingar bentu á að þeir sem fara fyrir athvörfum fyrir konur sem hafa mátt þola ofbeldi í nánum samböndum hafa óskað eftir skýrari reglum. Flestar opinberar stofnanir hafa lent í vandræðum vegna laganna bentu flutningsmenn tillögunnar. Stjórnarliðar ræddu það ekki eða svöruðu.

Ráðherrann orðafár

Magnus Heunicke jafnréttisráðherra gat ekki svarað af hverju réttarkerfið ætti að nota mannafla og peninga til að svara óþarfa spurningum þegar kynrænt sjálfræði gefur ekki aðgang að kvennaíþróttum, kvennafangelsum, búningsklefa eða kröfu á að nota sérstök fornöfn.

Niðurstaða umræðunnar var; eini réttur sem myndast við lögin um kynrænt sjálfræði er að breyta má merkingunni vegabréfinu, EKKERT annað.

Menn vona að trans-aðgerðasinnar hafi horft og skilið hvað var sagt á hinu háa Alþingi Dana.

Málinu var vísað til Jafnréttisnefndar þingsins til áframhaldandi umræðu.

Kostulegt- í fjölskyldusjóðinn

Ragnar Þór greip til þess ráðs, til að milda almenningsálitið, að segja að um fjölskyldusjóð væri að ræða. Það má spyrja hvort hann fari svo illa með fjármuni að hann geti ekki lagt til hliðar af þingmannalaunum sínum næstu fjögur árin. Þar til viðbótar veitti Ásta Lóa eiginkonu Ragnars vel launað starf hjá ráðuneyti sínu. Nei þau lifa ekki af neinum sultarlaunum þessi ágætu hjón.

Verkalýðsforingjar sem mala eins og Rangar Þór hefur gert undanfarin ár um auðvald, ofurlaun, starfslokasamninga, réttlæti, jöfnuð o.s.frv. er nákvæmlega ekkert betri en þeir sem hann gagnrýndi. Sama með fráfarandi formann Rafvirkjasambandsins. Forkólfar verkalýðsins á þinginu, sýna versta fordæmið.

Gagnrýndi sjálfur starfslokasamning formanns

Sigur stúlkna og kvenna

Mikið var það ánægjulega stund þegar hópur stúlkna stóð í kringum Bandaríkjaforseta þegar hann undirritað tilskipunina að engir karlmenn taki þátt í kvennaíþróttum. Heldur ekki þeir sem skilgreina sig sem stúlku eða konu. Hvílíkur sigur stelpur!

Sigur kvenna er svo stór í þessu máli að það er erfitt að miða þetta við baráttumál kvenna. Kosningarétturinn, barnaeignaleyfi. Þátttaka í íþróttum. Held að menn geri sér ekki alveg grein fyrir stærðargráðunni. Kennarasambandið vill hins vegar ekki fagna með stúlkum, áfram skal níðst á þeim.

Nú vantar bara að forsetinn boði tilskipun um að karlmenn, sem skilgreina sig sem konur, og koma frá öðrum löndum megi ekki keppa á amerískri grund. Næst verða sumar Ólympíuleikarnir í Bandaríkjunum og það færi best á að hreinsa kvennaíþróttirnar áður, bæði fatlaðra og ófatlaðra.

Vonandi hefur Trump áhrif á ráðamenn annarra þjóða og þessi ákvörðun hríslist um allan heiminn.

Hér á landi

Valur íþróttafréttamaður á Vísi.is reyndi að gera lítið úr stúlkum og konum sem stunda íþróttir með frétt sinni á dögunum. Hann birti fyrirsögn, um fordóma sé að ræða, að banna karlmenn sem skilgreina sig sem konur, í kvennaíþróttum. Ekki orð um nauðsyn þess að halda karlmönnum frá kvennaíþróttum öryggisins vegna, réttlátrar keppi, aukinnar meiðslahættu og yfirburðastöðu karlanna. Viðmælandi hans var litu skárri.

Verð að segja blaðamaðurinn er fáfróður um það sem gerist í hinum stóra heimi. Það væri nær að hann skrifaði um hve mörgum titlum stúlkur hafa tapað vegna karlmanna, hve mörgum skólastyrkjum þær hafa orðið af, hve margar berjast við karlmenn s.s. í boxinu á OL og svo framvegis. Hann skrifar ekki orð um þá kvennahreyfingu sem hefur myndast í heiminn til að berjast gegn þessu óréttlæti í kvennaíþróttum. Railey Ganes hefur verið ein af driffjöðrum

Og maður spyr, ef karlmenn sem skilgreina sig sem konur, er vorkunn að keppa við karla af hverju er stúlkunum ekki vorkunn að keppa við umrædda karla? Af hverju sitja þær uppi með það!

Hafi menn áhuga á að fræðast má gera það hér, hér, hér, hér. Væri hægt að setja inn miklu fleiri tengla svo Valur hefði ekki þurft að skrifa svona neikvæða frétt gagnvart íþróttakonum.

 

Hvers vegna vann maður eins og Donald Trump kosningarnar í Ameríku?

Eitt af svörunum finnum við greinilega í þessum pistli í  The Guardian, skrifaður af karlmanni, sem skilgreinir sig sem konu, og hann hefur slegið met í hjólreiðum, kvennaflokki.

Anne Sofie Allerup skrifaði um málið á síðunni sinni.

Trump notaði hann sem dæmi um vandann með líffræðilega karlmenn í kvennaíþróttunum, en hjólreiðamaðurinn skrifar; Ef repúblikanar vilja gera eitthvað fyrir kvennaíþróttir ættu þeir að bæta aðstöðuna og leggja meira fé í þær.

Vil ítreka, Trump á ekki að ræða vandamál með því að benda á einstaklinga, burtséð frá efninu, bæði óásættanlegt og ófaglegt af honum.

Vinstri menn

En pistillinn er dæmigert framlag vinstri manna í þessari umræðu: Þeir láta vera að nefna kjarnann, að konur er að öllu jöfnu ekki eins sterkar og karlmenn. Sá sem hefur farið í gegnum kynþroskaskeiðið sem strákur er í gríðarlegra hagstæðri stöðu ef hann á að keppa við einstaklings sem hefur ekki farið í gegnum kynþroska sem karlmaður.

Í stað þess að tala um kjarnann, nefnilega réttlætið, talar hjólreiðamaðurinn um ,,innlimun“ og auglýsir eftir meira fé í íþróttina.

Og það er nákvæmlega hér, sem fullt af venjulegu fólki af báðum kynjum sér að þessi vandi er ekki bara ógn við konur heldur líka það, að þeir sem halda þessu fram vilja ekki ræða vandamálið.

Ég, segir Anne, tel að allir megi skilgreina sig og lifa eins og þeir vilja.

Birtingarmynd vandans

Vandinn birtist, þegar líffræðilegir karlar og líffræðilegar konur eru sett inn í sama boxhring, eiga að afplána í fangelsi saman, þegar líffræðilegir karlar koma fram í glæpatölum sem konur og þegar upplýsingum er safnað sem byggja ekki á líffræði en á síðustu tölum kennitölunnar (í Danmörku er kyn merkt í kennitölu), af því í öllum þessum tilfellum tapa konur.

Femínistar, róttækir og aðrir sem hafa samþykkt að virða að vettugi rétt kvenna til að stunda íþróttir sínar hver við aðra, réttinn til sérstakrar athygli á viðbrögðum líffræðinnar við lyfjum sem oft eru prófuð á körlum og velferð þeirra og öryggi í samfélagi sem hannað er af og fyrir karla, hafa hent barninu út með baðvatninu.

Bakslagið sem við sjáum núna á sér stað vegna þess að konum var sagt að þær ættu ekki að berjast fyrir sig, heldur fyrir aðra hópa sem eru taldir viðkvæmari. Lærdómurinn sem allir pólitískir hagsmunaaðilar verða að viðurkenna fyrr eða síðar er: Mið-vinstri flokkur tapar ef konur fá þá tilfinningu að hann berjist ekki fyrir þær segir hún að lokum.

 

Lög um kynrænt sjálfræði til umræðu í danska þinginu

Það er nú sem við eigum að halda fast í að lög um kynrænt sjálfræði verði afnumin. Það er gott að lögin séu rædd. En það á ekki að breyta þeim. Þau á að afnema.

Þetta er innræting trans- samfélagsins og lögin takmarka tjáningar- og hugsanafrelsi. Að auk er fólk ekki ,,trans“ segir Lotte Ingerslev. Þetta er skrifað vegna skrifa danska þingmannsins Dina Raabjerg, en ræða á lög um kynrænt sjálfræði á danska þinginu.

Það eru einhverjir sem reynda að haga sér þannig að þeir herma eftir hinu kyninu- með misjöfnum árangri. Hegðun þeirra á sjálfsögðu ekki að leiða til að þau fá sérstök réttindi á grundvelli hennar.

Ef lögin verða endurskoðuð verður erfiðar að afnema þau, því þá telst það öfgafullt að vinna að ógildingu þeirra.

Haldið fast í að lög um kynrænt sjálfræði ber að afnema segir Lotte.

En snúum okkur að þingmanninum sem segir;

Á þriðjudag fjöllum við um einn merkustu löggjöf síðustu ára. Lögin um kynrænt sjálfræði.

Það  átti aldrei átti að samþykkja lögin. Það er fullt af gráum svæðum, átök við önnur lög og ekkert mat á afleiðingum í raunveruleikanum.

Enginn veit hvernig á að fjalla um hugtakið kyn í raun- hefur valdið ólíku mati á milli yfirvalda.

Kvennaathvörf hafa óskað eftir skýrum reglum, svo konur sem lent hafa í ofbeldi búi ekki með líffræðilegum körlum.

Margir sem hafa ,,skipt um kyn“ hafa misst námsstyrk og húsaleigubætur af því kerfið ræður ekki við þetta.

Lög um fóstureyðingar var breytt af því orðið kona var allt í einu vandamál.

Hæstiréttur hefur þurft að eyða tíma sínum, því lögin eru ekki einu sinni það skýr um að nauðgarar sem breyta lagalegu kyni sínu geti afplánað í kvennafangelsi.

Lögin eru ekki bara slæm pólitík - þau grafa undan lagareglum og skapa í reynd óreiðu og átök. Af því leiðir að trans-manneskjan er tortryggin, því hver sem er getur breytt lagalegu kyni sínu.

Ég tel að endurskoða þurfi lögin - og við ættum líka að taka gagnrýna umræðu um hlutverk dómsmálaráðuneytisins til að koma í veg fyrir svipaðar hamfarir í framtíðinni segir þingmaðurinn.

Menn hefðu brugðist öðruvísi við

Mál skoska hjúkrunarfræðingsins, sem er í máli við vinnuveitenda sinn og trans-lækni, vindur upp á sig. Lög um kynrænt sjálfræði var samþykkt með samþykki Verkamannaflokksins í Skotlandi fyrir nokkrum árum. Þau leiddu til að þetta mál er höfðað.

Í vikunni reyndi forysta Verkamannaflokksins að afsaka þátttöku sína í kosningunni en þingmennirnir sögðu já þegar atkvæðagreiðslan var. Þau voru beðin um að tjá sig um mál hjúkrunarfræðingsins Sandie Peggie gegn NHS Fife. Nú segja þeir, að hefðu þeir verið betur upplýstir um afleiðingar frumvarpsins fyrir einkarými kvenna þá hefðu Anas Sarwar og Jackie Baillie brugðist öðruvísi við.

Enn eru deilur á þinginu og forseti þingsins hafnaði öðrum þingmönnum að taka mál Sandie fyrir í þingsal og þau víðtæku áhrif sem það hefur haft. Að krefjast þess að annað kynið afklæðist í návist hins í nafni trans er óboðlegt. Það afneitar enginn að til séu einstaklingar sem skilgreina sig trans en þeir eiga að hafa sér búningsklefa.

Gerist um víða veröld

Það er ljóst að vankantar laga um kynrænt sjálfræði birtist víða um heim. Í Ameríku klippti forsetinn á vandann með tilskipun. Í Danmörku eru hópar kvenna sem berjast gegn því að það sé talið sjálfsagt að karlmaður, sem skilgreinir sig sem konu, hafi aðgang að kvennarýmum, m.a. baðklefa.

Lög um kynrænt sjálfræði á að afnema um allan heim eða gera breytingar á þeim sem tryggir að karlmenn, sem skilgreina sig sem konu, hafi ekki aðgang að einkarýmum kvenna og öfugt.

Heimild.